1. O corazón de Xúpiter
O corazón de Xúpiter é unha novela escrita por Ledicia Costas
publicada no 2012.
Ledicia naceu en Vigo en setembro de 1979. É licenciada en dereito
pero xa dende nova lle gustaba escribir. A súa primeira obra
publicada foi Unha estrela no vento (2000), escribiuna cando era
unha adolescente. Escribiu libros como; Escarlatina, A cociñeira
defunta (2014), A balada dos unicornios (2018), Infamia (2019), ou
a súa publicación máis recente, Golpes de luz (2021). O seu estilo
caracterízase por ser sinxelo de ler, humorística e cun enfoque
acertado cara a temas sensibles. Na súa carreira gañou varios
premios; como o Premio Lazarillo (2017), Premio dos Clubs de
Lectura de Galicia (2016), Premio Nacional de Literatura infantil e
xuvenil español (2015), e moitos outros.
O corazón de Xúpiter trata da vida de Isla, unha afeccionada a astronomía que se acaba
de mudar a unha nova cidade. Nesa cidade fai amigos, como Mar ou Anxo, aínda que o
seu refuxio era Xúpiter, alguén que compartía a súa paixón pola astronomía. Entre eles
existía un ciberespazo xa que non sabían nada o un do outro, nin sequera o nome.
Xúpiter prometeulle que se coñecerían o 24 de xullo, a noite de San Xoán, o problema
era que o mar tiña moitas medusas na auga, e as medusas nunca auguran nada bo...
A novela conta con 20 capítulos e un epílogo, cada un deles está introducido por unha
cita literaria acorde ca trama do capítulo, as citas son moi variadas, dende Alicia no
país das marabillas (Lewis Carrol), ata autores máis locais como Agustín Fernández Paz.
Este libro fai doado empatizar coas personaxes, que teñen arredor de 17 e que
representan problemas do día a día, como a necesidade de privacidade, o acoso, o
namoramento, a sexualidade, os problemas familiares e o perigo das redes sociais.
Algún exemplos disto son Carballo, Anxo e Mar.
Na miña opinión este libro ten unha trama moi ben desenvolta, nos dous primeiros
capítulos contan unha pequena parte do final que te deixa con ganas de querer chegar
ao desenlace para descubrir o que pasa e que levou a ese suceso, iso fai que o libro
enganche moito e que non o poidas soltar ata rematalo.
Ademais con este libro podes aprender un lote de cousas sobre o espazo, as
constelación e os mitos, como o do Sol, a Lúa e Venus.
A miña frase favorita deste libro foi “O ceo seguirá estando alí onde ti vaias”.
Helena Santos García – 1º Bac B