Modyul 9

1. Modyul sa Filipino 9
Ikalawang Markahan
Pangwakas na Output
Mga Kasanayang Pampagkatuto
 Naipahahayag ang damdamin at pag-unawa sa napakinggang akdang orihinal
 Naipaliliwanag ang naging bisa ng nabasang akda sa sariling kaisipan at
damdamin
 Nabibigyang- kahulugan ang mahihirap na salita batay sa konteksto ng
pangungusap; ang matatalinghagang pahayag sa parabola; ang mga salitang
may natatagong kahulugan; ang mga salita batay sa kontekstong pinaggamitan;
ang mahihirap na salita batay sa kasingkahulugan at kasalungat na kahulugan;
 Naisusulat ang sariling akda na nagpapakita ng pagpapahalaga sa pagiging
Asyano
 Nagagamit ang linggwistikong kahusayan sa pagsulat ng sariling akda na
nagpapakita ng pagpapahalaga sa pagiging isang Asyano
Ang mga komposisyong pampanitikan tulad ng tanka at haiku, pabula, sanaysay,
maikling kuwento at dula ay kinapapalooban ng katotohanang masagisag o masining
na sumisirit at umaantig sa ating kamalayan at damdamin. Inaalayan ka ng dagdag na
karunungan at pangitaing lalong dakila na gumigising sa lalong malalim na pag-iisip.
Hindi lamang ito naglalayong magpahayag ng kaalaman o magpaliwanag o dili kaya’y
manlibang at magpagaan ng kalooban kundi upang tuminag at tumimo sa kaisipan.
Ayon nga kay Jacques Barzun, “Ang isang alagad ng sining ay may karapatan o
maaari ring sabihing tungkulin na itanghal ang kaniyang mga obra upang lumaganap at
mabatid ito ng madla.” Hindi ba’t nakasisiyang maging isang alagad ng sining?
Sa sandaling ito, bilang pangwakas na gawain sa Ikalawang Markahan, ikaw ay
may pagkakataong maging isang alagad ng sining. Gamit ang mga naipon mong
konsepto tungkol sa mga araling tinalakay kasama ang mga kulturang Silangang Asya
na iyong natutuhan, walang alinlangang makakakatha kang isang natatanging obra. At
habang ika’y sumusulat, lagi mong isaisip ang winika ni Keller. “ang pagsulat ay isang
biyaya, isang pangangailangan at isang kaligayahan ng nagsasagawa nito.”
Tatayain ang iyong obra batay sa kalinawan, kaangkupan, kahustuhan,
katiyakan, kawastuhan at may layunin. Ngunit bago ito, kailangang patunayan mo
munang malawak na ang iyong natutuhan sa pamamagitan ng pagsagot sa ilang
gawain.
Pangwakas na Output

2. Gawain 1. #Circle Organizer
Sa pamamagitan ng Circle Organizer, punan ng mga natutuhan mo sa
mga aralin tungkol sa panitikan. Gayahin ang pormat sa ibaba sa iyong sagutang
papel.
Gawain 2. #Binata ng Kaalaman
Ibahagi o ipaliwanag ang iyong sariling damdamin at kaisipan mula sa
mga akdang iyong napagaralan sa modyul 2. Gawin ito sa pamamagitan ng
bintana ng kaalaman. Gayahin ang pormat sa ibaba sa iyong sagutang papel.
Reyalisasyon- bago at dagdag na
kaalaman na nakuha sa modyul 2 na
dapat tandaan
Emosyon- saloobin at naramdaman sa
mga napag-aralan (emoji) (drawing)
Integrasyon- Pag-uugnay ng mga
pangyayari sa napag-aralan sa isang
bagay. (Pagguhit ng larawan)
Aksyon- pangako o tugon sa sarili sa
aral o natutuhan sa modyul 2.
Pagnilayan at Unawain
Panitikan ng mga bansa
sa Silangang Asya
Pabula
Tanka
at Haiku
Sanaysay
Maikling
Kuwento
Dula

3. Gawain 3. #Kumpletuhin Mo
Isulat ang kahulugan at natuklasan sa mga genre ng panitikang tinalakay sa
modyul gamit ang dayagram. Gayahin ang pormat sa ibaba at ilagay ang sagot sa
sagutang papel.
Gawain 4. #Aklat ng Karunungan
Sagutin ang mahalagang tanong na nakasulat sa Aklat ng Karunungan. Isulat ang
iyong sagot sa aklat na iyong idodrawing sa iyong sagutang papel.
Ang Natutuhan ko sa
Pag-aaral ng...
Ponemang Suprasegmental
Pangatnig na Magkatimbang at Di-Magkatimbang
na Yunit
Modal
Pagpapalawak ng Pangungusap Gamit ang Panuring
Kohesiyong Gramatikal na Anapora at Katapora
Paano nagiging mabisa ang mga akdang
pampanitikan ng Silangang Asya sa
pagpapakilala ng kultura at kaugalian
ng mga bansa nito sa mga mambabasa?

