Pautas sinxelas para contar contos

1. CEIP Plurilingüe da Serra de Outes.
Equipo de Biblioteca.
Curso 2015-2016
SAISA ENSÍNANOS…
COMO SE CONTA UN CONTO?
1. QUE CONTO ESCOLLEMOS? Elexide un conto entretido, con ilustracións
bonitas se llas queredes ensinar, que non teña moitos personaxes para que non se
perdan e non moi longo para que os vosos oíntes non se cansen.
2. A QUEN LLE IMOS CONTAR O CONTO? Tedes que ter sempre en conta a
quen lle ides contar o conto. Non é o mesmo un conto para máis maiores que un
canto para os máis pequenos, a estes últimos hai que facerlles máis xestos, máis
ruidos ou onomatopeias e centrar a súa atención.
3. XOGAR CO TONO DE VOZ. Deberedes xogar co tono de voz, máis alto se
queredes chamar a atención nalgún tema, ou máis baixo, por exemplo, se
queredes dar medo, podedes inventar voces para os personaxes pero recordade
que sexa sempre a mesma!
4. TRANQUILIDADE E SEGURIDADE. Temos que estar tranquilos ao ler o
relato e para iso o mellor é saber de que vai, lelo moitas veces antes e practicar
como imos a representalo.
5. PODEDES ESTAR DE PÉ OU SENTADOS. Os contos de pé sempre son
máis dinámicos e soen gustar máis. Podedes xogar con momentos de pé e
momentos sentados cando a narración sexa máis lenta.
6. ANIMACIÓN DO CONTO. Podedes traer sombreiros, marionetas, narices de
paiaso e todo o que se vos ocurra para animar ese conto. Tamén, se a sabedes,
podedes preparar algunha cantiga relacionada. Aos máis pequenos sóelles gustar
moito os contos con xestos e repeticións.
7. NON REÑER. Non se trata de reñer aos nenos e nenas que non están
atendendo, se o facedes ben e contades o conto con gracia e dramatización eles
faranvos caso. Xa veredes!
8. A CONTAR CONTOS APRÉNDESE CONTANDO CONTOS ASÍ QUE
NON TEÑAS MEDO! SE ESTA VEZ NON SAE BEN… SAIRÁ MELLOR
PARA A PRÓXIMA!
Equipo da Biblioteca