Escolma de imaxes recollidas en maio de 2012 durante a visita do IES Asorey a Dublin

1. Visita a Dublín
IES Francisco Asorey
Maio 2012

2. O’Connell Street
Unha das arterias principais de
Dublin, nela atópase The Spire of
Dublin, a escultura máis alta do
mundo

3. Río Liffey desde O’Connell Bridge
Este río de pequenas dimensións atravesa Dublín de oeste a este

4. Trinity College

5. O Trinity College de Dublin
foi fundado en 1592 pola
raíña Isabel I de
Inglaterra, sendo
actualmente a
universidade máis antiga e
prestixiosa de Irlanda
Ata 1793 só admitía
estudantes protestantes, e
aínda así a igrexa católica
irlandesa prohibiulle aos seus
fieis matricularse na mesma
baixo ameaza de
excomunión, ata 1970.

6. O seu campus, situado no mesmo
centro da cidade, ten o aspecto
clásico dos college británicos, con
edificios antigos de pedra e
amplos xardíns.

7. No seu interior respírase o
ambiente universitario que
podemos observar en moitas
películas e series de televisión
inglesas, se ben hai outros
elementos que nos recordan a
época na que vivimos.

8. Un deses edificios alberga
a Old Library, unha
espectacular biblioteca
clásica na que se inspira o
cheiro a madeira e libros
antigos de todas as
disciplinas .

9. Pero, sen dúbida, o máis prezado
tesouro que garda a Old Library
é o Libro de Kells, un libro dos
evanxeos manuscrito e
profusamente decorado que foi
escrito arredor do ano 800, o
que o converte nun dos libros
máis antigos que chegaron ata os
nosos días

10. Temple Bar
Unha das visitas obrigadas en
Dublin é este barrio, cheo de
típicos pubs irlandeses, onde
nunca falta a cervexa e a
música en directo, moitas veces
coreada polos propios clientes.

11. O nome do barrio procede do bar
fundado por Sir Willian Temple,
un profesor universitario, que se
converteu na súa época nun
concorrido lugar de reunión,
aínda que existen outras teorías
sobre a súa orixe.

12. O Dublín xeorxiano
Gran parte da cidade responde a este
estilo, así nomeado polo rei Xurxo I
de Inglaterra. As súas rúas están
franqueadas por edificios de ladrillo
moi monótonos, que amosan como
nota discordante unhas portas moi
coidadas e coloristas

13. O Dublín literario
Esta cidade foi berce dalgúns
dos máis importantes
escritores da literatura
universal: James Joyce, Samuel
Beckett, Jonathan
Swift, Bernard Shaw, William
Yeats, Bram Stoker ou Oscar
Wilde, que conta con esta
estatua no parque de Merrion
Square, nunha fel pose a súa
personalidade de dandy.

14. Parques de Dublín
O clima irlandés, moi húmido
durante a práctica totalidade
do ano, o que favorece a
existencia de numerosos e moi
coidades parques en
diferentes partes da cidade.

15. Precisamente por este
clima, case permanentemente
chuvioso, fai que en canto
veñen días soleados e cálidos
os irlandeses saen en masa a
ocupar eses parque a
comer, pasear ou tomar o sol.

16. Dublin Castle
Orixinalmente foi unha fortaleza defensiva construída polos
normandos, posteriormente sería a sé do virrei que gobernaba Irlanda
no nome do rei de Inglaterra. Actualmente é a residencia de autoridades
estranxeiras que visitan Irlanda e arredor do mesmo están diferentes
institucións oficiais do goberno irlandés.

17. Saint Patrick’s Cathedral
Considerada a Catedral nacional de
Irlanda, país de profunda raigame
católica, pertence a igrexa anglicana
de Irlanda. Reconstuída en
numerosas ocasións, non destaca
polo seu valor arquitectónico

18. Camiño irlandés a
Santiago
Antigamente os pelegríns
irlandeses a Santiago
partían desde a porta de
St. James na beira do río
Liffey. Actualmente
seguen a facelo desde a
igrexa de St. James, tal
como da testemuña este
cartel situado na súa
porta.

19. Monumento a Molley Malone
Personaxe mítica, aínda que posiblemente real, protagonista dunha
canción popular irlandesa. É considerada un dos símbolos da nación
irlandesa

20. Guiness Storehouse
En calquera cidade do
mundo a visita a unha
fábrica de cervexa podería
parecer algo
prescindible, pero visitar a
fábrica de Guiness en
Dublín é unha obriga. De
feito, é o lugar máis
visitado de toda Irlanda, o
que pode resultar
revelador do carácter
deste país.
Por se alguén ten
dúbidas, paga a pena
dedicarlle un par de horas

21. A través de varias plantas contan a
historia da Guiness e describen o seu
proceso de elaboración.

22. Ademais, desde o Gravity
Bar, situado na parte
máis alta da Guiness
Storehouse, ofrece as
mellores vistas da cidade.