FILIPINO 8
Marso 15, 2022
Bb. Arienne Jane Arcega

Diyos na Banal, maraming salamat po sa pagkakataong ibinigay ninyo
sa aming lahat upang makapag-aral. Salamat po sa pagbibigay ninyo
sa amin ng mga gurong matiyagang hinuhubog ang aming isipan sa
araw-araw. Salamat din po sa aming mga magulang sa patuloy na
pagkakaloob sa amin ng aming mga pangangailangan.
Gabayan naman po ninyo kami upang makita ng aming mga mata
ang mga aral na ibinibigay ng aming tagapagturo. Bigyan ninyo po
kami ng talas ng isip upang matalos ang mga bagay na kailangan
naming malaman. Patnubayan mo po kami sa aming landas na
piniling lakarin. Wala po kaming magagawa kung wala ang inyong
tulong at mga pagpapala.
Gabayan din naman ninyo ang aming mga guro upang maibigay niya
ng lubusan ang mga paliwanag na aming kakailanganin sa pagharap
sa kinabukasan. Bigyan din naman ninyo siya ng matiyagang
kalooban upang mapatawad ang aming pagkukulang.
Sa harap ninyo at sa inyong bugtong na anak, inaalay namin ang
araw na ito.
Amen.

Naipahahayag ang pangangatwiran sa
napiling alternatibong solusyon o
proposisyon sa suliraning inilahad sa
tekstong binasa, (F8PP-IIe-F-25) sa
pamamagitan ng mga sumusunod na
layunin.
1. Natutukoy ang mga salita, parirala o mga
hudyat sa pagpapahayag ng
pangangatwiran;
2. Nasusuri ang mga sitwasyon o pangyayari
upang makabuo ng isang alternatibong
solusyon o proposisyon; at
3. Natutukoy ang kahalagahan ng
proposisyon sa pang-araw-araw na
pamumuhay.

Panuto: Basahin mo ang tekstong ―Depresyon at
unawain ang nilalaman sa pamamagitan ng pagsagot sa
patnubay na tanong.
Depresyon: Napagtagumpayan Ko!
ni Ivy Rose D. Diamaro

Patnubay na mga tanong:
1. Ano ang kinakaharap na suliranin ng may-akda? Masasabi bang ito ay
isang mental na sakit kung saan maaaring masira ang buhay ng isang
tao? Ipaliwanag.
2. Isa-isahin ang pinagdaanang hirap ng may-akda at ibigay ang iyong
opinyon kung ito ba ay maaaring likhang isip lang.

3. Ano-anong paraan ang ginawa ng may-akda upang hindi lumala ang
kanyang kondisyon? Masasabi mo bang tama ang hakbang na
kanyang ginawa?
4. Kung ikaw ay nasa ganitong kalagayan, masasabi mo bang makakaya mo
ang ganitong pagsubok? Ano ang maaari mong gawin upang hindi
malulong sa kalungkutan at pag-iisa?
5. Bakit marami ang nababalitaang nagpapakamatay dahil sa sobrang
kalungkutan o kaya hindi nakakaya ang suliranin sa buhay kaya’t solusyon
ay pagkitil ng sariling buhay? Ano ang masasabi mo sa mga ganitong
pangyayari?Ilahad ang iyong sagot.

Filipino 8
Kwarter 2 – Modyul 6:
Naipahahayag ang Pangangatwiran sa napiling
Alternatibong Solusyon o Proposisyon sa
suliraning inilahad sa tekstong binasa
(F8PB-IIe-f-25)

Ayon kay G. Arrogate, sa pangangatwiran, ang katotohanan ay
pinagtitibay o pinatutunayan sa pamamagitan ng mga katwiran o rason.
Paliwanag naman ni G. Badayos, ito ay isang pagpapahayag na nagbibigay
ng sapat na katibayan o patunay upang ang isang panukala ay maging
katanggap - tanggap o kapani-paniwala. Layunin nito na hikayatin ang mga
tagapakinig na tanggapin ang kawastuhan ang kanilang pananalig o
paniniwala sa pamamagitan ng makatwirang pagpapahayag.
Ito rin ay nagpapaliwanag, nagbibigay-kaalaman, nagbibigay ng kahulugan
at nagsusuri upang lubos na maunawaan ang paksa o diwangnais ilahad
pasalita man o pasulat.

Uri ng Pangangatwiran
1. Paghahambing at Pagsasalungat
Inilalahad dito ang pagkakatulad at pagkakaiba ng bagay-bagay,
maaaring ito ay pagsusuri ng katangian kung saan napapalutang ang
katotohanan.

2. Pag-iisa-isa
Paglalahad ng kalagayan o sitwasyon sa pamamagitan ng maayos na
paghahanay ng mga pangyayari ayon sa pagkakasunod-sunod ng mga
detalye.

3. Pagsusuri
Sa ganitong paraan naman ay sinusuri ang mga salik o bagaybagay na
nakaaapekto sa isang sitwasyon at pagkakaugnayugnay ng mga ito.

4. Sanhi at Bunga
Inilalahad dito kung ano ang kinalabasan ng isang sitwasyon.
Mas madaling maikintal sa mambabasa o makikinig kung ano
ang nangyari batay sa sanhi at naging bunga nito.

5. Pagbibigay ng Halimbawa
Sa pamamagitan ng paglalahad ng halimbawa ay madaling mahikayat o
makumbinsi ang mambabasa o taga-pakinig kung may sapat na halimbawa
na kung saan ito ay tiyak at makakatotohanan.

Maaari ring gamitin ang mga salita o pariralang nagpapahayag ng
Pangangatwiran:
• Sa palagay ko…
• Sa ganang akin…
• Sa pakiwari ko…
• Sa nakikita ko…
• Pakiramdaman ko…
• Para sa akin…
• Kung ako ang tatanungin…
• Masasabi kong…

Upang lubos na mailahad ang pangangatwiran, maaaring gamitin ang
mga salita o pariralang nagpapakilala ng alternatibong solusyon kung saan
ito ang sasagot sa tanong na paano masosolusyunan ang isang suliranin.
Nagbibigay ito ng mungkahi o pahiwatig na gawin ng isang tiyak na
hakbang kapalit ang isa pa.
• Makabubuti siguro…
• Higit na mainam…
• Kung ganito ang dapat gawin
• Kailangan…
• Dapat…
• Una mong dapat gawin…
• Makabubuting…
• Makatutulong ng malaki…
• Dapat ay ganito…