AP 7 PANAHON NG PAGGALUGAD AT PAGTUKLAS.pptx
Signaler
Partager
•0 j'aime•13 vues
AP 7 PANAHON NG PAGGALUGAD AT PAGTUKLAS.pptx
•0 j'aime•13 vues
Signaler
Partager
Télécharger pour lire hors ligne
AP 7 PANAHON NG PAGGALUGAD AT PAGTUKLAS.pptx
Recommandé
Contenu connexe
Similaire à AP 7 PANAHON NG PAGGALUGAD AT PAGTUKLAS.pptx
Similaire à AP 7 PANAHON NG PAGGALUGAD AT PAGTUKLAS.pptx(20)
AP 7 PANAHON NG PAGGALUGAD AT PAGTUKLAS.pptx
- 1. PANAHON NG PAGGALUGAD AT PAGTUKLAS
- 2. •Ang panahon sa kasaysayan ng Europe kung saan naging aktibo ang mga bansa na maglayag sa iba’t ibang lugar upang tumuklas ng mga bagong lupain ay tinatawag na Panahon ng Paggalugad at Pagtuklas. Naganap ang mga paglalayag na ito mula 1400s hanggang 1600s. Sa mga panahong ito, naging malawak ang kaalaman ng mga Europeo ukol sa heograpiya ng daigdig. Maraming bagong lupain ang natuklasan at pagkaraan ay isinailalim sa kanilang kapangyarihan.
- 3. •Mayroong tatlong pangunahing dahilan kung bakit nagsagawa ng mga ekspedisyon ang mga Europeo upang makatuklas ng mga bagong lupain. Ito ay maibubuod sa pamamagitan ng Gold, God, at Glory o 3K’s- Kayamanan, Kristiyanismo at Kapangyarihan.
- 5. Ang paghahangad ng kayamanan para sa sarili at bansa sa pamamagitan ng pagkakaroon ng ginto at yamang likas mula sa matutuklasang bagong lupain ang dahilan kung kaya’t maraming mangangalakal at monarko ang nagtaguyod ng mga malalayo at mapanganib na ekspedisyon. Sa mga panahong ito, ang pagpapalitan ng produkto sa pagitan ng mga Asyano at Europeo ay kontrolado ng mga Arabeng Muslim dahil sakop nito ang mga rutang pangkalakalan mula sa silangang Asya patungo sa rehiyong Mediterranean. Ang mga produktong nanggaling sa mga Muslim ay ipinagbili sa mga mangangalakal sa Italy na may monopolyo o eksklusibong may kontrol sa kalakalang ito. Ang mga produktong Asyano mula sa Italy ang ipinagbibili sa iba pang bahagi ng Europe sa mas mataas na halaga.
- 6. •Maraming mangangalakal at maging ang mga monarko mula sa England, France, Spain at Portugal ang tutol sa pagkontrol ng mga mangangalakal na Italian at Muslim. Nag-isip ng paraan ang mga nasabing monarko upang tuwiran ang kanilang kalaklan sa mga Asyano at hindi na kailangan pang dumaan sa mga mangangalakal sa Italian at Muslim.
- 8. • Ang pagnanais na maipalaganap ang Kristiyanismo ay isa sa dahilan kung kaya’t nanggalugad ng mga bagong lupain ang mga Europeo. Naniniwala sila na kanilang tungkulin na ibahagi sa lahat ng tao ang mabuting balita ni Hesus at binyagan sila sa relihiyong Kristiyanismo. Ito rin ay isang paraan upang kalabanin ang mga Muslim na patuloy na ipinalalaganap ang relihiyong Islam.
- 10. • Ang isa sa nagbigay ng katanyagan sa mga bansa sa Europe ay ang pagkakaroon ng maraming bagong tuklas na lupain. Dahil sa mapanganib at magastos ang pagsasagawa ng mga ekspedisyon upang manggalugad ng mga bagong lupain, isang malaking karangalan sa hari at sa buong bansa ang magtagumpay na makatuklas ng lugar. Mas magiging tanyag at dakila ang isang hari o bansa kung mas maraming bagong lupain na matutuklasan nito. • Halimbawa na lamang ay ang pagdaong ng ekspedisyon ni Ferdinand Magellan sa Pilipinas noong Marso 17, 1521. Nagdulot ito ng karangalan sa mga Espanyol bilang kaunaunahang Europeo na nakatuklas ng kapuluan.Naging kapakipakinabang ang pagkakatuklas na ito sa mga Espanyol nang gawing kolonya ang ating bansa sa loob ng 333 tao mula sa 1565 hanggang 1898.
