Ficha tarefa Canicópolis

TAREFAS CON FERRAMENTAS TECNOLÓXICAS
2016-2017 (CEIP – Canicouva)
CURSO 3º EP TITORA: PAULA REY SILVA
ÁREAS LINGUAS GALEGA E CASTELÁ E LITERATURA
EDUCACIÓN PLÁSTICA
TEMPORALIZACIÓN 2º E 3º TRIMESTRE
Título CANICÓPOLIS
Descrición Durante o segundo e terceiro trimestre, e dentro do proxecto
documental integrado do centro “A VOLTA AO COLE EN 80
LIBROS”, dende a titoría de terceiro traballamos a mitoloxía (grega e
galega), dende o plan de animación á lectura e a escritura de aula:
investigamos, limos, aprendemos, escribimos, contamos, debuxamos,
xogamos, disfrazámonos e representamos teatralmente, mitos. Non
empregamos todas as horas das áreas, senón que as fomos distribuíndo
segundo ás necesidades.
Produto GLOSARIO DE MITOS.
Contexto Instalacións do centro
ACTIVIDADE 1: MOTIVACIÓN-SORPRESA-EMOCIÓN
PERCY JACKSON E O LADRÓN DO RAIO
Cinco sesións de lectura da primeira semana do 2º trimestre.
Cando chegaron do recreo o primeiro día atoparanse as persianas baixadas, as
esterillas e coxíns preparados diante da pantalla branca e unha película preparada
para proxectar, xerando curiosidade e desexo de saber que pasará. Puxemos a
película. Algúns recoñecérona e pedímoslles que gardaran o segredo do que nela
pasará. Aos poucos fóronse dando conta que trata sobre a mitoloxía grega. A
película en cuestión é Percy Jackson e o ladrón do raio. A película proxectarase por

partes, 30’ diarios durante unha semana.
Escollín esta película non só pola introdución ao mundo mitolóxico grego, senón
porque está baseada nunha novela de Rick Riordan. Aos nenos e nenas que lles
gustou moito leron os libros. Lembremos que o proxecto está vinculado co traballo
da biblioteca do centro.
Despois da última sesión de Percy pregunteilles se querían participar nun proxecto
sobre Mitoloxía e dixeron emocionados que si.
Estándares - Indicadores
LCB1.1.2. Aplica as normas sociocomunicativas: escoita atenta, espera de quendas,
respecto da opinión dos e das demais.
 Segue con atención a película. Non interrompe durante a proxección e deixa
escoitar aos demais.
 Participa activa e respetuosamente no debate e nas aclaracións durante o
visionado do filme.
ACTIVIDADE 2: CREACIÓN DE XOGOS
DEUSES DO OLIMPO E CRIATURAS MITOLÓXICAS
Estudaremos as súas calidades, atributos, etc dos olímpicos. Descubriremos onde
está o Olimpo e crearemos un xogo tipo Memory para emparellar ilustracións de
deuses e os seus nomes.
Dedicaremos outra sesión para crear o mesmo xogo pero coas criaturas
mitolóxicas que aparecen na película.
Noutra sesión, aproveitando as fichas do Memory xogaremos a Adiviña quen
son?. Un membro do equipo colle sen ver unha das ilustracións anteriores. Tira un
dado, se cae en 1 ou 2, terá que facer que o seu equipo adiviñe o personaxe facendo
mímica. Se cae e 3 ou 4, debuxará. Se toca un 5 ou 6 describirá.

