Awit 115 Tagalog with English Bible Verse

1. Huwag sa amin, Oh Panginoon,
huwag sa amin, kundi sa iyong pangalan
ay magbigay kang karangalan,
dahil sa iyong kagandahang-loob,
at dahil sa iyong katotohanan.
Awit 115:1

3. Bakit sasabihin ng mga bansa,
Saan nandoon ngayon ang kanilang Dios?
Awit 115:2

5. Nguni't ang aming Dios ay
nasa mga langit: kaniyang ginagawa
ang kaniyang ibigin.
Awit 115:2-3

7. Ang kanilang mga diosdiosan ay pilak at
ginto, yari ng mga kamay ng mga tao.
Awit 115:4

9. Sila'y may mga bibig, nguni't sila'y hindi
nangagsasalita; mga mata'y mayroon sila,
nguni't hindi sila nangakakakita;
Awit 115:5

11. Sila'y may mga tainga, nguni't hindi sila
nangakakarinig; mga ilong ay mayroon sila,
nguni't hindi sila nangakakaamoy.
Awit 115:6

13. Mayroon silang mga kamay,
nguni't hindi sila nangakatatangan;
mga paa ay mayroon sila,
nguni't hindi sila nangakalalakad;
ni nangagsasalita man sila
sa kanilang ngalangala.
Awit 115:7

15. Ang nagsisigawa sa kanila ay magiging
gaya nila; Oo, bawa't tumitiwala sa kanila.
Awit 115:8

17. Oh Israel, tumiwala ka sa Panginoon:
siya'y kanilang saklolo at kanilang
kalasag.
Awit 115:9

19. Oh sangbahayan ni Aaron, magsitiwala
kayo sa Panginoon: siya'y kanilang saklolo
at kanilang kalasag.
Awit 115:10

21. Kayong nangatatakot sa Panginoon,
magsitiwala kayo sa Panginoon;
siya'y kanilang saklolo at kanilang
kalasag.
Awit 115:11

23. Inalaala tayo ng Panginoon; kaniyang
pagpapalain tayo: kaniyang pagpapalain
ang sangbahayan ni Israel, kaniyang
pagpapalain ang sangbahayan ni Aaron.
Awit 115:12

25. Kaniyang pagpapalain ang nangatatakot
sa Panginoon, ang mababa at gayon ang
mataas. Awit 115:13

27. Palalaguin kayo ng Panginoon ng higit at higit,
kayo at ang inyong mga anak.
Awit 115:14

29. Pinagpala kayo ng Panginoon, na gumawa
ng langit at lupa.
Awit 115:15

31. Ang mga langit ay mga langit ng Panginoon;
nguni't ang lupa ay kaniyang ibinigay sa mga
anak ng mga tao.
Awit 115:16-17

33. Ang patay ay hindi pumupuri sa Panginoon, ni
sinomang nabababa sa katahimikan;
Awit 115:17

35. Nguni't aming pupurihin ang Panginoon mula sa
panahong ito hanggang sa walang hanggan.
Purihin ninyo ang Panginoon.
Awit 115:18