esp 9. pamamahala sa paggamit ng oras

1. MODYUL 12: PAMAMAHALA SA
PAGGAMIT NG ORAS
Ika – 14 na linggo, Unang Araw

2. Panimulang Gawain

3. Pambungad na Panalangin
Panginoon naming Diyos, patnubayan mo po ang araw na
ito sa aming lahat upang magampanan namin ang aming
sariling tungkulin.
Bigyan mo kami ng gabay at pagkalinga sa pagtupad ng
aming mga gawain.
Bigyan mo kami ng tulong sa aming mga desisyong
ginagawa.
Pagpalain mo ang aming mga guro sa matiyagang
paghahatid sa amin ng mga leksyon sa araw-araw.
Pagpalain mo rin ang aming mga magulang sa patuloy na
pagsuporta sa amin.
Maraming salamat po, Panginoon sa lahat ng biyayang
inyong ibinibigay sa aming lahat.
Ikaw po ang aming sandigan at kalakasan. Amen

4. Pagkilala at pagtala sa mga mag-aaral
Magandang buhay!
Mabuting tao!
Sino-sino po ang mga nakadalo?
Sino-sino naman po ang nakaliban?

5. Pamamaraan at Talakayan

6. A. Balik-Aral sa nakaraang aralin at
pagsisimula ng bagong aralin.
Bigyan ng pagkakataon ang mga mag-aaral na
ipalabas at bigkasin ang kanilang inihandang mga
tula.
1. Ano ang mga pagpapahalaga at katangian na
inyong ipinamalas sa inyong mga tula?

7. B. Paghahabi sa layunin ng aralin at
pagganyak.
1. Naipaliliwanag ang kahalagahan ng pamamahala
ng paggamit ng oras.
a. Nasasagutan ang talahanayan ukol sa paraan ng
pamamahala sa paggamit ng oras.
b. Natutukoy ang lebel ng kasanayan sa paggamit
ng sariling oras gamit ang talahanayan. EsP9-KP-
IIIe-12.1

8. 1. Ano-ano ang sinisimbolo ng orasan?
2. Bakit mahalaga ang oras sa buhay ng tao?

9. C. Pag-uugnay ng mga halimbawa sa
bagong aralin
A. Isulat sa freedom wall ang inyong opinyon
tungkol sa kasabihang Ang Oras ay Ginto.
1. Paano nakatutulong sa atin ang wastong
pamamahala ng oras?
2. Paano mo pinahahalagahan ang sarili mong
oras?

10. D. Pagtalakay ng bagong konsepto at
paglalahad bagong kasanayan #1
Minsan, may isang hari at isang tamad na lalaki
na nagngangalang Haria. Mabuti silang
magkaibigan. Isang umaga, tinanong ng hari ang
kanyang kaibigan, “bakit hindi ka humanap ng
trabaho upang ikaw ay kumita ng pera?”
Sumagot si Haria, “Wala kasing nagbibigay ng
trabaho sa akin. Pinagsabi ng mga kaaway kong
hindi daw ako marunong gumawa sa takdang oras.”

11. D. Pagtalakay ng bagong konsepto at
paglalahad bagong kasanayan #1
Ang mabuting hari ay tumugon, “Maaari kang
pumunta sa imbakan nang aking mga yaman at
doon mamulot ka ng kayamanan hanggang sa
paglubog ng araw.”
Nagmadaling umuwi si Haria upang ibalita sa
kanyang asawa ang utos ng hari. Inutusan siya ng
asawa: “Sige pumunta ka na ngayon at kunin mo
ang mga ginto at mga mamahaling bato”.

12. D. Pagtalakay ng bagong konsepto at
paglalahad bagong kasanayan #1
Tumugon si Haria. “Huwag muna, pakainin mo
muna ako ng tanghalian.”
Matapos ang pananghalian ay nagpahinga pa
ng isang oras si Haria. Sa bandang hapon na niya
kinuha ang kanyang kagamitan at nagtungo sa
palasyo.

13. D. Pagtalakay ng bagong konsepto at
paglalahad bagong kasanayan #1
Sa kanyang paglalakad, nakaramdam siya ng
matinding init at nagpasyang maupo sa ilalim ng
puno upang magpahinga. Makalipas ang dalawang
oras, bumalikwas siya para ipagpatuloy ang
paglalakbay ngunit nakakita siya ng isang lalaki na
nagtatanghal ng mahika.
Huminto siya upang manood. Nakaisang oras
siya sa panonood.

14. D. Pagtalakay ng bagong konsepto at
paglalahad bagong kasanayan #1
Nang siya ay makarating sa palasyo ang araw
ay palubog. Ang mga pintuan ng palasyo ay sarado
na.

15. D. Pagtalakay ng bagong konsepto at
paglalahad bagong kasanayan #1
Sagutan ang mga tanong sa inyong kuwaderno.
a. Ilarawan ang dalawang pangunahing tauhan sa
maikling kuwento.
b. Sa paanong paraan ginamit ng dalawa ang oras?
Pinahalagahan ba nila ang takdang oras?
Ipaliwanag ang sagot.
c. Anong aral ang maibabahagi mula sa maikling
kuwento?

16. E. Pagtalakay ng bagong konsepto at
paglalahad bagong kasanayan #2
Kung ikaw ang tatanungin...
1.Gaano kahalaga sa iyo ang oras?
• Isulat sa kwaderno ang kahalagahan ng oras
para sa iyo.
• Ibahagi ang iyong sagot sa iyong dalawang
kamag-aral. Ipaliwanag na mabuti kung bakit
mahalaga para sa iyo ang oras.

17. F. Paglinang sa Kabihasahan
1. Paano mo pinamamahalaan ang paggamit ng
iyong oras?
2. Ano ang natuklasan mo sa iyong paraan ng
paggamit ng oras?
3. Mula sa lebel ng kasanayan sa pamamahala
ng oras, anong lebel ka nabibilang?
4. Anong binabalak mong gawin upang
mapataas pa ang lebel ng iyong kasanayan sa
paggamit ng oras?

18. G.Paglalapat sa aralin sa pang- araw-
araw na buhay
Gumawa ng Time Diary para sa araw ng Sabado at
Linggo upang pangasiwaan ang iyong panahon.
Isulat ito sa inyong notbuk gamit ang format sa
ibaba.
Oras Gawain (Sabado) Gawain (Linggo)
5:00AM-6:00AM
6:00AM-7:00AM
7:00AM-8:00AM
8:00AM-9:00AM

19. H. Paglalahat sa aralin
Ang taong may pagpapahalaga sa oras ay may
pagpapahalaga sa kaayusan.
Ang pamamahala ng oras ay kailangan sakaayusan
ng paggawa upang magampanan ang mga
tungkulin ng may prayoritisasyon.

20. I. Pagtataya ng Aralin
Punan ng angkop na salita upang mabuo ang bawat
pahayag.
1. Ayon sa kasabihan ang oras ay ____.
2. Ang wastong __________ ng oras ay
nangangahulugan ng wastong pamamahala.
3. Ang panahon ay ginto hindi dapat ___________.
4. Ang paggamit ng oras at panahon ay mabisang
instrumento sa pamamahala sa __________.
5. Ang disiplinang pansarili ay nasasalamin sa mabisang
pagsasaayos at responsableng pamamahala ng
_______ at _______.

21. J. Karagdagang gawain para sa takdang-
aralin at Remediation
Humanap ng Video Clip ng:
Value of Time- 86,400 Second in a Day, Don't Waste
Time!

22. Hanggang sa muling
pagkikita… Paalam,
Salamat! God Bless!