2. 2 Excursión, de 3anosA
4 Ciencia e lectura, de 3anosB
6 Libros e avós, de 4anos
8 Horta e xardín, de 5anos
10 Programa SI!, de 1º
16 What do you like on your pizza?. de 1º
18 RAEE cos Bolechas, de 2º
19 Meteogalicia e Santiago, de 4ºA
20 O autismo, de 4ºB
22 Concurso fotográfico
23 Antonio Fraguas e un rap, de 5ºA
26 O recuncho dos escritores, de 5ºB
30 Saída didáctica ás Illas Cíes, de 5º e 6º
34 Educando en igualdade
39 Da horta ao prato
42 Mes da ciencia na Biblioteca
46 Andaina no tempo
48 Día do Libro
50 Festival das Letras Galegas
52 Protexer a natureza
56 Piña Cortada no comedor escolar
59 Actividades complementarias
65 Saímos no xornal
REVISTA ESCOLAR
2018/2019
O
FORMIGUEIRO
3. EDITORIAL “O FORMIGUEIRO”
Dende o Equipo de Dinamización da Lingua Galega, coa colaboración
imprescindible de toda a comunidade educativa, recollemos unha parte do
traballo realizado ao longo do curso escolar 2018/2019 no noso CEIP nesta
revista escolar anual.
Este ano mergullámonos no proxecto de centro, desta vez denominado “Entre
salgueiras, carballos e bidueiros”, e continuamos participando no Plan
Proxecta “Meteoescolas”, nos programas de consumo de froita e leite, no Plan
de Mellora das Bibliotecas Escolares, na dinamización das TICs e da
normalización do uso da lingua galega, no fomento da convivencia e actividade
física, na creación dun comedor escolar proveitoso e saudable para todos, etc.
Moitas das informacións aquí recollidas reflectirán algunhas das boas
experiencias levadas a cabo nas aulas ou fóra delas, nos diferentes equipos de
traballo ou globalmente en todo o centro.
Animámosvos a ler as seguintes páxinas para redescubrilas.
Lembrade que na web do centro atoparedes todas as actividades realizadas,
imaxes, enlaces e outros documentos:
http://www.edu.xunta.gal/centros/ceipalbinonunez
Esperamos que a revista, elaborada con esforzo e ilusión, sexa do voso agrado.
Grazas a todas as persoas que o fixeron posible.
Recibide un cordial e agarimoso saúdo.
CEIP Plurilingüe Profesor Albino Núñez O Formigueiro 2018/2019
1
4. OS NENOS E NENAS DE EDUCACIÓN INFANTIL VISITAMOS O
CENTRO ACOUGO EN VILAMARÍN. FOI UNHA XORNADA CHEA
DE ACTIVIDADES DIVERTIDAS EN PLENA NATUREZA.
Montamos en barca,
nun lago habitado
polo crocodilo Crispín.
Tirarnos pola tirolina foi
moi emocionante.
CEIP Plurilingüe Profesor Albino Núñez O Formigueiro 2018/2019
2
5. QUE BEN O PASAMOS!!!
INFANTIL 3 ANOS A
Tamén lle demos de comer aos
animais: cabras, pitas…
Moitos acabamos o
día así…
CEIP Plurilingüe Profesor Albino Núñez O Formigueiro 2018/2019
3
6. SEMANA DA CIENCIA
OS NENOS DE 3
ANOS FIXEMOS
UN MONTÓN DE
EXPERIMENTOS:
CON PLANTAS,
AUGA, ESCUMA,
COR..
CANTO
APRENDIMOS!!
Deseñamos papel marmolado
con escuma de afeitar e tintes.
O mellor foi xogar coa
escuma ao rematar!!
Tintamos a escuma para
facer debuxos en relevo
Aprendimos como se obteñen
distintas cores a partir doutras
Tamén fixemos nubes de cores!
Na aula temos o noso
recuncho de investigación
Observamos insectos no microscopio
CEIP Plurilingüe Profesor Albino Núñez O Formigueiro 2018/2019
4
7. O 23 DE ABRIL
CELÉBRASE O DÍA DO
LIBRO E NO NOSO
COLE OS NEN@S
MAIORES APADRIÑAN
AOS PEQUENOS E
CÓNTANLLES CONTOS
APADRIÑAMENTO LECTOR NO DÍA DO LIBRO
Otto, Valeria L., Valeria R. e Claudia F.
escoitan moi atentos ás súas madriñas
Izan, Ángela e Iris non perden
detalle dos contos que lles len
Como lles gustou a Alex e
Valentina o conto! Rodrigo inverteu os papeis
e exerceu el de “padriño”
Claudia G. gozou
moito do conto
Que sorte tivo Mael con
este padriño tan cariñoso!
Que atentos estiveron Antón e
Aarón !
CEIP Plurilingüe Profesor Albino Núñez O Formigueiro 2018/2019
5
12. PROGRAMA SI
Os/as alumnos/as de 1º de Primaria durante todo o curso
estivemos realizando diversos retos cun claro obxectivo:
demostrar que a adquisición de hábitos saudables dende a
infancia reduce os riscos de enfermidades cardiovasculares
e mellora a calidade de vida na idade adulta.
Grazas a unha visión global de promoción da saúde, o
Programa SI incide en catro compoñentes básicos
interrelacionados: a adquisición de hábitos de alimentación
saudable, o desenvolvemento da actividade física, o
coñecemento do corpo e do corazón e a xestión emocional.
Comezamos pois traballando un dos retos:
CEIP Plurilingüe Profesor Albino Núñez O Formigueiro 2018/2019
10
13. O descanso
A actividade consiste en facerlles reflexionar aos nenos/as
sobre o necesario que é o descanso. Proponnos
actividades para calcular as horas que dorme cada
neno/a e elaborar receitas para conseguir durmir,
ademais de realizar uns exercicios de relaxación e traballar
para saber relaxarse e aprender rutinas que nos
axuden a mellorar o descanso no noso corpo.
CEIP Plurilingüe Profesor Albino Núñez O Formigueiro 2018/2019
11
14. Imos ao supermercado
Valorar as necesidades alimentarias e escoller entre os
alimentos que son necesarios e os que nos axudan a
manter unha dieta equilibrada, son uns dos obxectivos a
conseguir neste segundo reto.
CEIP Plurilingüe Profesor Albino Núñez O Formigueiro 2018/2019
12
15. As emocións
Os/as nenos/as de 6-7 años expresan constantemente as
emocións, polo tanto é importante recoñecelas ben: ledicia,
tristeza, o enfado, a ira, o aburrimento, o medo, o sentirse
namorado, emocionado ou celoso. Esta é unha das
actividades primeiras que fixemos na clase. A continuación,
os alumn@s debuxaron unha situación na que lles
provocase unha emoción. Xurdiu a película da “Cinsenta”,
en canto ao deporte, o fútbol, a patinaxe, as carreiras,
pero tamén as pelexas que fan que o noso corazón se
poña a mil. O bo de todo isto é que despois da “ tormenta”
por así decilo, chega a calma. Falamos de
situacións para calmarnos. Finalmente relacionamos
frases feitas con emocións ou sentimentos.
