1. TELESERYE SCREENPLAY PLOT
TITLE: “IKAW PALA”
HEADWRITER: Annaliza C. Mendoza
PRIMARY CASTS:
Julienne dela Paz
- 27 year old magazine writer who features unique love stories on her column.
-she is charming, quite sophisticated yet not that liberated.
-already had 2 serious relationship with opposite sex yet not that successful because she was always
being ditched by her unfaithful past boyfriends
-still believes that she will still find her special someone despite of the 2 unsuccessful relationship
-she has a best friend named Darren, who in contrast doesn’t believe in true love
Darren Villaroman
-27 year old web engineer who doesn’t believe in love
-he’s tall, handsome, attractive… has a very light personality
-he only had a girlfriend once but not because of love, but merely because of his “ego”
-he only wants to experience the feeling of having a girlfriend, but no love at all
-but deep inside him, he only likes a single woman, and that is her best friend Julienne
2. WORKING TITLE: “IKAW PALA”
Posible nga ba na umusbong ang wagas na pagkakaibigan sa pagitan ng isang lalaki at isang
babae? Isang pagkakaibigan na walang bahid ng pagnanasa sa isa’t-isa kahit sila ay magkaiba ng
kasarian?
Ito ay isang adaptasyon ng isang Taiwanese drama serye na kasalukuyang umeere ngayon sa
Taiwan.Isang kwento ng pagkakaibigan ng isang babae at isang lalaki na mauuwi sa isang romantikong
pagmamahalan.
Si Julienne dela Paz ay isang manunulat sa isang magasin na naglalathala ng iba’t-ibang kwento
ng pag-ibig. Siya ay 27 taong gulang na, single,nag iisang anak ng kanyang mga magulang.Sa kanyang
pananamit at panlabas na anyo, siya ay masasabing isang sopistikadang babae ngunit ang kanyang
kalooban ay masasabing konserbatibo pa din. Malaki ang kanyang paniniwala sa kapangyarihan ng pag-
ibig. Naniniwala siya na may nakalaang isang tao para sa kanya upang siya ay mahalin habang buhay.
Ngunit, tila ang kanyang kapalaran ay sadyang palabiro. Dalawang beses na siyang nagmahal na
masasabi niyang wagas at walang pag-aalinlangan. Ngunit sa huli, siya lamang ay tila napaglaruan ng
malupit na tadhana. Ang una niyang kasintahan ay naging “unfaithful” sa kanya. Sa kabila ng
pagmamahal na ibinigay niya rito ay nagawa pa siyang pagtaksilan nito.
Tila gumuho noon ang mundo ni Julienne. Buong akala niya ay matapat sa kanya ang kanyang
kasintahan at wagas ang pagmamahal na iniaalay nito sa kanya.Nangako siya sa kanyang sarili na hindi
na muli pang magmamahal. Ngunit, dahil malaki ang kanyang paniniwala sa kapangyarihan ng pag-ibig
muli niyang nagawa na magmahal.
Nagkaroon siya ng pangalawang kasintahan. Naging masaya ang bawat araw na sila ay
magkasama. Nanumbalik din ang dati niyang pagtitiwala sa mga lalaki na kayang magmahal ng mga ito
ng tapat, paniniwala na minsan ng nasira ng una niyang kasintahan.
Ngunit iba talaga ang biro ng tadhana, naulit ang pagkabigo ni Julienne sa pag-ibig. Isang babae
ang minsang lumapit sa kanya at nagsabi na ito ay buntis at ang ama ng kanyang ipinagbubuntis ay ang
kasintahan ni Julienne.Halos muling maguho ang kanyang mundo, mas masakit kumpara sa naunang
kabiguan na kanyang naranasan.
Sa lahat ng kabiguan na kanyang nararanasan, tanging isang tao lamang ang kanyang takbuhan.
Ito ay ang kanyang matalik na kaibigan, si Darren. Si Darren Villaroman ay isang web engineer. 27 taong
gulang, single din. Mayroon siyang isang kapatid na babae na mas bata sa kanya, ang kanyang ama ay
namayapa na at ang kanyang ina naman ay isang propesora sa isang kilalalang unibersidad.
Guapo si Darren, ma-appeal sa mga babae. Masayahin siya at mapagmahal sa kanyang pamilya.