- 11. ANG BAGONG RUTA PATUNGO SA ASYA
- 12. •Ang Portugal ay ilan lamang sa mga bansang Europeo na apektado ng monopolyo ng kalakalan ng mga Muslim at Italian. Dahil ang naturang bansa ay matatagpuan sa Kanlurang bahagi ng Europe at malayo sa rehiyong Mediterranean, hindi naging madali para sa mga Portuges ang makipagkalakalan sa Italy kung kaya;t nagnais silang makahanap ng iba pang rutang pangkalakalan. Dito sinubukanng mga Portuges na maglayag sa Atlantic Ocean.
- 13. •.Nagsimula ang kanyang paggalugad noong 1415 sa lungsod ng Ceuta sa Hilagang Africa nang tumulong siya na sakupin ang nasabing lugar. Dito niya natuklasan ang mga nakaimbak na pampalasa na hinahangad ng mga Europeo at ang mamahaling mineral tulad ng ginto at pilak. Dahil dito, nagbalak si Prince Henry na tuklasin ang lugar kung saan nagmula ang mga nasabing produkto.
- 14. Prince Henry
- 15. Dalawang mga manlalayag na Portuges ang naging tanyag sa panahon ng paggalugad. • A. Bartolomeu Dias – ang pangkat ng mga manlalayag na Portuges na tumahak sa kanlurang bahagi ng Africa patungong timog ng kontinente. Siya ang unang Europeo na naktuklas ng Cape of Good Hope. Sa una, tinawag niya itong bilang Cape of Storms dahil sinalanta sila ng bagyo noong panahong iyon. Ngunit, pinalitan ang pangalan nito ni Haring John II ng Portugal at tinawag Cape of Good Hope dahil naniniwala siya na ang nasabing lugar ay nagbibigay ng pag-asa sa kanilang mithiin na makarating sa Asya sa pamamagitan ng pagtawid sa silangang direksyon nito. Hindi nagkamali si haring John. Pagkaraan ng sampung taon, natuklasan ng isang magiting na manlalayag ang bagong ruta patungong India.
- 16. Bartolomeu Dias
- 17. B.Vasco da Gama Vasco da Gama ay isang Portuges na nakatuklas ng tuwirang ruta patungong India sa pamamagitan ng paglayag sa Timog Africa at pagtawid sa Indian Ocean. Noong 1498, narating ng pangkat ni Vasco da Gama ang Calicut, India at namangha sila sa produktong ipinagbibili ng mga katutubo dito. Ilan sa mga ito ay pampalasa tulad ng cinnamon at sili. Isama pa rito ang mga ginto, pilak, at iba pang mamahaling bato. Nakabalik si Vasco da Gama sa Portugal noong 1499 at malugod na tinanggap. Dahil sa kanya nagkaroon ng tuwirang ruta ang Portugal sa India sa pamamagitan ng timog na ruta.
- 18. •Sa pagkakatuklas ng mga Portuges ng iba pang ruta maliban sa rutang hawak ng mga Muslim at Italian, sumunod na ang iba pang bansang Europeo tulad ng Spain, France, at England sa yapak ng mga Portuges. Dito nagsimulang magpaligsahan ang mga Europeo sa paggalugad at pagtuklas ng mga bagong lupain hindi lamang upang makipagkalakalan kundi upang isailalim ang Asya sa kanilang kapangyarihan at gawing kolonya.
- 19. • Sa pagkakatuklas ng mga Portuges ng iba pang ruta maliban sa rutang hawak ng mga Muslim at Italian, sumunod na ang iba pang bansang Europeo tulad ng Spain, France, at England sa yapak ng mga Portuges. Dito nagsimulang magpaligsahan ang mga Europeo sa paggalugad at pagtuklas ng mga bagong lupain hindi lamang upang makipagkalakalan kundi upang isailalim ang Asya sa kanilang kapangyarihan at gawing kolonya.
- 20. Vasco da Gama
- 21. Ruta na tinahak ni Vasco da Gama
- 22. •Ang Portugal ay nakakuha ng maraming piling lugar sa Asya. Noong 1502 nagbalik at nagtatag si Vasco da Gama ng sentro ng kalakalan sa may Calicut sa India. Mga daungan ang piniling sakupin ng Portugal upang makontrol ang kalakalan. Noong una ang kanilang motibo o paraan ay pangkabuhayan o pang-ekonomiya lamang hanggang sa ipinasok ang Kristyanismong Katolisismo sa mga nasasakupan nito. Sa kalagitnaan ng ika-16 na siglo, ang Portugal ay nagkaroon ng malawak ng sakop sa Asya. Noong 1580, sinakop ng Spain ang Portugal ng 60 na taon. Nang makalaya ang Portugal noong 1640, ang kanyang mga kolonya ay nakuha nang England at France.