CEIP Plurilingüe Profesor Albino Núñez O Formigueiro 2018/2019
13
20. OS BOLECHAS ELECTRECOS
O 18 de decembro viñeron ao colexio os
mesmísimos Bolechas! Tamén o seu amigo o
profesor científico, quen nos explicou que o mellor
que podemos facer cun aparello cando deixa de
funcionar é... arranxalo! E se non é posible, entón
desfacernos del SEMPRE NUN PUNTO DE
RECICLAXE AXEITADO. Se os botamos en calquera
lugar, ademais de ensuciar o entorno, contamínano.
Despois da charla levamos para os nosos fogares uns folletos e cómics
onde explicaba moi ben todo o que nos contara o Profesor para que
as nosas familias puidesen sabelo tamén.
Déronnos un carnet de Electrecos e agora a nosa obriga é cantarlle a
todo o mundo o Rap dos RAEE: RECICLA OS RESIDUOS DE APARELLOS
ELÉCTRICOS E ELECTRÓNICOS!
Durante todo o curso aprendemos máis cousas sobre a reciclaxe e
intentamos poñelas en marcha na aula e na casa. E en maio
presentámonos ao Concurso de Debuxo dos Electrecos! Estamos
desexando coñecer os resultados. Que nervios!
Podedes acceder a esta e máis información na web dos Bolechas:
https://www.oqueseenchufareciclase.gal/osbolechas/index.html
CEIP Plurilingüe Profesor Albino Núñez O Formigueiro 2018/2019
18
21. SANTIAGO DE COMPOSTELA
Os nenos e nenas de 4º de primaria fomos este mes de xuño de
excursión a Santiago de Compostela. Nada máis chegar, visitamos
a sede de METEOGALICIA, onde lanzamos un globo sonda que
chegou ata o norte de Lugo e asistimos a unha interesante charla
sobre meteoroloxía. Por suposto, non podiamos marchar de
Santiago sen visitar a praza do Obradoiro, na que puidemos facer
unhas fotos estupendas coa catedral de fondo. Foi nesta praza
onde collemos o tren turístico que nos levou de ruta polo
centro da cidade. Como o bo tempo non nos acompañou pola
tarde, acudimos a un centro comercial. Alí mercamos xeados e
xogamos no parque infantil. Á media tarde, ledos e cansos,
volviamos de novo a Ourense mentres cantabamos, animados,
algunha que outra canción.
4º A
CEIP Plurilingüe Profesor Albino Núñez O Formigueiro 2018/2019
19
22. O AUTISMO
O día 2 de abril, os nenos/as de 4º B celebramos o día mundial de
concienciación do autismo. Pero… que é o autismo?
O autismo é un desarreglo psicolóxico que se caracteriza pola
intensa concentración dunha persoa no seu propio mundo interior e a progresiva
pérdida de contacto coa realidade exterior.
As persoas autistas aínda que teñen características comúns, son moi diferentes
entre sí.
Falamos do autismo, como son as persoas que o teñen, si coñecemos a alguén e
buscamos información para poder axudalos.
Que podemos facer para axudar
as persoas con autismo?
- Utilizar unha linguaxe concisa,
clara e literal.
- Asegurarnos da atención
da persoa antes de dirixirnos a el
ou ela.
- Utilizar tons baixos: controlar o
volume do noso ton de voz e
falar de forma individual. De un en
un.
- Ofrecer apoios visuais:
pictos, xestos naturais, debuxos,
signos…
Tamén coloreamos diferentes símbolos que representan ao autismo.
Todos podemos aprender, pero
non todos o mesmo día nin da
mesma maneira.
CEIP Plurilingüe Profesor Albino Núñez O Formigueiro 2018/2019
20
24. FOTOGRAFÍA A METEOROLOXÍA
Un curso máis dende o noso CEIP quixemos participar no Plan
Proxecta “Meteoescolas”. Entre as actividades que levamos a
cabo houbo cancións sobre o tempo, recollidas de datos,
elaboración de gráficos, busca de refráns, saída a Meteogalicia e
Santiago de Compostela co seu tempo tan característico, e incluso
observación da influenza do
tempo meteorolóxico na poesía
de Rosalía!
Pero unha das actividades que
máis éxito tivo foi sen dúbida o
Concurso Fotográfico. Nesta
ocasión dividiuse en tres fases:
outono, inverno e primavera.
O número de participantes foi
cada vez maior e, como os seus
traballos eran moi bos, recibiron un pequeno agasallo. Ademais,
as 3 mellores fotografías de cada edición levaron premio!
Quedaron encantados cos seus chubasqueiros, paraugas...e
mesmo cámaras fotográficas deportivas!
1º PREMIO: “Pícnic na neve”
Arón Junco Sánchez 2º EP
1º PREMIO: “A cerdeira dos avós en primavera”
Xián Almeida López 1º EP
CEIP Plurilingüe Profesor Albino Núñez O Formigueiro 2018/2019
22
25. LETRAS GALEGAS 2019
ANTONIO FRAGUAS FRAGUAS
Naceu en Loureiro de Cotobade (Pontevedra) o 28 de decembro de 1905.
Cando a súa familia ía emigrar a Brasil, os seus pais deixaron, grazas
aos consellos do mestre de Antonio, que continuase cos seus estudos e
fixo bacharelato no Instituto de Pontevedra, onde tivo como mestres a
Castelao e Losada Diéguez.
En Santiago estudou Filosofía e Letras e ingresou no Seminario de Estu-
dos Galegos e nas Irmandades da Fala. Alí empeza o seu traballo como
defensor da lingua e da cultura galega e tamén o seu labor como docente,
unha vez rematada a carreira. Sendo profesor no instituto da Estrada é
cesado ao comezar a ditadura franquista polas súas ideas galeguistas e
non será ata 1950 cando poda volver a exercer como profesor nun institu-
to de Lugo, primeiro, e logo no instituto Rosalía de Castro de Santiago.
Ao mesmo tempo desenvolve o seu traballo como investigador, antropólogo,
etnógrafo, escritor e conferenciante. Foi nomeado membro da Real Acade-
mia Galega ocupando a cadeira de Castelao en 1951.
F o i u n d o s
fundadores do Museo
do Pobo Galego a
comezos de 1976, un
ano despois da súa
xubilación como
docente.
Será director e
presidente de dito
museo ao que lega a
súa biblioteca
persoal.
Finou en Santiago
de Compostela en
1999 con case 94
anos, despois de
recibir numerosos
premios e medallas
en recoñecemento do
seu labor en prol
da cultura e da
lingua galega.
CEIP Plurilingüe Profesor Albino Núñez O Formigueiro 2018/2019
23
26. Froito do seu labor como investigador no eido da historia, da etnografía
e do folclore galego escribiu moitos ensaios e artigos que publicou en
numerosas revistas. Tamén escribiu varios libros, entre eles:
Eu collín a flor da xesta
que a primeira que vén,
desde que te vin a ti
non amei a máis ninguén.
Din que che pican as mans,
para min son amorosas
tamén pican os rosales
e deles salen as rosas.
Vamos, ao muíño vamos,
miña cariña de rosa,
vamos ao muíño vamos,
que esta semaniña é nosa.
