Katekesis kay San Lorenzo Ruiz ng Maynila

1. SAN LORENZO RUIZ NG MAYNILA
Layunin:
• Maipakilala si San Lorenzo Ruiz ng Maynila bilang unang
Pilipinong Santo
• Matuluran ang katangiang taglay ni San Lorenzo Ruiz
• Maipalaganap ang debosyon kay San Lorenzo Ruiz ng Maynila
SITWASYON NG BUHAY:
May kilala ba kayong mga Santo?
Bakit sila naging santo/santa?
.
Ngayon ay pakinggan natin ang kwento mula sa Banal na Kasulatan .
SALITA NG DIYOS: (Mateo 5, 1-12)
Noong panahong iyon, nang makita ni Hesus ang napakaraming tao,
umahon siya sa bundok. Pagkaupo niya’y lumapit ang kanyang mga
alagad, at sila’y tinuruan niya ng ganito:
“Mapalad ang mga aba na walang nang inaasahan kundi ang Diyos,
sapagkat makakasama sila sa kanyang kaharian.”
“Mapalad ang mga mapagpakumbaba, sapagkat tatamuhin nila ang
ipinangako ng Diyos.”
“Mapalad ang mga nagmimithing makatupad sa kalooban ng Diyos,
sapagkat ipagkakaloob sa kanila ang kanilang minimithi.”
“Mapalad ang mga mahabagin, sapagkat kahahabagan sila ng Diyos.”
“Mapalad ang may malinis na puso, sapagkat makikita nila ang
Diyos.”
“Mapalad ang mga gumagawa ng daan sa ikapagkakasundo, sapagkat
sila’y ituturing Diyos na mga anak niya.”
“Mapalad ang mga pinag-uusig dahil sa kanilang pagsunod sa
kalooban ng Diyos, sapagkat makakasama sila sa kanyang kaharian.”
“Mapalad kayo kapag dahil sa aki’y inaalimura kayo ng mga tao,
pinag-uusig at pinagwiwikaan ng lahat ng uri ng kasamaan na
pawang kasinungalingan. Magdiwang kayo at magalak, sapagkat
malaki ang inyong gantimpala sa langit. Gayun din ang ginawa ng
mga tao sa mga propetang nauna sa inyo.”
1. Tungkol saan ang narinig ninyong pagbasa?
 Mapalad
1 | P a g e

2. 2. Ayon kay Hesus sino raw ang mapalad?
Narinig natin sa ebanghelyo na tinuruan ni Jesus ang kanyang
mga alagad tunkol sa “Mapalad” o eight BEATITUDES, ang mga santo
/santa ay MAPALAD sapagkat inialay nila ang kanilang buhay para sa
kay Kristo , kahit humantong pa ito sa kanilang kamatayan handa
silang iaalay ang kanilang buhay para sa makamit ang kaharian ng
Diyos, tulad ng ating mahal na patron San Lorenzo Ruiz ng Maynila,
hindi siya sumuko sa mga pagsubok na dumating sa kanyang buhay.
PAHAYAG NA PANANAMPALATAYA:
Katotohanan: Tayo ang tagapagtotoo ni Jesu-Kristo sa harap ng mga
kalalakihan at kababaihan sa kasalukuyan (KPK 1248)
-Ang magpahayag ng katotohanan tungkol sa kapwa ay sumasaksi sa
bawat kristiyano sa pagpapatotoo kay Jesu-Kristo (KPK 1247)
-Sa mga pagkakataon na kailangang magbigay ng patotoo sa
pananampalataya, dapat patunayan ito ng Kristiyano nang walang
alinlangan.
- Ang bawat Kristiyano ay dapat kumilos bilang saksi ng Ebanghelyo. Ang
patotoong ito ay isang pagsasalin ng pananampalataya sa wika at sa gawa.
-Simula pa noong panahon ng mga unang Kristiyano, napakarami nang
mga Kristiyano ang napapapatay dahil sa pananampalataya. ¬ Humigit
kumulang 159,960 na Kristiyano, taon taon, ang nagiging martir para sa
pananampalataya. ¬ Tinatantiya na hanggang taong 2000 ay may 70
million Christian martyrs na, at 45 million dito ay karamihang namatay
noong 20th century (In 2001, Barrett and his colleague Todd M. Johnson
started collecting statistics on martyrs. In their seminal work World
Christian Trends AD 30 – AD 2200 (Pasadena: William Carey Library,
2001)
-Padami pa ng padami talaan ng mga martir, isa na dito ang ating
pintakasi San Lorenzo Ruiz
Sino ba si San Lorenzo Ruiz?
Si Lorenzo ay ipinanganak sa Binondo, Maynila noong taoong 1600 at
1610. Ang kanyang ama ay Intsik at ang kanyang ina ay isang Pilipina.
Siya kung gayon ay isang mestiso. Ang pangalang Lorenzo ay hinango sa
martir na si San Lorenzo, at ang Ruiz naman ay sinasabing kinuha sa
kanyang ninong sa binyag. Sa kanyang kabataan, si Lorenzo ay naglingkod
sa kumbento ng parokya ng Binondo bilang katulong at sa simbahan
naman bilang sakristan at eskribiente. Doon din siya natutong bumasa at
sumulat at nakapag-aral ng wika at doktrina. Dahil sa kaugnayan niya sa
2 | P a g e

