2. 1
APPRENDRE TO DEEN
ENE MOYEN POUR QUI NOUS VINE ENE MEILLEUR
MUSULMAN.
ENE MOYEN POUR AUGMENTE NOUS IMAAN.
ENE MOYEN POUR ENA LA FRAYEUR ALLAAH.
ENE MOYEN POUR PROTEGE NOUS CONTRE FITNAH.
Explication par IMAAM ABU LAYLAA
SALAFI AQEEDAH MANHAJ
3. 2
Mo glorifié Allaah, mo demande Li So aide, So pardon et So
protection, et mo remercié Li pour faveur qui Li pe faire lors moi.
Apprendre Deen Allaah, apart qui c’est ene obligation, c’est aussi
ene moyen pour qui nous vine ene meilleur musulman pour
augmente nous Imaan, nous la frayeur pour Allaah.
En vérité, dans l’époque qui nous pe vivre ena beaucoup bans fitnah.
Ene parmi bans moyens pour protège nous contre sa fitnah là, c’est
nous engage nous dans apprendre Deen.
Quand nous apprendre Deen, nous pe donne nous-même l’occasion
pour écoute parole Allaah, Rasoulullaah Muhammad et c’est sa
même nourriture de nous le cœur afin qui nous Imaan reste vivant.
Quand nous compare bans musulmans et bans non-musulmans,
obligatoirement bans musulmans bizin plus bon qui bans kaafir.
Nous pas pe dire qui parmi bans musulmans pas ena bans mauvais
dimounes.
Mais quand nous guette li en général ;
Qui sanla ena plus bon manière ?!
Qui sanla ena plus bon sentiment ?!
Qui sanla plus généreux ?!
« Pas ena doute, qui, c’est bans Musulmans. »
Nous l’objectif derrière lecture de sa livret là, c’est qui ene l’époque
quand ti pe dire suivre Salafs, sa ti pe paraître ene quitechose drôle
et étrange.
Bizin suivre Qur’aan et Hadiith. Sa c’était ene certaine l’époque.
Après ene certaine l’époque quand nous fine commence entendre
Salaf, problème là, li n’est plus Qui été sa Salaf ?!
Problème la fine vine diffèrent :
4. 3
Ce n’est pas toi qui pe suivre Salaf, moi qui pe suivre Salaf !
Finalement tous pe dire suivre Salaf. Longtemps pas ti connait
même qui été ‘Salaf’ là, Aster quand pe entend sa mot « Salaf » là,
couma dire ene crime – ene nouveau groupe dans sa ummat là.
QUI ÉTÉ SA SALAF ?
C’est bizin suivre Qur’aan – Hadiith d’apres compréhension de bans
Swahaabah (r.a) et bans premiers générations.
En général, quand nous guette bans musulmans, li divise en 2
groupes :
SUNNI
SHIA
En gros li coumsa mais d’après hadiith li pas coumsa. (Le Prophète
li fine dire 73)
Ena beaucoup dimounes dans Maurice li fine comprend li coumsa :
Ena 3 groupes musulmans :
(Bareilwi, Deobandi) – dans ene l’égarement,
Tawheed - lors chemin droit.
Ça, c’est ene gros erreur qui beaucoup musulman fine tombe là dans.
Zotte dire Bareilwi et Deobandi dans l’égarement – Tawheed, lors
chemin droite.
Veut-dire tout rentre là dans. Pas ena doute qui c’est ene erreur parce
qui le Prophète pas fine dire mo ummat pour divise en 2 groupes :
Shia & Sunni. Li pas fine dire mo ummat pour divise en 3 – Bareilwi,
Deobandi, Tawheed.
Le messager d’Allaah dire :
ًةَد ِاح َو ًةَّلِم ََّّلِإ ِارَّنال يِف ْمُهُّلُك ًةَّلِم َينِعْبَس َو ٍث ََلَث ىَلَع يِتَّمُأ ُق ِرَتْفَت َو
[Certainement mo Ummat pour divise en 73 communautés; tous
pour dans du feu (l’enfer) excepté ene seule communauté.]
