CEIP Antonio Pedrosa Latas Celeiro-Viveiro LUGO

1. LIBROS NA BIBLIOSOÑOS
(Letra e Música: Marta Pérez Lage)
Os nosos mellores libros
agardan na Bibliosoños
e Rufo ensinarache
a ler todos os contos.
Cómics, aventuras,
ciencias, xeografía,
historia, matemáticas,
contos e poesía.
Cómics, aventuras,
ciencias, xeografía,
historia, matemáticas,
contos e poesía.
Con Rufo na Bibliosoños
cantamos e disfrutamos
o día da Biblioteca
todos xuntos celebramos.
Cómics, aventuras,
ciencias, xeografía,
historia, matemáticas,
contos e poesía.
Cómics, aventuras,
ciencias, xeografía,
historia, matemáticas,
contos e poesía.

2. O NADAL DOS CONTOS
(Xosé Lueiro)
No país da fantasía é a noite de Nadal
todo o mundo moi contento foi ao Neno adorar.
No país da fantasía,
é a noite de Nadal.
Polgariño foi levarlle migalliñas do seu pan
e tras el Carapuchiña un turrón de mazapán.
Brancaneves un espello, unha illa Piter Pan
e Pinocho un gran nariz que non deixa de medrar.
No país da fantasía é a noite de Nadal
todo o mundo moi contento foi ao Neno adorar.
No país da fantasía,
é a noite de Nadal.
A Cincenta foi levarlle un zapato de cristal,
unha rosa o Principiño e un avión para voar,
a ratiña presumida un anel para se casar
e o pobre crebanoces un galón de capitán.
No país da fantasía é a noite de Nadal
todo o mundo moi contento foi ao Neno adorar.
No país da fantasía,
é a noite de Nadal.
BIS

3. RUMBA DAS APERTAS
(Letra e música: Magín Blanco)
Doutor, doutor recéiteme apertas
xornadas de portas abertas
raios de sol de porcelana
facer o que me veña en gana.
E tamén quero unha pandeireta
que as miñas mans sexan dúas pombas
e que repartan aloumiños
os debuxos que fan as sombras.
Doutor, doutor recéiteme apertas
xornadas de portas abertas
raios de sol de porcelana
facer o que me veña en gana.
Doutor, que teño frío
e as apertas non dan chegado
meu amor foi lavar ao río
e o río baixa conxelado.
Hoxe na lama non hai ninguén
andamos todos de etiqueta
agás a miña nena da alma
que anda a pasear en bicicleta
Por unha illa azul e branca
chea de flores e bolboretas
onde as cancións toman un folgo
cando ninguén as interpreta.
Doutor, doutor recéiteme apertas
xornadas de portas abertas
raios de sol de porcelana
facer o que me veña en gana.

4. PASA RÍO
(Cantares Gallegos: Rosalía de Castro
Música: Marta Pérez/Pedro Rguez.)
Pasa, río, pasa, río,
co teu maino rebulir:
pasa, pasa entre as froliñas
color de ouro e de marfil.
Pasa, pasa caladiño,
co teu manso rebulir,
camiño do mar salado
camiño do mar sin fin.
A quen cos teus doces labios
tan doces cousas lles dis.
pasa, pasa, mais non vesan
que te vas ao mar sin fin.
E leva estas lagrimiñas,
si has de chegar por alí,
pretiño dos meus amores,
pretiño do meu vivir.
Pasa, río, pasa, río,
co teu maino rebulir:
pasa, pasa entre as froliñas
color de ouro e de marfil.
Pasa, pasa caladiño,
co teu manso rebulir,
camiño do mar salado
camiño do mar sin fin.

5. ROSALÍA PEQUENIÑA
Letra e Música:
Uxía Senlle
Magín Blanco
Rosalía pequeniña
soñaba con ser pirata
a pequena Rosalía
escribía na nosa fala.
A meniña silandeira
a da fala ben mainiña
pequeniña, pequeneira
unha meniña gaiteira.
Rosalía pequeniña
medio meiga, medio fada
ao pé da verde silveira
chamando pola alborada.
A rebelde e rebuldeira
non é musa nin postal
sube ás ponlas das figueiras
e alí déitase a soñar.
Rosalía pequeniña
vestida de moitas cores
que non canta nin ás pombas
nin ás delicadas flores.
Rosalía, nena india
poeta dos nosos días
que pos no sentir do pobo
badaladas de alegría.
Rosalía pequeniña
medio meiga, medio fada
ao pé da verde silveira
chamando pola alborada.
A rebelde e rebuldeira
non é musa nin postal
sube ás ponlas das figueiras
e alí déitase a soñar.

6. GALICIA
(Letra: Manuel María
Música: Suso Vaamonde)
Galicia docemente
está ollando ó mar:
ten vales e montañas
e terras para labrar!
Ten portos, mariñeiros,
cidades e labregos
cargados de traballos,
cargados de trafegos!
Galicia é unha nai
velliña, soñadora:
na voz da gaita rise,
na voz da gaita chora!
Galicia é o que vemos:
a terra, o mar, o vento…
pro hai outra Galicia
que vai no sentimento!
Galicia somos nós:
a xente e mais a fala
si buscas a Galicia
en ti tes que atopala!

7. DEPENDE DE MIN
Letra: Vicente Míguez
Música: Marta Pérez/Pedro Rguez.
Xuntos na fala galega
soan verbas verdadeiras
paseniño as da labrega,
ou en ondas as mariñeiras.
Pasa tempo por Galicia
nunha ponte arco da vella
sinto a voz da gran poeta
Rosalía, que ledicia!
Con Manuel María lin BIS
lindos soños na gaiola
vin familia de Merlín
vagueando pola escola.
En galego, Xabarín,
bolboretas, cen mil ceos:
vivamos como galegos,
tan só depende de min.
Din os bos e xenerosos
quen puidera namorala!
cantemos arreo a coro
na lingua da nosa fala.
Por Manuel María son BIS
sonadas letras galegas
un país de sons irmáns
cantamos ao gran poeta.
Con Manuel María lin
lindos soños na gaiola
vin familia de Merlín
vagueando pola escola.
Por Manuel María son
sonadas letras galegas
un país de sons irmáns
cantamos ao gran poeta.