CANTIGAS DO CANCIONEIRO DE COTOBADE
O cura chamoume rosa,
eu tamén lle respondín
destas rosas, señor cura,
non as ten o seu xardín
De Loureiro a Rebordelo
todo é camiño chan,
todas son rosas e flores
postas pola miña man.
O lugar de Vilalén
de lonxe parece vila,
ten un caravel na entrada
e unha rosa na salida.
(Pequena escolma de cantigas do libro “Aportacións ao Cancioneiro de Cotobade”)
Alumnos e alumnas de 5º EP
CEIP Plurilingüe Profesor Albino Núñez O Formigueiro 2018/2019
24
27. PARA CELEBRAR O DÍAS DAS LETRAS GALEGAS, OS NENOS E NENAS DE 5º
CONVERTÉRONSE EN “RAPEIROS” POR UN DÍA, ADAPTANDO ESTA POESÍA DE
MANUEL MARÍA
Somos os alumnos de 5º curso
E imos presentarnos a todo o mundo
Os nenos e nenas imos rapear
Un novo tema que o vai petar.
Con esta poesía de Manuel María
Falaremos galego durante todo o día
Galicia docemente
Está ollando o mar:
Ten vales e montañas
E terras pra labrar!
Ten portos,
mariñeiros,
Cidades e labregos,
Cargados de traballos
Cargados de trafegos!
Galicia é unha nai
velliña, soñadora:
Na voz da gaita rise,
Na voz da gaita chora!
Galicia é o que vemos
A terra, o mar, o vento…
Pero hai outra Galicia
Que vai no sentimento
Galicia somos nós
A xente e mais a fala
Se buscas a Galicia
En ti tes que atopala!
CEIP Plurilingüe Profesor Albino Núñez O Formigueiro 2018/2019
25
28. Estaba eu tan tranquila no meu escritorio pensando na redacción
que podía facer. Xa pasara un bo anaco, pensa que te pensa,
pero non se me viña nada á cabeza. Non se me ocorre nada! –
dixen un pouco desesperada.
Decidín ir ao xardín para ver se me inspiraba un pouco o reflexo
das montañas no río, que corre cara o seu destino, o mar.
Cando me ía levantar da cadeira, de súpeto... Apareceron, no libro que tiña ao meu carón,
dous nenos do tamaño do meu dedo maimiño. Axiña viñeron correndo onda min
e contáronme quenes eran e que facían no meu fogar.
A nena chamábase María, era unha nena co cabelo castaño, cunha mirada xenerosa e viva
como un mar cristalino cheo de peixes; cun ánimo e cunha alegría que, cando se encamiña
a ti, parece que cho contaxia e que queres brincar con ela. Pero, cando á María se lle mete
algo na cabeza, aínda non naceu ninguén que a faga cambiar de decisión.
En cambio o seu irmán, Xan, é todo o contrario. Ten ollos verdes e unha mirada fría, o seu
pelo tamén é castaño, pero curto, ten uns rizos que se entrelazan uns cos outros
asemellándose a un niño dunha cegoña. É moi temerario, sempre lle anda a dicir á súa irmá
que teña coidado e que non sexa tan atrevida. El non é un libro aberto, ten moita vergoña!
Máis ben parece un libro pechado coa chave, pero que.. Cando consegues abrilo.....Ten
cousas interesantísimas que contar!
Estes dous irmáns están aquí para axudarme á difícil tarefa de
facer unha bonita redacción para a revista do cole, porque
eles nisto son especialistas, xa que están sacados dun conto!
Primeiro teño que merendar, fun abaixo e collín chourizos e un
anaco de pan para compartir con eles. Isto, para eles, era
emocionante, xa que estaban limitados a facer o que poñíao
conto e, neste conto...Nunca comeran!
Despois da merenda, puxémonos mans á obra. Un aportaba unha idea, outro outra e así
escribimos esta redacción
Xiana Corderí Jardón (5º B)
CEIP Plurilingüe Profesor Albino Núñez O Formigueiro 2018/2019
26
29. A min sempre me gustou vivir na aldea. Haberá xente
que diga, hai abúrrome! Iso é mentira, porque na aldea
sempre tes que facer. Por exemplo: sachar as patacas,
facer a rodriga, abrirlle ás ovellas, sacar as herbas
malas da horta, levar as vacas ao monte, coller as
verzas, ir buscar auga á fonte, facer picón...E moitas
cousas máis. Se che parece pouco....!
A que moitos de vós non podedes ter animais na casa? Pois eu teño tres cans, moitos gatos
e moitos animais máis que comparto cos meus avós.
A quen non lle gusta o cocido quentiño que fai a avoa no
inverno? Se non che gusta, para min é un pecado. Hum, que
ben cheira!
No verán a aldea énchese de xente. Teño uns veciños que
veñen de Madrid, outros da cidade de Ourense, e de moitos sitios máis.
Todos os nenos lle piden aos seus pais unha piscina, eu non teño que pedírllela porque teño
unha natural!
Ás veces xuntámonos para dar longos paseos polo
monte.
Esquecíaseme que teño que marchar á casa da avoa.
Ben, tanto me da! Só teño que subir as escaleiras e...xa
estou na súa casa! Teño que poñer a mesa. Tedes que
convencer aos vosos pais para que veñan vivir á aldea.
Clara González García (5ºB)
Érase unha vez nun reino moi afastado, unha princesa que tiña o gran
desexo de ser un valente cabaleiro. , pero contaba con dous problemas que
lle impedían cumprir o desexo:
A VIDA NA ALDEA
CEIP Plurilingüe Profesor Albino Núñez O Formigueiro 2018/2019
27
30. - Era unha muller
- O rei e a raíña non llo permitían.
Un día tivo unha gran idea! Recordou que alguén lle
contara unha vez que existía un diamante que cumpría
desexos infinitos, así que a princesa percorreu un longo
camiño soportando un tsunami, derrotando a un
dragón e subindo ao cume do Everest, onde se atopaba
o diamante que concedía os desexos.
A princesa non era avarenta e quería compartilo co seu
pobo, polo que baixou ao seu Reino para contarlle a
súa aventura e amosarlle o valioso diamante.
Entón algo sorprendente ocorreu, o pobo enteiro
pediulle ao Rei que a nomeara Cabaleiro do Reino para que os protexera dos
inimigos.
O rei e a raíña decidiron, con moito orgullo, nomear a súa filla “Princesa Cabaleiro”
sen ter que usar o poder do diamante.
Foi o mellor día da súa vida e demostrou que con esforzo os soños convértense en
realidade.
Bruno Pérez Viadero (5ºB)
Nós somos catro persoas humildes e vouvos contar a nosa historia:
Eu chámome Xaime, Raúl, o meu irmán, a miña nai Lucía e Roi, o meu pai.
Unha vez ao meu pai ocorréuselle facer unha acampada no
monte Lucásami. Fomos andando porque non temos coche
e, ao chegar, entramos por un camiño moi afastado do
contenedor que, sabiamos que existía porque cheiraba moi
mal!
No monte acendemos o lume, puxemos todo o que
necesitaba unha tenda de campaña e preparamos o saco para durmir.
