El Conceyu Abiertu por Mieres denuncia las malas condiciones de los autobuses de Enferbus, la empresa concesionaria de líneas de transporte entre Oviedo, Mieres y Lena. En primer lugar, la empresa mantiene a su plantilla en una situación de precariedad laboral con impagos. En segundo lugar, los autobuses presentan un estado de total precariedad y falta de seguridad para los pasajeros, con asientos sueltos o rotos, goteras y suciedad. Esto supone una amenaza para la seguridad de
1. Conceyu Abiertu por Mieres denuncia’l llamentable estáu de los autobuses d’Enferbus
Enferbus ye la empresa d’autobuses concesionaria de delles llinies xestionaes pol Consorciu de
Tresportes d’Asturies que xunen los conceyos d’Uviéu, Mieres y L.lena, y que ye bien conocía
popularmente pola so mala imaxe, xestada por diversos factores que dende esta organización
yá denunciamos con anterioridá.
Asina, en primer llugar, los responsables de la empresa caltienen a la so plantilla nuna
situación de constante precariedá llaboral, somorguiando a los trabayadores a xornaes
llaborales de les que llueu nun ven nenguna remuneración como rempuesta, debío a los
impagos de la empresa valoraos en cientos de miles d’euros adeudaos por dietes, xornaes de
trabayu en festivos y domingos, o durante periodos de vacancies. A too ello, hai qu’amestar
que tampoco perciben dende va munchos meses nengún pagu poles hores estrés realizaes,
polo que la situación, como se denunció anteriormente, ye incaltenible pa la plantilla de la
empresa, que yá tuvo que desendolcar una dura fuelga d’aprosimadamente un añu de
duración pa intentar algamar una igua al conflictu.
En segundu llugar, y siendo l’enfotu principal de denuncia nesta ocasión pa Conceyu Abiertu
por Mieres, hai que poner en conocimientu de tola sociedá asturiana, seya o non usuario de
les llinies esplotaes por Enferbus, la situación tercermundista na que s’atopa la xente
qu’emplega los sos autobuses pa desplazase, onde, como podemos ver nes semeyes feches
por esta organización, el panorama ye de total precariedá y falta de seguridá nos autobuses
d’Enferbus.
Podemos atopar, como ye nidio nes semeyes, persones que tienen qu’abrir el paragües dientru
del autobús poles goteres qu’ésti tien; inseguridá dafechu nos asientos, qu’en munchos casos
nun cunten coles midíes de seguridá mínimes necesaries al tar sueltos, amás d’una situación
xeneral de suciedá y falta d’hixiene nos equipamientos de tolos autobuses, a los qu’hai
qu’amestar qu’en munchos casos cunten con decenes d’años de serviciu y munches
deficiencies mecániques.
Too ello supón una amenaza pa la seguridá de les persones qu’empleguen Enferbus pa
desplazase, asina como pa los trabayadores de la empresa, que tamién se ven forciaos a una
situación d’inseguridá constante pola falta de medios o la so mala calidá, lo que supón una
situación intolerable nesti país, tanto pal usuariu como pal trabayador.
Poro, dende Conceyu Abiertu por Mieres denunciamos la incaltenible situación d’Enferbus,
tanto pol tratu dáu a la so plantilla de trabayadores, como pol llamentable estáu de los sos
vehículos, too ello agravao pol fechu de qu’ésta situación nun ye nueva nin desconocía, yá foi
denunciada decenes de veces polos trabayadores de la compañía que nun vieron reaición dala
dende nengún de los organismos responsables de la situación.
Conceyu Abiertu por Mieres
2. Señalamos como responsables, en primer llugar, al dueñu/dueños de la empresa, qu’amuesa
ser un exemplu de patrón esplotador y qu’ufre un serviciu pésimu al usuariu, sollerte de que
cunta col monopoliu del serviciu, y cola complicidá del CTA, el segundu responsable, y ye que’l
Consorciu de Tresportes d’Asturies nun puede permitir una situación como la que
denunciamos ensin que reaicione al respeuto. Sicasí, si nun ye’l CTA quien igüe la situación,
desiximos la intervención del gobiernu asturianu, puesto que se trata d’una custión de
preservar la integridá física de los asturianos y asturianes qu’usen les sos llinies de tresporte.
Pa finar, queremos amosar una vegada más el sofitu a los y les trabayadores de la empresa,
principales perxudicaos de la complicidá y escaezu de les instituciones públiques pa cola so
situación, y ye que si Enferbus nun ye capaz d’ufiertar una bona propuesta tanto en
condiciones llaborales como estáu de los sos vehículos, lo lóxico sedría “espropiar” la llinia a
favor d’otres compañíes, pero siempres calteniendo los puestos de trabayu de la plantilla
d’Enferbus.
La realidá d’Enferbus n’imaxes:
Persones col paragües abiertu nel interior del autobús poles goteres esistentes.
Conceyu Abiertu por Mieres
3. Asientos sueltos y rotos.
Suciedá, descuidu, y equipamientu desgastáu.
Conceyu Abiertu por Mieres