3. simbahan, siya ay naging kasapi sa Confradia del Santisimo Rosario, isang
samahan para sa pagpapalaganap ng debosyon sa Mahal na Birhen ng
Santo Rosario. Hindi rin matiyak kung kailan siya nag-asawa at kung sino
ang kanyang napangasawa; gayunman, tinatayang sa murang edad siya
nagkaroon ng pamilya. Siya’y nagkaroon ng tatlong anak, dalawang babae
at isang lalaki, ayon na rin sa kanyang pahayag nang siya’y nililitis sa
bansang Hapon.
Noong 1636, nasangkot ang kanyang pangalan sa isang krimeng naganap
sa Maynila. Kayat siya’y pinaghanap ng pulisya upang litisin. Gumawa siya
ng paraan para tumakas sa Pilipinas at sumama sa apat na misyonerong
Dominico at isang Hapon. Nagtungo sila sa Okinawa sa bansang Hapon.
Ang tangi niyang dahilan sa pagtakas ay dahil sa may nakaaway siyang
kastila. Ganoon pa man, siya’y dinakip at ibinilanggo ng mga awtoridad ng
Hapon
Pagsasabuhay: Ang mga Santo ay huwaran ng ating
pananampalataya tulad ni San Lorenzo Ruiz.
-Nakapagbibigay ang mga larawang ito ng tunay na gabay sa kanilang
pagsamba kay Kristo at pamimintuho sa mga banal ng Diyos, kay Mariaat
kanilang mga santong patron (KPK 892)
Anu – anong katangian ang maari nating tulran kay San Lorenzo?
*Matinding hirap ang dinanas ni Lorenzo Ruiz sa kamay ng mga
tagausig na Hapon dahil ipinakita niya ang matatag niyang
pananampalataya sa Panginoon. Sinabi niyang walang kailangan
kung ihandog man niya ang nalalabi niyang buhay sa Diyos.
Noong 1637, ibinitin siya nang patiwarik, at kalahati ng kanyang
katawan ay ibinaon sa hukay hanggang sa makitil ang kanyang
buhay sa Burol ng Nagasaki, Japan. Pumanaw siya bilang tunay na
martir ng pananampalatayang Kristiyano. Bago ang kanyang
kamatayan, kanyang sinabi: “Ako ay isang Kristiyano, at ito ay
aking ipahahayag hanggang sa oras ng aking pagpanaw at para sa
Panginoon ibubuwis ko ang aking buhay. Kahit na hindi ako
nagtungo sa bansang Hapon para maging martir, gayon pa man,
bilang isang Kristiyano at para sa Diyos ibibigay ko ang aking
buhay.” Si San Lorenzo Ruiz ay hindi isang Obispo, Pari o Dyakono
kundi siya ay isa lang Layko o ordinaryong tao
-Katulad ni San Lorenzo Ruiz maraming pagsubok ang dumarating sa
atin buhay, tinuturuan tayong maging matatag sa pagsasabuhay ng
ating pananampalataya sa Diyos, sapagkat “Mapalad ang mga pinag-
3 | P a g e