5. 4
(TIRMIZI 2565)
En gros nous dire bans musulmans fine divise en 2 groupes : Sunni
et Shia. Différence principale entre bans Sunni et bans Shia, c’est
qui bans Sunni – zotte honore bans swahaabah Rasoulullaah, tandis
qui bans Shia – pour zotte bans swahaabah (r.a), c’est sa même bans
plus grands criminels.
(Par ex.)
Dans livre hadiith de bans Shia, ena ene hadith cotte Umar (r.a) dire :
« Jour Qiyamaah - quand Ibliss pu vine dans tribunal Allaah, pour
ena 80 la chaine avec li. Quand li pe guette ene l’autre, ena 120 la
chaines lors li, alors quand li pe guetter, li trouve qui c’est Umar
(r.a).»
Ibliss dire Umar (r.a) :
« Moi, mo fine égare toute la création, mo fine être enchainer par 80
la chaines. Toi, qui to fine capave faire coumsa qui ena 120 la
chaines lors toi. »
Alors Umar (r.a) pour dire :
« Mo fine coquin Haq Ali (ra).
Sa bizin alle connait vrai sa oubien menti sa histoire-là ? Oubien
couma tender connait menti ça ???!
Faire couma dire ene dimoune li pas encore connait si pas Sunni qui
lors la vérité ou bien Shia qui lors la vérité ?! Pas vine dire autant
Sunni là n’a pas bon qui Umar (r.a) li en bas Ibliss.
C’est ene causé gonage. Sa, c’est entre Sunni et Shia.
Coumsa même nous gagne Wahhabi pas content Prophète. C’est ene
causé inutile. Surtout couma tout le temps nous dire, si pas ti ena
Tawheed (dans sa pays-là) jusqu’ à zordi, nous ti pour guette
mariage de bans musulmans – so mehendi, chowtari, beau-frère et
belle-sœur ene faire l’un á l’autre mange confetti, so mixité.
Musulman dans Maurice li ti pour coumsa même li.
6. 5
Par faveur Allaah, à travers Tawheed, Sunnah Jamaat fine gagne ene
ti peu hidayat zotte bizin costé-costé jusqu’à qui zotte gagne hidayat
là au complet.
Mais sa causé qui Wahhabi pas content Prophète. Toi qui contente
le Prophète ?! To madame fine bien habillé ?! – thouse qui qualité,
robe fendue, horni lors la tête,…… li ene causé gonage ! Coumsa
même aster, Salafi pe content Israël li pe attaque musulman dans
Gaza. Est-ce qui li logique ça ?!
Allaah dire : (S5:V82)
َّدَشَأ َّنَد ِجَتَلواُكَرْشَأ َينِذَّلا َو َدوُهَيْلا واُنَمآ َينِذَّلِل ًة َاوَدَع ِاسَّنال
[To pour trouve bans qui ena plus l’ennemité pour bans qui fine
amene Imaan, c’est bans juifs et bans Mushrik.]
[D’ailleurs dans mo livre
« Ene jeune qui pe refuse prend chemin l’enfer. » ene parmi bans
livrets qui ena là-dans, c’est bans qui Allaah fine avertit contre
zotte. ]
Combien places dans Qur’aan Allaah fine avertit nous
contre juifs ?!
Est-ce qui li logique ene musulman li pe content juifs pe
touye musulmans ?!
Juste Qui faire ?!
Parce qui mo pas fine prend mo madame, mo pas fine faire li
mettre hijab ou bien ene robe couleur Palestine. Mo pas fine
amene li pour qui bans hommes admire li, frotte-frotte avec li.
Juste á cause sa veut-dire qui Salafi pe content juifs pe touye
musulmans dans Palestine. C’est bans causer qui pas ena sens.
Ena bans frères qui dans souffrance mais ena certains pe gagne
rôle par sa. So business t-shirt Palestine pe marché li. Nous frères
dans souffrance, ena so business autocollant ‘SAVE GAZA’ pe
marché li.
Nous bans frères dans difficultés nous bizin faire quitechose pour
zotte d’apres Qur’aan et Hadiith pour qui nous pas rendre nous
bouffon dans ene façon qui Kaafir la dire :
7. 6
« Toi sa-même qui to connait toi, apart sa to pas conne faire narien
toi. »
(Par ex.)