Ngunit, taliwas sa paniniwala ni Julienne, hindi siya naniniwala sa pag-ibig,sa isang “erotic love”. Para sa
kanya, ang pagmamahal ay isa lamang paraan upang makapanakit ng isang tao.Minsan na siyang
nagkaroon ng kasintahan. Ngunit, ito ay hindi dahil sa pagmamahal. Bagkus, ginamit niya lamang ang
3. babae na ito upang maranasan niya ang pakiramdam ng isang may kasintahan. Gayundin naman, dahil
lamang ito sa buyo ng kanyang mga kaklase noong siya ay nasa college pa lamang.
At dahil hindi naman siya masamang lalaki, siya na ang kusang nakipaghiwalay sa kanyang
naging kasintahan.Inakusahan pa nga siya na isa siyang bakla dahil wala siyang kakayahan na magmahal
ng isang babae.
Ngunit lingid sa kaalaman ng lahat, mayroon siyang itinatagong lihim. Lihim niyang minamahal
ang kanyang matalik na kaibigan na si Julienne.Hindi din ito alam ni Julienne. Para sa kanya, purong
pagkakaibigan lamang ang namamagitan sa kanila ni Darren.Ngunit hindi niya alam, na mula pa lamang
high school ay lihim na siyang minamahal ni Darren. Pilit lamang na pinipigilan ni Darren ang kanyang
sarili na tuluyang mahulog ang loob kay Julienne sapagkat natatakot siya na masira ang kanilang
pagkakaibigan. Ganun niya kamahal si Julienne, handa siyang pigilin ang kanyang damdamin para kay
Julienne huwag lamang itong mawawala sa kanyang piling.
Isang gabi na umiiyak si Julienne dahil sa panlolokong ginawa ng kanyang kasintahan sa kanya, si
Darren ang kanyang naging sandalan. Naging saksi si Darren kung paanong halos gumuho ang mundo ni
Julienne dahil sa nagawang kataksilan ng kanyang kasintahan. Dahil sa sobrang awa niya sa kanyang
matalik na kaibigan at babaeng lihim na minamahal, isang paraan ang kanyang naisip upang mabawasan
ang kalungkutan na nadarama ni Julienne. Ito ay isang kasunduan na kung sasapit ang ika-30 taong
gulang ni Julienne at wala pa itong asawa, hindi na rin mag-aasawa si Darren. Ipinangako niya kay
Julienne na mananatili na lamang silang single at matalik pa rin na magkaibigan, bagay naman na sinang-
ayunan ni Julienne.
Dahil na rin sa kabiguang nadama ni Julienne, nagpasya siyang lumayo muna ng dalawang taon
upang makapagpahinga at makapag-move-on sa kasawian na kanyang naranasan. Bagay naman na
sinang-ayunan ng kanyang mga magulang. Sumang-ayon din si Darren sa balak na ito ni Julienne para na
rin sa kapakanan at kahilingan ni Julienne sa kanya. Ngunit ang totoo ay tutol siya na lumayo ito. Isipin
lamang niya ang panahon na mawawala sa piling niya ang kanyang “best friend”, tila nalulungkot na
agad siya. Ngunit wala siyang magagawa, ayaw niyang hadlangan ang kagustuhan ni Julienne. Ang kanya
na lamang nagawa ay ang sumang-ayon at mag-intay sa pagbabalik nito.
Mabilis na lumilipas ang mga araw, ngunit para kay Darren tila nakakainip ang bawat sandali na
wala ang kanyang “bestfriend”. Kahit halos araw-araw silang magkatext o magkachat sa Facebook, dili
kaya ay magkapalitan ng kwento sa e-mail, tila hindi pa rin ito sapat upang mapunan ang kanyang
kasabikan na makapiling muli si Julienne. Sa panahong ito na nalayo si Julienne sa kanya, doon niya
napagtanto na hindi niya kayang mawala si Julienne sa kanyang piling. Dapat na niyang aminin kay
Julienne ang kanyang nararamdaman, dapat na siyang magtapat. Ngunit, nagdadalawang isip pa rin siya.
Paano kung maging sila nga, ngunit mauwi ang lahat sa paghihiwalay? Ayaw niyang masaktan si
Julienne. At lalong takot siya na masaktan, takot siya na mawala ang kangyang “bestfriend”.
