Contenu connexe
Similaire à Togt 13-barimt bichig burtgeh juram-pn (14)
Plus de GEC Mongolia (18)
Togt 13-barimt bichig burtgeh juram-pn
- 1. МОНГОЛ УЛС
СОНГУУЛИЙН ЕРӨНХИЙ ХОРООНЫ
ТОГТООЛ
2012 оны 03 сарын 01 өдөр Дугаар 13 Улаанбаатар хот
Сонгуулийн баримт бичгийг бүртгэх,
хүлээлцэх журам батлах тухай
Монгол Улсын Их Хурлын сонгуулийн тухай хуулийн 19 дүгээр зүйлийн 19.10 дахь
хэсэг, Сонгуулийн төв байгууллагын тухай хуулийн 7 дугаар зүйлийн 7.1.7, 12 дугаар
зүйлийн 12.3, 12.6 дахь хэсгийг тус тус үндэслэн Монгол Улсын Сонгуулийн ерөнхий
хорооноос ТОГТООХ нь:
1. “Сонгуулийн баримт бичгийг бүртгэх, хүлээлцэх журам”-ыг хавсралтаар
баталсугай.
2. Энэхүү журмыг хэрэгжүүлж ажиллахыг Сонгуулийн хороодын дарга нарт,
биелэлтэд хяналт тавьж ажиллахыг Хорооны нарийн бичгийн дарга /Ч.Содномцэрэн/-д тус
тус даалгасугай.
3. Энэ тогтоол батлагдсантай холбогдуулан Сонгуулийн ерөнхий хорооны 2008 оны
4 дүгээр сарын 01-ний өдрийн “Сонгуулийн баримт бичиг, түүнийг бүртгэх, цэгцлэх,
хүлээлцэх журам батлах тухай” 15 дугаар тогтоолыг хүчингүй болсонд тооцсугай.
ДАРГА Н.ЛУВСАНЖАВ
НАРИЙН БИЧГИЙН ДАРГА Ч.СОДНОМЦЭРЭН
- 2. Сонгуулийн ерөнхий хорооны
2012 оны 03 дугаар сарын 01.-ний өдрийн
12 дугаар тогтоолын хавсралт
СОНГУУЛИЙН БАРИМТ БИЧГИЙГ БҮРТГЭХ,
ХҮЛЭЭЛЦЭХ ЖУРАМ
Нэг. Нийтлэг үндэслэл
1.1.Сонгуулийн хороод Монгол Улсын Их Хурлын сонгуулийн баримт бичгийг
/цаашид “баримт бичиг” гэх/ бүртгэх, хүлээлцэх үйл ажиллагааг зохицуулахад энэхүү
журмын зорилго оршино.
1.2.Сонгуулийн хороод энэ журмын 2.1-д заасан нийтлэг баримт бичгүүдээс гадна
тус тусын чиг үүрэгт хамаарах баримт бичгүүдийг бүртгэнэ.
Хоёр. Сонгуулийн хороодын бүртгэх
баримт бичиг
2.1.Сонгуулийн хороодын бүртгэх нийтлэг баримт бичигт дараах баримт бичгүүд
хамаарна:
2.1.1.Сонгуулийн хороо байгуулсан шийдвэр гишүүдийн ажил үүргийн
хуваарийг баталсан шийдвэр, ажлын төлөвлөгөө, тайлан;
2.1.2.Сонгуулийн хууль тогтоомж, сонгууль зохион байгуулж явуулахтай
холбогдсон эрх зүйн акт, бусад баримт бичиг;
2.1.3.Сонгуулийн хороодын хуралдааны тэмдэглэл, түүнд хавсаргасан баримт
бичиг;
2.1.4.Сонгуулийн хороодын тогтоол;
2.1.5.Сонгуулийн зардлын санхүүгийн баримт, тайлан;
2.1.6.Сонгуулийн хороодын ирсэн, явсан баримт бичиг;
2.1.7.Өргөдөл, гомдол, мэдээлэл, тэдгээрийг шийдвэрлэсэн баримт бичиг;
2.1.8.Сонгуулийн автоматжуулсан системийг ашиглан үйлдсэн баримт бичиг;
2.1.9.Бусад баримт бичиг.