Quand ene américain li trouve sa musulman la, li prend ene
pavillon Israël li fine brulé, li fine pille lors la, américain là pour
rire li.
Nous pas là pour rendre nous bouffon auprès de bans kaffir. Tous
sa bans rassemblements qui fine ena entier le monde, combien
balles sa fine empêche juifs tire lors bans musulmans ?!
‘ ZERO ’
En gros bans shia zotte contre bans Swahaabah. Bans Sunni (ena
tous là dans là : bareilwi, deobandi soufi). Zotte tous pe dire zotte
suivre Swahaabah (r.a) parce qui Aayat Qur’aan – Hadiith trop
claire lors là.
La Question :
C’est Qui sanla qui vraiment pe suivre bans Swahaabah ??!
(Par ex.)
Allaah li faire test lors bans jeunesses. Tous jeunesses ena 35. Li
bizin lutte contre so nafs pour qui – Non ene seul coup nous faire
Nikaah, pas vine cause 35.
Est-ce qui li pe bizin faire ene effort pour li protège li contre sa
fitnah là oubien non ?! Bizin faire effort.
Coumsa même ene jeunesse li ti dans cigarette. Ramadhan fine
rentrer, li fine faire ene tawbaah sincère par lutte contre sa et li fine
arrêter, Apres Ramadhan waswaasah la vini, li pe bizin lutter contre
sa.
Lutter contre ene cigarette,
Lutter contre Zinaa,
C’est bans la lutte qui important.
Qui plus important ?!
8. 7
Lutter contre ene cigarette
oubien lutter contre l’égarement ?!
Ene test sa, Allaah fine mettre pour nous lutte contre l’égarement.
Est-ce qui nous pe faire sa effort là ?!
Pas nous qui pour dicter Allaah – quantité test li pour faire et qui
qualité test li pour faire. NON
Alors ene musulman li bizin connait, si Allaah li fine décrète untel
comme ene fitnah, li pas pour vine prend permission avec ou. Pareil
couma si Allaah fine décrète pour donne la guidance untel, li n’a pas
supposer vine consulter ou – NON.
ALLAAH LI FAIRE SO FAVEUR LORS CELUI QUILI OULÉ.
Ou connait combien qualité juifs ena dans nous ?! Bans juifs
juste á cause Muhammad li n’a pas enfant de Ishaaq, li enfant de
Ismaïl, zotte rejette li. Pourtant zotte ti pe atan quand li pour vine
dans Madiinah. Quand Prophète la fine vini, zotte pas fine accepter
li. Zotte fine oppose li.
QUI FAIRE ?! Li n’a pas parmi nous.
Umar dire :
هللا أذلنا اإلسَلم غير في العزة ابتغينا ومهما باإلسَلم هللا أعزنا قوم نحن
[Nous ene peuple qui Allaah fine honore nous avec l’Islaam. Si nous
cherche l’honneur et la force dans n’importe qui quitechose apart
l’Islaam, Allaah pour déshonore nous.] (HAAKIM1/130)
Est-ce qui l’Islaam fine enseigne nous pour écrase idoles oubien
non ?!
Définitivement, quand nous ena l’autorité. Mais aster ena l’autorité
là, li pas juste mo fine gagne l’autorité dans Maurice. Parce qui ena
ene politique internationale.
(Par ex.)
Taliban ti écrase ene gros statue.
9. 8
Idole là fine remonter oubien non ?!
Idole là fine remonté.
Sa zafer écrase idoles là fine vine ene parmi bans arguments qui bans
kuffars fine avancer pour bizin jette bans Talibans, oubien non ?!
Ecrase idole !!! Oui li ti paraître bon. Mais est-ce qui vraiment li ti
bon ?!
Dans Tombouctou dans Mali, africain, li pe dire nous fine conquérir
là, là nous pour conquérir jusqu’á la France. [IPad même pas connait
si li conne servi]. Américain so game c’est touye dimoune.
Bizin être réaliste. Li pas bizin vine lors to terrain, li vine avec ene
avion sans pilote li éclate toi.