Estándares – Indicadores
LGB1.3.1. Participa nunha conversa entre iguais, comprendendo o que di o
interlocutor e intervindo adecuadamente.
 Evita as discusión e acepta os distintos puntos de vista.
ACTIVIDADE 3: A GRECIA CLÁSICA
MAPA, ALFABETO E LETRAS TIPO GREGO
Debuxamos o mapa Grecia Clásica, para poder situar sobre el, os lugares que nos
foron aparecendo nos mitos.
Coñecemos tamén o alfabeto grego clásico e a súa correlación co noso.
Escribimos mensaxes aos nosos compañeiros/as nesa lingua.
Rematamos incluíndo un alfabeto latino escrito con letras estilo grego, para que
puidera de ter de modelo a hora de escribir títulos nos seus traballos do glosario.
LCB4.6.1. Compara aspectos (gráficos, sintácticos, léxicos) das linguas que coñece.
LGB3.7.2. Valora a lingua escrita como medio de comunicación e de expresión
creativa.
LGB4.7.1. Valora a lingua galega dentro da realidade plurilingüe e pluricultural de
España e de Europa.
 É capaz de escribir unha curta mensaxe pasando do galego ao grego clásico co
apoio do alfabeto.
 Participa activamente na elaboración dunha mensaxe creativa.
ACTIVIDADE 4: PERSONIFICACIÓNS DE MITOS
SOMOS GREGOS E GREGAS: OS MITOS DE CANICOUVA
Realizamos a elección de personaxes mitolóxicos para crear cada disfrace.
Previamente presentamos un tráiler onde llos animaba a que participara no
proxecto, que aprenderan, que descubriran, que gozaran. Vídeo elaborado pola titora

coa app IMovie
https://www.youtube.com/watch?v=rTt27IO2dSI
Logo do sorteo a repartición foi a seguinte: 14 deuses, 1 sátiro Pan, 1 Medusa, 5
heroes (Heracles, Aquiles, Teseo, Xasón e Perseo) e 3 ninfas. Como profe
disfraceime do centauro Quirón e dúas nais de Furias. Os disfraces fixémolos en
colaboración de familias voluntarias que viñeron ao colexio a axudarnos.
Os traxes levárono no desfile de Entroido do colexio, en Comparsa polo barrio e
posteriormente, nas gravacións e as representacións que fixemos para o resto de
alumnado do centro.
Aquí se poden ver na Comparsa: https://goo.gl/photos/4Mc7AbCGdaCfAt9B6
EPB2.1.3. Manexa material diverso nas producións plásticas, explorando diversas
técnicas e actividades manipulativas.
EPB2.1.4. Practica o recorte e pega materiais de diferentes texturas.
EPB2.2.1. Coida e utiliza adecuadamente os recursos de traballo.
 Participa activa e respectuosamente na elaboración do seu disfrace.
 Emprega correctamente a técnica asignada.
 Cumpre as normas das tarefa e respecta o traballo dos demais.
ACTIVIDADE 5: GLOSARIO I
OS E AS BLOGERS GREGOS/AS
Investigación e conclusións sobre cada personaxe. A partir de varios libros
achegados pola biblioteca do centro (e algúns aportados polo alumnado e pola
mestra) cada neno/a investigou sobre o personaxe que representou durante o
proxecto. De maneira moi resumida escribírono no blogue de aula.
Aproveitamos as sesións diarias de asemblea, para que cada día foron contando
dun en un o que aprenderon do seu personaxe.
http://orecunchodepaula.blogspot.com.es/search/label/Mitolox%C3%ADa

LCB1.3.1. Participa activamente e con coherencia básica en diversas situacións de
comunicación: Exposicións orais seguindo un modelo, e guiadas, con axuda, cando
cumpra, das tecnoloxías da información e da comunicación.
LCB1.7.2. Interpreta diferentes personaxes, reflectindo as súas características
esenciais, memorizando e representando as súas accións e xestos máis definitorios.
LCB1.8.2. Organiza o discurso cunha secuencia coherente elemental, utilizando
nexos básicos.
LCB2.4.1. Dedica momentos de lecer para a lectura voluntaria.
LCB2.5.1. Consulta na biblioteca, de xeito guiado, diferentes fontes bibliográficas e
textos en soporte informático para obter información sobre temas do seu interese e
necesarios para as súas tarefas de aula.
LGB2.1.2. Identifica as ideas principais dun texto sinxelo (narrativo, descritivo,
expositivo).
LGB2.1.3. Busca, localiza e selecciona información concreta dun texto sinxelo.
LGB3.1.2. Elabora o texto, con coherencia xeral e de xeito creativo.
LGB3.5.1. Usa de xeito guiado, programas informáticos de procesamento de texto.
LGB3.6.2. Ilustra creativamente os seus textos con imaxes redundantes co seu
contido.
 Le na hora de ler a descricións e as características do personaxe asignado.
 Interpreta o texto e é quen de explicalo coas súas propias palabras.
 Escribe no blog a presentación do seu personaxe con coherencia e
concordancia.
 Coida a ortografía básica, amosa interese por corrixila.
ACTIVIDADE 6: KAMISIBHAI E VÍDEOS
NARRAMOS MITOS: ASÍ COMEZOU TODO
Aproveitando que contamos na clase cun Kamisibhai (teatrillo de cartón
xaponés) e logo de ler diferentes mitos sobre o principio do universo, os deuses e a
humanidade, segundo a mitoloxía grega, os nenos/as fixeron ilustracións alusivas

