1.
2ci Qarabağ Müharibəsi
Şəhidləri
Müəllim:
Fənn: Azərbaycan Tarixi
Hazırladı: Əsgərov Əli
Allah bütün şəhidlərimizə rəhmət eləsin

2.
Nuriyev Hikmət Mübariz oğlu
Hikmət Mubariz oğlu Nuriyev 23 fevral 2002-ci ildə Lerik
rayonunun Tikəband kəndinə anadan olub. 3 qardaş
olmaqla ailədə 5 nəfər olublar. Sonradan ata-anası ilə
birgə Bakı şəhəri Buzovna qəsəbəsinə köçüb və uşaqlıq
illərini orada keçirib. Orta təhsilini Buzovna qəsəbəsində
yerləşən şəhid İftixar Tağıyev adına 26 saylı tam orta
məktəbinə alıb. Orta təhsilini başa vurduqdan sonra 07
aprel 2020-ci ildə Lerik rayon Hərbi komissarlığı
tərəfindən həqiqi hərbi xidmətə yola salınıb. 2020-ci il 27
sentyabr tarixində başlayan II Qarabağ müharibəsində
Hikmət də bir vətənpərvər oğul kimi döyüşdə böyük
həvəslə iştirak edir və nümunəvi qəhrəmanlıqlar göstərir.

3.
Qəhrəman Hikmət Füzuli və Tərtər istiqamətində gedən döyüşlərdə düşmənə sarsıdıcı zərbələr
endirir, xeyli sayda canlı qüvvəsini məhv edir. Sentyabr ayın 27-dən 28-nə keçən gecə
Azərbaycan Respublikasının ərazi bütövlüyü uğrunda canından və qanından keçməklə Tərtər
istiqamətində gedən şiddətli döyüşlərdə qəhrəmancasına şəhid olur. Şəhidin nəşi neytral zonada
qaldığından bir müddət çıxarmaq mümkün olmur. Oktyabr ayının 3-də nəşi neytral zonadan
çıxarılır və 4-də atasına təhvil verilir. Səhərisi gün, ayın 5-də səhər saatlarına boya-başa çatdığı
Buzovna qəsəbəsinə gətirilir və orada yerləşən "Şəhidlər Xiyabanı"da böyük izdihamla torpağa
tapşırılır.
Prezident İlham Əliyev Azərbaycan Respublikası Silahlı Qüvvələrinin hərbi qulluqçularının
medallarla təltif edilməsi haqqında imzaladığı Sərəncama əsasən, Azərbaycan Respublikasının
ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə
qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş
Azərbaycan Respublikası Silahlı Qüvvələrinin hərbi qulluqçusu, əsgər Hikmət Mubariz oğlu
Nuriyev ölümündən sonra "Suqovuşanın azad olunmasına görə" və "Vətən uğrunda" medalları ilə
təltif edilib.

4.
Mövlanov Elgün Tahir oğlu
Elgün Mövlanov 2002-ci il aprelin 5-də Lerik şəhərində
anadan olub. Qardaşı Altay Mövlanovda Vətən
müharibəsində şəhid olub. Azərbaycan Ordusunun
əsgəri olan Elgün Mövlanov 2020-ci il sentyabrın 27-də
Azərbaycan Silahlı Qüvvələri tərəfindən Ermənistan
işğalı altında olan ərazilərin azad edilməsi üçün
başlanan Vətən müharibəsində savaşıb. Elgün
Mövlanov sentyabrın 30-da şəhid olub

5.
Əliyev Gündüz Etibar oğlu
Gündüz Etibar oğlu Əliyev 08 fevral 2002-ci ildə Lerik
rayonunun Loda kəndində anadan olmuşdur. 3 qardaş
olmaqla ailədə 5 nəfər olublar. Uşaqlıq illəri doğulduğu
Loda kəndində keçmişdir. Birinci sinifdən dördüncü sinfə
kimi Loda kəndində oxuyan Gündüz təhsilini Lerik rayon
Vılıq kəndinə davam edir və 9-cu sinfə kimi orada
oxuyur, daha sonra Astara rayonunun Toradi kəndinə
təhsilini davam etdirməyə gedir və 10-11-ci sinifləri orada
oxuyur.Orta təhsilini başa vurduqdan sonra 08 may
2020-ci ildə (Covid-19 xəstəliyi ilə bağlı gecikmə
olur)Lerik rayon Hərbi komissarlığı tərəfindən həqiqi
hərbi xidmətə çağırılır və Tərtər rayonunda yerləşən "N"
saylı hərbi hissəyə yola salınır. "