(Par ex.)
« Ti ena darga qui ti pe être adorer.
Empêche darga être adorer – li islamique.
Korek !
Zotte fine écrase sa bans darga là.
Après qui fine arriver ?!
Bans Salahudeen la même fine tombé. »
Parfois nous bizin pose la question. Ce qui appelle politique
internationale, nous pas capave vivre endors sa réalité là. Pas ena
personne qui capave dire : « oui là nous dans l’état islamique, nous
capave faire ce qui nous oulé. Ou pour trouve kaafir pour vine
mettre so le nez, li pour écrase ou. »
Salafi dire pas cause l’état islamique, cause Aqeedah. Parce qui si
pas cause Aqeedah, mette l’état islamique – non, sanla mo pas
d’accord, l’autre-là qui mo d’accord.
Sheikh Rabee, quand li cause concernant Taliban. Li expliquer
comment bans Ikhwaani zotte ti oppose Taliban mais seulement ti
ena beaucoup du bien dans zotte, dans le sens qui vraiment zotte ti
pe applique la loi Allaah.
10. 9
Bans ikhwaani sa, c’est bans qui jouer avec Deen Allaah – pas ena
halaal / haraam pour zotte. Pour zotte, Deen – c’est Tam-tam. Ene
musulman li bizin tous le temps quand li pe apprend Deen Allaah,
nous bizin connait cotte Deen commencer, cotte li terminer. Nous
n’a pas rentre cotte ena pour crier fort –fort et finalement nous pas
pe réaliser qui nous pe rendre nous bouffon lors la terre Allaah.
Sheikh Rabee dire :
Ene parmi bans points qui pour faire la différence qui sanla pe réfère
à Deen de bans Salafs ; nous pas capave dire nous pe suivre salaf et
ene livre de bans salafs nous n’a pas connait.
Imaam Ahmad – As-Sunnah.
Imaam Abi al-Qasim al-Ajuri – Ash-Sharii’ah,
Imaam Ibn Battah al-Ukbaree - Al-Ibaanah
etc……..
Ena beaucoup bans livres qui bans Salafs / bans Ulamaa fine écrire
concernant Aqeedah. Facon qui bizin pratique l’Islaam. C’est celui
qui nous trouve li, li toujours pe faire référence à livres de bans
Salafs – c’est ene indication qui li pe suivre Salaf.
Celui qui li dire, oui li pe suivre Salaf mais seulement jamais li fine
retourne a livre de bans salafs au contraire li lire livres de bans
contemporain – [dans Kuwait] par Sayed Qutub – li n’a pas ene
aalim.
Zordi ou gagne bans dimounes qui couma dire pe vine pour sauve
l’Islaam, so référence, c’est Sayed Qutub. Ena ene l’autre Al-
Mawdoudi. [Li pas ti ene aalim] ; ena dimoune pe vine pour sauve
sa ummat là, so référence mawdoudi.
Allaah dire : (3:18)
ُه ََّّلِإ َهَلِإ ََّل ِطْسِقْالِب اًمِئاَق ِمْلِعْال واُل ْوُأ َو ُةَكِئ ََلَمْال َو َوُه ََّّلِإ َهَلِإ ََّلُهَّنَأ ُ َّاَّلل َدَِهشَو
ُميِكَحْال ُيز ِزَعْال
[Allaah fine témoigné qui pas ena aucun Ilaah excepté Li, bans
anges et bans qui ena la connaissance (aussi témoins de sa vérité
la). Et Allaah pé maintenir (So création) avec la justice. Pas ena
aucun Ilaah excepté li. Li Al-Aziiz (Le Puissant) et Al-Hakiim
(Celui qui ena Hikmah).]
11. 10
Sa Aayat là pe faire référence de celui qui plus Grand – Allaah.
Bans créatures qui ena plus valeurs actuellement – Bans Anges pe
faire référence à témoignage d’ene quitechose qui sa même plus
grand témoignage.
C’est ـهالالـ اَلِإ اهـالِإ اَل - Laa ilaaha illalaahu.