para poder contar estes mitos co kamisibhai (narración e ilustración).
Aproveitando o traballo anterior cos debuxos e gravando a narración cunha
gravadora dixital montamos uns vídeos co Movie Maker para facer os seguintes
relatos:
 O principio de todo:
https://youtu.be/nCQbgQizwH4?list=PLdV6AQVH2aSpk2Az2VeDDSV
1yyBP2lgQM
 Os fillos de Cronos:
https://www.youtube.com/watch?v=72ooM53Z800&t=16s&index=3&list
=PLdV6AQVH2aSpk2Az2VeDDSV1yyBP2lgQM
 A guerra dos inmortais:
https://www.youtube.com/watch?v=gdEKk_1vnl8&t=11s&index=4&list=
PLdV6AQVH2aSpk2Az2VeDDSV1yyBP2lgQM
 Tifón o Horror: https://youtu.be/JI33Ahky35s
EPB2.1.2. Manexa lapis de cores, témperas, rotuladores, sombreamento, acuarelas
etc.) para a composición de obras.
EPB2.3.1. Leva a cabo proxectos en grupo respectando as ideas das demais persoas e
colaborando coas tarefas que lle foran encomendadas.
LGB1.5.5. Exprésase cunha pronuncia e dicción correctas.
LGB1.6.3. Amosa un discurso oral, claro, cunha pronuncia e entoación axeitadas e
propias da lingua galega.
LGB1.9.1. Interésase por expresarse oralmente coa pronuncia e entoación adecuada a
cada acto comunicativo.
 Responsabilízase de ilustrar a viñeta asignada.
 Esfórzase en relacionar texto e imaxe.
 Realiza o debuxo con corrección plástica, especialmente o coloreado.
 Participa dun proxecto en común con unha clara interdependencia entre todos
os membros da clase. O fallo de un ou unha afecta ao resto do equipo.

 Interésase por expresarse con corrección en galego (pronunciación, entoación,
vocabulario, ...)
ACTIVIDADE 7: AUDIO LIBROS
O INICIO DA HUMANIDADE
En pequenos grupos realizaron audiolibros coa app Book Creator sobre os
mitos que para os gregos explicaban a creación da humanidade. A partir dun texto
dado tiveron que buscar imaxes alusivas, elixir o fondo das páxinas e gravar os
audios.
 Prometeo enfróntase a Zeus:
https://www.youtube.com/watch?v=wH0JYljwHFY
 A caixa de Pandora: https://www.youtube.com/watch?v=gdC4thISLTI
EPB2.4.2. Utiliza as tecnoloxías da información e da comunicación para buscar
material para as súas creacións artísticas.
EPB2.3.1. Leva a cabo proxectos en grupo respectando as ideas das demais persoas
e colaborando coas tarefas que lle foran encomendadas.
LGB1.6.3. Amosa un discurso oral, claro, cunha pronuncia e entoación axeitadas e
propias da lingua galega.
LGB1.9.1. Interésase por expresarse oralmente coa pronuncia e entoación adecuada
a cada acto comunicativo.
 Desenvólvese con soltura á hora de manexar a app.
 É capaz de buscar unha imaxe en internet para mellorar o efecto artístico do
libro.
 Acepta as decisións consensuadas polo grupo.
 Interésase por expresarse con corrección en galego (pronunciación, entoación,
vocabulario, ...)

