1.
Teknika pomodoro
Çka është teknika pomodoro
Teknika pomodoro është teknikë për menaxhimin e kohës.
Kushti është që të punohet në sesione me gjatësi kohe prej 25 minutash (25 minuta është koha
e preferuar, sesionet mund të jenë edhe më të gjata), të quajtura sesione pomodoro. Pas çdo
sesioni të suksesshëm pason pushim 5 minutësh. Është e sugjerueshme që koha e pushimit të
kalohet larg tavolinës së punës.
Si funksionon teknika pomodoro
Teknika pomodoro bazohet mbi 6 shtylla kryesore të cilave duhet ti përmbahet aplikuesi, ato
janë: planifikimi, përqendrimi, fillimi i punës (sesionit), pushim i shkurtë, kthehu nga fillimi dhe
pushimi i gjatë.
1. Planifikimi
Përdor 5 minuta kohë për ta planifikuar ditën tënde. Në cilat detyra do të punosh dhe sa sesione
kohë do të nevojiten për kryrjen e secilës prej tyre. Organizimi dhe pritjet reale janë çelësi i të
qenit produktiv.
2. Përqendrimi
Ndodh që një çpërqendrim i vogël nga puna të marë minuta të tëra nga dita juaj dhe si rrjedhojë
puna do të prolongohet. Për tu shmangur nga ky fenomen me doemos duhet të shmangemi nga
gjërat që na e tërheqin vëmendjen. Këshillohet që përgjatë sesioneve të çkyçeni nga interneti
(e-mail, rrjetet sociale, etj.)
3. Fillimi i punës (sesionit)
Zgjedhe detyrën në të cilën do të punosh dhe fokusohu. Puno në të për 25 minuta (ose edhe
më shumë) pa ndërprerje.
4. Pushimi i shkurtë
Pasi të kesh kaluar sesionin me sukses pusho për 5 minuta. Le të jetë një pushim larg nga
tavolina juaj e punës.
5. Kthehu nga fillimi
Raundi i një pomodoro është 4 sesione (d.m.th 100 minuta - ose më shumë). Në fillim të çdo
sesioni caktoje detyrën në të cilën do të punosh dhe fokusoje tërë energjinë tënde në të
përgjatë 25 minutave vijuese. Vazhdo në këtë mënyrë deri sa të plotësosh një pomodoro (4
sesione). Duke përdorur shabllonin e këtillë do të krijosh shprehi të mira pune.

2.
6. Pushimi i gjatë
Pas 4 sesioneve të një pomodoroje është koha për pushimin e gjatë, rekomandohet që ky
pushim të zgjasë 20 minuta. Shfrytëzoje këtë kohë për një shëtitje të shkurtë, për pëgatitjen e
një vakti ushqimi, apo diçka të ngjajshme. Kohëgjatësia e pushimit të gjatë mund të rritet-
zvogëlohet në pazë të gjendjes fizike dhe psiqike të personit.
Cilat janë dobitë e përdorimit e kësaj teknike
Ekzistojnë një sërë dobish të përdorimit të kësaj teknike, ne do ti veçojmë disa prej tyre:
- Përmirëson produktivitetin
- Përmirëson kualitetin dhe sasinë e punës së kryer brenda një dite
- Mundëson menaxhim më të mirë të kohës
- Rritë përqendrueshmërinë dhe motivimin gjatë punës
- Ju mban të freskët
A të duhet ty teknika pomodoro
Nëse e ndjeni se ju bëni pjesë në njërën prej këtyre kategorive atëherë juve ju duhet teknika
pomodoro për të përmirësuar kualitetin dhe efikasitetin e punës suaj.
- Nuk ke kohë të mjaftueshme për ti përfunduar detyrat e tua ditore
- Ke shumë faktorë çpërqendrues në vendin ku punon
- Lufton pët të përfunduat ndonjë gjë në kohë
- Ndihesh i lodhur dhe i pafrymëzuar
- Nuk mund të vësh barazpeshë në mes të punës dhe jetës private
Kujt i sugjerohet ta përdorë këtë teknikë
Teknika pomodoro është është teknikë e cila i dedikohet punëtorëve në përgjithësi. Mirëpo
përdoret në masë të madhe nga studentët për të mbajtur në kontrollë përqendrimin përgjatë
mësimit. Gjithashtu kjo teknikë është shumë e popullarizar tek punëtorët që punojnë nga
shtëpitë e tyre dhe tek konsultatët nga largësia për tu siguruar se po e marin kualitetin dhe
profitin e duhur për kohë të caktuar.
Përktheu e pështati
Ylber Veliu
3 prill 2017