Araling Panlipunan 10 - 3rd Quarter | Topic 2 Part 1

1. ARALING PANLIPUNAN 10
3 R D Q U A R T E R | T O P I C 2 P A R T 2
Mga Epekto ng Paglabag sa
Karapatang Pantao
Prepared by: Eddie San Z. Peñalosa

2. Sa kadahilanang ang mga karapatang pantao ay
madalas na nalalabag at hindi nagiging mabisa ang
sistema ng pagpapanagot sa mga may sala, ito ay
nagbubunga ng mga negatibong bagay sa lipunan.

3. Ilang epekto ng paglabag ng Karapatang Pantao
1. Pagsidhi ng galit ng mga mamamayan lalo na ang
mga biktima at kanilang mga kaanak.
2. Paglaganap ng takot.
3. Pagkakaroon ng epektong sikolohikal sa mga tao.
4. Pagkakaroon ng negatibong epekto sa ekonomiya.
5. Pagkadamay ng mga inosente.
6. Pagpigil sa paglabas ng katotohanan.

4. Ilang epekto ng paglabag ng Karapatang Pantao
Pagsidhi ng galit ng mga mamamayan
lalo na ang mga biktima at kanilang
mga kaanak.
Lalo na kung mabagal ang pagresolba ng mga
may kapangyarihan sa mga kaso, natural lamang na
tumindi ang pagkadismaya at galit ng mga biktima at
ng kanilang mga kaanak. Maaaring ito ay magbunga
rin ng kawalan ng tiawala sa pamahalaan , pag –
aalsa, o pagrerebelde.

5. Ilang epekto ng paglabag ng Karapatang Pantao
Paglaganap ng takot.
Nagiging laganap ang takot sa mga
mamamayan dahil sila man ay maaaring maging
biktima ng mga paglabag sa karapatang pantao.
Maging ang mga turista o dayuhan ay maaaring
magdalawang – isip sa pagpunta sa bansa at sa
pagtatayo ng mga negosyo rito.

6. Ilang epekto ng paglabag ng Karapatang Pantao
Pagkakaroon ng epektong sikolohikal
sa mga tao.
Kamatayan o trauma ang madalas na
ibinubunga sa mga biktima ng paglabag ng
karapatang pantao. May sikolohikal na epekto sa
mga tao ang mga karahasan, terorismo, at pang –
aabuso tulad ng post – traumatic stress disorder,
hallucination, at delusion.

7. Ilang epekto ng paglabag ng Karapatang Pantao
Pagkakaroon ng negatibong
epekto sa ekonomiya.
Apektado ang ekonomiya kapag
marami ang napipinsala dulot ng terorismo at
rebelyon. Maraming nasisirang ari-arian,
negosyo, at impraestrukturang mahalaga sa
ekonomiya ng isang bansa. Wala ring gana ang
mga negosyante na magnegosyo kapag laganap
ang paglabag sa mga karapatang pantao.

8. Ilang epekto ng paglabag ng Karapatang Pantao
Pagkadamay ng mga inosente.
Sa maraming anyo ng paglabag sa
karapatang pantao, maraming inosente ang
nabibiktima o nadaramay. Sa mga pag – aalsa,
rebelyon, at terorismo, pangkaraniwang apektado
ang mga sibilyan. Sa mga estrahudisyal na pagdakip
at pagpatay, malaki ang posibilidad na ang maging
biktima ay inosente at hindi ang tunay na kriminal.

9. Ilang epekto ng paglabag ng Karapatang Pantao
Pagpigil sa paglabas ng katotohanan.
Sa kaso ng mga mamamahayag na
nabibiktima o pinapatay, madalas na ang dahilan ay
ang pagsisiwalat nila ng katotohanan. Dahil sa
kanilang pagkamatay, napipigilan ang paglabas ng
ano mang katotohanang kanilang nalalaman.

10. Salamat sa Pagsubaybay