6.
Tovuz" döyüşlərinin iştirakçısı olan qəhrəman Gündüz II Qarabağ müharibəsində də böyük həvəslə iştirak edir
və yüksək qəhrəmanlıqlar göstərərək adını qızıl hərflərlə tarixə yazır. Şiddətli döyüşlər gedən zaman, yaralı
əsgər yoldaşlarını döyüş zonasından çıxarmaqla, düşmənə sarsıdıcı zərbələr endirməklə və xeyli sayda vanlı
qüvvəsini məhv etməklə adını tarixə yazır. 30 sentyabrda Hadrut istiqamətində gedən döyüşlərdə
qəhrəmancasına şəhid olur. Şəhidin nəşi doğulduğu Lerik rayonunun Loda kəndinə gətirilərək, kənd
qəbiristanlığımmda torpağa tapşırılır.
Gündüz döyüşə getməmişdən öncə anasına bir məktub yazır:
"Məndə əsgər oldum Azərbaycana
yolumu gözlə gələcəm
Ana şəhid olsam
qəbrim üstə ağlama
bayramlarda bayram payı saxlama
yolumu gözlə gələcəm ana
gəlib göz yaşını siləcəm ana".
Prezident İlham Əliyev Azərbaycan Respublikası Silahlı Qüvvələrinin hərbi qulluqçularının medallarla təltif
edilməsi haqqında imzaladığı Sərəncama əsasən, Azərbaycan Respublikasının ərazi bütövlüyünün təmin
edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası
zamanı vəzifə borcunu şərəflə yerinə Azərbaycan Respublikası Silahlı Qüvvələrinin hərbi qulluqçusu, Lerik
rayonunn Loda kəndində anadan olan Gündüz Etibar oğlu Əliyev ölümündən sonra "Vətən uğrunda" medalı ilə
təltif edilib.

7.
Tahirov Firdovsi Balaxan oğlu
Firdovsi Tahirov 1997-ci il fevralın 18-də Lerik
rayonunun Dico kəndində anadan olub. 2003-2007-ci
illərdə Dico kənd tam orta məktəbində, 2008-2015-ci
illərdə isə N. Hacıyev adına Tikəband kənd tam orta
məktəbində təhsil alıb. 2015-2019-cu illərdə Azərbaycan
Dövlət Pedaqoji Universitetində (ADPU) tarix üzrə ali
təhsil alıb. Subay idi.Firdovsi Tahirov 2019-cu ildə Lerik
Hərbi Komisarlığı tərəfindən müddətli həqiqi hərbi
xidmətə çağırılıb. Əvvəlcə Azərbaycan Silahlı
Qüvvələrinin Gəncə şəhərində yerləşən "N" saylı hərbi
hissəsində, sonra isə Xüsusi Təyinatlı Qüvvələrin
Cəlilabad rayonunda yerləşən "N" saylı hərbi hissəsində
xidmət edib.

8.
Firdovsi Tahirov 2020-ci il sentyabrın 27-də Azərbaycan Silahlı
Qüvvələri tərəfindən Ermənistan işğalı altında olan ərazilərin azad
edilməsi və Azərbaycanın ərazi bütövlüyünün bərpa olunması üçün
başlanan Vətən müharibəsi zamanı Murovdağ istiqamətində gedən
döyüşlərdə savaşıb. Firdovsi Tahirov sentyabrın 27-də Murovdağ
döyüşləri zamanı şəhid olub. Lerik rayonunun Dico kəndində dəfn
olunub.Azərbaycan Respublikasının Prezidenti İlham Əliyevin
sərəncamlarına əsasən ölümündən sonra "Vətən uğrunda", "Cəsur
döyüşçü" medalları ilə təltif edilib

9.
Şirvanov Davud Xeyrulla oğlu
Vətən müharibəsinin qəhrəman oğullarından biri Davud Xeyrulla
oğlu Şirvanov 1994-cü il aprelin 1-də Lerik rayonunun Livədirqə
kəndində anadan olub. Ailəli idi. Bir oğlu və bir qızı yadigar
qalıb.Davud Şirvanov 2012-2013-cü illərdə Azərbaycan Silahlı
Qüvvələrinin sıralarında müddətli həqiqi hərbi xidmətdə olub.
2020-ci ildən isə Azərbaycan Silahlı Qüvvələrinin Füzuli
rayonunda yerləşən "N" saylı hərbi hissəsində müddətdən artıq
həqiqi hərbi xidmət qulluqçusu idi.Azərbaycan Ordusunun əsgəri
olan Davud Şirvanov 2020-ci il sentyabrın 27-də Azərbaycan
Silahlı Qüvvələri tərəfindən Ermənistan işğalı altında olan
ərazilərin azad edilməsi və Azərbaycanın ərazi bütövlüyünün
bərpa olunması üçün başlanan Vətən müharibəsi zamanı
Füzulinin azadlığı uğrunda gedən döyüşlərdə savaşıb .

