1. NOTA DE PRENSA
A Deputación difunde na Coruña os recursos da Reserva
dos Ancares con actividades dirixidas a 300.000 persoas
- O organismo lugués, a través dun convenio co Ministerio de Medio Ambiente, manterá
durante todo o mes de maio un posto promocional no centro comercial Dolce Vita, un
complexo polo que nesta época do ano pasan unha media de 75.000 persoas á semana
- O público que se achegue ó stand atopará todo tipo de información sobre os recursos
medioambientais, produtos autóctonos e posibilidades turísticas dos Ancares, ademais da
réplica dunha palloza cunha exposición no interior sobre os oficios tradicionais
A Deputación de Lugo, a través dun convenio asinado co Ministerio de Medio Ambiente para
impulsalo desenvolvemento das Reservas da Biosfera Terras do Miño e Os Ancares Lucenses,
iniciou unha serie de accións para difundir no exterior da provincia a riqueza natural,
etnográfica e gastronómica do territorio dos Ancares co fin de atraer visitantes e dinamizar a
súa actividade económica. A iniciativa posta en marcha polo organismo provincial, financiada
ó 66% polo Ministerio, consiste na instalación dun posto promocional e na organización de
diversas actividades durante todo este mes de maio no centro comercial Dolce Vita da
Coruña, o que constitúe un escaparate cun público potencial dunhas 300.000 persoas, pois
esta é a cantidade de xente que percorreu o complexo en maio do pasado ano. A afluencia
media semanal nesta época é de 75.000 persoas, situándose en ó redor de 28.000 de media
os sábados, segundo a xerencia do centro comercial.
O público que se achegue ó stand, que abriu o pasado mércores, atopará todo tipo de
información sobre os recursos medioambientais, produtos autóctonos e posibilidades
turísticas da Reserva dos Ancares e, máis en concreto, sobre as empresas da zona adheridas
a www.losproductosdelugo.com a plataforma de comercio electrónico que a Deputación
puxo en marcha hai un ano para abrir novos mercados ás firmas lucenses. A institución
provincial contribúe deste xeito por medio das novas tecnoloxías ó desenvolvemento
económico de Lugo e á promoción das empresas, abríndolles unha nova canle de venda dos
seus produtos e servizos, o que lles axuda a subir o volume de beneficios, ser máis
competitivas e manter empregos. As firmas teñen deste xeito un espazo para anunciarse,
vender e distribuír os seus produtos en novos mercados tanto nacionais como internacionais
as 24 horas do día, os 365 días do ano. Ofrécese así mesmo por vez primeira unha imaxe de
marca dos produtos de Lugo de cara ó exterior, independentemente do provedor que os
ofreza.
As persoas que pasen polo posto que a Deputación instalou no centro comercial Dolce Vita
encontrarán así mesmo a réplica dunha palloza típica dos Ancares cunha exposición no
interior sobre os oficios tradicionais. O stand estará aberto de luns a venres, de 17:00 a
21:00 horas, e os sábados, de 18:00 a 22:00 horas.
En canto ás actividades complementarias, terán lugar este mesmo sábado, 5 de maio, e o día
19, e consistirán en degustacións de produtos típicos e sorteos de agasallos, todos
1

2. NOTA DE PRENSA
pensados para que os agraciados comproben de primeira man e in situ os valores e
posibilidades da Reserva. O sorteo realizarase entre os asistentes ás degustacións maiores
de 18 anos e os agasallos serán, entre outros, estancias en casas de turismo rural, cestas de
produtos autóctonos, rutas e obradoiros de oficios tradicionais.
Con esta iniciativa, a Deputación continúa co plan de acción para potencialo
desenvolvemento das Reservas da Biosfera Terras do Miño e os Ancares Lucenses que
desenvolve a través do convenio de colaboración que ten asinado co Ministerio de Medio
Ambiente. Este acordo está dotado cun total de 1 millóns de euros, dos que o departamento
estatal achega o 66%, e un dos seus obxectivos fundamentais é difundir entre a cidadanía en
xeral, nenos e maiores, e entre os profesionais dos sectores vinculados a todo o relacionado
co medio ambiente, en particular, as características e recursos das Reservas da Biosfera,
buscando deste xeito a implicación da sociedade para garantir a conservación, a xestión
sostible e a posta en valor do patrimonio natural da provincia.
Lugo, 4 de maio de 2012
2