- 23. • Maliban sa Spain at Portugal, nakipagpaligsahan rin ang England. Sa pamamagitan ng Italyanong marinero na si John Cabot, napasailalim ng England ang Nova Scotia, Canada. Nang matalo ng England ang Spain Armada noong 1588, ibinuhos ng England ang kaniyang atensiyon sa kalakalan. Sa pamamagitan ng English East India Company, naitatag ng England ang sentro ng kalakalan sa India. Nakapagtatag din ito ng permanenteng panirahan sa Hilagang Amerika.Sinundan ito ng pagsakop ng Ceylon, Malaya, at Singapore pati na rin ang new Zealand at mga pulo ng Hilagang Pasipiko.
- 25. • Ginamit ng England sa India noong 1600 ang British East India Company, isang pangkat na mangangalakal na Ingles na pinagkalooban ng pamahalaang England nang kaukulang kapangyarihan upang mangalakal at pamahalaan ang pananakop nito at pangalagaan din ang interes nito sa ibayong dagat.Pagdating ng 1612 nabigyan ng permiso ang Ingles para makapagtatag ng pagawaan sa Surat. Hindi ito nagustuhan ng Portugal dahil sila ang naunang nanakop. Pagdating ng 1622, tinulungan ng Ingles ang mga Persian laban sa Portugese dahil dito nakapagtatag ng sentro ng kalakalan sa kanluran at silangan baybayin ng India. Ang British East India Company ay nakakuha na ng concession(pagbibigay ng espesyal na karapatang pangnegosyo) sa Madras mula sa rajah ng Chandragiri. Noong 1668 pinaupahan na ni Haring Charles ang sa delta ng Ganges nakakuha ng kapirasong lupain ang Inlges sa pagpayag ni Emperador Aurangzeb, ang lider ng Imperyong Mogul madaling nasakop ang India dahil watak-watak ang mga estado nito at mahina ang liderato ng Imperyyong Mogul na siyang naghahari sa India. Noong una, pangkabuhayan ang dahilan ng England sa pagpunta sa India. Nang Makita ag malaking pakinabang sa likas na yaman nito, tuluyang sinakop ang India ng England.
- 26. • Noong ika-18 siglo nasakop ng France ang Laos, Conchin China, Cambodia, at Annam sa Asya. Ang France ang pangatlong bansa na gustong sumakop sa bansang India, nakipagsabwatan ito sa pinunong lokal ng Bengal. Ginamit nito ang French East India Company na naitatag noong 1664. Nakapagtatag din ang France ng pamayanang pangkomersiyal. Nagtapos ang interes na ito ng nagkaroon nang labanan sa Plassey nang pitong taong digmaan sa pagitan ng England at France sa tulong ni Robert Clive, na siyang nagtatag nang tunay na pundasyon ng Ingles sa India. Ang England ay nagtagumay laban sa France. Ang England ay nananatiling matatg na mananakop ng India. • Ang unang hakbang na ginawa ng Netherlands sa pagkakaroon ng mga sakop na lupain ay ang pagbubuo ng Dutch East India Company . Isa itong kompanya ng mga mamumuhunan na binuo upang mapalawig ang kalakalan sa pamamagitan ng pananakop ng lupain. Napasailalim ng Netherlands ang East Indies(Indonesia sa kasalukuyan)
- 27. • Kanlurang Asya • Sa Unang Yugto ng imperyalismo at kolonyalismo sa Kanlurang Asya ay hindi pa nagkainteres ang mga Kanluranin dahil ito ay sakop ng mga Turkong Ottoman. Ang naghahari sa panahong ito ay ang relihiyong Islam. Noong 1507, nakuha ang Oman at • Muscat ng mga mangangalakal na Portugues • ngunit pinatalsik naman ng mga Arabe noong 1650. Noong 1907, ang Bahrain ay naging protectorate ng Great Britain ngunit hindi rin nagtagal, pinatalsik ang mga British ng isang Heneral na si Shah Reza Pahlavi. • Ang Portugal, England, at France ang mga bansang Kanluranin na nakarating sa India. Sa pag-iral ng prinsipyong pang-ekonomiyang merkantilismo, ang mga bansang Kanluranin ay may iisang layunin sa pagpunta sa Asya, ang makasakop ng mga lupain. Sa huli ang England ang nagtagumpay para maisakatuparan ang interes sa likas na yaman at mga hilaw na materyales ng India. Samantalang ang Kanlurang Asya ay hindi agad nasakop dahil sa panahong ito pinaghaharian pa ito ng napakalakas na Imperyong Ottoman., at pinagtibay ng pagakaisa dahil sa relihiyong Islam na ipinalaganap at tinanggap sa rehiyon.
