1. TEMA 1 SOCIAIS – 6º
Un mapa é a representación da imaxe esférica do planeta nunha superficie plana.
Pode ser dunha comarca, país, continente ou do planeta (planisferio). Todos están
orientados: N arriba e S abaixo; L á dereita e O á esquerda.
Escala é a relación entre o tamaño do mapa e o lugar representado. Pode ser
numérica (1: 20.000) ou gráfica ( ).
Paralelos son liñas imaxinarias perpendiculares ao eixo da terra. O Ecuador é o
paralelo de referencia. Divide á Terra en dous hemisferios: norte e sur. A distancia
ao ecuador mídea a latitude.
Meridianos son liñas imaxinarias que van de polo N a polo S. O meridiano de
referencia é o de Greenwich. A distancia a este mídea a lonxitude. Os meridianos
serven para fixar a hora. Dividiuse a Terra en 24 fusos horarios.
Tanto a latitude como a lonxitude se mide en graos, minutos e segundos.
Hai moitos tipos de mapas: físicos (montes, ríos, relevo); políticos (divisións
administrativas –países, provincias, concellos); do tempo (meteoroloxía); de
estradas, históricos, turísticos,...
Os mapas interprétanse grazas ás cores, letras e símbolos que aparecen reflectidos
nunha lenda.
Clima Oceánico
Clima Continental
Aquí podes ver diversos
mapas. Saberías dicir de
que tipo son cada un?
a)
b)
c)
d)
e)
2.- Coloca no mapa do tempo, por fóra, os catro puntos cardinais.
3.- Debuxa un globo terráqueo co ecuador e meridiano de Greenwich. Escribe a
latitude e lonxitude de cada un dos cuadrantes.
4.- Fai a lenda do mapa do tempo que aparece aquí ao lado.
5.- Define no teu caderno: planisferio, escala, ecuador e fuso horario.
6.- Procura na web a latitude e lonxitude na que se atopa A Pobra.
7.- No mapa de Galicia da aula, calcula a distancia que hai, en liña recta, desde A
Pobra a Santiago; desde Rianxo a Lugo; desde o cabo de Fisterra a Pena trevinca.