3. Wat sou jy gedoen het as jy in hulle skoene was?
Wat doen jy in jou krisisse?
Wat was Jesus se reaksie?
Mar 4:40 Toe sê Hy vir hulle: Waarom is julle so bang?
Hoe het julle dan geen geloof nie?
Hoe het julle dan geen geloof nie?
Wanneer ek optree uit myself het ek rede tot vrees
4. Jesus berispe hulle omdat hulle gevrees het met Hom in
die boot
Jesus is by jou in die storm
Geen storm is teen hom bestand nie
Hoe lyk jou storm?
Selfs die wind en see is aan Hom gehoorsaam
As die storm woed, .... Glo Hom!
Notes de l'éditeur
#Bekende geskiedenis
Ek dink enige iemand wat van tyd tot tyd in die kerk kom of sy Bybel lees ken hierdie stukkie geskiedenis. Jesus maak die storm stil.
#Onbekend met storms
Ons in SA is nie baie bekend met storms nie. Ons kry nie baie storms nie en wanneer ons hulle wel kry is hulle gematig in vergelyking met die storms wat ander wereld dele kry. Wanneer dit kom by ernstige storms soos orkane of tifone is ons kennis beperk tot dit wat ons in boeke lees of op TV sien. Ons kan ons maar bloot net probeer indink hoe dit moet wees maar self het ons dit nog nie beleef nie.
#Reaksie op storms
Wanneer ons praat van storms is dit egter meer as net natuur storms. Ons praat ook van storms van ons verwys na moeilike tye in ons lewe. Tye wanneer dit voel ons het beheer verloor. Dinge gaan soos dit wil, nie soos dit moet nie. Mense tree verskillend op in storm tye. Daar is 2 hoof kategorieë van hoe mense optree
#Veg
Hulle doen wat hulle kan doen om die situasie die hoof te probeer bied. Hulle sal vuur met vuur veg. Hoe erger die storm hoe erger sal hulle baklei om bo te bly. As reël sal hulle nie omgee wie of wat in die slag bly nie, solank hulle net kan beskerm en behou wat vir hulle kosbaar en NB is. As die storm baie erg is, kan hulle self buite hulself raak en irrasioneel begin optree.
#Vlug
Dit is die ander manier van krississe hanteer. Sodra ek bewus word van bedreigings kies ek die hasepad. Hoe vêrder van die bedreiging af hoe beter. Watter een is jy?
# Dissipels se reaksie
Ek dink onder die groep was daar ’n mengelmoes van beide strategieë. Die felheid en tydsduur van die storm het party van hulle laat veg. Ons moet net aanhou roei. Ons moet net die water vinniger probeer uitskep. Hierdie selfde felheid het ander laat vlug. Hulle kon nie weghardloop nie. Hulle is in ’n bootjie op die see van Galilea. So die enigste manier van weghardloop vir hulle was om Jesus te gaan wakker maak wat besig was om te slaap
#Watter was die regte reaksie?
Moes hulle bloot aanhou roei en die water uit die boot skep, Jesus is mos saam met hulle in die boot. Hy sou hulle tog seker nie laat vergaan het nie. Of moes hulle sommer reg aan die begin al vir Jesus gaan wakker maak het sodat Hy toe al die storm kon bedaar?
#Wat sou jy gedoen het as jy in hulle skoene was?
Ek dink dit is moeilik om regtig te sê. Wie van u was al op ’n skuit terwyl daar ’n storm is? Miskien is ’n beter vraag .....
#Wat doen jy in jou krississe?
Is jy die een wat opstaan en veg? Jy sien kans vir die reuse. Jy maak staat op jou kennis, krag en ander vermoeens en pak die bul by die horings. Of onttrek jy? Jy gaan sit bang erens in ’n hoekie, druk jou oë toe en hoop op die beste. Jy hoop ook dat niemand jou raaksien nie. Jy wil eintlik dit alleen deurgaan hoewel jy nie weet hoe jy dit gaan regkry nie.
#Wat was Jesus se reaksie?
Toe hulle Jesus wakker maak het Hy dadelik die storm aangespreek en dinge het onmiddellik kalm geword. Toe alles kalm was sê hy ....