- 28. • .Pagtukuy ng Dayuhan: • Panuto: Kilalanin ang mga Europeong inilalarawan sa bawat bilang. Isulat sa patlang ang titik.PO-Portugues, DU-Dutch, PR-Pranses, ES- Espanyol & IN-Ingles • • _____1. Nagtatatag ng Dutch East India Company • _____2. Umangkin sa Pilipinas sa loob ng 333 na taon • _____3. Unang nagtatag ng sentro na kalakalan sa Calicut, India. • _____4. Ang mga taong naninirahan sa Netherlands. • _____5. Nasakop ang Laos, Conchin China at Cambodia • _____6. Nakatuklas ng bagong ruta mula Europe patungong Africa (Cape of Good Hope) • _____7. Nananakop sila sa Ceylon, Malay at Singapore • _____8. Nagtatag ng English East India Company sa India • _____9. May control sa Malacca pagkaraan ng mga Portuges • _____10. Ginamit ang French East India Company na itinatag noong 1664
- 29. • Panuto: (TAMA O MALI) • Basahing mabuti ang mga pangungusap. Isulat ang T kung tama at M kung mali at palitan ang salitang may salangguhit para maging tama. Isulat ang sagot sa sa patlang. • _________ 1. Mayroong tatlong pangunahing dahilan kung bakit nagsagawa ng mga ekspedisyon ang mga Europeo , Gold, God, at Glory. • _________ 2. Ang Portugal, England, at France ang mga bansang Knaluranin na nakarating sa India. • __________3. Ang Spain at Portugal ang nagpaligsahan sa pagtuklas ng mga bagong lupain. • __________4. Ang Portugal ay sumakop sa Pilipinas sa loob ng 333 taon. • __________5. Pampalasa ang hinahanap ng produkto mula sa Moluccas. • __________6. Ang Kanlurang Asya ay hindi agad nasakop dahil sa panahong ito pinaghaharian pa ito ng napakalakas na pangkat na Amerikano. • _________7. Ang Muslim sa kanlurang Asya ay pinagtibay ng pagakaisa dahil sa relihiyong Islam . • _________8. Si Ferdinand Magellan ay nakatuklas ng bagong ruta mula Europa patungong Asya na dumaan sa dulo ng Africa. • ________ 9. Ang East Indies noon ay Indonesia ngayon. • ________10. Ang England ay nananatiling matatag na mananakop ng India.
- 30. MARAMING SALAMAT
- 31. Nasyonalismo sa Timog Asya
- 32. • Nang magtagumpay na masakop ng mga Ingles ang India, ito na rin ang dahilan upang unti-unti ay magkaroon ng kamulatan at kaisahan ang mga Indian. Sa kabila ng maraming wika at iba’t-ibang pananampalataya, nagkaisa sila laban sa mga Ingles na maging sagabal sa kanilang pag-unlad at pagbubuo ng isang malayang bansa. Si Mohandas Gandhi ang naging inspirasyon at isang katangi- tanging pamamaraan ng pagtutol ang kanyang pinasimulan. Ito ay ang ahimsa o mapayapang pagtutol.
- 33. •Sa ilalim ng kolonyalismo sa India pinakinabangan ng mga Ingles ang likas na yaman at lakas-paggawa ng mga Indian.Bukod ditto,nagpatupad sila ng mga patakarang pampulitika, pangekonomiya, at panlipunan na hindi katanggap-tanggap sa mga Indian. Halimbawa nito ang abolisyon ng suttee o sati at female infanticide o pagpatay ng mga batang babae. Malalim ang pagkakaiba ng mga Ingles sa mga Indian sa lahi, kulay, kaugalian, at relihiyon at naging isa itong malaking isyu ng di-pagkakaunawaan sa pagitan nila.
- 34. Suttee o Sati – ang pagpapatiwakal ng mga biyudang babae at pagsama sa libing ng namatay na asawa. Ang pinakahuling hindi na nagsagawa ng Sati ay si Roop Kanwar, dahil dito tiningala siya ng mga Hindu bilang diyosa.
