1. METEOESCOLAS
“O TEMPO MADE IN BUEU”
CEIP PLURILINGÜE A PEDRA DE BUEU CURSO 2015-16
http://otempomadeinbueu.blogspot.com
2. QUE IMOS FACER NESTE PROXECTO?
Imos observar o tempo que fai en Bueu. Observaremos e
apuntaremos os días que vai sol, que chove, que está nubrado
que neva … e o seu carón colocaremos a icona correspondente.
O alumnado de educación
infantil elaborará debuxos
sobre o tempo que está a
facer en Bueu e estamparano
nun mural contando cantos
días houbo de sol, nubrado,
choiva ...
3. Na garita meteorolóxica
que colocamos no patio do
recreo están colocados
dous instrumentos que nos
van a axudar a tomar
outros datos.
4. Un termómetro que
todos os días vai medir
a temperatura máxima e
mínima do día, é dicir,
teremos a información
do momento de máis
calor e de máis frío do
día.
5. Un pluviómetro: O pluviómetro é un
aparello que recolle a cantidade de
choiva que cae nun día, nun lugar
determinado, no noso caso en Bueu.
Conta cunha probeta con dúas
gradacións: unha que indica o volume de
auga recollida (cm3) e outra que indica
a súa equivalencia en mm ou L/m2. A
recollida de datos de temperatura e
pluviosidade está organizada para que
todos poidamos acudir a facela
acompañados dos titores.
6. Outro dato que observaremos tamén
é a fase na que se atopa a Lúa, o
noso satélite.
Todos esta información, que
recolleremos diariamente, estará no
taboleiro da entrada que poderedes
consultar sempre que queirades.
7. Con todos estes datos recollidos: temperaturas máximas e
mínimas, pluviosidade e os días de sol, nubrados ou de
choiva elaboraremos gráficos de barras e climogramas, que
nos darán unha información máis visual do tempo
meteorolóxico de Bueu.
GRÁFICOS DE BARRAS DE TEMPERATURAS MÁXIMAS E MÍNIMAS
8.
9. CLIMOGRAMA Neste gráfico recóllense os datos das
temperaturas medias de cada mes así como a
pluviosidade (cantidade de choiva ).
10. Pois claro que si, é o que imos facer todos os días no colexio.
Apuntar o tempo que vai en Bueu cada día, ese é o tempo
meteorolóxico.
Despois de varios anos de anotar o tempo meteorolóxico de
Bueu e analizando todos eses datos poderemos sacar
conclusións do clima de Bueu.
SABEMOS XA QUE É O TEMPO METEOROLÓXICO ?
TEMPO METEOROLÓXICO CLIMA
É o tempo que vai en Bueu nun
momento do día. Estúdano os
meteorólogos con instrumentos
colocados en estacións
meteorolóxicas con
instrumentos como o
termómetro, o pluviómetro, o
anemómetro…
Clima é o conxunto de datos
meteorolóxicos dun lugar
durante varios anos.
11. ONDE SE PRODUCEN ESES FENÓMENOS
METEOROLÓXICOS OU METEOROS?
Os fenómenos meteorolóxicos tamén chamados meteoros
prodúcense na atmosfera que como xa sabemos é a capa
gasosa que rodea a Terra.
Na atmosfera atopamos
distintas capas que van
dende o solo do noso
planeta ata o espazo
exterior. É na primeira
capa chamada Troposfera
onde se producen os
fenómenos atmosféricos que
todos coñecemos: chuvia,
vento, sarabia, néboa,
nubes, …
12. Como este é un
proxecto de TODO O
CENTRO temos que
traballar EN EQUIPO,
polo que imos repartir
as actividades por
niveis do seguinte xeito
13. INVENTAREMOS ADIVIÑAS E BUSCAREMOS
REFRÁNS QUE FALEN DO TEMPO ATMOSFÉRICO
• O alumnado de 1º e 2º inventará adiviñas que
teñan que ver co Sol, as nubes, a chuvia, o arco
da vella, a neve, a sarabia, os lóstregos, a
tronada, o vento ... Ilustrarán estas adiviñas e
farán un libro con elas para que todos podamos
divertirnos con el.
• Tamén buscarán refráns que falen de como é o
tempo nas distintas épocas do ano.
14. INVESTIGAREMOS SOBRE OUTROS APARATOS
QUE SERVEN PARA PREDECIR O TEMPO
ATMOSFÉRICO.
