1. Praktika onak IKT-ekin
Gaur egun, teknologiaren garrantzia agerikoa da, gure bizitzaren esparru guztietan aurki dezakegu. Hala ere, hezkuntzan oraindik ez dago oso garatuta. Testuan esaten den moduan, ikastoletan teknologiaren erabilera ona ordenagailuak, arbela digitalak eta horrelako instalazioak eskoletan jartzera ez da mugatzen, hots, instalazio horiek edukitzeaz gain, ikastetxeak jakin behar dute nola erabili behar dituzten, baita metodologia didaktiko eta ariketa ezberdinak. Horrela, lortuko lukete irakaskuntza ikaskuntza prozesuak hobetzea.
Testua goi mailako ikaskuntzetara dago bideratuta, hau da, aztertzen dute IKT- en erabilera gauzatzen duten praktika onak goi mailako ikasketetan, konkretuki, haur hezkuntzakoetan. Proposatzen dute lan bat, zeinetan ikasleak, taldeka, web fiktizio bat egin behar duten, ikastetxe baten esparru guztiak landuz, dokumentuak, familiarekiko harremanak, haurren ezaugarriak eta abar. Ondoren, ariketa horren ebaluazioa egiten da. Oso lan konplexua dela esango nuke, hala ere, ikastetxe baten funtzionamendua ikasteko paregabea dela esango nuke. Nahiz eta egiazkoa ez izan, gaur egun, ikastetxe gehienetan egiten dutena da, hots, ikasketa gauzatuko litzateke ikerketa baten bidez, autonomia bermatuko duena, eta, horrez gain, errealitatea ezagutzeko aukera izango lukete. Alde batetik, beste zentroen web orrialdeak ikustean eta bestetik haienak egitean.
Garrantzi handikoa deritzot teknologien garapena ikastoletan. Hezkuntza prozesuetarako baliabide oso onuragarria da, beraz, hezkuntza etapa guztietan erabiltzea komenigarria dela esango nuke. Hala ere, garapen eta erabilera egokia egoteko, metodologiak eta ariketak gehitu behar ditugu, instalazioak izatea ez baita nahikoa.