Dumating ang araw na pinakahihintay ni Darren. Babalik na si Jullien. Babalik na ang kanyang
best friend. Bagay na lubos na nakapagpasaya sa kanya ngunit nagdulot din ng pag-aalalla. Nagtatalo sa
kanyang isipan kung magtatapat na ba siya kay Julienne o hindi. Sari-saring emosyon ang kanyang
4. nadarama- Masaya, excited,kinakabahan,natatakot… ngunit ang mahalaga sa ngayon para sa kanya ay
babalik na si Julienne. Makikita na niyang muli ang kanyang “minamahal na best friend”.
Sa kanilang paboritong tambayan, sa terrace ng bahay nila Julienne masaya at sabik na sabik
silang nagkwentuhan ng mga nangyari sa loob ng nakalipas na dalawang taon.Miss na miss nila ang isa’t-
isa, hindi sila naubusan ng napag-uusapan.Hanggang sa napunta ang kanilang usapan sa kasunduan nila
bago umalis si Julienne noon. Nagulat si Darren dahil naaalala pa ito ni Julienne, buong akala niya ay
nalimot na ito ni Julienne. Biniro pa siya ni Julienne na baka siya ang nakalimot sa kasunduang iyon.
Napangiti lamang siya. Nasasabik na siyang hilahin ang mga araw upang maging 30 yrs. Old na sila ni
Julienne at mga single pa din, nang sa gayon ay malaya na niyang mamahalin si Julienne bilang isang
babae kahit na ang dahilan lamang nito ay pagtupad ni Julienne sa kanilang kasunduan at ang pagtingin
lamang ni Julienne sa kanya ay kaibigang matalik lamang.
Isang araw, habang nagba-bonding ang dalawang magkaibigan sa bahay nila Julienne, dumating
ang dating kasintahan ni Julienne na ‘di umano ay nakabuntis ng ibang babae. Nagpunta ang lalaking ito
upang ipaliwanag kay Julienne na isa lamang palang maling pagkakamali ang nangyari, pinagbintangan
lamang pala ito ng babae upang may managot sa kanyang pagbubuntis. Sa kalaunan ay lumantad ang
tunay na ama ng pinagbubuntis nito. Ngunit, nang bumalik ang lalaki upang magpaliwanag kay Julienne
ay naka-alis na siya kaya’t hindi na niya nalaman ang buong katotohanan.
Nabigla si Julienne sa kanyang natuklasan. Hindi niya malaman ang kanyang mararamdaman.
Naguguluhan siya sa mga pangyayari. Si Darren naman ay tila napipi din sa mga narinig at nasaksihan,
tila binuhusan ng malamig na tubig ang kanyang katawan dahil sa mga sari-saring emosyon na kanyang
nararamdaman. Lalo na ang takot na nadarama niya na maaaring mawala na ng tuluyan sa kanya si
Julienne.
Naging muling magkasintahan sila Julienne at ang kanyang kasintahan. Naging magkasintahan
sila ulit dahil pinagpilitan ng lalaki na walang dahilan upang sila ay magkalayo at ang lahat ay pawang
mga maling akusasyon lamang sa kanya. Pumayag si Julienne na magkabalikan sila ngunit taglay niya sa
kanyang isipan ang tila pag-aalinlangan. Tila hindi na siya sigurado sa nararamdaman niya sa lalaking ito.
Lalo tuloy siyang naguluhan kung ano ang nangyayari sa kanya. Tila mayroon siyang ibang hinahanap,
may iba siyang gusto na makasama at hindi ito ang kanyang kasintahan.
Nagtaka din si Julienne sa kanyang sarili dahil bakit hindi niya makuhang magtapat kay Darren
tungkol sa kanyang nararamdaman. Samantalang dati ay si Darren ang kanyang takbuhan lalo na sa mga
ganitong klase ng problema. Tinanong niya ang kanyang sarili kung ano ang nangyayari sa kanya, bakit
tila natatakot siya na malaman ni Darren ang nararamdaman niyang pag-aalinlangan sa kanyang
kasintahan, nahihiya ba siya? Ngunit bakit? Bakit siya nahihiya kay Darren gayung si Darren ang kanyang
best friend?
Mula ng nagkabalikan sila Julienne at ang kanyang kasintahan, minabuti ni Darren na lumayo
muna kay Julienne. Lalo na kasi siyang nasasaktan kapag nakikita niya na masayang magkasama sila
Julienne at ang kasintahan nito, nagseselos siya. Mas lalo tuloy niyang naiintindihan ang kanyang sarili
na mahal talaga niya si Julienne ng mas higit pa sa pagmamahal sa isang kaibigan.
