2. QUE OFRECEMOS EN NÓS OPOSICIÓNS?:
O NECESARIO PARA PREPARAR O E.I.R.:
MATERIAL ACTUALIZADO, SIMULACROS SEMANAIS DE TEST E CORRECIÓN CON
EXPLICACIÓN DOS MESMOS
MATERIAL ACTUALIZADO: Cada semana entregarase material relacionado con cada
bloque de preparación (Anatomía, Bioquímica, Farmacoloxía, Neuroloxía…) especialmente
deseñado para preparar o exame E.I.R.
SIMULACROS TEST: En cada clase semanal faranse simulacros de test, baseándonos nos
exames de convocatorias anteriores e así mesmo prepararemos novas preguntas
relacionadas cos distintos bloques de preparación (Anatomía, Bioquímica…).
PROFESORADO PREPARADOR: Todos os profesores/as preparadoras son especialistas na
materia que imparten e funcionarios en activo, exercendo o seu labor profesional no
ámbito sanitario público.
COORDINACIÓN PREPARACIÓN: A coordinación da preparación recaerá sobre dúas
preparadoras con ampla experiencia nun caso na preparación de opositores e noutro como
coordinadora de alumnado EIR en prácticas. Deste xeito consideramos que podemos facer
un deseño da preparación que se axuste ás necesidades reais do alumnado.
ORGANIZACIÓN DA PREPARACIÓN:
CLASES: Teñen un carácter intensivo de duración 4.30-5 horas aproximadamente e son
unha vez á semana, concretamente os xoves.
TRABALLO CO GRUPO:
 16 A 17.15 HORAS APROX. REALIZACIÓN DE TEST DO BLOQUE TRABALLADO E
EXPLICADO A SEMANA ANTERIOR.
 17.15 A 18.30/19. CORRECCIÓN E REPASO CO DOCENTE QUE EXPLICOU O BLOQUE A
SEMANA ANTERIOR ESE TEST COA PERTINENTE ACLARACIÓN DE DÚBIDAS AO
ALUMNADO.
 BREVE DESCANSO
 19 A 21 EXPLICACIÓN DUN NOVO BLOQUE DE COÑECEMENTOS
CARACTERÍSTICAS GRUPO:
O grupo máximo será de 25 alumnos e cunha metodoloxía de traballo dinámica e
participativa, cunha explicación dos distintos bloques de coñecementos por parte dos
preparadores/as, aclaración de dúbidas...
REPASOS E SIMULACROS: Sobre o mes de decembro, unha vez rematado o traballo con
todos os bloques de coñecemento, comezaremos a realización de simulacros e repasos

3. intensivos de todo o visto para que durante os meses de decembro e xaneiro poidamos
afianzar o traballado durante a preparación.
PLANIFICACIÓN: A comezo de curso entregarémosche un “planing” no que se detallan
data de entrega de todos os bloques que compoñen a preparación, datas de realización
dos simulacros, tempo adicado ao repaso xeral das distintas partes...
AVALIACIÓN DO RENDEMENTO: A través das clases e dos distintos simulacros de test,
farase un seguimento personalizado de cada alumno/a obtendo así un maior rendemento
de cada opositor.
MATERIAL COMPLEMENTARIO: Entrega de referencias bibliográficas, documentos
complementarios para afondar nos distintos bloques se se desexa.
CONDICIÓNS.
COMPROMISO: A seguridade no noso traballo e compromiso co alumnado lévanos a que
asinemos un “contrato” no momento en que o opositor/a comece a preparación, no que
nos comprometemos a levar a cabo o que acabamos de sinalar.
MATRÍCULA: Ata o 28 de febreiro matrícula gratuíta.
MENSUALIDADE: 180 EUROS.
CLASES DE PROBA SEN COMPROMISO: O alumno/a poderá asistir a dúas clases de
proba da preparación. Se decide continuar coa preparación aboará as clases ás que asistiu.
Se decide non continuar coa preparación non terá nada que aboar polas dúas clases
recibidas.
SISTEMA DE SELECCIÓN:
PROBA SELECTIVA: O sistema de selección para os graduados/diplomados universitarios
en Enfermería que pretendan acceder a algunha das prazas en formación sanitaria das
especialidades consistirá na realización dun exercicio de 160 preguntas de elección
múltiple máis dez de reserva, cuxa duración será de tres horas e media, e na valoración do
expediente académico correspondente aos estudos universitarios de grado/diplomatura
A puntuación total individual que se recoñeza a cada participante na proba, estará
integrada pola suma das puntuacións obtidas no exercicio e da asignada aos méritos
académicos acreditados.
Para poder participar nos actos de adxudicación en prazas de formación sanitaria
especializada das ofertadas, será necesario que o aspirante, obteña no exercicio de
preguntas de elección múltiples a puntuación mínima que se especifica a continuación:
Soamente se considerará que superaron o exercicio de contestacións múltiples, aqueles
aspirantes que obteñan no mesmo unha valoración particular igual ou superior ao 30 % da
media aritmética das dez mellores valoracións particulares do citado exercicio, a estes
efectos só teranse en conta os números enteiros do resultado desta operación
desprezándose os decimais.

4. Os aspirantes a prazas en formación ofertadas nesta convocatoria que non obteñan dita
puntuación aparecerán na correspondente relación provisional e definitiva de resultados
coa mención de «Eliminado».
PUNTUACIÓN.
A puntuación do exercicio de preguntas de elección múltiple, das que serán cualificadas
ata un máximo de 160 preguntas, obterase de acordo coas seguintes regras:
Primeira.
Cada contestación válida recibirá unha valoración de tres puntos, restarase un punto por
cada unha das respostas incorrectas, deixaranse sen valorar as preguntas non respondidas
e das operacións anteriores obterase a valoración particular do exercicio realizado por
cada aspirante.
Segunda.
Avaliados todos os exercicios, obterase a media aritmética das dez máximas valoracións
particulares obtidas e a esta media aritmética corresponderanlle 90 puntos.
Terceira.
A puntuación final deste exercicio obterase para cada aspirante multiplicando por 90 a
valoración particular do mesmo e dividindo o produto pola media aritmética a que se
refire a anterior regra segunda. Esta puntuación final expresarase cos primeiros catro
decimais obtidos, desprezándose o resto.
EXPEDIENTE ACADÉMICO.
A puntuación correspondente aos estudos de Grado/Diplomatura en Enfermería e no seu
caso, do doutorado, obterase de acordo coas seguintes regras:
Primeira.
A valoración particular de cada expediente académico (estudos de grado/diplomatura e
doutorado) obterase aplicando ao mesmo, o baremo que corresponda segundo o plan de
estudos seguido polo aspirante.
En aplicación deste baremo a puntuación máxima que poderá asignarse a cada aspirante
será dez puntos.
Segunda.
Avaliados os expedientes académicos de todos os aspirantes que realizasen o exercicio,
obterase a media aritmética das dez máximas valoracións particulares obtidas e a esta
media aritmética corresponderanlle dez puntos.
Terceira.
A puntuación final correspondente aos méritos académicos de cada aspirante, obterase
multiplicando por 10 a valoración particular dos mesmos e dividindo o produto pola media
aritmética a que se refire a anterior regra segunda. Esta puntuación expresarase cos
primeiros catro decimais obtidos, desprezándose o resto.