Os nenos acompañan á rata Luisa a facer a compra e preocúpanse pola calidade dos produtos

1. van á compra

2. Desde que lles deu polo de comer san,
se o pai ou a nai van á compra... eles tamén van.

3. E como o miran todo, e en todo se fixan,
tardan moito tempo en completar a lista.

4. Non collen nada polo nome, mírano ben por detrás,
len a letra pequena e comparan entre o que hai.

5. - Isto ten moito azucre

6. - Este ten menos sal

7. - Isto ten moita graxa

8. - Este é máis natural

9. Unha volta, e outra volta...

10. a mirar e remirar,

11. Conseguir xuntar o que buscan é un traballo sen final.

12. - Este ten moitos E-
(Os E-XXX son aditivos alimentarios. Son produtos que se lle engaden aos alimentos para mellorar a súa cor, olor,
sabor, textura, conservación,... hainos naturais e artificiais.)

13. - Isto é caro de máis

14. - Isto é novo. Hai que probalo!

15. - Este non está nada mal

16. Controlan polo miúdo a composición e as cantidades.
Non os enganan as fasquías. Elixen por calidade!

17. Preocúpanse por si, e tamén polo planeta.
Escollen cousas de tempada e que se produzan cerca.

18. - Isto ven de moi lonxe.

19. - E isto de máis alá.

20. - Este está ben, e é dos nosos.

21. - Isto é a caixa e pouco máis.

22. Mercan, se poden, a granel e rexeitan o envasado,
así levan so o que precisan, e reducen lixo e refugallos

23. Luisa aprecia o que fan, mais lévaos “encantada”,
porque tardan tanto na compra que remata “perxudicada”