#Mark 4:40 ....
Jesus het dus dadelik ’n gebrek aan geloof by hulle opgemerk. Wat Hy nie adresseer nie, is die feit dat hulle eers self dinge probeer uitsorteer het en toe op ’n punt gekom het waar hulle Hom wakker gemaak het. Dit lyk vir my, Jesus het nie die veg of vlug metode goed- of afgekeur nie. Hy het nie gesê as julle net aanhou roei en water uitgooi het, sou julle ok gewees het nie. Hy sê ook nie plaas het julle My lankal wakker gemaak nie. U sien God het ons gemaak wat en soos wat ons is. Hierdie veg of vlug reaksie is dit wat Hy in ons geplaas het of nie geplaas het nie. Sy kritiek lê nie hier nie. Hy sê ....
#Hoe het julle dan geen geloof nie?
Hoekom glo jy My nie terwyl jy doen wat jy doen nie? Miskien kan ons ook sê hoekom vra jy My nie in die 1ste plek wat jy moet doen nie. Hoekom vertrou jy My nie in en met jou situasie nie? Hulle was bang. Jy is net bang wanneer jy nie seker is of dit wat jy gaan doen gaan werk nie.
#Wanneer ek optree uit myself het ek rede tot vrees
Ons is niks en uit onsself nie tot veel in staat nie. Self dit wat vandag onder bepaalde omstandighede werk gaan nie noodwendig môre op ’n ander plek onder dieselfde of ander omstandighede, werk nie. Ons is bloot ’n spikkel op ’n spikkel, ’n stoffie op hierdie aarde.
#Jesus berispe hulle omdat hulle gevrees het met Hom in die boot
Die veg of vlug was nie die probleem nie. Die probleem is al het hulle gedoen wat vir hulle natuurlik was om te doen het hulle dit gedoen met vrees. Hulle was bang. Hy het dus verwag dat hulle Hom sou vertrou met dit waarmee hulle besig was. Here ek gaan aanhou roei en water uitgooi want ek weet U is by my en daarom sal ek nie vergaan nie. Omdat U hier is, is ek veilig. Of, Here ek hardloop na U toe want ek weet daar sal ek veilig wees. Nie een van die twee was teenwoordig nie
#Jesus is by jou in die storm
Hier is die woord: jy is nie alleen in die storm nie, Hy is saam met jou. Kind van God, as die storm woed, is Jesus by jou. Moenie jouself verwyt vir jou optrede nie. Jou inisieele reaksie is in lyn met hoe God jou gemaak het. Hoor egter nou by Hom hoe vêrder en glo dat Hy jou storm sal stilmaak.
#Geen storm is teen hom bestand nie
Dit Amplified taal se hierdie storm was ’n orkaan. Nie sommer net ’n fris briesie wat roeiwerk bietjie moeilik maak nie. Toe Jesus praat, toe het die orkaan nie ’n ander opsie as om te luister nie. Hy moes luister. Sien, die Skepper van die hemel en die aarde het gepraat. Die skepping kan nie teen die wil van die Skepper optree nie. Die skepping is gehoorsaam aan die Skepper.
#Hoe lyk jou storm?
Is die winde sterk en die golwe baie hoog? Is jou boot bykans vol water. Jy weet nie hoe lank jy nog sal oorleef nie. Is dit ’n storm van onsekerheid, siekte, vrees, hartseer, verwyte ens. Net soos wat die wind en die see aan die stem van Jesus gehoorsaam moet wees, so sal jou storm ook stilword wanneer die Skepper van die hemel en die aarde hom aanspreek. Luister mooi, Jesus is saam met jou in die storm. Al sou dit vir jou voel jou storm duur al solank jy weet nie eers meer waar is kruis of munt nie, Jesus weet presies. Sy woord sal orde in jou chaos bring.
#Selfs die wind en see is aan Hom gehoorsaam
Niks is kwytgeskel van Sy heerskappy nie. Hy is God en doen nog steeds wat geen mens kan doen nie. Glo Hom vanaand
#As die storm woed, .... Glo Hom!