Libros e outros documentos seleccionados do fondo infantil e bebeteca correspondentes ás novas adquisicións entre abril e xuño de 2017. Boletín número 20 do SOLF (Servizo de Orientación de Lectura ás Familias) da Biblioteca Pública Municipal de Narón.

1. SELECCIONADOS
ABRIL-MAIO-XUÑO 2017
SERVIZO DE ORIENTACIÓN DE
LECTURA ÁS FAMILAS
XUÑO 2017 (Boletín SOLF número 20)
Biblioteca Pública Municipal de Narón
R/ 25 de Xullo, s/n 15570 Narón, A Coruña
981 382 173
biblioteca.central@naron.es

2. Seleccionados “SOLF” número 20 ABRIL A XUÑO DE 2017
1
Biblioteca Pública Municipal de Narón
SELECCIONADOS:
CONTOS E OUTROS DOCUMENTOS SELECCIONADOS ENTRE AS ÚLTIMAS INCORPORACIÓNS AO FONDO
INFANTIL-XUVENIL NO TRIMESTRE ABRIL-MAIO-XUÑO DE 2017
“SERVIZO DE ORIENTACIÓN DE LECTURA ÁS FAMILIAS”
Boletín SOLF número 20
Sección infantil I1 (de 3 a 6 anos)
Contos da vida real:
Una última carta, de Antonis Papatheodoulou.
Este conto é unha homenaxe a un oficio que ten todas as trazas de acabar
perdéndose: o de carteiro/a. É tamén unha homenaxe á entrega e ao coidado
cos que moitas persoas exercen a súa profesión.
As fermosas ilustracións valénronlle a este álbum o Premio Internacional
Compostela para álbumes ilustrados do ano 2016.
¿Quién está feliz? de Jarvis.
As páxinas deste álbum preséntannos diferentes esceas con múltiples
personaxes dos que nos convida a intuir os sentimentos. Cal parece triste?
Quen parece entusiasmado?
Deste xeito os nenos e nenas aprenden tamén a identificar e nomear as súas
emocións.
Contos de humor:
¿Quién compra un rinoceronte?, de Shel Silverstein.
Shel Silverstein explica coa súa desbordante e divertida imaxinación o
conveniente que é mercar un rinoceronte polo moitísimo proveito que del se
pode tirar. A partir deste conto rimado descubriremos o útil que pode resultar
ter un nas nosas casas.

3. Seleccionados “SOLF” número 20 ABRIL A XUÑO DE 2017
2
Biblioteca Pública Municipal de Narón
Contos fantásticos:
¿Dónde está Oso?, de Jonathan Bentley.
É a hora de ir para a cama e o noso protagonista busca a Oso. Dende o primeiro
momento o conto invita a interactuar tentando axudar ao neno a atopar a Oso. A súa
presenza é cada vez máis evidente, como pode ser que aínda non o vexa? Un
inesperado final espertará en nós un sorriso.
Temático:
¿Qué quieres ser de mayor?, de Virginie Morgand.
O libro amosa e describe moi brevemente máis de cen profesións e oficios que os
nenos e nenas poden recoñecer na súa vida diaria. As familias podedes compartir a
lectura xogando a identificar cada profesión coas persoas do voso entorno ou con
personaxes coñecidos. Tamén podedes axudar aos vosos fillos e fillas a imaxinarse
nun futuro desenvolvendo algún dos traballos que se amosan.
Sección infantil I2 (de 6 a 9 anos)
Contos clásicos:
Colección Miniclásicos, de Edicións Embora.
Varios escritores e escritoras de prestixio adaptan clásicos da literatura universal
para facelos accesibles ao público máis novo. O resultado é un volume con fermosas
ilustracións no que se destaca as pasaxes máis importantes das obras orixinais. É un
xeito de espertar o interese por grandes personaxes coma Gulliver, Jin Hawkins,
Frankestein ou o Rei Artur.

4. Seleccionados “SOLF” número 20 ABRIL A XUÑO DE 2017
3
Biblioteca Pública Municipal de Narón
Contos da vida real:
El mapa de los buenos momentos, de Fran Nuño.
Belísima e durísima historia sobre unha nena que percorre os lugares máis especiais da
súa cidade lembrando os fermosos momentos que viviu en cada un deles. O percorrido é
tamén unha despedida dunha terra que non sabe se volverá pisar algún día.
Recomendamos ler este conto en familia e aproveitar para falar cos nenos e nenas das circunstancias que
viven as persoas que se ven na obriga de abandoar as súas casas por mor da guerra.
BOMBÓN. PARA LER ACOMPAÑADOS/AS.
Contos de humor:
Burro (el origen), de Juan Arjona.
Esta divertidísima historia toma como base o conto da Ratiña presumida e fai unha
versión desternillante onde un burro é quen de facerse pasar por unha morea de
animais para conquistar á roedora. Cando descobre que a ratiña é vítima dun
feitizo, o burro percátase tamén dos seus dons e neste momento da comezo a súa
propia lenda.
¡Locos por la pizza!, de Sandro Natalini.
Historia da pizza e dos seus principais ingredientes contada (con moita licencia
histórica e moito humor) dende os tempos de Adán e Eva. O conto está cheo de
curiosidades sobre cuestións coma os tipos de pan, os costumes gastronómicos dos
romanos, a chegada do tomate a Europa ou o comezo da emigración italiana a
Estados Unidos.
Temático:
El día de la naturaleza de Kay Maguire.
Unha guía para aprender a observar a natureza e os cambios que produce xusto
diante de nós e que moitas veces nos pasan desapercibidos. O libro invítanos a
observar oito lugares diferentes durante as catro estacións para que vexamos os
cambios nas cores, na luz, na flora, na fauna…

5. Seleccionados “SOLF” número 20 ABRIL A XUÑO DE 2017
4
Biblioteca Pública Municipal de Narón
Sección infantil I3 (de 9 a 12 anos)
Biografía:
Colección Mulleres bravas da nosa historia, de Urco Editora.
Rosalía de Castro e María Victoria Moreno son as primeiras mulleres bravas as que
Urco Editora quere render homenaxe por seren mulleres exemplares da historia de
Galicia.
Cada volume da colección incorpora ademáis varias actividades lúdicas e divertidas
que tratan sobre a vida de cada unha delas.
Wangari Maathai, la mujer que plantó millones de árboles, de Franck Prévot.
En forma de conto, esta biografía achéganos á vida de Wangari Maathai, a primeira
muller africana en recibir o Premio Nobel da Paz. A súa é unha historia de loita,
compromiso e valor feminino que merece a pena coñecer.