2. Moi boas!
Ao finalizar este curso queremos facervos
partícipes das lecturas que recomendamos
entre nós no noso club durante o último
trimestre e, así, axudarvos a escoller as
que deleitarán o voso verán.
@s lector@s máis ávid@s foron Anabel,
Verónica e Manuel ; serán eles quen
inicien estas presentacións.
3. A evolución de Calpurnia
Tate
Jacqueline Kelly
Neste libro nárrase
a historia de Calpurnia,
unha rapaza diferente que
vive en Texas xunto cos seus
irmáns e pais. Ela non aspira
só a casar, ter fillos e ser
ama de casa; desexa estudar
ciencias e ir á universidade,
pero isto será difícil pois
vive no século XIX e as
mulleres non se dedican a
estas cousas.
Súa nai insístelle
en aprender os labores do
fogar, pero ela goza máis
observando a natureza co
seu avó.
Anímovos a lelo
porque é un libro
entrañable e divertido.
Anabel Ramos, 3º PDC
4. Nubes de evolución
Andrea Maceiras
Son tres
historias que se
enlazan e se modifican
porque os
protagonistas loitan
para mellorar a
situación na que se
atopan: Amanda, unha
rapaza de dezaoito
anos que vive soa co
seu bebé e traballa
todo o día; Uxío, un
adolescente que sufriu
un engano amoroso;
Luís, un profesor
aburrido descontento
coa vida que leva.
Gustoume moito esta
lectura repousada,
tranquila e reflexiva.
Verónica Vázquez,
3ºPDC
5. O que aconteceu a Barnaby
Brocket
John Boyne
Este libro trata
dunha familia normal de
Australia. Cando nace o
seu terceiro fillo as súas
vidas vense alteradas
porque este non obedece
á lei da gravidade, isto é,
flota.
Un día a nai, abafada por
ter un fillo diferente,
déixao saír flotando. Así
empeza a divertida viaxe
do protagonista por varios
países do mundo na que
fará novos amigos, moi
pouco normais.
Lede esta divertida,
estraña e, por veces,
tráxica historia na que se
valora as persoas
diferentes.
Manuel Pérez, 3º PDC
6. Este libro trata sobre a
revolución de Pancho Villa
vista por Rafael, un rapaz
que viu morrer a seu pai a
mans dos colorados.
Rafael busca vinganza e
segue a Pancho Villa.
Coñecera a cara positiva
deste personaxe que axuda
aos máis necesitados e, a
súa crueldade, cando non
dubida en asasinar o
inimigo ou a persoas que
non teñen moita culpa.
Rafael namorarase de
Reina, un amor imposible,
coñecerá a Longinos, un
filósofo que sabe contar
historias.
Lédeo e coñeceredes este
período da historia de
México.
Marcos Sampayo , 3ºPDC
Centauros do norte
Marcos Calveiro
7. A neve interminable
Agustín Fernández Paz
Deberiades ler este libro
pois conta a historia
dunha parella que se
converteu en vampiros;
de rapazas mortas que
vingan a súa morte
dende o máis alá; dun
monstro que habita no
soto dunha casa e só o
sente o pai de familia; de
presenzas fantasmais
que atacan a novos
artistas.
En definitiva é esta unha
novela que reune varias
historias de intriga,
medo e terror nun
ambiente abafante dun
temporal de neve que
semella que nunca vai
parar. Acabarase o
mundo?
Miguel da Cunha, 3ºPDC
8. Os doce traballos de Hércules
James Riordan
A min este libro de mitoloxía gustoume
moito e recoméndocho a ti porque nos
ensina como unha persoa se pode perdoar
a si mesma despois de matar á súa propia
familia. Como a través dos doce traballos,
que parecían imposibles de realizar, fai
posible que volvan a crer nel. Tivo que
matar un león moi perigoso, a unha hidra
de nove cabezas. Capturar a unha cerva
con cornos de ouro á que protexía a deusa
da caza, ao un terrible xabaril , ao touro
de Creta. Enfrontarse a paxaros
carnívoros…
Destacaría a Euristeo, un home covarde,
que era quen lle encargaba os distintos
traballos a Hércules co obxectivo de acabar
con el .
Isaias Medela, 3ºPDC
9. Corredores de sombras
Agustín Fernández Paz
Gustoume todo neste
libro: o que máis, foi o
amor entre Clara e
Miguel, os seus
encontros ás agachadas e
protexidos polo tío dela.
Hai misterio, asasinatos,
amores frustrados nun
pazo onde durante a
guerra civil ocorreu un
terrible e inxusto crime,
pero que non se descobre
ata o verán no que Clara,
Miguel e Carlos deciden
saber a verdade. Sempre
haberá quen desexe que
todo quede soterrado
para sempre.
María Iglesias, 3º PDC
10. Moonky e Liberty
Paul Kropp
É este un libro de fácil
lectura que atrapa
dende o comezo. O que
máis me chamou a
atención é a diferenza
entre a forma de ser dos
dous irmáns
protagonistas. El é un
tipo distinto e raro:
intelixente, grande
lector, independente,
non consumista. Polo
contrario a irmá só
aspira a ser como todos
os rapaces; quere ser
aceptada polo grupo e
fará o que sexa.
Con cal dos dous vos
identificades? Lédeo e
descubrirédelo.
Alejandro Riveira, 3º
PDC
11. A revolta dos animais
George Orwell
Este libro, como indica o título, trata da
sublevación dos animais dunha granxa
contra o seu dono porque os trataba moi
mal: moitísimo traballo e pouca comida.
O personaxe que máis me emocionou foi
Boxer, un cabalo que durante toda a vida
traballa duramente e, ao final, nin ten
dereito a un merecido descanso.
Destacaría tamén a Napoleón, que nun
principio predica a igualdade entre todos os
animais, pero que despois pasa a ser
autoritario e só mira polo seu propio ben.
Tiven dificultades na lectura porque son
moitos personaxes e, ás veces, é algo
complicado de entender.
Javier Castro, 3º PDC
12. A banda sen futuro
Marilar Aleixandre
Este libro trata dunha
rapaza que ten que
comezar o curso nun
novo instituto e coa
cabeza rapada por unha
enfermidade.
Carlota vaille contando
ao seu cantante favorito
como é o seu día a día: a
quen coñece, quen lle
gusta, os problemas cos
compañeiros, os
profesores, a relación coa
súa avoa…
Foi o libro que máis me
gustou dos que lin este
ano porque reflicte o
mundo da escola, dos
amores imposibles e dos
correspondidos. O que lle
acontece a calquera
rapaz da miña idade.
Adrián Vázquez, 3ºPDC