10.
Davud Şirvanov oktyabrın 2-də Füzuli döyüşləri
zamanı şəhid olub. Lerik rayonunun Livədirqə
kəndində dəfn olunub.Azərbaycanın ərazi
bütövlüyünün təmin edilməsi uğrunda döyüş
əməliyyatlarına qatılan və hərbi hissə qarşısında
qoyulmuş tapşırıqların icrası zamanı vəzifə borcunu
şərəflə yerinə yetirdiyi üçün Azərbaycan Prezidenti
İlham Əliyevin 15.12.2020-ci il tarixli Sərəncamına
əsasən Davud Şirvanov ölümündən sonra "Vətən
uğrunda" medalı ilə təltif edildi.
Azərbaycanın Füzuli rayonunun işğaldan azad
edilməsi uğrunda aparılan döyüş əməliyyatlarına
qatılaraq şəxsi igidliyi və şücaəti nümayiş etdirdiyinə
görə Azərbaycan Prezidenti İlham Əliyevin
25.12.2020-ci il tarixli Sərəncamına əsasən Davud
Şirvanov ölümündən sonra "Füzulinin azad
olunmasına görə" medalı ilə təltif edildi.

11.
Heydərov Amid Rəbbil oğlu
Vətən müharibəsində idarə etdiyi tankla düşmənin
müdafiə xəttini yararaq onların mövqelərini
darmadağın edən cəsur zabitlərimizdən biri də şəhid
mayor Amid Heydərovdur. İki dəfə Sovet İttifaqı
Qəhrəmanı, tank qoşunları qvardiya general-mayoru
Həzi Aslanov məktəbinin davamçısı kimi, bu peşəyə
dərindən yiyələnən Amid Heydərov döyüş
meydanında göstərdiyi qəhrəmanlıq nümunəsinə
görə ölümündən sonra Ali Baş Komandanın
Sərəncamı ilə "Vətən Müharibəsi Qəhrəmanı " adına
layiq görülüb.Amid Rəbbil oğlu Heydərov 1988-ci il
mayın 20-də Lerik şəhərində anadan olub.

12.
Uşaqlıqdan özünə Həzi Aslanovu örnək seçən
Amidin böyüyəndə general olmaq arzusu onu
Cəmşid Naxçıvanski adına Hərbi Məktəbə gətirib
çıxarıb. Daha sonra təhsilini Heydər Əliyev adına Ali
Hərbi Məktəbində davam etdirib, hərb sənətinin
sirlərinə mükəmməl yiyələnərək tankçı olmaq
arzusunu reallaşdırıb.Amid Heydərov 2020-ci il
sentyabrın 27-də Azərbaycan Silahlı Qüvvələri
tərəfindən Ermənistan işğalı altında olan ərazilərin
azad edilməsi üçün başlanan Vətən müharibəsi
zamanı Cəbrayılın azadlığı uğrunda gedən
döyüşlərdə savaşıb. Amid Heydərov oktyabrın 3-də
Cəbrayıl döyüşləri zamanı şəhid olub. Lerik
şəhərində dəfn edilib.

13.
İslamlı Ruhid Uğur oğlu
Ruhid Uğur oğlu İslamlı 1 aprel 1999-cu ildə Lerik
rayonunun Çeşman kəndində anadan olub. Ailədə
4 nəfər olmaqla, 1 bacı və 1 qardaş böyüyüblər.
2000-ci ildə ailə Bakıya köçüb. Ruhid 4 yaşından
bağçaya, 2005-ci ildən isə Əhmədli Humanitar
Fənlər Təmayüllü Məktəb Liseyinin 1-ci sinfinə
gedib. 2011-ci ildən Suraxanı rayonu Dədə Qorqud
qəsəbəsində yerləşən 315 №-li məktəbdə təhsilini
davam etdirib. Təhsil aldığı müddətdə hələ kiçik
yaşlarından Ruhid cüdo, cuicutsso, teakvondo,
güləş, qaydasız döyüş, üzgüçülük və digər idman
növləri ilə məşğul olub, yarışlarda iştirak edib.

14.
Regional və Respublika səviyyəli rəsmi dövlət yarışlarına
qatılıb, 1 və 2-ci yerləri qazanıb. Həmçinin məktəb fəaliyyəti
dövründə də intellektual yarışlara, viktorinalara,
olimpiadalara qatılıb, özü də bir sıra yarışlar, flaşmoblar və
s. təşkil edib. Ruhid intellektual və vətənpərvər gənc olub.
Naxçıvan Dövlət Universitetinin məzunu, ixtisasca psixoloq
idi. Sosial şəbəkələrdəki təbliğatlarında, çıxışlarında
həmişə şəhid mövzularına üstünlük verərdi.Ruhid 2020-ci
ilin yayında hərbi xidmətə çağırılıb. Vətən müharibəsi
dövründə Talış kəndi və Suqovuşan istiqamətlərində
döyüşüb. Oktyabrın 6-ı müharibənin qızğın dövründə eyni
istiqamətində şəhid olub.Ölümündən sonra şəhid Ruhid
Uğur oğlu İslamlı Prezidentin Sərəncamları əsasında
"Vətən uğrunda", "Suqovuşanın azad olunmasına görə",
"Vətən Müharibəsi iştirakçısı", "Cəsur döyüşcü" medalları
ilə təltif edilib.