4. uusig dahil sa kanilang pagsunod sa kalooban ng Diyos, sapagkat
makakasama sila sa kanyang kaharian.”
-Ang labis na pagmamahal ni San Lorenzo Ruiz sa Diyos, hindi siya
natakot kahit humantong pa ito sa kamatayan sinabi niya “Ako ay
Katoliko at buong puso kong tinatanggap ang kamatayan para sa
Diyos. kung mayroon akong isang libong buhay, iaalay ko lahat ito
para sa Kanya.” Sinabi ni Saint Francis de Sales ito:“The measure of
love is to love without measure.” Isang magandang paalala sa atin na
umibig tayo sa ating kapwa ng walang sukatan dahil ganoon ang pag-
ibig ng Diyos sa atin. Tayo ay nabubuhay ngayon ng dahil sa pag-
ibig, kaya mag ibigan sana tayo gaya ng pag-ibig ng Diyos sa atin
sapagkat ito ang bagong utos na ibinigay ng ating Panginoon Jesus sa
kanyang mga alagad na pinalawig nila sa mga nananalig sa kanya.
Nang sa gayon makikilala ng lahat na tayo ay tunay na alagad ng
ating Panginoon Jesu-Cristo.
Pagsamba: Maipalaganap ang debosyon kay San Lorenzo Ruiz ng
Maynila
-Ang mga rebulto at larawan ni Kristo, Maria at mga Santo ay mga tulong
lamang tungo sa tunay Kristiyanong pananalangin at pagsamba sa Diyos,
kay Kristo mismo, at sa pamimintuho ng mga Banal na Diyos. Walang
kapangyarihan sa kanilang sarili ang mga rebulto at larawan, ngunit
tinutulungan lamang tayo upang makipag-ugnay kay Kristo, kay Maria at
mga Santo. (KPK 929)
-Ang intercession ng mga Santo ay pakikiisa sa intercession na
ginagawa ng Banal na Espiritu ayon sa Roma 8:26. At ang
pananalangin ng mga Santo ay sa tulong ng Espiritu Santo
-Ang mga santo ay hindi omnipresent ngunit hindi na sila nasasakop
ng limitasyon ng oras at lugas. Sila ay nasa langit na.
Muli, pakikiisa o pakikihati (ayon sa 2 Pedro 1:4). Hindi nagiging
Diyos ang mga Santo, sila ay Santo na nakikiisa sa kalikasan bilang
Diyos. At ito ay ang pagiging Banal (kaya Santo, from the Latin word,
Sanctus…meaning Holy) at Eternal. Tungkol naman sa omniscience,
isang halimbawa nito ay alam ng Diyos ang nasa puso ng tao
sambitin man ito o hindi. Sa paghiling ng mga Katoliko sa mga Santo
na ipanalangin sila, sinasambit nila ang kanilang “prayer request” o
mga kahilingan na gusto nilang ipanalangin ng mga Santo. Hindi tulad
ng Diyos na alam na ang laman ng puso ng tao bago pa man niya
banggitin, ang mga Santo ay nangangailangan pa ring marinig ang
“prayer request” ng mga kapwa mananampalataya. Pwede namang
4 | P a g e

5. manalangin sa Diyos ng direkta ang sinumang Kristiyano, pero dahil
ang Simbahan ay isang pamilya na may magkakapatid na
nagtutulungan sa paglapit sa Diyos ang mga Katoliko ay humihiling sa
mga Santo na ipanalangin sila sa Diyos.
(Santiago 5:16) “…ipanalangin ninyo ang isa’t isa upang kayo’y
gumaling.”
*Ang beatification ni San Lorenzo at mga kasama ay ginanap ni Pope
John Paul II sa kanyang pagdalaw sa Pilipinas noong Pedrero 18,
1981, ito ang kauna-unahang beatification sa labas ng Roma. Ang
canonization naman ni San Lorenzo ay noong Oktubre 1987 sa
Vatican City, sa Roma. Ipinagdiriwang natin ang kanyang kapistahan
tuwing Ika -28 ng Setyembre. Si San Lorenzo Ruiz ang kauna-
unahang pilipinong Santo.
Tugon ng Pananampalataya:
- Handa ba tayong ipaglaban at ialay ang ating buhay alang-alang
sa ating pananampalataya tulad ni San Lorenzo Ruiz.
- Handa ba akong maging kasangkapan sa pagpapahayag ng
mabuting balita sa aking kapwa?
PANALANGIN:
Amang Mapagmahal, ang Iyong Anak na si Hesukristo ay
naghandog ng kanyang buhay para sa kaligtasan ng tanan. Kasihan
kami ng iyong pag-ibig upang maihandog ang aming buhay para sa
iyo at sa aming kapwa tao. Inakay rin ng mapagpala Mong kamay
ang iyong mga lingkod na sina San Lorenzo Ruiz at mga kasama sa
lupain ng Hapon upang tularan ang sakripisyo ni Kristo at ipamansag
ang Mabuting Balita ngKaligtasan.
Isinasamo namin na sa pamamagitan ng panalangin ng mga
banal na martir nakami'y maging matatag sa pananampalataya tulad
nila at maging kasangkapan ng pagpapahayag ng mabuting balita sa
aming bayan at sa mga bansang nasa paligid namin. Dinggin Mo ang
aming kahilingan at ang tanging biyayang aming hinihingi: (Banggitin
ang mga kahilingan) Kaisa ni San Lorenzo Ruiz at mga kasama,
5 | P a g e

6. hinihiling naming ito sa pamamagitan ni Hesukristo na aming
Panginoon. Amen. San Lorenzo Ruiz ng Maynila, ipalanangin mo
kami!
Inihanda ni Joemer V. Aragon
at ng Parish Catechetical Ministry
Parokya ni San Lorenzo Ruiz de Manila
6 | P a g e

7. hinihiling naming ito sa pamamagitan ni Hesukristo na aming
Panginoon. Amen. San Lorenzo Ruiz ng Maynila, ipalanangin mo
kami!
Inihanda ni Joemer V. Aragon
at ng Parish Catechetical Ministry
Parokya ni San Lorenzo Ruiz de Manila
6 | P a g e