CEIP Plurilingüe Profesor Albino Núñez O Formigueiro 2018/2019
28
31. Ao día seguinte.... Queriamos subir ata o cume
para ver as paisaxes, puxémonos en marcha
pero... Era como se estivésemos bloqueados por
algo moi grande.
Intentamos subir polo outro camiño , pero... Desta
vez...Moveuse algo moi grande, nós só lle vimos
un rabo verde e uns ollos xigantes!
Estaba moi claro, Iso non podía ser outra cousa que...Un animal invisible!
Collemos tanto medo que decidimos irnos correndo ao noso campamento para
recoller todo e marchar para a nosa casa.
Zaida Giménez Estévez (5ºB)
Fun a cama Eu dixen que parara
Fun a durmir pero non quixo parar.
Como di a miña irmá Eu quería espertar.
Vamos a “mimir”· Entón...
Eran as doce, Pensei que espertara,
era moi tarde, entrara noutro soño,
o único que quería iso era o que pasara .
era soñar e ir ata Marte.
Xa estaba aí, Outra vez
pero nesta un neno
apunto de durmir, que fora maltratado
pechei as mermiñas coma o ogro...
e púxenme a soñar.
Entón espertei e dixen:
Soñei cun ogro, Que sorte teño
sen un ollo, de non ser maltratado!
sendo maltratado Como maltratan ás mulleres
por outro ogro. Ou ao neno, ou ao ogro.
Xurxo Vilariño (5ºB)
CEIP Plurilingüe Profesor Albino Núñez O Formigueiro 2018/2019
29
32. A saída máis agardada polos/-as
compañeiros/-as de 5º e 6º era a
“excursión de fin de curso”. Can-
do xa pensábamos que este ano
non iamos saír do colexio, leva-
mos unha boa sorpresa cando
Ma-ría, Eva, e Pepe (titoras de 6º,
5ºA e titor de 5ºB) nos falaron da
posi-bilidade de realizar unha
viaxe en barco a unha illa. Ao
pouco tempo xa soubemos que
dende a ANPA, Eva e Lucía,
estaban tratando de organizar
unha saída ás Illas Cíes. Por fin,
o martes, día 21 de maio, ás 8:30
h, puxemos rumbo dirección a
Vigo para coller un barco cara ás
Cíes.
Ás 11:00 h, nun dos peiraos do porto de
Vigo, embarcamos nun catamarán da Na-
vieira Mar de Ons para facer unha travesía
de 50 minutos ata o embarcadeiro de Punta
Muxeiro, na illa Norte (ou de Monteagu-
do), nas Cíes. A mañá estaba espléndida e
puidemos utilizar a cuberta superior do
barco para gozar da viaxe (mar en calma,
augas transparentes, vistas preciosas, brisa
suave). O tempo de travesía fíxose moi
curto porque fomos facendo fotos na proa
do barco, intentando descubrir algún golfi-
ño preto do barco e gozando da paisaxe
das dúas beiras da ría: Moaña, Cangas,..
(ao Norte) e Samil, Nigrán,… (ao Sur).
As Illas Cíes, protección na-
tural da Ría de Vigo, forman
parte do Parque Nacional
Marítimo-Terrestre das Illas
Atlánticas de Galicia. Trá-
tase de tres illas moi próxi-
mas entre si. De feito, dúas
delas, Monteagudo (Norte) e
Illa do Faro (Medio) están
unidas entre si polo conxun-
to dunar da Praia de Rodas.
Á illa Sur (San Martiño) non
é posible acceder.
CEIP Plurilingüe Profesor Albino Núñez O Formigueiro 2018/2019
30
33. Fotos cos compañeiros/-as para ter un bonito recordo des-
ta saída que estivemos agardando impacientes nas últimas
semanas, ... consultando a diario o prognóstico do tempo.
Augas “turquesas” nunha das mellores praias do mundo, a de Rodas,
que é a praia máis visitada de Galicia a pesares de que, con bo criterio,
as Illas Cíes teñen o acceso controlado, con visitas diarias limitadas.
Ao organizar a saída acordouse
incluír a axuda de Nora e Silvia,
dúas guías (especialistas en bio-
loxía ) para que nos acompaña-
sen nas illas e nos explicasen as
características e o por que da
protección do espazo que visita-
bamos. En dous grupos chega-
mos, despois dun longa paseo,
ata o lugar chamado “A pedra da
campá”.
Aproveitamos o intre de xantar para descansar da camiñata e prepararnos para a actividade máis importante e
desexada por todos/-as: xogar na praia e bañarse nunha das mellores praias do mundo (A praia de Rodas). Qui-
zabes nunca nos paramos a valorar, sen menosprezar a moitas das fabulosas praias de Galicia, que a temos a
menos de dúas horas (coche + barco) do lugar no que vivimos.
Auga transparente… de cor turquesa e a area branca e fina…para xogar nun lugar privilexiado do noso planeta.
CEIP Plurilingüe Profesor Albino Núñez O Formigueiro 2018/2019
31
34. Despois de dúas horas de baño e xogos na praia… que nos pareceron dous minutos… preparámonos para a volta.
Como é norma en toda actividade, tocou, antes de coller camino do peirao, facer a foto de grupo, para deixar
constancia de ter estado alí e poser lembrar, dentro de moitos anos, os compañeiros/-as que un día do mes de
marzo de 2019 estivemos xuntos, gozando no paraíso das Illas Cíes.
Con menos ánimo que cando embarcamos á ida, ás
17:00 h tivemos que agardar no peirao o momento de
embarcar para iniciar a viaxe de volta. Todos pensaba-
mos o mesmo… temos que volver outra vez… (aquela
estancia nas Illas Cíes fora moi curta e quedárannos
algúns lugares emblemáticos sen visitar: o Faro
(Monte Faro), Alto do Príncipe, o Faro do Peito,...
CEIP Plurilingüe Profesor Albino Núñez O Formigueiro 2018/2019
32
35. Xa de volta en Vigo, e antes de
subir ao autocar que nos traería a
Ourense, quixemos despedirnos,
coma en toda boa excursión, re-
poñendo forzas para a viaxe de
volta. Despois dun día intenso de
caminatas, xogos na auga e na
Praia, … a forza físicas comeza-
ban xa a faltar ...e o cansazo pe-
díanos a berros que tiñamos que
comer algo para recuperarnos. O
mellor nestes casos...
……….UN XEADO XXL……...
Como resumo desta saída pode-
mos concluír que foi unha activi-
dade que nos gustou moito para
rematar un curso longo e intenso.
Só un pequeno fallo… que cre-
mos que ten fácil solución: cando
repitamos esta saída, ben ás Illas
Cíes, ou a calquera outra illa do
Parque Nacional das Illas Atlánti-
cas (Ons, Sálvora,..) programar
dous días de estancia para poder
visitar todos os lugares de inerese
que hai en cada unha delas e dis-
poner de máis tempo para a Praia.
E para despedir esta crónica da nosa
viaxe, agradecer á ANPA do Cole-
xio Albino Núñez a organización
desta saída e ao Colexio a colabo-
ración necesaria para que puidese-
mos ir.
Agradecerlle tamén a Lucía, Eva,
María e Pepe que nos acompañasen
na viaxe.