Гурав. Сонгуулийн баримт бичгийг бүртгэх
3.1.Сонгуулийн ерөнхий хороо дараах баримт бичгүүдийг бүртгэнэ:
3.1.1.Улсын Их Хурлаас сонгууль товлон зарласан, сонгуулийн зардал
баталсан, сонгуулийн тойрог байгуулсан, сонгуулийн автоматжуулсан системийг сонгуульд
хэрэглэх талаар гаргасан шийдвэр;
3.1.2.Сонгуулийн ерөнхий хорооны даргын захирамж;
3.1.3.Сонгуулийн төсөв, тооцоо, судалгаа;
3.1.4.Сонгуулийн хэсгийн судалгаа;
- 3. 3.1.5.Сонгогчдын нэрийн жагсаалтын цаасан болон цахим хувь;
3.1.6.Гадаад улсад байгаа улсын бүртгэлд бүртгэгдсэн сонгогчдын нэрийн
жагсаалт;
3.1.7.Гадаад улсад байгаа сонгогчдын санал авсан, битүүмжилж, боосон
хүчинтэй, хүчингүй саналын хуудас;
3.1.8.Сонгуулийн тойрог байгуулах санал, үндэслэл, тооцоо;
3.1.9.Сонгуульд оролцох нам, эвслийн бүртгэл, түүнд холбогдох баримт
бичиг;
3.1.10.Нэр дэвшигчийн бүртгэл, түүнд холбогдох баримт бичиг;
3.1.11.Нам, эвслийн сонгууль эрхэлсэн байгууллагын ажилтан, нам, эвслээс
нэр дэвшигчийн шадар туслагч, ухуулагчийн бүртгэл, түүнд холбогдох баримт бичиг;
3.1.12.Олон нийтийн радио, телевиз болон бусад радио, телевизээр
сонгуулийн сурталчилгаа нэвтрүүлэх хуваарь;
3.1.13.Сонгуулийн зардал, түүний тайлан, аудитын байгууллагын дүгнэлт;
3.1.14.Саналын хуудасны загвар, тоог батлах, саналын хуудсыг хэвлүүлэх,
хуваарилахтай холбогдсон баримт бичиг;
3.1.15.Гадаадын ажиглагчийн бүртгэл, түүнд холбогдох баримт бичиг;
3.1.16.Хэвлэл мэдээллийн зөвлөл байгуулсан шийдвэр;
3.1.17.Сонгуулийн нэгдсэн дүн;
3.1.18.Сонгуулийн автоматжуулсан системийн техник хэрэгсэл, тоног
төхөөрөмж, программ хангамжийн бүртгэл, холбогдох баримт бичиг;
3.1.19.Хорооны дэргэдэх Мэдээллийн технологийн төвийн үйл ажиллагаатай
холбогдсон баримт бичиг;
3.1.20.Хэвлэл мэдээллийн зөвлөлийн санал дүгнэлт;
3.1.21.Бусад баримт бичиг;
3.2.Тойргийн хороо дараах баримт бичгүүдийг бүртгэнэ:
3.2.1.Тойргийн хорооны даргын захирамж;
3.2.2.Сонгууль зохион байгуулах ажлын болон авч хэрэгжүүлэх арга
хэмжээний төлөвлөгөө;
3.2.3.Харъяалах хэсгийн хороодын нэгдсэн дугаар тогтоосон баримт бичиг;
3.2.4.Сонгуулийн ерөнхий хорооноос хуваарилсан төсвийн хөрөнгийн
зарцуулалтын тайлан;
3.2.5.Тойргийн сонгогчдын нэрийн жагсаалтын цаасан болон цахим хувь;
3.2.6.Тойрогт саналын хуудас хүлээн авсан тэмдэглэл, түүнийг хуваарилах,
хүргүүлэхтэй холбогдсон баримт бичиг;
3.2.7.Нэр дэвшигчийн бүртгэл, түүнд холбогдох баримт бичиг;
3.2.8.Тойрогт нэр дэвшигчийн шадар туслагч, ухуулагчийн бүртгэл, түүнд
холбогдох баримт бичиг;
3.2.9.Сонгуулийн салбар, хэсгийн хороодын бүртгэл, түүнд холбогдох баримт
бичиг;
3.2.10.Санал хураалтын дүн;
3.2.11.Хэсгийн хорооноос хүлээн авсан, битүүмжилж, боосон хүчинтэй,
хүчингүй саналын хуудас;
3.2.12.Улсын Их Хурлын гишүүнээр сонгогдогчийн бүртгэл, түүнд холбогдох
баримт бичиг.
