1

1. Агсам мөрүүдэд
Шувуун шандын хөх бууцанд
Шүлэг найраг ар араасаа хөвөрнө
Догшин хутагтын сэтгэлийг мялаахаар
Дорнын найрагчид хуран хуран цуглана
Гэнэн шувуудтайгаа ижилсэж жиргэхээр
Гэгээн мөртүүдээ өвөртлөөд ирчихжээ
Нарны сарны өдрүүдийг аргадахаар
Нар зөвийн эх орноо зорин зорьсоор уулзлаа
Сэтгэл аргадаж, гуниг буцаасан найргийн сайханд
Согтож уясаад би халамцлаа
Ах найрагчийн агсам мөрүүдэд
Алаг дэлхий өөрөө ганхлаа
Сортол хийтэл яруусах
Тэнгэрийн үгсийг урлах
Тэр шүлгийн мөрүүдэд
Сонорт нь уяраад найрагчид дурлажээ
Мэхэлзтэл мөргөмөөр үгс бүрийн мөрөөр нь
Дүрэлзтэл дурламаар сэтгэл дотроосоо булгилна.
Ганган шүлэгтэй дорнын найрагчид дурлаад
Ганц л удаа аниргүй дотроо таг түгжье.
( 2009 он Дорноговь аймаг )

2. Чи бидэн хоёр
Чийг даасан хаврын улиас хөлөрч
Чи бидэн хоёр дэргэд нь болзож
Шинэхэн дэлгэрэх ногоон навчны бэлчирт
Шинээр зүсрэх борооны дуслууд бөнжигнөж
Хаврын анхны бороо зүрх норгон шиврэхэд
Хайрын ногоон навчис зүрхэнд цуг ургаад
Хавар хаварт хайрыг минь сэдрээж
Хачин гоё дурсамжийг ахиад л хөврүүлдэг
Эртэч шувуухай зуны эхэн сартай золгож шулганаад
Эрвээхэй нисэж , зөгий цэцгэнд дурлаж зүүгдээд
Жаргалын хөлд нар ээж зүүрмэглээд
Жаахан нойрмог нүдээр хөх тэнгэрийг тольдоод
Зуун зуун жил үнэн хайрлах нэгэн
Зун цагийн шуугианд чимээгүй дурлаж асаад
Зүлэг ногоорсон зун чиний дэргэдээс сэрээд
Зүрхнийхээ гүнд хайр мэдэрч цэцэглэдэг
Судгийн ногоо ганхуулах сул салхины исгэрээнд
Сураг холхон чиний дурсамж намрын навчтай гээгдэж
Бодол сэрвэлзтэл санах дурсамжийн хуудас зузаарч
Буцах шувуудтай цуг сэтгэлээс нисэж холдоод
Надаас одсон чиний дурсамж надтай үлдээд
Навчсаа гөвөх намрын мододтой зэрэгцээд
Надад үлдсэн чамайг зүрхнээсээ хөөнө
Мөнх бусын хорвоод өөрөөсөө чамайг алдаад
Мөстөж цантсан жин өвөлтэй наалдаж би үлдээд
Чи бидэн хоёрын бадраасан тэр л хайр

3. Чиний бас миний зүрхэнд ул мөрөө үлдээсээр
Оньсого мэт энэ л хүмүүний хорвоод
Олж учирсан хайр минь жаргал юм
Хайрын жаргалыг дөрвөн улиралд
Ханатлаа эдэлллээ, чамдаа баярлалаа.
Нийгэм ,сэтгэл судлалын дээд сургуулийн багш ,сэтгэл зүйч Буянтогтохын Баярмаа
Утас:95081001