ACTIVIDADE 8: PRESENTANDO MITOS
SOMOS MITOLÓXICOS
As seguintes semanas aproveitamos diferentes momentos da xornada para facer
as gravacións e a montaxe grupo por grupo. Contamos con 2 Tabletas.
Partindo de breves textos extraídos dos libros dos que dispoñemos na biblioteca
de aula, cada quen tivo que subliñar o máis importante para facer un breve resumo
para poder contalo coas súas palabras. A dificultade radicou no resumo e a tradución
ao galego. A tarefa requiriu de moito máis apoio docente do que se esperaba.
Os vídeos realizáronse con Touch Cast, app que permite gravar voz e imaxe
coa posibilidade de cambiar un fondo verde por unha foto ou vídeo. Xa usaron esta
ferramenta, polo que a autonomía no seu uso foi importante. Para o Touch Cast
empregarán o vestiario de Entroido. Con esta técnica fan a montaxe dos mitos dos
heroes e criaturas. Unha vez montado cada clip empregarán a app IMovie para crear
a película do seu grupo. Publicáronse no blogue e na web do centro.
Empregamos IMovie para facer a montaxe dos deuses do olimpo e como fondo
empregamos o mural do Partenón de “Canicópolis”.
Unha vez rematadas as montaxes realizamos, entre todos, a avaliación da
exposición e as propostas de mellora. Dimos a oportunidade a cada equipo a que
mellorase os seus vídeos.
LGB1.3.4. Participa no traballo en grupo.
LGB1.6.1. Elabora un discurso oral coherente, utilizando un vocabulario adecuado á
súa idade.
LGB1.9.1. Interésase por expresarse oralmente coa pronuncia e entoación adecuada
a cada acto comunicativo.
LGB2.3.1. Realiza o subliñado das ideas principais dun texto sinxelo.
LGB2.4.2. Relé un texto e marca as palabras clave para acadar a comprensión,
cando é preciso.

LGB3.1.4. Aplica, de maneira xeral, a norma lingüística: ortografía, léxico,
morfosintaxe.
LGB3.2.4. Escribe textos coherentes empregando algúns elementos de cohesión.
LGB5.5.1. Participa activamente en dramatizacións de situacións e de textos
literarios.
LGB5.6.1. Valora a literatura en calquera lingua, como vehículo de comunicación e
como recurso de gozo persoal.
LCB1.7.1. Reproduce de memoria textos literarios, non literarios e propios, sinxelos
e breves, axeitados aos seus gustos e intereses.
LCB2.4.1. Dedica momentos de lecer para a lectura voluntaria.
LCB2.5.1. Consulta na biblioteca, de xeito guiado, diferentes fontes bibliográficas e
textos en soporte informático para obter información sobre temas do seu interese e
necesarios para as súas tarefas de aula.
LCB2.6.1. Coida, conserva e organiza os seus libros.
 Le os textos onde falan do seu personaxe.
 Amosa interesa por coñecer máis afondo este tema.
 Resume e traduce ao galego, coa axuda da familia ou da mestra, o mito
asignado.
 Responsabilízase de contar o seu mito.
ACTIVIDADE 9: MITOS E LENDAS GALEGAS
GALICIA DE LENDA
Pero como non só Grecia é rica en mitos e lendas, aproveitamos tamén para aprender
un pouco da nosa cultura popular. Con todo o que aprendemos representamos no
festival das Letras Galegas do cole, cun teatro de sombras catro lendas:
 Castro ou Coto de Negros: lenda de Santo Estevo de Negros. Redondela.
https://youtu.be/KyycROXTZh4?list=PLdV6AQVH2aSpjop8WomchRbYaG

