рефлексивтік есеп

1. Тәлім алушының рефлексивтік есебі
Мен Мөлдір Кесебаева №209 Әнуар Әбутәліпов атындағы орта мектебінде қазақ
тілі мен әдебиеті пәнінен сабақ беремін. 20 қыркүйегінен бастап тәлімгер
Манабаева Шапағат мені тәлімалушы ретінде тәлімгерлік етті. Ең алдымен
тәлімгер менің дәстүрлі сабағыма кірді. Сабақтан соң сабақты талдап, пікір
алмастық. Өзінің сабағына қатысуды сұрады. Апта бойы тәлімгердің сабағына
қатыстым. Сабақ барысында тәлімгер тек бағыт-бағдар беріп, сабақ барысында
оқушылардың іс-әрекеті басымырақ болғанын байқадым. Өзімде алдағы уақытта
жұмыс жасауға талпыныс, ұмтылыс пайда болғанын сезіндім және қызығушылық
оянғанын байқадым. Осы сабақтан кейін мен де өзімнің сабақ беру тәсілімді
өзгертуге бет бұрдым. Алдымен тізбектелген төрт сабақтың жоспарын құрдық.
Жоспар құру барысында жаңа әдіс-тәсілдерді кіріктіре отырып, бірге
жоспарладық. Тәлімгер маған бағыт-бағдар беріп отырды. Жұмыс нәтижелі болу
үшін жүйелі жоспарлап, әр жасаған қадамның кемшілігі мен артықшылығы
тұстарын өз бағалау парақшасына жазып отырды. Сабақ соңында талдау
жасап,келесі сабақты жоспарлап отырдық. Сабаққа талдау жасағанда «не жақсы
өтті?, неліктен жақсы өтті?» немесе «не сәтсіз өтті?, неліктен сәтсіз өтті? қалай
өзгерту керек?» деген сұрақтарды өзіме қойып отырдым. Сұрақтардың жауабын
бірлесіп шешіп отырдық. Сынып оқушылары белсенді, шығармашылық
жұмыстарға бейім екендігі байқалды. Сыныпты топқа бөлгенде жай ғана бөле
салмай әр түрлі әдістермен бөлдім. Бұл оқушыларға да, өзіме де қатты ұнады.
Сабақтың түрі жаңа білім беру, шығармашылық қабілеттерін арттыру,
адамгершілік қасиеттерге тәрбиелеу. Сабақ формасына сай әдіс-тәсілдерді
таңдадым. Өткен сабақты жаңа сабақпен байланыстыра отырып жаңа сабақтың
тақырыбын оқушылардың тануына бағыт-бағдар жасадым. Оқушыларды
ойландыруға үйрету үшін сыни тұрғыдан ойлауға үйрететін стратегияларды
қолдандым. Тәлімгермен бірлесіп сабақ кезінде оқушылардың іс-әрекеттерін
зерттеуге қатыстым. Әрбір оқушының әр пәннен түрлі қырларын анықтап,
балалардың көшбасшылық қасиеттерін анықтауды үйрендім. Ең басты жетістігім
бұрын сабаққа қатыспайтын оқушылардың бойында өзгерістердің байқалуы. Басқа
оқушылардың бойында белсенділіктің артуы. Әрине, мен сабақ барысында өзім
іштей байқаған кемшіліктер де болды. Келесі іс-әректеттеріме жоспар жасағанда
нәтижелі іс-әрекеттерім бойыма қуат беріп отырды. Тәлімгер әрбір іс-әрекетіме
қолдау көрсетіп отырды.Мен тәлім алушы болғаныма қуандым. Себебі, бұрынғы
сабағым мен қазіргі сабақтың айырмашылығы, кемшілігі мен жетістігіне көзім
жетті. Оқушылармен бірге өзімнің де өзгергенімді байқадым. Өзімді-өзім
жетілдіруде бір сатыға жоғарылағанымды байқадым. Алдағы уақытта сол сатымен
талай биіктерге көтерілгім келеді. Ең бастысы оқыту үшін ойланудың маңызды
екенін түсіндім. Келешекте тәлімгермен әрі қарай жұмыс жасауды
жалғастырамын. Өткізетін сабақтарымды сындарлы оқыту теориясына сүйеніп
құрамын. Өзіндік іздену қабілеттерімді дамыту жұмыстарын жетілдіруді
көздеймін. Үйрете отырып өзім де үйренемін.
Тәлім алушы: Кесебаева Мөлдір Өмірзаққызы