Témoignage concernant « ـهالالـ اَلِإ اهـالِإ اَل » :
- témoignage d’Allaah.
- témoignage de bans anges.
ensemble Allaah fine ajoute aussi :
- témoignage de bans qui ena connaissance.
Nous Deen, nous l’Islaam ce n’est pas bans qui conne faire Tam-
Tam oubien c’est bans dimounes qui conne faire grand
rassemblement qui l’Islaam pour faire progrès.
NON.
L’Islaam pour faire progrès à travers suivre bans ulamaa. Ene parmi
bans preuves pour dire : OUI, c’est nous qui pe suivre bans Salafs,
c’est nous faire effort pour réfère a livre de bans ulamaa couma :
- Imaam Ahmad.
- Imaam Bukhari.
- Imaam Tirmizi.
- Imaam Abu Daw’ud.
Sa bans savants lá, zotte pas ena livre juste lors hadiith.
(Par ex.) Imaam Ahmad li ena livre contre bans Jam'iyyah.
Ene parmi bans paroles qui dimounes pe dire actuellement lors
Sheikh Rabee ;
12. 11
[Mo trouve qui c’est bans paroles qui longtemps fine fini dire lors
Ibn Taymiyyah].
Bans dimounes zotte dire concernant Sheikh Rabee :
«Li pas attaque direct mais li attaque un peu en travers li – li ti
ene grand savant. Li ti pe profite dimoune beaucoup tant qui li ti
dans l’enseignement. Ene fois quand li fine commence rentre dans
sa bans affaires ‘Réfutations’ là, li fine alle salir li, li fine gaspille
so le temps. »
Si Ibn Taymiyyah ti la zordi dans nous l’époque, beaucoup bans
qui pe pretendre zotte pe suivre Ibn Taymiyyah, sa même bans
dimounes ti pour oppose Ibn Taymiyyah.
Ene parmi bans qui pe écrire lors Ibn Taymiyyah li pe dire Ibn
Taymiyyah - grand savant, si seulement li pas ti perdi so les temps
dans Réfute bans Bidati.
Ibn Taymiyyah li fine sauve l’Islaam (par permission Allaah). Sa
dawah qui fine arrive jusqu’à cotte nous zordi, li fine sortir depuis
Ibn Taymiyyah.
Dawah de Ibn Taymiyyah, li fine revivre a travers de Muhammad
Ibn Abdil Wahhab et c’est lors sa même dawah qui jusqu’à zordi
nous lors là. Et Alhamdoulillah, dans n’importe qui coin le monde
Tawheed fine rentrer (dimounes fine arrête adore Qabr, arrête avec
darga ou bien Taweez).c’est à travers de Dawah Abdul Wahhab.
Mais fine ena ene plus grand l’ennemi de l’Islaam qui fine vine pour
écrase Dawah de Abdul Wahhab, C’est Al-Ikhwaan qui zordi-jour
beaucoup bans gradué Makkah, Madiinah, pe vine pour défendre
banla sans réaliser combien du tort zotte pe apporte dans Deen
Allaah.
13. 12
Muhammad Al-Arifi parmi bans hadiith qui li fine falsifié :
Rapporté par Huzayfah Ibnul Yamaan :
ُهُبوُلُق ٌلاَج ِر ْمِهيِف ُموُقَيَس َو يِتَّنُسِب َونُّنَتْسَي ََّل َو َايَدُهِب َُوندَتْهَي ََّل ٌةَّمِئَأ يِدْعَب ُونُكَي َلاَقْم
َق َكِلَذ ُتْكَْردَأ ْنِإ ِ َّاَّلل َلوُس َر اَي ُعَنْصَأ َْفيَك ُتْلُق ... ٍسْنِإ ِانَمْثُج يِف ِينِاطَيَّشال ُوبُلُقَلا
ْعِطَأ َو ْعَمْساَف َكُلاَم َذ ِخُأ َو َكُرْهَظ َب ِرُض ْنِإ َو ِيرِمَ ْْلِل ُعيِطُت َو ُعَمْسَت
[Le messager d’Allaah fine dire :
“Après moi pour ena bans Imaam (chefs) qui pas pour suivre mo
guidance et pas pour marche d’après mo Sunnah, et pour ena bans
dimounes parmi zotte qui pour levé; bans zommes qui zotte les
coeurs c’est les coeurs Shaytwaan dans la peau de Insaan.”