Os nenos e nenas de 5º e 6º buscarán información
sobre aparellos meteorolóxicos, buscarán
fotografías deles e elaborarán un libro con toda
esta información. Eles tamén serán encargados de
introducir os datos na páxina de meteogalicia.
15. OBSERVAREMOS FENÓMENOS METEOROLÓXICOS
Fixádevos ben, porque imos ter que estar moi
atentos para facer fotos deles xa que no mes de
maio imos facer unha exposición con todas os
fenómenos meteorolóxicos que fotografamos en
Bueu. Teremos fotos tan interesantes como ...
VENTO
CHUVIA
MARUSÍA
18. Tamén podemos observar e fotografar os distintos tipos de nubes
como:
Os nenos e nenas de 3º e 4º investigarán como se chaman estas
nubes e se son de chuvia ou non
19. O TEMPO EN ROCKFORD (ILLINOIS)
En inglés imos facer un pequeño estudo do tempo en
Rockford, cidade orixinaria de Alma.
Durante varias semanas tomaremos nota dos datos
meteorolóxicos: temperatura, vento, precipitacións… tanto
en Rockford como en Bueu.
Finalmente faremos unha gráfica comparativa das dúas
cidades.
20. QUE IMOS FACER CON TODOS ESTES
TRABALLOS?
• Na sala polivalente temos preparada toda unha parede, a
modo de mural, para que cada nivel coloque alí os seus
traballos e así podelos consultar e aprender xuntos. Nesta
sala colocaremos tamén as fotografías que vaiades
traendo sobre os fenómenos meteorolóxicos que se
produzan en Bueu.
• Ademais, e para seguir aprendendo xuntos imos celebrar o
día da meteoroloxía, 23 de marzo, elaborando viraventos
que faremos xirar no patio do recreo.
• Será o mes de maio cando vexamos o resultado de todo o
traballo realizado e comprobemos canto aprendemos.
Ánimo e mans a obra!
21. QUE IMOS FACER NESTE PROXECTO? Resumo
• Neste curso imos levar a cabo un novo proxecto que se chama
Meteoescolas e todos e todas imos participar porque cada nivel
de alumnado do colexio vai realizar distintas tarefas sobre o
tempo meteorolóxico que estea a facer na nosa vila, Bueu.
Teremos que facer un bo traballo en equipo para que rematemos
un traballo ben feito. Os traballos que temos previsto realizar
son:
• O alumnado de educación infantil: pintar paisaxes onde se
reflicta o tempo atmosférico e anotar mediante estampado,
debuxos e números os días de sol, nubes e choiva
• Os nenos e nenas de 1º e 2º realizarán un refraneiro dos meses
do ano que teñan que ver co tempo atmosférico, adiviñas sobre
o tempo atmosférico e elaborarán libros con este material para
a biblioteca do cole.
• En 3º e 4º encargaranse de medir a temperatura máxima e
mínima así como a cantidade de choiva ao entrar ao cole ou na
hora de ler. Elaborarán gráficos de barras con esta información.
Tamén Investigarán sobre as distintas formas das nubes sobre
os símbolos meteorolóxicos. Elaborarán un tríptico con eles
22. • Os maiores de 5º e 6º informarán do proxecto a todo o alumnado.
Analizarán unha vez á semana na hora de ler os datos recollidos.
Compararán os nosos datos con outro cole do interior e de montaña
se pode ser. Pasarán ao ordenador os datos recollidos polos
compañeiros de 3º e 4º. Investigarán sobre os aparatos
meteorolóxicos. Elaborarán un libro con esta información.
Elaboración dun pluviómetro. Cando se produzan fenómenos
meteorolóxicos relevantes na nosa Comunidade Autónoma
comentarémolos na hora de ler. Na área de Inglés, preparación de
vocabulario básico, iconas meteorolóxicas. O tempo meteorolóxico en
Rockford, lugar de procedencia da nosa auxiliar de conversa este
ano.
• Celebraremos todos xuntos o día da meteoroloxía o 23 de marzo
con estas dúas actividades
• Actividade para toda a comunidade educativa: durante todo o curso
poderanse enviar fotografías do tempo atmosférico en Bueu coas que
se realizará unha exposición (distintas formas de nubes, xeadas,
rocío, arco da vella, treboadas, néboas, cicloxénesis explosiva ...)
• Actividade para as aulas: elaboración de viraventos e anemómetros
para a súa exposición o 23 de marzo día da meteoroloxía se o tempo
o permite no patio de recreo.