ORGANIZAN:
Un mundo na
mochila
D Departamento de Servizos Sociais
Programa de atención á poboación
mi migrante do Concello de Arteixo.
Ecos do Sur
E Equipo de Convivencia
CEIP Ponte dos Brozos
Colaboran:
Equipo de Actividades Complementarias e Extraescolares.
E.D. da Lingua Galega
Aula de GAL
Equipo de Biblioteca
Do 7 ao 11 de abril do 2014

O noso centro é moi rico, inmensamente rico, nel convivimos
persoas de case todos os continentes, fáltanos Oceanía. Non
sabemos se notan un cambio de nome: pasamos de ser
multiculturais a ser interculturais, non queremos ser un conxunto
de persoas negras, brancas de ollos máis ou menos rasgados cada
unha no seu recunchiño sen relacionármonos, sen interactuar, sen
coñecérmonos. Non, non e non, queremos bailar xuntos as
distintas melodías da vida unhas veces ledas e outras moi tristes.
Necesitamos entender e combater o feito de que uns nenos non
poidan ir á escola porque teñen que ser “Nenos Soldado” e
outros porque “Gobernos inxustos” lles neguen o dereito á educación. Precisamos seguir a
ter esperanza na que o mundo poida ser mellor. O vieiro máis axeitado e aprender idiomas,
coñecer as lendas , o vestiario, as comidas, os contos, os pensamentos, é dicir ter os
bimbios necesarios para facer do planeta unha casa coas fiestras abertas, na que somentes
se lle peche a porta á insolidariedade e á intolerancia.
Hai diversas Entidades e ONGs que nos acompañan na nosa andaina. Dende hai tres
anos estamos na “Rede de Escolas polos Dereitos Humanos de AI”, e cada curso invitamos
a unha ou mais para que nos acompañen na descuberta doutras culturas, outras formas de
pensar, para atinxir o que todos desexamos de verdade vivir en paz protexidos polo agarimo
dos familiares e amigos. Este ano agradecemos a colaboración de Ecos do Sur e das
mediadoras sociais do Concello de Arteixo, sen elas non serían posibles moitas das nosas
actividades.
A convivir. Feliz Semana
A coordinadora de Convivencia
Marga González

Ecos do Sur participa na nosa Semana Intercultural desenvolvendo o seu proxecto: "Un
mundo en la mochila", financiado polo Concello de Arteixo. Trátase dunha iniciativa para
sensibilizar sobre interculturalidade ao alumnado de Educación Infantil e Primaria do Centro
Educativo Ponte dos Brozos de Arteixo.
Salientaremos os materiais didácticos deseñados
polo equipo de educadoras de Ecos do Sur e Mestura e
un grupo de xóvenes ilustradores. Estes materiais están
diferenciados para os/as alumnos/as, pais, nais e
profesores/as e inclúen guías, contos, postais, bits...
Todo isto vai metido nunha mochila que queda á
disposición do centro para traballar nas aulas e/ou que
os alumnos levarán a casa por quendas.
Ademáis, durante toda a semana os/as máis de
1.000 nenos/as de entre 3 e 12 anos que asisten a
esta escola terán tamén actividades de dinamización nas aulas, como xogos e contacontos
desenvolvidos polo equipo de Ecos do Sur.
Un mundo en la Mochila é unha iniciativa innovadora e
interactiva, cargada de valores positivos, que garante
aprendizaxe, descobrementos e momentos divertidos na aula e
na casa... ¡Benvidos/as a esta viaxe!
Ecos do Sur é unha Ongd galega que traballa dende 1991 pola
inclusión de colectivos desfavorecidos da nosa sociedade e tamén
na cooperación internacional. A sensibilización en
interculturalidade dende as escolas é unha das nosas apostas para acadar un mundo máis
equitativo e seguro, enriquecido co recoñecemento da súa diversidade.
www.ecosdosur.org | facebook.com/ecosdosur | ecosdosur.blogspot.com
Un mundo na mochila

Dende a Biblioteca do colexio acompáñanos esta semana cunha pequena xoia, o libro, en
español e árabe “Suleiman y Salúa”Con texto do escritor galego Francisco X Fernández
Naval, traducido ao árabe por Yassin Swehat e as ilustracións do artista sirio Alí, Alí a
partir das técnicas clásicas de litografía en pedra . Están a gravar un vídeo con 8 nenas e
nenos de sexto: catro len fragmentos en castelán e catro en árabe.
A historia de Suleiman e Salúa é
froito da memoria dun neno que
medrou, sintetiza mitos locais,
lembranzas infantís, contos populares e
soños, segue a rica tradición oral de
Siria, crea un mundo marabilloso que
nos transporta ás “Mil e unha noites”.
Ali Ali naceu en Siria, na aldea de
Khatounie no ano 1974, estudiou
Belas Artes en Damasco. O ano 2013
chegou a Betanzos para participar nun
concurso de obra gráfica, dende entón
vive en Galicia e a súa obra foi premiada moitas veces.
Francisco Fernández Naval naceu en Ourense en 1956. É autor de contos, novelas e
poesías para maiores e nenos. Premiado en varias ocasións, a historia de Suleiman e Salúa
está protagonizada por seres dos que lle falou Alí Ali unha tarde de decembro tomando té
para aliviar o frío.
http://editorialtrifolium.blogspot.com.es/2013/12/suleiman-y-salua-con-texto-de-
francisco.html
Suleiman y Salúa