1. Vizitë në Galerinë e Arteve
Nëse doni të kaloni një ditë të bukur frytdhënëse apo një mbasdite relaksuese, Galeria e
Arteve ta ofron një mundësi të tillë.
Kësaj radhe në katin e parë të galerisë ishin renditur
veprat e piktorit të famshëm Sigmar Polke. Ekspozita
përmbante 40 punime në guash të autorit, të gjitha në
vitin 1996. Nëpër piktura pasqyrohen forma fizike të cilat
rrjedhin apo pikojnë dhe të lënë përshtypjen e dickaje
absurde. Kjo galeri ka titullin “Muzikë me origjinë të
panjohur”.
Shumë ajër dhe më tepër dritë janë armiqtë më të këqinj
të cimkave.
Guash/1996
Konverton gënjeshtrat në fjalime, fjalimet në brockulla,
armiqtë në kohë dhe kohën në përjetësi.
Guash/1996
Polke – lindur më 1941 në Oels - është marrë prej fillimit të viteve'60 me raportin mes së
vërtetës figurative dhe realitetit, artitdhe të përditshmes. Në këtë mënyrë ai pozicionohet
në një perspektivë hera-herës të distancuar dhe ironike që i mundëson artistit të kalojë
përtej problematikës përmbajtësore dhe t'i kushtojë vëmendje të veçantë formës dhe
dimensionit material të pikturës.

2. Në katin e dytë të galerisë gjejmë pikturat më të rëndësishmë të piktorëve shqiptarë të
periudhave të ndryshme.
Salla 1 përmban piktura të viteve 1883 – 1930. Piktura më e vjetër e cila
daton në vitin 1883 është pikërisht vepra “Motra Tone” e autorit Kol
Idromeno. Autorë të tjerë të epokës janë Pjetër Marubi, Simon Rrota,
Zef Kolombi, Vangjel Zengo, Spiro Xega etj. Të gjitha veprat pasqyrojnë
Shqipërinë e fillimit të shekullit XX dhe janë dëshmi të asaj periudhe.
Motra Tone, 1883
Salla 2 përfshin piktura të viteve 1930 – 1950. Disa nga autorët e kësaj periudhe, veprat e
të cilëve kanë zënë vend në këtë ekspozitë janë: Odhise Paskali, Andrea Kushi, Vangjush
Mijo, Janaq Paço, Foto Stamo, Motrat Zengo, etj.
Salla 3 përmban vepra të periudhës së viteve 1950 –
1986. Kryesisht vendin më të madh në këtë tablo e
zë Lufta Antifashiste dhe ndryshimet historike në
vend. Në të njëjtën kohë trajtohen aspekte të
ndryshme të historisë së Shqipërisë si ai i qëndresës
së Skënderbeut. Artistët kryesorë janë: Nexhmedin
Zajmi, Sadik Kaceli, Abdullah Cangonji, Sali
Shijaku, Fatmir Haxhiu, Vilson Kilica etj.
Salla 4 përfshin veprat e viteve 1960 – 1986. Ky art është kryesisht në funksion të
propagandës dhe interesave të regjimit politik në vend. Artistët që kanë lënë vepra të
spikatura në këtë drejtim janë: Kristaq Rama, Montaz Dhrami, Zef Shoshi, Pandi Mele,
Myrteza Fushëkati, Petro Kokushta, Çlirim Ceka etj.
Salla 5 përmban piktura të periudhës së viteve 1969 – 1974. Një koleksion shumë i
rëndësishëm i Galerisë së Arteve ai i Piktures Formaliste që gjen vend në historinë e
pikturës Shqiptare në fillim të viteve 70të. Artistët kryesorë të kësaj periudhe janë: Edison
Gjergo, Alush Shima, Isuf Sulovari, Eduard Hila, Bajram Mata etj.
Salla 6 përfshin veprat e viteve të fundit, 1989 – 2001. Kjo hapësirë përmbledh vepra nga
autorë që e zhvillojnë veprimtarinë e tyre artistike më të rëndësishme pas viteve 90të, si
Ali Oseku, Gazmend Leka, Lumturi Blloshmi, Najada Hamza, Orion Shima etj.
Punoi: Elda Hida