- 35. •Dahil sa mga naturang pangyayari, naganap noong 1857 ang Sepoy Mutiny o Rebelyong Sepoy. Ito ang unang mahalagang pag-alsa ng mga Indian laban sa mga Ingles. Isa pang sanhi ng galit ng mga Indian ay ang pagpapatupad ng mga Ingles ng patakarang racial discrimination o pagtatangi ng lahi. Tanging mga puti lamang ang nabigyan ng matataas na posisyon sa pamahalaan lalo na noong mga unang dekada ng pamamahala ng mga Ingles.
- 36. Rebelyong Sepoy- ito ang pag-alsa ng mga Sepoy o sundalong Indian bilang pagtutol sa pagtatangi ng lahi [ Ingles o racial discrimination
- 37. •Ang isa pang mahalagang pangyayari na nagpatindi sa alitan ng mga Ingles at Indian ay ang Amritsar Massacre noong Abril 13, 1919. Sa isang pagtitipon upang idaos ang isang selebrasyon ng Hindu, namaril ang mga sundalong Ingles sa grupo ng mga Indian. Sa naturang pangyayari, 400 Indian ang namatay samantalang may 1,200 ang nasugatan. Lalong nagsiklab ang galit ng mga mamamayan sa mga Ingles.
- 38. Amritsar Massacre- maraming mga Indian ang namatay sa isang selebrasyon dahil sa pamamaril ng mga Ingles
- 39. •Kung ideyolohikal ang naging hatian ng nasyonalismo ng mga Tsino, sa India, relihiyon ang naging batayan. Kapwa bumuo ng sariling samahan ang mga Hindu at Muslim. Itinatag ang Indian National Congress sa pangunguna at paggabay ng isang Ingles na si Alan Hume noong 1884-1885. Ang samahang ito ay binuo ng mga propesyunal na Hindu na ang layunin ay makamtan ang kalayaan ng India. Samantala, itinatag naman ng mga Muslim ang Muslim League noong 1905 sa ilalim ng pamumuno ni Mohamed Ali Jinnah. Layunin naman nito na magkaroon ng hiwalay na estado para sa mga Muslim.
- 40. • Sa kampanya para sa kalayaan, napakahalaga ng papel ni Mohandas Gandhi. • Isa siyang Hindu na nakapag-aral sa isang unibersidad sa England at nagtrabaho sa South Africa. Sa bansang ito ipinaglaban niya ang hinaing ng mga Indian. • Ang pakikibaka ni Gandhi para sa kalayaan ng India ay sa pamamagitan ng mapayapang paraan o non-violent means na sa relihiyon nila ay tinawag na ahimsa. • Hango sa relihiyong Jainism, ang ahimsa ay nangangahulugang “hindi paggamit ng dahas’ o non-violence. Ang ibig sabihin ng mapayapang paraan ay ang paglalabas ng katotohanan (satyagraha), pagdarasal, meditasyon, pagaayuno (fasting), at pagboykot o hindi pagbili sa mga kalakal o produktong Ingles.
- 41. •Gayunpaman, nagkaroon pa rin ng mga demonstrasyon at kaguluhan sa mga pampublikong lugar. Si Gandhi ang nagbigay ng gabay at inspirasyon sa mga mamamayan. Sa kadahilanang ito, dinakip siya ng mga may kapangyarihan at naglabas-masok siya sa kulungan. Kahit siya ay nakakulong, ipinagpatuloy pa rin ng mga Indian ang kampanya para sa kalayaan. Labas-pasok man si Gandhi sa kulungan, hindi pa rin siya nayanig o natakot. Patuloy pa rin siya sa kanyang mapayapang pakikibaka hanggang sa makamit ng mga Indian ang kanilang kalayaan. Tiningala ng mga Indian si Gandhi at tinawag siyang Mahatma o great soul.
- 43. •Natamo ng mga Indian ang kalayaan nang ideklara ng mga Ingles ang Republika ng India (Indian Republic) noong Agosto 15, 1947 sa pamumuno ni Jawaharlal Nehru, matalik na kaibigan at kapanalig ni Mohandas Karamchand Gandhi. Samantala, ang bansang Pakistan ay naitatag at nabigyan din ng kalayaan sa naturang petsa sa ilalim ng pamumuno ni Mohammed Ali Jinnah. Noong Enero 30, 1948, si Mohandas Gandhi ay binaril ng isang panatikong Hindu na tumutol sa hangarin niya na mapag-isa ang mga Hindu at Muslim sa ibang bansa.
- 45. Mapa ng India at Pakistan