5. Napapansin na din ni Julienne ang tila pag-iwas sa kanya ng kanyang “bestfriend”. Nagtataka
siya sa biglang pag-iwas nito, naiinis din siya, sa totoo lang nagagalit siya dahil parang lumalayo na ang
loob ni Darren sa kanya. Nakakaramdam tuloy siya ng takot, baka tuluyan na siyang iwanan ng kanyang
kaibigan. Nalulungkot tuloy siya, namimiss na niya si Darren.
Isang araw, biglang nagkasalubong si Julienne at ang dating girlfriend ni Darren. Nginitian at
binati niya ito ngunit siya ay hindi nito pinansin. Nagtaka siya kung bakit ganito ang reaksiyon na pinakita
nito sa kanya kaya tinanong niya ang babae. Nagulat siya sa kanyang nalaman, kaya pala ito nagtataray
sa kanya ay dahil sinisisi nito si Julienne na siyang dahilan ng paghihiwalay niya at ni Darren. Nagtaka si
Julienne, naisip niya na marahil ay nagseselos ang babaeng ito sa kanya ngunit ipinaliwanag niya sa
babae na sila ni Darren ay magkaibigang matalik lamang. Ngunit mas lalo siyang nabigla dahil sinabi ng
babae sa kanya na higit sa kaibigan ang pagtingin ni Darren sa kanya. Kaya naghiway ang dalawa ay
dahil hindi kayang mahalin ni Darren ang babaeng ito dahil si Julienne ang talagang laman ng kanyang
puso.
Hindi alam ni Julienne kung ano ang kanyang mararamdaman matapos niyang malaman ang
katotohanang iyon. Ngunit tila mas nananaig ang galit o inis na kanyang nararamdaman kay Darren dahil
matagal na palang may itinatagong pagtingin para sa kanya si Darren. Ngunit sa ‘di niya malamng
dahilan ay tila may kaunting tuwa sa kanyang dibdib, gusto siya ni Darren bilang isang babae, mahal siya
ni Darren!
Ilang araw at gabi na niyang iniisip ang katotohanang kanyang nalaman tungkol sa damdamin sa
kanya ni Darren. Sa halos araw-araw niyang pag-iisip tungkol dito ay tila nagkakaroon rin siya ng mas
malalim na pagkilala sa kanyang damdamin para kay Darren. Hanggang sa dumating ang isang araw na
kanyang natuklasan sa sarili na mahal din niya si Darren at ayaw niyang mawala ito sa kanya.
Handa na sana si Julienne na ipagtapat sa kasintahan ang kanyang tunay na damdamin para rito
at para kay Darren ngunit nawalan siya ng pagkakataon. Nag-“propose” ang kanyang kasintahan nang ‘di
niya inaasahan. Hindi niya alam ang kanyang gagawin. Sigurado na siya na si Darren ang mahal niya
ngunit hindi niya alam kung paano sasabihin sa kanyang kasintahan ang totoo, lalo pa ngayon sa
sitwasyong iyon. Ngunit sa mismong eksenang iyon ay dumating bigla si Darren. Pinigilan ni Darren ang
“proposal” ng kasintahan ni Julienne dahil nalaman na niya na alam na ni Julienne ang totoong
damdamin niya para rito. Ang kanyang “ex-girlfriend” ang nagsabi nito sa kanya. Ipinaunawa rin nito sa
kanya na panahon na upang maging matapang siya at panindigan ang kanyang tunay na damdamin para
sa kanyang kaibigan bago pa man mahuli ang lahat. Kaya nga dali-dali siyang pumunta kay Julienne para
umamin, hindi na niya naisip kung ang pag-ibig ba niya ay may katugon na damdamin mula kay Julienne,
ngunit ang alam niya ay handa na siyang humarap sa kanyang tunay na damdamin at handa rin siyang
ipaglaban ito kung kinakailangan.Sa kabutihang palad ay mahal din siya ni Julienne. Hindi na nila
kailangang mag-intay ng kanilang ika-30 taong kaarawan upang maging magkasintahan, dahil alam nila
na mula sa araw na iyon ang kanilang pagkakaibigan ay umakyat na sa ibang lebel ng pagmamahalan.
--#%#--