Embarcados xa para zarpar cara Vigo,
contemplamos outra vez a fermosa es-
tampa da Praia de Rodas con certa pena.
Uxía, Bruno e Xurxo dan boa conta
de cadanseu xeado...
CEIP Plurilingüe Profesor Albino Núñez O Formigueiro 2018/2019
33
36. Dende o colexio fomentamos a coeducación, impulsando a igualdade entre homes e mulleres.
1. Prevención da violencia de xénero: educar dende a resolución de conflitos
de forma pacífica e non sexista, visibilizando e nomeando aquelas condutas que dalgunha
maneira discriminan e atentan contra as mulleres ou as nenas.
O 23 de novembro nun acto conxunto escoitamos o manifesto elaborado polos alumnos e
alumnas de 6º de primaria onde rexeitaban calquera discriminación por razón de sexo e
denunciaban condutas violentas (físicas, verbais, psicolóxicas…) contra as nenas e as mulleres.
Logo bailamos e cantamos ao ritmo de dúas cancións de denuncia de condutas sexistas e de
defensa da liberdade da muller.
“La puerta
violeta” de
Rozalén
“Déjala que
baile” de
Melendi con
Alejandro Sanz
e Arkano
2.“ Pensemos en igualdade, construamos con intelixencia e
innovemos para o cambio” foi o lema deste ano para a conmemoración do Día
Internacional da Muller.
Murais
realizados polos
alumnos/as de
educación
infantil
CEIP Plurilingüe Profesor Albino Núñez O Formigueiro 2018/2019
34
37. 8M, o Día da Muller en 2º de primaria.
Na aula de 2º de primaria gústanos coñecer e reflexionar
sobre o mundo que nos rodea. Moitas veces vemos na
televisión, lemos nos xornais ou escoitamos ás nosas
amizades ou na radio titulares que nos chaman a
atención. Algunhas situacións non as entendemos moi
ben, pero outras parécennos inxustas ou moi graves e
quixemos saber que poderiamos facer para cambialas.
Por todo isto comezamos a falar das semellanzas e diferenzas,
dos salarios, das tarefas domésticas, das palabras, das
profesións, dos anuncios, dos xoguetes, das cores... do
que vemos e do que queremos.
Estes vídeos fixéronnos pensar. Animámosvos a que os
busquedes e lles botedes unha ollada.
PURL de Disney Pixar:
https://www.youtube.com/watch?v=B6uuIHpFkuo
CEIP Plurilingüe Profesor Albino Núñez O Formigueiro 2018/2019
35
38. • #likeagirl:
https://www.youtube.com/watch?v=xH-9nWaqpws
Experimento social noruego. Os nenos e a desigualdade
salarial entre homes e mulleres.
https://www.youtube.com/watch?v=m54ZPkl_HaM
Despois de tanto debate decidimos poñernos mans á obra e
facer uns carteis para poñer polo colexio para
conmemorar o 8 de marzo, Día Internacional da Muller.
CEIP Plurilingüe Profesor Albino Núñez O Formigueiro 2018/2019
36
39. Todos quedaron xenial! Oxalá moita xente os lese e o
mundo vaia sendo un pouco máis xusto cada día!
Algúns deles luciron así:
CEIP Plurilingüe Profesor Albino Núñez O Formigueiro 2018/2019
37
40. 3. Medrando en igualdade: os rapaces e rapazas de 6º de primaria realizaron
o pasado 7 de maio no centro un obradoiro sobre igualdade promovido polo Concello de
Ourense. O obradoiro, moi visual e participativo, foi visto así polo alumnado:
“Un martes calquera do mes de maio chegou Paula cun xiz, debuxounos un iceberg no
encerado e fíxonos unha pregunta… cando tedes unha comida familiar, quen se levanta
e quenes se quedan sentados na mesa despois da sobremesa? . Pensádeo ben!. Vós
tamén chegastes a mesma conclusión ca nós? … Sempre son as mulleres as que se
erguen… porque? Que vos parece iso? Porque nunca nos detivemos a cavilar? Porque non
cambialo? …
Así foi como comezamos a decubrir ese iceberg de micromachismos e desigualdades que
nos rodean e do que, as veces, os telexornais só dan conta da parte máis visible e
dramática: a violencia de xénero. Aquel martes decatámonos de cal era o camiño cara
esa violencia e de que non queriamos percorrer nin un metro máis. Paula abriunos os
ollos e fíxonos reflexionar sobre os tipos de relacións que queriamos ter no futuro…
todos tivemos claro que tiñan que estar basadas na igualdade e no respeto. Dicidenos
que opinades o mesmo!”
CEIP Plurilingüe Profesor Albino Núñez O Formigueiro 2018/2019
38
41. DA HORTA AO PRATO
A horta do Albino é sensacional, nela sachamos e aprendemos a plantar.
Sementamos patacas, allos e cebolas,e ás galiñas da veciña dicímoslle ola!!!
Recollemos as leitugas, os
repolos e as acelgas, ata
descubrimos un caracol,
durmindo a sesta!
CEIP Plurilingüe Profesor Albino Núñez O Formigueiro 2018/2019
39
42. A nosa colleita levámola á cociña, para que Ángeles, Alfonso e
María, nos fagan unha comida moi rica.
Leitugas e repolos
gústanos cultivar
porque ao noso
cardio séntanlle
xenial.
Retiramos as malas herbas, que moito medran!!!
Xuntamos a folla na nosa carballeira,
para abonar a nosa horta ao chegar a primavera.
CEIP Plurilingüe Profesor Albino Núñez O Formigueiro 2018/2019
40
43. Despois de tanto traballo toca descansar,
e zamparnos os cultivos na hora do xantar!
Lucía e Tibor están abraiados co que medraron os repolos.
Será polo ben que os coidaron ?
CEIP Plurilingüe Profesor Albino Núñez O Formigueiro 2018/2019
41
44. Ao longo do mes de novembro a nosa BIBLIOTECA transformouse nun gran
laboratorio. Ao longo deste mes todos fomos científicos e desenvolvemos
interesantes e divertidos experimentos:
Os nenos e nenas de 4º de Infantil fixeron o experimento da ESCUMA
MÁXICA:
Primeiro botaron vinagre nun
vaso, engadíronlle unhas pingas de
deterxente e unhas pingas de
colorante. Mesturaron todo.
Despois cando botaron o
bicarbonato…
Produciuse a maxia!!!
A escuma medrou e medrou...
E DEIXOU A
TODOS
MARABILLADOS!!!
CEIP Plurilingüe Profesor Albino Núñez O Formigueiro 2018/2019
42
45. Os nenos e nenas de 5º e 6º
de infantil comprobaron que
as bólas de cristal ou de
plastilina afundíanse na auga
sen importar nin o peso nin o
tamaño.
Pero que cando, entre todos, fixeron
barcas coa plastilina e botaron
nelas as bólas….
Flotaban na auga!!
CEIP Plurilingüe Profesor Albino Núñez O Formigueiro 2018/2019
43
46. Os alumnos de 5º de
Primaria empregando
auga, aceite, mel, xarope
colorantes...
