pandiwa!

1. POKUS NG PANDIWA

2. Pokus ng Pandiwa
Pokus ang tawag sa relasyong pansemantika ng pandiwa o salitang kilos sa
simuno o paksa ng pangungusap. Makikita ito sa panlaping ginamit sa pandiwa.
Ito ay relasyon ng pandiwa sa paksa ng pangungusap.Naipapakita sa
pamamagitan ng pokus ang ugnayan ng paksa sa pandiwa kung
tagaganap,tagatanggap,sanhi,pinaglalaanan, ginanapan o kagamitan ng paksa.

3. MGA URI NG POKUS NG PANDIWA
1. Pokus sa Aktor o Tagaganap
Nasa aktor ang pokus kapag ang paksa ang tagaganap ng pandiwa sa
pangungusap.
May mga panlaping: -um,mag-,maka-,at ilang ma.
Sumasagot ito sa tanong na ANO.
Hal:
Humingi ng tawad si Tonyo sa kasalanang nagawa.
Manghihiram siya ng lapis.
Bumili ng pagkain si nanay.

4. • 2. Pokus sa Layon o Gol
Ang pandiwa ay nasa pokus sa layon kung ang layon ay ang paksa o ang
binibigyang-diin sa pangungusap.
Ang paksa ang tuwirang layon. Ang mga panlaping ginagamitan sa pokus na ito ay :
i-,in,an/han,ma at –ipa.
Sumasagot ito sa tanong na ANO.
Hal:
Kinain ni Maria ang mga mansanas.
Itong adobo ang Ipaluto mo kay Aling Maria.
Dalhin ninyo nga kay Bb. Del Mundo libro.

5. 3. Pokus sa Ganapan o Lakatib
Ang pandiwa ay nasa pokus sa ganapan kung ang paksa ay ang lugar o ganapan ng
kilos.
Ang mga panlaping ginagamit ay: -an/-han,pag- -an/-han, at pang..an/han.
Sumasagot sa tanong na SAAN.
Hal:
Pagdarausan ng pagpupulong ang Conference Room.
Malapit lang ang palengke rito.
Pinagmulan ng mga mitolohiya ang bansang Griyego.

6. 4. Pokus sa Tagatanggap o Benepaktibo
Ito ay tumutuon sa tao o bagay na nakikinabang sa resulta o kilos na isinasaad ng
pandiwa. Ang paksa ay pinaglalaanan o di tuwirang layon ng pandiwa.
Ang mga panlaping ginagamit ay: i-,ipang-,at ipag-.
Sumasagot sa tanong na para KANINO.
Hal:
Ipinagluto ng panadero ng keyk ang ginang.
Si Miguel ang ipagpapagawa ni nanay ng halo-halo.

7. 5. Pokus sa Gamit o Intrumental
Ito ay tumutukoy sa kasangkapan o bagay na nakikinabang sa resulta ng kilos o
pandiwa na siyang paksa ng pangungusap. Ang paksa ay ang kagamitang
ginagamit sa pagkilos ng pandiwa sa pangungusap.
Ang mga panlaping ginagamit ay ipang-.
Sumasagot sa tanong na para PAANO/ANO.
Hal:
Ipinang-akit niya ang damo sa Zebra.
Posporo ang ipinansindi niya ng kandila.
Ipinanghiwa niya ng gulay ang bagong kutsilyo.

8. 6. Pokus sa Sanhi o Kosatib
Ang pandiwa ay nakapokus sa sanhi kung ang paksa ay nagpapahayag ng dahilan o
sanhi ng kilos. Kapag tinutukoy ang kadahilanan ng kilos sa pangungusap.
Ang mga panlaping ginagamit ay: i-,ika- at kapag.
Sumasagot sa tanong na BAKIT.
Hal:
Ikinadismaya ng mga kabataan ang mahinang koneksyon ng internet.
Ito ay Ikalulungkot ni Jacob ang pagkawala ng kasintahan nito.

9. 7.Pokus sa Direksyon o Direksyonal
Pinagtutuunan ng pandiwa ang direksyon o tinutungo ng kilos.
Ang mga panlaping ginagamit ay: -an/han at –in/hin.
Sumasagot sa tanong na TUNGO KANINO.
Hal:
Kinamanghaan natin ang Antipolo ni Fernando Amorsolo.
Pinuntahan ni Henry ang tindahan para mamili ng kagamitan.