4. Mahusay! Maaari ka nang umusad sa kasunod na yugto.
IV. Ilipat/Performance 1
Pag-aralan ang ilang pahabol na impormasyon na magiging gabay mo sa
pagsasakatuparan ng pangwakas na gawain.
Basahin, unawain at isagawa mo ang panghuling gawain para sayo.
Alam mo ba na...
Para kay Dr. Paquito Badayos, multidimensyonal na proseso ang pagsulat na
binubuo ng sumusunod na proseso:
 Bago Sumulat - Binubuo ito ng pagpiling paksa, paglikhang mga ideya at
pagbuo ng mga ideya
 Pagsulat - Pagbuo ng draft, pagtanggap ng feedback, pagsangguni, at
pagrerebisa
 Paglalathala - Kabilang dito ang pagdidisplay ng komposisyon o sulatin
sa bulletin board o kaya ay paglilimbag
Mga Hakbang sa Pagsulat
 Pre-writing- Dito ang pamimili ng paksa at pangangalap ng
impormasyon para sa susulatin.
 Actual Writing-Nakapaloob dito ang pagsulat ng borador/draft.
 Rewriting- Nagaganap dito ang pagrerebisa, pagwawasto at paghahanay
Ng ideya o lohika.
Mga Mungkahing Tanong sa Pagsulat
 Ano ang paksa ng teksto ng aking isusulat?
 Ano ang layunin sa pagsulat nito?
 Saan at paano ako makakukuha ng sapat na datos kaugnay ng aking
paksa?
 Paano ko ilalahad ang mga datos na aking nakalap upang maging higit na
makahulugan ang aking paksa?
Mga Tanong sa Pagrerebisa ng Sinulat
 Tama ba ang aking pangungusap?
 Maayos at malinaw ba ang pagkakalahad?
 May pagkakaugnay ba ang aking mga ideya?
 May malabo bang ideya?
 Angkop ba ang ginamit kong salita?
 May kaisahan ba ang bawat talataan?
 Malinaw ba ang pangkalahatang mensahe?

5. Narito ang pamantayan sa isusulat na sanaysay
Kapuri-puri ang ipinamalas mong pagsisikap na makasulat ng isang de-
kalidad na akdang pampanitikan. Pero hindi pa dito nagwawakas ang lahat, kailangang
makabuo ka ng isang paglalagom sa mga natutuhan mo rito sa Aralin 2. Kumpletuhin
ang Hagdan ng mga Konsepto.
Mahusay! Tanggapin mo ang taos-puso kong pagbati, nalampasan mo nang
matiwasay ang mga yugto ng pagkatuto sa lahat ng aralin.
Akda
Blg Deskripsyon Bahagdan
1 Kalinawan 25%
2 Kaangkupan 15%
3 Kahustuhan 15%
4 Katiyakan 15%
5 Kawastuhan 15%
6 May Layunin 15%
Kabuuan 100%
Bahagi ng Social Awareness Program ng Samahan ng mga
Nagkakaisang Bansa sa Silangang Asyano paglulunsad ng isang Literary Exhibit na
pinamagatang Ani ng Panitikan. Layon nitong magkaroon ng kamalayan ang mga
Asyano sa tunay na nangyayari sa lipunang ginagalawan. Matatampok dito ang
iba’t ibang anyo ng akdang pampanitikan na tumatalakay sa mga kalagayang
panlipunan at kultura ng Silangang Asya. Naimbitihan kang maging isa sa mga
kontribyutor.
Bilang isa sa mga kontribyutor, itinagubilin sa iyo na ang ipapasa
mong akda ay marapat na pasok sa pamantayan nito.
Naririto ang pamantayan sa isusulat na sanaysay.
Natutuhan ko sa buong modyul na…
Ngayon, masasabi ko na…
Natuklasan ko na…