Mo fine demandé :
“Qui mo bizin faire si mo joindre sa l’époque la?”
Le prophète fine répondre :
“To bizin écouté et obéir le Amiir, même si li battre toi lors to le dos
et li arrache to du bien.”]
(MUSLIM3435)
Muhammad Al Arifi li dire sa hadiith la, li ena ene signification, si
aamir la pe faire sa lors ene dimoune individuel (ene cas isolé) lerla
hadiith-là li là. Mais si aamir-la pe prend tous dimounes zotte
l’argent, la hadiith-là, li n’a pas ena sa signification là.
En vérité, C’est qui fine traverser dans le monde Arabe c’est plus
grand preuve : c’est qui bans Salafs qui lors la vérité. Celui qui
l’honneur so maman, so madame, oubien so ti fille chère a li ;
« VINE SALAFI »
‘Vine Salafi’ pas pe dire ou vine Capon, pas pe dire ou vine Homme
Américain oubien vine bans dimounes qui pas capave faire narien,
14. 13
Non. ‘Vine Salafi’ pe dire ou vine bans dimounes qui
INTELLIGENT. Tous sa bans qui crier contre américain, Libye - to
fine capave jette Kadhafi sans américain toi ?!
La Syrie pas to même qui pe faire mendiant, vine aide nous.
Ene cotte zotte crié ‘Jihaad – Jihaad’. L’autre cotte, zotte dire
l’Amérique vine échappe nous. Nous musulmans, nous tombe dans
tout piège même. Musulmans, quand mette sa mot ‘Jihaad’ la
devant li, li pe croire li fine prêt pour ça.
Sheikh bin Baz li dire :
« Vivre dans le chemin d’Allah, sa qui plus difficile. Mort dans le
chemin d’Allaah, sa li pas difficile. »
Aayat Qur’aan dire :
« O bans qui fine présente devant l’armée pas sauver. C’est parmi
bans 7 grands pêchés. »
Qui faire ena sa Aayat la ? Tourne le dos depuis champ de bataille ?!
Parce qui ena beaucoup qui causer, ena beaucoup bans qui crié,
quand fine arrive devant américain, Israël game, zotte jouer avec toi,
sitant zotte avancé.
Accepter qui nous faible. Pas nous faible juste couma dire nous pas
fine prêt pour Jihaad. Nous faible – nous bien loin de l’Islaam. Pas
à cause l’Islaam fine dire nous faire Jihaad…. !
« JIHAAD NOUS FAIRE POURGAGNER, PAS POUR PERDI. »
(Par ex.)
Ene parmi bans swahaabah, Julaybib (r.a), quand ti lors champ de
bataille
– Le Prophète dire :
– « mo pe remarque l’absence de Julaybib, mo pas pe trouve li,
rode li. »
Quand fine trouve li, ti ena sept le corps kuffar et so le corps.
– Le Prophète dire :
15. 14
– « li fine touye sept, li fine mort. »
[Musnad Ahmad]
Li fine touye sept kuffar banla fine touye li.
Zordi musulman, li pe touye ene, banla touye 1000 et li content li
fine touye ene.
To touye sept, to mort, Ok !! Sa appelle Jihaad.
Pas alle faire Jihaad pour qui to touye ene, banla touye 1000.
(Par ex)
Prend li dans sa façon la :
‘Nous musulmans, nous majorité dans Maurice (80%), ena 10-20%
kuffar. L’autorité, l’armée tout nous-même. Sa 10% kuffar la, ene
ladans li vine faire ene fausse numéro avec ene lascariine. Dans sa
moment-là, mo pas fine content to fine touche mo sœur mais sa
moment la même, mo ti pe attend.’
Aster mo tire to mange bien même.
Est-ce qui li coumsa oubien non ?!
