1. 8. ASTEA. URTARRILAK 18/22
Astelehenean lehenengo bi ordutan, 6.mailako
laguntza gelan egon nintzen. Kontrola zuten, lehenengo
Gizarteko kontrola eta ondoren matematikako kontrola.
Kontrol hauen beraien minimoak neurtzeko izan zen.
Hau da, kontrol hauek ez dira gelan egiten dituzten
berdinak. Kontrol hauek laguntza gelako haurrentzako
egokitutako kontrolak dira, helburuetako minimoak
soilik betetzen dituztena. Gizarteko kontrolean
Europako erliebea ikasi behar zuten, Europaren muga
naturalak zein diren, mendikateak, sakonuneak, itsasoak
eta ozeanoak ikasi behar zituzten. Matematikako
kontrolean berriz, X10, X100, :10, :100 eragiketa
matematikoak burutu behar zituzten komarekin eta
komarik gabe. Hau modu ordenatu batean galdetu zaie,
beraientzat mekanikoago eta errazago izan dadin, beti
ere minimoetan sartzen dena errespetatuz.
Esan daiteke ikasleek nahiko ondo burutu
dituztela azterketa hauek, nahiz eta hanka sartze
batzuk ere egin dituzten. Ikasleek ondo egin duten
arren, irakasleak minimoak bikain betetzea nahi duenez
esan die aste honetan beste egun sorpresa batean beste
kontroltxo bat jarriko diela eta berriz errepasatzea nahi
duela. Hurrengoan hanka sartzerik egin ez dezaten.
Asteartean berriz, San Sebastian bezpera zela eta
Azpeitian ohitura handia dutenez San Sebastianak
ospatzeko, arratsaldean danborrada egin dute haurrek
eskolako atarian. Oso polita izan da, izan ere haur
guztiak taldeka banatuak, talde bakoitza bere traje
ofizial eta guzti atarian bizpahiru buelta eman dituzte
danborra gogor joaz. Dena ongi joan da eta haurrak oso
gustura pasa dutela iruditu zait.
2. Aste honetan jai egun bat izan denez ostegunean
bueltatu gara eskolara. Indarberrituta gogotsu ekin
diogu lanari. Ostegun arratsalde guztia 6.mailako
laguntza gelan aritu nintzen. Lehenengo orduan
bikoteka irakurtzen egin dute. Lehenengo bikoteka
irakurri zuten paragrafotik paragrafora eta ondoren
guztion artean irakurri genuen beraien ulergarritasuna
bermatzeko, paragrafo bakoitza irakurri ostean ikasleek
zer ulertu duten esaten zutelarik. Gazteleraz zela esan
beharra dut eta Azpeitia herri zeharo euskalduna denez
haurrei dezente kostatu zaie hitz batzuen esan nahia
jakitea eta esaldi batzuk ulertzea. horretarako jardun
gara testua guztion artean komentatzen.
Bigarren orduari dagokionez, matematika egiten
jardun gara. Niri PTak lan berezi bat jarri zidan.
Pakistandarra den haurrak ez zekizkin zatiketak egiten
eta hau erakustea izan da n ire lana. Beraz poliki poliki
eta pazientzia handiarekin jardun diot zatiketak
erakusten.
Ostirala ere iritsi da eta nahiko egun lasaia izaten
dut ostiraletan. Izan ere goizean 4. mailan sartzen naiz
soilik eta bertan Dominikarra den neskato bati laguntzen
saiatzen zain. Bera oso lotsatia da nirekin eta asko
kostatzen zaio nirekin hitz egitea. Beraz lan handia dut
berarekin harreman bat sortu eta lanean serio
jarduteko, izan ere begirada siesten dit eta ahalik eta
gutxien hitz egiten du. Hau lanean jarduteko zail
xamarra den arren gelan proposatzen dizkiguten
ariketak egin eta klasea jarraitzen ahalegintzen gara.
Gaur adibidez berari bere kasaka utzi diot lanean eta
arazoren bat edo zailtasunen bat bazeukan niri
galdetzeko edo laguntza eskatzeko esan diot. Ea horrela
nire laguntza gehiago aprobetxatzen duen.
3. Arratsaldean berriz Neskato honen anaiarekin
jardun naiz 5.mailan mutiko honek nirekin fliling hona
izan duela esango nuke, irakasleek diotenez nirekin lan
egiten duenetik askoz ere produktiboago omen dago eta
klasea jarraitzeko gogo gehiago erakusten omen du.
Beraz oso gustura sentitzen naiz berarekin egindako
lanarekin eta neu ere gogotsu joaten naiz berarekin
lanean jardutera.
Ostirala agurtzeko eta asteari amaiera emateko
arratsaldeko bigarren orduan Pakistandarra den
6.mailako ikaslearekin matematika egiten jardun naiz
buru belarri, dagoeneko zatiketen mekanika barneratzen
ari da eta dagoeneko hondarrarekin eta bi zenbaki ego
gehiagoko zatidurekin hasi gara lanean. Mutiko hau oso
argia da eta beti dago lanerako gogoz, beraz oso erraza
da berarekin lanean jardutea. Izan ere,bera ikasteko
prest dago eta honek oso eroso sentiarazten nau,
nabaria da mutikoak jartzen duen gogo eta intentzioak
alde honetatik zorte handia izan dugula uste dut bai
guretzako eta baita berarentzako ere izan ere gogotsu
aritzen bada asko aurreratuko bai du.
