Vendimi i Agjencisë për Mbrojtjen e të Drejtës për Qasje të Lirë deri tek Inf...
Letër Komunës - Social Cultural Space Tetova
1. LETËR NDËRGJEGJËSIMI
I nderuar kryetar i komunës z. Bilall Kasami dhe “Njësia për kulturë dhe sport” pranë Komunës
së Tetovës,
Si qytetarë dhe komunitet i njerëzve të pavarur të cilët bashkëveprojnë, krijojnë dhe kultivojnë
kulturën e natyrshme njerëzore të funksionimit në barazi, po ju shkruajmë për të adresuar
shqetësimin tonë të thellë për letrën që morrëm nga komuna me datë 17.10.2022, nëpërmjet së
cilës njoftohemi dhe kërkohet nga ne që me urgjencë të lëshojmë hapësirat e funksionimit më së
voni deri më datë 21.10.2022 (4 ditë nga pranimi i letrës) dhe për të cilen insistojmë në veprim të
menjëhershëm.
Ne si komunitet vullnetarësh që mirëmban hapësirën ndihemi të fyer, të nënvlerësuar dhe të
tradhëtuar nga administrata komunale e qytetit për sakrificën dhe për punën e palodhshme dhe të
sinqertë vullnetare që kemi bërë në vazhdimësi për këto 4 vite dhe që vazhdojmë ta bëjmë për
qytetin, që kur krijuam diçka nga asgjë, me ndihmën e grupeve bashkëpunuese vullnetare nga
Brukseli dhe Kosova, të përkrahur nga fondacioni evropian Erasmus. E ardhmja e komunitetit
tonë kreativ dhe idesë së vullnetarizmit shoqëror dhe kulturor është në rrezik nga keqkuptimi i
autoriteteve lokale për sa i përket filozofisë tonë të funksionimit kolektiv të pavarur, në barazi
dhe në mënyrë horizontale (për dallim nga organizatat e zakonshme joqeveritare ku qëndron një
emër dhe një fytyrë me fuqi vendimmarrëse) në hapësirën publike të cilën:
1) komuniteti jonë i gjerë e riaktivizoi në mënyrë vullnetare në korrik të vitit 2018, pas 10 viteve
në braktisje dhe mosfunksionim,
2) e për të cilën në vitin 2020 përgatiti projektin dhe ndihmoi vullnetarisht në realizimin e
punimeve në rinovimin e dytë në vitin 2021, si pjesëmarrës në projektin e UNDP për
"Përforcimin e këshillave komunal" i implementuar nga “Programi për zhvillim i kombeve të
bashkuara” – UNDP, me fonde të siguruara nga Agjencioni Zviceran për zhvillim dhe
bashkëpunim (SDC) - Ambasada Zvicerane në Maqedoninë e Veriut;
3) dhe së fundmi, në të cilën, nga marsi i vitit 2022 vazhdon të aplikohet projekti i përkrahur nga
European Endowment for Democracy, fondi i së cilës nuk mund të shftyëzohet pa hapësirën
tonë. Aty për periudhën e parë vetëm se janë investuar pajisje për funskionimin e hapësirës dhe
organizmin e vazhdueshëm të ndodhive me interes publik. Mu këtë periudhë e kemi të
planifikuar edhe aplikimin e projektit “Red Ribbon” (intervenim urbanistik komunitar ne lagjen e
2. hapësirës) të fituar përmes Minsitrisë së Kulturës së RMV-së, për të cilin kemi marrur aprovimin
edhe nga ana e Komunës së Tetovës.
Krahas këtyre intervenimeve teknike për përmirësimin e kushteve materiale për hapësirë
funksionale, komuniteti vazhdimisht në kuadër të memorandumit për bashkëpunim me Komunën
e Tetovës, si autoriteti legal mbi të cilën bie kjo hapësire publike, ka mirëmbajtur hapësirën dhe
në vazhdimësi ka organizuar ngjarje publike në baza vullnetare. Bashkëpunim i ynë bazohet në
respektimin e këtyre parimmeve për të cilat kemi marrëveshje me Komunen e Tetovës që
projekti ynë të mirembajë hapësirën deri në vitin 2024. Në njoftimin zyrtar të lëshuar nga
Komuna dhe e nënshkruar nga kryetari i komunës z.Bilall Kasami, nuk potencohen shkaqet e
prishjes së këtij memorandumi, dhe kërkesës për largimin e menjëhershëm të komunitetit tonë.
Kjo qasje, për ne si komunitet që e ringjalli dhe i dha aq shumë shpirt kësaj hapësire, e nëpërmjet
saj gjithë qytetit, është nënçmuese dhe mospërfillje për punën e palodhshme vullnetare për më
shumë se 4 vite. Ne e kuptpojmë që administratat komunale mund të kenë diskrepanca në
koordinimin kohor dhe menaxhimin e resurseve të komunës ndër vite, por ne insistojmë që ta
shohim komunën dhe organet e saja si tërësi e bashkuar dhe vendimet e marra të vlejnë në
vazhdimësi, posaçërisht kur ato, padyshim, janë lëvizje vullnetare të te rinjve dhe qytetarëve të
pavarur për të mirën e përgjithshme. Për fat të keq kjo qasje jep mesazh të pakëndshëm për të
gjithë qytetarët se mundi vullnetar nuk do të gjejë mirëkuptim në adminstratën komunale dhe se
kultura e pavarur alternative dhe vullnetarizmi nuk ka vend në qytetin e Tetovës.
Dëshirojmë të ndërgjegjësojmë se në këto kohë të urbanizimit në rritje, është e dukshme
mungesa e hapësirave të lira dhe të hapura për të rinjtë krijues për t'u organizuar, për t'u
angazhuar në mjedisin e tyre të lirë dhe për të rritur pjesëmarrjen e tyre shoqërore, kulturore dhe
politike në qytet. Pa hapësira të përcaktuara po ua ndaloni qytetarëve e sidomos të rinjëve
mundësinë që të shpalosin potencialin e tyre të plotë në mënyrë të lirë, pa filtrime grupore dhe pa
përjashtime. Prandaj, ju kërkojmë që ta pranoni këtë situatë dhe të mbështesni komunitetin lokal
si përfaqësues i shoqërisë dhe si model autentik për kultivim. Ju mund ta bëni këtë duke
mbështetur dhe jo duke e penguar qasjen e komunitetit në hapësirë
që po përdoret dhe
mirëmbahet nga të rinjtë, krijuesit, artistët, fëmijët dhe fqinjët në komunitet.
Të gjithë përdoruesit e kësaj hapësire, që nga fillimi, kanë përgjegjësinë ndaj saj, duke kontribuar
në një mjedis demokratik plot angazhim, ide përparimtare dhe liri të shprehjes e potencialit
kreativ, sepse ne, si qytetarë duam të marrim përgjegjësi për qytetin tonë, rrethin tonë, shoqërinë
tonë. Ne besojmë se natyra njerëzore kur nuk manipulohet, mbizotërohet nga mirësia, kuptimësia
dhe ndërgjegjja e drejtë. Me këtë, duam të besojmë se sistemet tona politike dhe autoritetet tona
lokale janë mjaftueshëm të pjekura për të qëndruar me ne dhe për të na mbështetur në rrugëtimin
tonë për të mirën e shoqërisë dhe qytetit.
Ju lusim që ta rishikoni këtë vendim dhe në kohë sa më të shpejtë të na jepni përgjigje me email
apo me letër (deri të mërkurën 19.10.2022, në ora 17:00) dhe shpresojmë në mirëkuptimin e
plotë të shqetësimit tonë.
Hapësira Socio-Kulturore Tetova