Quand ou plus fort, ou pas content ou l’ennemis et ou l’ennemis n’a
pas content ou, li faire ene ti-numéro (pour l’ennemis la) avec ene
plaisir li pe touyé, li pe atan sa quitechose là. Et attention ou croire
quicaine capave empêche li apart Allaah. Pas ena la France oubien
so l’ONU ki pu capave empêche li. Li faire ce qui li envie.
D’ailleurs couma nous conne très bien sa pays Israël la même pas
supposé exister. Nous tous conne sa, tous kuffar connait.
Est-ce qui Israël n’est plus existe aster oubien li encore la même ??!
Ce qui nous fine connait oubien ce qui nous pe connait fine change
quitechose la li ?!
Faire couma dire nous dans Maurice, Plaine- Verte, camp lascar,
Alhamdoulillaah. Gagne ene problème (Allaah protège nous), kuffar
16. 15
vini li touyé. Apres 2 ans sa quelque musulmans qui fine rester la
10% et 80% fine vine kuffar.
Aster jeunesse musulman dire ; Juifs, l’autre - l’autre, mo pe alle
battre li moï,
kifer ?!
Mo dans Plaine-Verte moi, Plaine-Verte pour lascar sa,
Li pas supposé la li.
Li plus fort qui toi, li pas plus fort qui toi ?!?!
Sa même musulman azordi !!!
To pour alle battre li ?!
Lerla ?! Touye li pourqui li touye 100 ?!
L’Islaam pas fine enseigne nous ça.
Mo faire ene khutbah lors Mimbar, mo tire manger Juifs bien même.
Lerla ?!
Israël fine fini disparaitre lors map oubien li encore la même ?!
Salafi enseigne ou pour vivre avec la réalité. Salafi enseigne ou pour
qui ou avec ou madame vivre avec ene certaine sécurité, ene certaine
l’honneur.
Plus grand preuve, c’est qui actuellement la dans nous pays l’Arabie
Saoudite, Alhamdoulillah, n’importe qui sanla qui li dans Maurice
oubien n’importe cote sa qui li été :
Si to demande li, to ti préfère to ti ene habitant l’Arabie cotte to
famille ena la tranquillité oubien to ti content to ti dans bans les
autres pays couma la Syrie cotte ena Jihaad ?!
To ti pour content pour participe dans Jihaad oubien to ti pour
content pour loger dans l’Arabie ?!?!
En vérité position l’Arabie, c’est pas position bans lâches, c’est pas
position de bans hommes Amérique. L’ONU fine refuge l’Arabie
pour rentre ene membre parmi zotte, KIFER ??!
17. 16
Nous musulmans quand nous faire Swadaqah, nous pas supposer
faire tam-tam avec ça. Quand ti ena Fatah et Hamas pe la guerre
(zotte bans imbéciles), to dans ene pays Palestine, to l’ennemis
Israël, to pe la guerre entre Toi ?!
Qui sanla ti invite sa 2 groupes la cote kabah, assizer, cause avec
zotte, essaie résoudre zotte problème : Pas faire ça !!!
Qui sanla ?!
C’est l’Arabie.
Par permission Allaah, l’Arabie faire beaucoup……… li n’a pas
parfait.
C’est pas l’état d’Abu Bakr (r.a), Umar (r.a), Uthmaan (r.a), oubien
Ali (r.a). Ena beaucoup manquement, erreurs, mais seulement, par
permission Allaah, encore ena du bien dans sa pays la.
Nous termine par ene parole de Cheikh Al-Rabee :
C’est ena 2 qualités musulmans :
- Ene qui suivre bans Swahaabah (r.a)
- L’autre, qui pas suivre Swahaabah (r.a)
Alors ene parmi bans preuves pour nous connait qui sanla qui pe
suivre Salaf vraiment! C’est nous guetter qui sanla pe réfère a livres
de bans Salafs.
Sa c’est ene ti-peu certains conseils pour nous afin qui l’Islaam reste
vivant dans nous la vie et non-plus qui c’est juste le nom ‘islamique’
qui fine reste avec nous et l’Islaam fine presque disparaitre. Qui
Allaah guide nous pour propage So Deen et Li servi nous comme
ene moyen pour garde l’Islaam vivant. Ameen.
Explication par