Foron capaces de meter
ao Arco da Vella nun
frasco!!
EXPERIMENTO
4º DE PRIMARIA
Demostraron que a auga pode ir
cara arriba, en contra da gravidade,
coa transferencia da auga entre
dous vasos.
CEIP Plurilingüe Profesor Albino Núñez O Formigueiro 2018/2019
44
47. Comezaron vertendo no centro do frasco, con moito coidado para non tocar os
bordes, mel, xarope, colorante, deterxente... formando capas dun centímetro.
Remataron botando cun
goteiro polas paredes do
frasco o alcol coloreado.
E este foi o
resultado!!!
CEIP Plurilingüe Profesor Albino Núñez O Formigueiro 2018/2019
45
48. Andaina no tempo
Un ano máis participamos no proxecto Voz Natura, este ano dedicado aos bosques.
Presentada a nosa proposta: “Entre salgueiros, bidueiros e carballos”, quixemos
comezar cunha viaxe, capaz de unir arredor do bosque do Falán: o pasado e o
presente, os druídas, os avoíños, e as avoíñas do Centro Fogar de San Amaro, as nais e
os pais do alumnado de 5º e de 6º, os mestres, un grupo de voluntarios, os nenos e as
nenas, e o último prior do Mosteiro de Santa Comba de Naves.
Na baixada do pobo de Naves ao Mosteiro aproveitamos para recoller lixo. No medio
do camiño esperábanos o historiador Suso Martínez, para interpretar ao último prior
deste mosteiro, Antonio de Neira, quen nos guiou cara unha viaxe ao pasado. Con
moita ilusión, e gañas de aprender dispuxémonos a escoitalo
e a seguilo...
CEIP Plurilingüe Profesor Albino Núñez O Formigueiro 2018/2019
46
49. Antonio de Neira ensinounos que detrás das pedras sempre houbo, e haberá unha
historia, e achegounos á deste Mosteiro.
Rematada a visita teatralizada con Suso
Martínez, cruzamos o bosque da Conchada
para chegar ao bosque do Falán, aquí
tivemos a oportunidade de descubrir
moitas árbores, das que aprendemos
os nomes, e observamos as características.
Temos que agradecerlle aos avoíños do
centro de San Amaro o esforzo que
fixeron para acompañarnos, e chegar á
meta, así como aos voluntarios que
axudaron a que fora posible realizar esta
andaina no tempo arredor do bosque.
CEIP Plurilingüe Profesor Albino Núñez O Formigueiro 2018/2019
47
50. Para conmemorar o Día do Libro e dos Dereitos de autor no colexio
desenvolvéronse diferentes actividades:
Na biblioteca r eci biNa mos a vi sita
Na Biblioteca tivemos unha visita moi agardada:
José Ferreiro, o avó de Sara de 4º de infantil,
acompañado da súa dona María Bernárdez, foron
recibidos polos nenos e nenas de 4º de infantil e
de 3º de primaria, aos que:
lles recitou un poema que el lle
escribira a un carballo.
Tamén lles contou que lle gustaba
moito vivir na súa aldea rodeado de
paxaros, leitugas, tomates, carballos, e
da súa netiña que lle axudaba a
sementar, plantar, regar coidar a horta
e as árbores.
Coa sabedoría que dan os anos e a
experiencia foilles contando anécdotas da
súa vida, do seu traballo na sega de
Castela, as súas experiencias en
Alemaña. Faloulles da importancia de
coidar os montes que foron fonte de
riqueza nos tempos pasados. Para ilustrar o que lles estaba contando quíxolles
ler unha proclama que el escribira, e como non tiña lentes Marcos de 3º
leu voluntariamente o seu escrito.
CEIP Plurilingüe Profesor Albino Núñez O Formigueiro 2018/2019
48
51. Os nenos de 5º e 6º de infantil recibiron a visita
de Fátima , a mamá de Teo de 5º de infantil, que
lle contou a historia da Bruxa Mala. Folla a folla
foi contando e interpretando as accións tan
perversas que facía esta bruxa.
Tamén lles
contou que ela
coñecía a
bruxas moi boas
que facían
“apócemas”
para
axudarlle á xente.
Elas prestáronlle o alambique co que fan os
perfumes e as herbas coas que fan as menciñas.
Tamén se organizou o VI Apadriñamento Lector: un ano máis os padriños e
madriñas colleron aos seus afillados e na “hora de ler” léronlles un conto.
Cada parella elixiu a zona do patio que máis lle gustou: na carballeira, na zona
de xogos ou
simplemente
sentados na
herba do
xardín...
Gozaron dese
momento tan
especial no que
non só se
comparten libros
e historias,
tamén ledicia,
amizade e cariño.
CEIP Plurilingüe Profesor Albino Núñez O Formigueiro 2018/2019
49
52. FESTIVAL DAS LETRAS GALEGAS 2019FESTIVAL DAS LETRAS GALEGAS 2019FESTIVAL DAS LETRAS GALEGAS 2019
O xoves día 16 de maio tivo lugar no salón de actos do centro o FESTIVAL
DAS LETRAS GALEGAS.
Ao longo do mesmo estivo presente a obra do autor homenaxeado este ano:
ANTONIO FRAGUAS FRAGUAS, que ademais de divulgar e defender a nosa
lingua, dedicouse a recoller o noso acervo cultural e etnográfico.
Os pequenos de 3 anos-A cantaron e
bailaron “Glu, glu, glu” de Mamá Cabra.
E os de 3 anos-B fixérono coa canción “Os
sentidiños” de María Fumaça.
Os nenos/as de 4 anos bailaron e
movéronse ao ritmo da cantiga popular “A
saia da Carolina” .
“Quérote máis” de O Sonoro Maxín foi a peza
que cantaron e bailaron os maiores de infantil.
O alumnado de 1º de EP recitou cantigas
do “Cancioneiro de Cotobade” que recolleu
Antonio Fraguas.
“Vai saír o tren” cantaron e bailaron os nenos/
as de 2º de EP que recordaron con este tema o
traballo no Brasil do pai de Antonio Fraguas e
oa seus desexos de ser maquinista.
CEIP Plurilingüe Profesor Albino Núñez O Formigueiro 2018/2019
50
53. Os nenos/as de 3º EP bailaron e
fixéronos bailar a todos ao ritmo
de “Imos bailar” de Mamá Cabra.
Primeiro interpretaron a obriña “Farsa” e logo
fixeron un teatriño con monicreques “O mago e
a folla”, os alumnos e alumnas de 4º-B.
A famosa poesía “Galicia” de Manuel María foi “rapeada” polos marchosos alumnos/as de 5º
de EP. A continuación Clara, Xurxo, Noa e Diego A. representaron “Os tres preguiceiros”.
E como remate, en homenaxe a Antonio Fraguas, os maiores do cole interpretaron a
cantiga “O casamento da pulga e o piollo”, peza tamén popular que recolleu Fraguas
no famoso “Cancioneiro de Cotobade”.
Despois de recitar varios poemas, alumnos de 4º-A
representaron a peza teatral “O rato pelado”.
CEIP Plurilingüe Profesor Albino Núñez O Formigueiro 2018/2019
51
54. Protexer a natureza é algo que
debemos ensinar desde a infancia.