3.2.13. Бусад баримт бичиг;
3.3.Салбар, хэсгийн хороо дараах баримт бичгүүдийг бүртгэнэ:
- 4. 3.3.1.Салбар хорооны даргын захирамж;
3.3.2.Сонгуулийн ерөнхий хорооноос хэсгийн хороодод хүргүүлсэн сонгогчдын
нэрийн жагсаалтын цаасан болон цахим хувь;
3.3.3.Үндсэн болон зөөврийн битүүмжилсэн хайрцгаар санал авах,
сонгогчдын нэрийн жагсаалт;
3.3.4.Сонгогчийн шилжилт хөдөлгөөнтэй холбогдсон баримт бичиг;
3.3.5.Сонгуулийн ажлын зохион байгуулалттай холбогдсон баримт бичиг;
3.3.6.Сонгуулийн ажиглагчийн бүртгэл, түүнд холбогдох баримт бичиг;
3.3.7.Саналын хуудас, түүнийг хүлээн авсан, хуваарилсан, зарцуулсан тухай
холбогдох баримт бичиг;
3.3.8.Санал авах, тоолох, дүн гаргах ажиллагаатай холбогдсон баримт
бичиг;
3.4.Сонгуулийн баримт бичгийн бүртгэлийг цаг хугацааны дараалал, төрөл тус
бүрээр сонгуулийн хороодын ажил үүргийн хуваариар үүрэг хүлээсэн гишүүн тусгай
дэвтэрт хөтөлнө. Энэ нь Сонгуулийн ерөнхий хороонд хамаарахгүй.
3.5.Сонгуулийн баримт бичгийг холбогдох этгээд бүртгэхдээ тухайн баримт бичигт
гарын үсэг зурж, тамга, тэмдэг дарсан эсэхийг нягтлан шалгана.
3.6.Сонгуулийн баримт бичгийг бүртгэхдээ сонгуулийн хороод шаардлагатай гэж
үзсэн баримт бичгийн эх хувийг тулган шалгах зорилгоор нам, эвсэл, түүний сонгууль
эрхэлсэн байгууллага, нэр дэвшигчээс шаардан авч болно.
3.7.Сонгуулийн баримт бичгийн бүртгэлийн дэс дугаар, он сар өдөр, доторх агуулгыг
өөрчлөх, солих, засвар оруулах, бичигдсэн зүйлийг дарахыг хориглоно.
Дөрөв. Сонгуулийн баримт бичгийг хүлээлгэн өгөх
4.1.Сонгуулийн хороод нь бүртгэсэн баримт бичгээ Сонгуулийн ерөнхий хороо,
Үндэсний архивын газрын даргын 2008 оны 22/69 дүгээр хамтарсан тогтоол/тушаалаар
батлагдсан “Сонгуулийн холбогдолтой баримт бичгийг эмхлэн цэгцлэх, архивт шилжүүлэх,
хадгалах, ашиглуулах журам”-д заасны дагуу төрөлжүүлэн цэгцэлж, хүлээлцэхэд
бэлтгэсэн байна. Энэ нь уг журмын 3 дугаар зүйлийн 3.1.7, 3.2.12-т заасан баримт бичигт
үл хамаарна.
4.2.Тойргийн хороо энэ журмын 3 дугаар зүйлийн 3.1.7, 3.2.12-т заасан баримт
бичгийг битүүмжилсэн баглаа боодлыг нь задлалгүйгээр мөн журмын 4.5 дахь хэсэгт
зааснаас бусад баримт бичгүүдийн хамт аймаг, дүүргийн архивт хүлээлгэн өгч зохих
журмын дагуу хадгалуулна.
4.3.Хэсгийн хорооны дарга, нарийн бичгийн дарга сонгууль дууссаны дараа
сонгуулийн баримт бичгийг салбар хороонд, хэрэв салбар хороогүй бол тойргийн хороонд
хүлээлгэн өгнө.
4.4.Салбар хорооны дарга, нарийн бичгийн дарга нь хэсгийн хорооноос ирүүлсэн
баримт бичгийг салбар хороонд бүртгэгдсэн баримт бичгийн хамт тойргийн хороонд
хүлээлгэн өгнө.
4.5.Тойргийн хорооны дарга, нарийн бичгийн дарга сонгуулийн дүнгийн тухай
тогтоол, тэмдэглэл, ажлын тайлан, нэгдсэн дүн, саналын хуудасны зарцуулалтын тайлан,
- 5. сонгуулийн зардлын тайлан, сонгуулийн автоматжуулсан систем ашиглан үйлдсэн баримт
бичиг зэргийг Сонгуулийн ерөнхий хорооны нарийн бичгийн даргад хүлээлгэн өгнө.
4.6.Сонгуулийн баримт бичгийг хүлээлцсэн тухай тэмдэглэл үйлдэж, хүлээлцэхэд
байлцсан гишүүд, архивын эрхлэгч тус тус гарын үсэг зурна.
- - -оОо- - -