Made for a assignment in school

1. Mga Isyu ng Karahasan
at Diskriminasyon
Presented by : Aboy and Ang-og

2. -Tumutukoy ang diskriminasyon sa hindi pantay o
hindi makatuwirang pakikipagtungo o pagtrato
sa isang tao o grupo ng mga tao. May mga tao na
nakakaranas ng diskriminasyon dahil halimbawa
sa kanilang kaanyuan, kulay, lahi, etnisidad
paniniwala, pananampalataya, kasarian, gender,
seksuwalidad, etc.

3.  Ang isa sa mga halimbawa ng diskriminasyon na sinasabing
malaganap ay ang diskriminasyon sa kasarian o gender
discrimination. Tinatawag din na diskriminasyon seksuwal
(sexual discrimination), ito ay tumutukoy sa anumang gawi na
nagkakait ng mga oportunidad, pribilehiyo, o gantimpala sa
isang tao o grupo ng mga tao dahil sa kanilang gender o
kasarian.

4.  Sinasabing may malalim na diskriminasyon sa kababaihan
na laganap sa maraming bansa at humahantong sa iba’t
ibang anyo ng panlipunang pang-aapi. Kabilang dito ang
paghihigpit sa pananamit at malupit na parusa para sa
seksuwal na paglabag. Ang kababaihan sa ilang mga
rehiyon, gaya sa Africa, ay nagdurusa sa kahirapan dahil
na rin sa pinagkakaitan sila ng mga oportunidad sa
edukasyon, trabaho, at politika.

5.  Tangi sa sexual discrimination, masasabi ring laganap ang
sexual violence o karahasang seksuwal. Ang sexual
violence at sexual discrimination ay sinasabing kapwa nag-
uugat sa mababang pagtingin sa kasarian ng biktima,
pangkaraniwang ay ang mga babae at LGBTQ+.

6.  Ang karahasang seksuwal ay may iba’t ibang anyo gaya ng
seksuwal na panliligalig (sexual harassment), pang-
aabusong seksuwal (sexual abuse) o seksuwal na pag-atake
(sexual assault), at panggagahasa (rape).

7. Ano nga ba ang kahulugan ng sexual
harassment? Ano rin ang tinatawag na
sexual abuse?

8.  Ang sexual harassment (seksuwal na panliligalig), ayon sa
website ng United Nation Office on Drugs and Crime, “is a
legal term that refers to unsolicited verbal or physical
behavior of a sexual nature” (“Forms of Gender
Discrimination,”n.d.). Ito, kung gayon, ay anumang berbal o
pisikal na gawi na nasa uring seksuwal na hindi naman
hinihingi ng isang tao, Kabilang dito ang tinatawag
na”unwelcome sexual advances” at “request for sexual
favors.” Kaugnay ito ng tinatawag natin sa Filipino na mga
“pambabastos.”

9.  Ang kababaihan at babae ay maaaring mabiktima ng seksuwal
na panliligalig sa mga lugar gaya ng tahanan, lugar ng trabaho,
sa paaralan, at sa pamayanan. Ang ilang mga halimbawa ng
sexual harassment ay ang hindi kanais-nais na paghipo
(touching), mga komento na may seksuwal na pagpapahiwatig,
bastos na mga komento tungkol sa gender identitiy o gender
expression ng isang tao, at mga pagtatanong na panghihimasok
sa personal o pribadong buhay ukol sa kasaysayang seksuwal o
oryentasyon ng isang indibidwal.

10.  Ang mga batang lalaki ay maaari ding mabiktima ng seksuwal
na panliligalig, Sa ganitong kaso, mga lalaki rin ang sinasabing
kadalasang nanliligalig o harasser. Ito ay naglalarawan na ang
karahasang seksuwal ay pangkaraniwang ekspresyon ng
pangingibabaw ng mga tao sa itinuturing nilang mas mahina sa
kanila.

11.  Ang isang halimbawa ng public sexual harassment na umiiral sa
maraming mga kultura sa buong mundo ay ang “catcalling.”
Ipinagtanggol ng ilan ang pag-uugaling ito, na sinasabing ito ay
bahagi ng kultura at hindi naglalayong makapanakit ng
damdamin o maging sanhi ng anumang ligalig o pagkabalisa
kaninuman. Halimbawa, sa France, isang batas ang pinanukala
upang gawing krimen ang “catcalling” at magpapataw ng multa
laban sa mga lalaking sumutsot sa kababaihan. Ngunit may mga
kumontra sa panukalang batas, na nagsasabi na ang
“catcalling” ay isang kulturang Pranses lamang.

12.  Ang seksuwal na panliligalig ay naganap sa kalye, lugar ng
trabaho, o iba pang lugar, at ito ay nangyayari din sa
“virtual world”. Ang kababaihan ay naha-harass sa social
media at ang Internet ay tila nagbigay ng isang malaking
entablado para sa pang-aabuso at harassment lalo na sa
kababaihan. Sa kabila ng lahat ng mga pakinabang na dala
ng social media ang “anonymity” naman na dulot nito ay
lumikha ng maraming pagkakataon para sa mga harasser
at mapang-abuso.

13.  Ang pang-aabusong seksuwal (sexual abuse) ay isa pang
kumakalat na isyung kinkaharap ng kababaihan sa buong
mundo. Ito ay ang anumang uri ng seksuwal na gawaing
ginagawa nang labag sa kalooban ng biktima, kasama ng nag
paghihipo, panggagahasa o tangkang paggagahasa (attempted
rape), penetrasyon sa maseselang bahagi ng katawan,
pangmomolestiya sa bata, paninilip o pamboboso (voyeurism),
exhibitionism, pagkuha ng litrato o video sa mga seksuwal na
sitwasyon, at iba pang kauri nito. Mapapansin na ang sexual
harassment at sexual abuse ay totoong magkaugnay.

14.  Ang mga karahasan at diskriminasyon na isinasagawa sa
kababaihan dahil sa kanilang kasarian ay sinasabing laganap sa
mga kampus ng Pamantasan. Natuklasan ng mga pag-aaral sa
United States na isa sa limang kababaihan sa mga unibersidad
sa US ang nakaranas ng seksuwal na pag-atake at ito ay
natuklasan nagaganap din sa iba pang mga bansa sa Kanluran
(“Forms of Gender Discrimination,” n.d.).