Como pais, temos que ser os
primeiros en dar exemplo e
conseguir que os nosos fillos se
convertan en persoas saudables
e conscientes dos seus actos. A
educación ambiental está dirixida
a formar valores, actitudes e
comportamentos a favor do medio
ambiente, polo que é preciso
intentar aplicar esta materia en
moitos aspectos da vida do neno.
O coidado da contorna é algo fundamental que debe empezar a inculcarse desde
idades moi temperás. Non se trata de falarlles do cambio climático ou da extinción de
certas especies, pero si de ensinarlles o respecto pola vida animal e vexetal, e de
demostrarlles as grandes sorpresas que se
agochan nos bosques. É importante saber
que o contacto directo coa natureza na
infancia é clave para o desenvolvemento da
personalidade dos nenos. Para eles, a
natureza é un parque de atraccións, unha
excelente medicina e aula de aprendizaxe. O
contacto con ela mellora a saúde, a
capacidade de atención, o desenvolvemento
motor e cognitivo, a autonomía, a seguridade,
a adquisición de valores...
CEIP Plurilingüe Profesor Albino Núñez O Formigueiro 2018/2019
52
55. Os nenos necesitan estar en contacto
co mundo que os rodea para poder
desenvolverse de forma integral.
A natureza é o espazo perfecto para
estimular os sentidos dos máis
pequenos. O espazo ideal para que
poidan experimentar libremente e
entender como funciona o mundo.
É o seu laboratorio, o seu lugar para construír soños,
para deconstruir problemas e atopar solucións, para
redescubrirse libres e ver a maxia que cada pequena
cousa alberga.
Os nenos necesitan mollarse, tocar aquelo que lles
rodea, mancharse e xogar libremente para
desenvolver a súa capacidade creativa e o seu
desenvolvemento emocional e cognitivo.
Subir ás árbores, cheirar as flores, plantar
sementes... Todos estes estímulos provocan
nos nenos sensacións que serven para
construír o coñecemento, porque o que
aprendemos vinculado ás emocións
grávase máis facilmente na nosa
memoria e é máis difícil de esquecer.
Nada mellor que aprender como é o mundo
que descubríndoo na propia natureza.
A natureza: esencial
para a aprendizaxe
CEIP Plurilingüe Profesor Albino Núñez O Formigueiro 2018/2019
53
56. Porque toda aprendizaxe debería poder facerse
desde a realidade, en directo, e non tanto por
fotografías, vídeos ou libros. E porque é de
maneira natural, co contacto directo e
usando todos os sentidos, como os nenos
aprenden mellor. A natureza ofrece unha
experiencia sensorial completa: pódese
tocar, cheirar, ver, oír, probar… E sempre
será mais fácil e mais atractivo aprender
estando en contacto directo coa natureza, que
non simplemente sabendo que é véndoa só nos
libros, nun ordenador ou desde un pupitre do cole.
Son mais autónomos: Os
pequenos teñen a posibilidade
de xogar ou experimentar nun
espazo aberto que les aporta a
opción de moverse libremente
e de observar como funciona
aquelo que lles rodea. Este
ambiente é ideal para que
aprendan a actuar de forma
autónoma.
Xestionan mellor as emocións: Estar en contacto co ambiente natural é estar en
contacto co noso hábitat orixinal, e está demostrado que mergullarse na natureza é
unha das mellores medicinas para o corpo e para a mente.
Como inflúe a natureza
nos nenos?
CEIP Plurilingüe Profesor Albino Núñez O Formigueiro 2018/2019
54
57. Teñen mais facilidade para
aprender: Os nenos son aprendices
activos, investigadores, e a natureza
ofrece unha experiencia sensorial
completa: pódese tocar, cheirar, ver,
oír, probar…, así que é mais fácil
aprender alí que atado a un pupitre.
O contacto coa natureza durante a
infancia deixa unha pegada
indeleble. Podería resumirse nesta
frase da pedagoga Maria
Montessori:
“ningunha descrición, ningunha
ilustración de calquera libro pode
substituír á contemplación das
árbores reais e de toda a vida que
os rodea nun bosque real”.
Departamento de Orientación
Estar ao aire libre, en interacción directa coa natureza
debería ser recoñecido coma un dereito fundamental da
infancia.
CEIP Plurilingüe Profesor Albino Núñez O Formigueiro 2018/2019
55
58. PIÑA CORTADA NO COMEDOR
Menuda visita temos na nosa escola!
A Pirata Piña cortada acompáñanos todos os luns e os venres, á hora do
xantar, para falarnos das súas aventuras, e para propornos retos moi
saudables. Vaia sorte que temos ao poder escoitala, e aprender hábitos,
normas e valores grazas aos xogos que nos ensina, e a todo o
que aprendeu nas súas viaxes polo mundo. Piña cortada é un cofre
cheíño de sabedoría que agora poderá compartir con nós. Ata nos
aprendeu trucos matemáticos.
Contounos que ela e a súa tripulación sentiran moito medo cando tive-
ron que estar durante varios meses no barco, e quedaron sen froita.
Daquela estiveron moi enfermos, e mesmo lles caeran os dentes. Tamén
nos explicou como había que cortar a froita, como usar os panos, a fór-
mula dos piratas para pedir e agradecer que nos sirvan, e como facer
ximnasia de mandíbula, para que os alimentos non nos fagan dano.
E como no noso comedor a saúde importa
moito, Piña cortada anímanos a comer
moita verdura e moita froita, que os nosos
super cociñeiros Alfonso, Masé e Conchi
teñen tan ben preparada.
Cada vez que un neno fai “bandexa limpa” a nosa súper pirata diríxese
a el e di que este neno, ou esta nena, é un auténtico tesouro saudable.
CEIP Plurilingüe Profesor Albino Núñez O Formigueiro 2018/2019
56
59. A nosa querida pirata, logo de ollarnos detidamente, como se estivera buscando algo moi
valioso, explicoulles aos rapaces e ás rapazas que vai estar moi atenta aos bos hábitos, e
que se vai a dedicar a atopar no noso comedor tesouros. Para ela os tesouros son os ne-
nos que mastigan moitas veces cada bocado, os que cortan moi ben os alimentos, os que
usan os panos, os que teñen as mans limpas, os que lles axudan aos demais, e os que sa-
ben dicir grazas e por favor.
Mirade cantos tesouriños atopou xa o primeiro
día que estivo con nós, e segue buscando con
moita ansia..
Explicounos como cepillan os dentes os au-
ténticos piratas saudables, como se sentan
correctamente, como usan os panos, como
mastigan e cortan a comida e ata como se ser-
ven uns aos outros, porque os piratas que via-
xaban con ela era xente moi ben educada.
Animounos para que
empreguemos no
comedor os lemas dos piratas
amiguiños da saúde, que son os
seguintes:
Non acusar e axudar .
Todo esforzo ten recompensa.
A autonomía é o eixe da miña vida.
CEIP Plurilingüe Profesor Albino Núñez O Formigueiro 2018/2019
57
60. MENUDOS TESOURIÑOS TEMOS NO ALBINO!!!
OS QUE SE ESFORZAN COMENDO
A FROITA PORQUE SABEN QUE É
MOI IMPORTANTE PARA A SÚA
SAÚDE.
