Ano ang Pang-ugnay? Ano ang mga Uri ng Pang-ugnay?

4. 1. Pamukod - ginagamit sa pagbukod o
pagtatangi, gaya ng: o, ni, maging, at man.
Halimbawa:
a. Ikaw man o ako ay hindi maghahangad na siya ay
mabigo.
b. Batid ko ang pagkapanalo ng ating grupo kung si
Roger man ang piliing lider natin.
c. Walang diprensiya sa akin maging si Jose ang
magwagi sa paligsahan.

5. 2. Panubali - nagsasabi ito ng pag-
aalinlangan, gaya ng: kung, kapag, pag, sakali,
disin sana.
Halimbawa:
a. Kung uulan, hindi matutuloy ang ating
palatuntunan.
b. Hindi tayo matutuloy sa sine kapag hindi umuwi
nang maaga ang tatay.
c. Pag umulan, hindi makakapunta rito si Boyet.

6. 3. Paninsay - kapag sinasalungat ng unang bahagi ng
pangungusap ang ikalawang bahagi nito. Gaya ng:
ngunit, datapwat, subalit, bagaman, samantala, kahiman,
kahit.
Halimbawa:
a. Nakatakda siyang umani ng tagumpay kahit (kahit
na) maraming naninira sa kanya.
b. Nakatapos si Ramon ng medisina bagaman tindera
lang sa palengke ang kanyang ina.
c. Nanalo pa ring musa si Rosa datapwat may mga
kaibigang bomoto sa kalaban niya.

7. 4. Pananhi - nagbibigay ito ng dahilan o
katuwiran para sa pagkaganap ng kilos. Ang mga
ito ay: dahil sa, sanhi sa, sapagkat, mangyari.
Halimbawa:
a. Namaos siya dahil sa matagal na
pagtatalumpati.
b. Sanhi sa init ng panahon kaya siya nilagnat.
c. Umapaw ang ilog sapagkat walang tigil ang
ulan.

8. 5. Panimbang - ginagamit sa paghahayag ng
karagdagang impormasyon at
kaisipan, gaya ng: at - saka, pati, kaya,
anupa’t.
Halimbawa:
a. Sina Jose at Pedro ay nagtungo sa bukid.
b. Pati ang gamit ng iba ay kanyang iniligtas.
c. Anupa't pinagbuti niya ang kanyang pag-
aaral para makaahon sa kahirapan.

9. 6. Panapos - nagsasabi ito ng nalalapit na katapusan ng
pagsasalita, gaya ng: upang, sa lahat ng ito, sa di-kawasa,
sa wakas, at sa bagay na ito.
Halimbawa:
a. Sa di-kawasa, ang pulong ay tinapos na.
b. Makukuha ko na rin sa wakas ang inaasam kong
promosyon sa trabaho.
c. Sa lahat ng ito, dapat tayong magkaisa.
d. Sa bagay na ito, nasa ating mga kamay na ang
paghuhusga.

10. 7. Panlinaw - ginagamit ito upang
ipaliwanag ang bahagi o kabuuan ng isang
banggit.
Halimbawa:
a. Nagkasundo na ang mag-asawa, kung
gayon magsasama na silang muli.
b. Nahuli na ang tunay na
maysala kaya makakawala na si Berto.