Manuel e Mateo comeron moi
ben a sandía
OS QUE SEMPRE ESTÁN ATENTOS ÁS
NECESIDADES DOS DEMAIS PARA
SOLUCIONARLLES OS PROBLEMAS.
Candela sempre está disposta a
axudarlles aos máis cativos.
OS QUE PROBAN OS ALIMENTOS
NOVOS PARA
MEDRAR FORTES E SÁNS
Erea fixo un gran esforzo
atrevéndose a probar a
froita.
CEIP Plurilingüe Profesor Albino Núñez O Formigueiro 2018/2019
58
61. ACTIVIDADES COMPLEMENTARIAS
Presentamos un resumo das actividades realizadas ao longo deste curso 2018/2019.
Comezamos con …
Animación á lectura...
O MAGO E A FOLLA
(teatro de monicreques)
Día das bibliotecas escolares
Ed. Infantil (24-10-2018)
(no salón de actos do centro)
ENCONTROS COA AUTORA: IRIA MISA
5º de Ed. Primaria (19-02-2019)
(no Liceo de Ourense)
CONTACONTOS CON SABELA GAGO
Martín e o lapiseiro máxico
Ed. Infantil (09-04-2019)
(no salón de actos do centro)
VI APADRIÑAMENTO LECTOR
Día Internacional do Libro
Todo o alumnado (29-04-2019)
(nos espazos exteriores do centro)
ENCONTRO COA AUTORA: LEDICIA COSTAS
5º e 6º de Ed. Primaria ( 02-05-2019)
(na bilbioteca do centro)
CONTACONTOS CON SABELA GAGO
1º, 2º, 3º e 4º de Ed. Primaria (10-05-2019)
(na biblioteca do centro)
CEIP Plurilingüe Profesor Albino Núñez O Formigueiro 2018/2019
59
62. OS ELECTRECOS: superheroes da reciclaxe
2º e 3º de Ed. Primaria (18-12- 2018)
(no centro)
CHARLA SOBRE INCENDIOS FORESTAIS
3º, 4º, 5º e 6º de Ed. Primaria (07-11-2018)
(no centro)
PREVENCIÓN INCENDIOS FORESTAIS
(SEPRONA)
1º, 2º e 4º de Ed. Primaria (12-02-2019)
(no centro)
PLANTACIÓN DE BIDUEIROS
4º, 5º e 6º de Ed. Primaria (22, 23 –03-2019)
(no patio do colexio)
Actividades relacionadas co medio ambiente e o seu coidado...
TI RECICLAS, OURENSE GAÑA
5º e 6º de Ed. Primaria (01-04-2019)
(no centro) TALLERES PLAY ENERGY
3º e 4º de Ed. Primaria (12-04-2019)
(no centro)
REFORESTACIÓN EN PALMÉS
6º de Ed. Infantil e 6º de Ed. Primaria (03-05-2019)
(nos montes de Palmés)
CEIP Plurilingüe Profesor Albino Núñez O Formigueiro 2018/2019
60
63. Artes escénicas…
TARZÁN
5º e 6º de Ed. Primaria (30-01-2019)
(no Auditorio Municipal)
BURBUJAS DE PAPEL
Ed. Infantil (20-02-2019)
(no Auditorio Municipal )
BON APPETIT
3º e 4º de Ed. Primaria (29-03-2019)
(no Auditorio Municipal)
EU COCIÑO, TI COCIÑAS?
1º e 2º de Ed. Primaria (08--04-2019)
(no Auditorio Municipal)
OBRADOIROS PAN DE MILLO
Ed. Infantil (31-10 e 7-11-2018)
(no centro)
Actividades relacionadas coas tradicións …
OBRADOIRO DE XOGOS POPULARES E
TRADICIONAIS
4º de Ed. Primaria (12, 19 -02– 2019)
(no centro)
CEIP Plurilingüe Profesor Albino Núñez O Formigueiro 2018/2019
61
64. PARQUE INFANTIL DE TRÁFICO
6º de Ed. Infantil e 4º de Ed. Primaria (23-05-2019)
(no patio do centro)
SEGURIDADE EN INTERNET
5º e 6º de Ed. Primaria (27-03-2019)
(no centro)
Actividades relacionadas coa seguridade…
CHARLA CONTRA O ACOSO ESCOLAR
5º e 6º de Ed. Primaria (20-02-2019)
(no centro)
CHARLA SOBRE EDUCACIÓN SEXUAL
6º de Ed. Primaria (15-03-2019)
(no centro)
A FORMULA DAS EMOCIÓNS
1º, 2º e 3º de Ed. Primaria (12-04-2019)
(no centro)
MEDRANDO EN IGUALDADE
6º de Ed. Primaria (07-05-2019)
(no centro)
Educación en valores...
CEIP Plurilingüe Profesor Albino Núñez O Formigueiro 2018/2019
62
65. Actividades relacionadas con hábitos saudables…
SAÚDE BUCO-DENTAL
Charla Consellería de Sanidade
4º de Ed. Primaria (06-02-2019) e
3º de Ed. Primaira (12-2-2019)
(no centro)
VISITA DE CARDIO
Mascota do programa SI! (Saúde Integral)
Ed. Infantil (01-04-2019)
(no centro)
SAÚDE BUCO-DENTAL
Charla do Concello de Ourense
1º e 2º de Ed. Primaria (30-04-2019)
(no centro)
OBRADOIROS DE LEITE E PRODUTOS LÁCTEOS
1º e 5º de Ed. Primaria (10-05-2019)
(no centro, en dúas sesións)
VISITA O TEU SUPER
6º de Ed. Primaria (25-02-2019)
(no centro e no supermercado Eroski)
CEIP Plurilingüe Profesor Albino Núñez O Formigueiro 2018/2019
63
66. Saídas, excursións …
VISITA TEATRALIZADA AO MOSTEIRO DE SANTA COMBA
DE NAVES, BOSQUE DE FALÁN, A CONCHADA
5º e 6º de Ed. Primaria (16-10-2018)
(na zona de Palmés)
VISITA A METEOGALICIA
4º de Ed. Primaria (04-06-2019)
(en Santiago de Compostela)
VISITA AO CENTRO DE OCIO E
ACTIVIDADES NA NATUREZA
ACOUGO
Ed. Infantil (14-05-2019)
(en Vilamarín)
VISITA ILLAS CÍES
5º e 6º de Ed. Primaria (21-05-2019)
(na ría de Vigo)
CEIP Plurilingüe Profesor Albino Núñez O Formigueiro 2018/2019
64
67. Ao longo deste curso as nosas actividades apareceron na prensa local en
numerosas ocasións. Aquí lembramos algunhas delas:
CEIP Plurilingüe Profesor Albino Núñez O Formigueiro 2018/2019
65
68. UXÍA CANAL, SOFÍA,
ARTURO, DIEGO, UXÍA
GARCÍA, ADELA,
CHRISTIAN,
MIGUEL, IRIS, SARAY,
PABLO E LUCÍA.
A T A S E M P R E . . .
E B O A S O R T E !