S-3AGu7
 Lobishome: lenda de Cervantes. Lugo
https://www.youtube.com/watch?v=bhSmhdoj4Bw&t=5s
 A Compaña: lenda dun camiño de San Martiño de Tabeaio. Carral. A Coruña
https://www.youtube.com/watch?v=k-
YZrRm3o0Q&index=3&list=PLdV6AQVH2aSpjop8WomchRbYaGS-
3AGu7&t=10s
 Ferreiro de Castrelos: Vigo.
https://www.youtube.com/watch?v=Sv9-NHJjHLY
A montaxe dos vídeos foi realizada con IMovie. Os decorados foron elaborados polos
alumnos e alumnas.
LGB5.1.1. Escoita, memoriza e reproduce textos sinxelos procedentes da literatura
popular oral galega (adiviñas, lendas, contos, poemas, cancións, ditos) e da literatura
galega en xeral.
LGB5.1.2. Valora os textos da literatura oral galega como fonte de coñecemento da
nosa cultura e como recurso de gozo persoal.
LGB5.5.1. Participa activamente en dramatizacións de situacións e de textos
literarios.
LGB5.6.1. Valora a literatura en calquera lingua, como vehículo de comunicación e
como recurso de gozo persoal.
LCB1.7.1. Reproduce de memoria textos literarios, non literarios e propios, sinxelos
e breves, axeitados aos seus gustos e intereses.
EPB2.1.3. Manexa material diverso nas producións plásticas, explorando diversas
técnicas e actividades manipulativas.
EPB2.1.4. Practica o recorte e pega materiais de diferentes texturas.
 Responsabilízase de interpretar con corrección o papel asignado no teatro.

 É capaz de contar coas súas palabras as lendas propostas.
 Colabora activamente na elaboración dos decorados.
ACTIVIDADE 10: ARTIGO PARA A REVISTA
CANICÓPOLIS E MITOS E LENDAS GALEGAS
 Revista do centro:
http://revistascanicouva.blogspot.com.es/2017/05/revista-letras-galegas-2017.html
 Artigo de 3º:
https://drive.google.com/open?id=0B8SNytaJ2HsnVkY2ZDBNRDE5N00
LGB2.1.1. Comprende a información relevante de textos sinxelos procedentes dos
medios de comunicación social ou propios de situacións cotiás.
 Extrae as ideas principais do artigo presentado.
ACTIVIDADE 11: CONVIVENCIA CO CEIP JOSEFA ALONSO
OS DOCE TRABALLOS DE CANICÓPOLIS.
Durante a xornada de convivencia co alumnado de 3º do centro do barrio
veciños, no parque de Castrelos desfrutaron dunha actividade heroica.
Tiveron que superar en seis equipos, 12 probas de todo tipo. O deseño das
actividades estiveron relacionadas cos talentos humanos (unha por cada deus
olímpico). Ao superalas todas cada equipo recibiu un diploma escrito en grego
“clásico”.
LCB1.1.2. Aplica as normas sociocomunicativas: escoita atenta, espera de quendas,
respecto da opinión dos e das demais.
LGB1.3.1. Participa nunha conversa entre iguais, comprendendo o que di o

interlocutor e intervindo adecuadamente.
LGB1.3.4. Participa no traballo en grupo.
LGB1.5.2. Respecta as opinións das persoas participantes nos intercambios orais.
 Acepta os diferentes puntos de vista.
 Expón, non impón, as súas ideas.
 Valora a interdependencia positiva como garantía de éxito.
 Participa na resolución das probas.
ACTIVIDADE 12: MOTIVACIÓN FINAL
PERCY JACKSON E O MAR DOS MONSTROS
Aproveitando o traballo acumulado ata este momento fixemos un parón la
lectura diaria para gozar da segunda parte da película de Percy Jackson. Durante o
visionadao paramos en momentos puntuais para ir comentando aspectos mitolóxicos
que aparecen e así puideron comprobar todo o que aprenderon durante o curso.
LGB1.2.1. Usa e manexa documentos impresos, audiovisuais e dixitais para obter a
información máis importante e necesaria.
LGB1.3.2. Sigue unha exposición da clase e extrae o sentido global e as
informacións máis relevantes, preguntando se é necesario para verificar a súa
comprensión.
LGB1.5.6. Participa na conversa formulando e contestando preguntas.
 Segue atentamente a película e sen interrumpir.
 Participa nos debates durante a película.

ACTIVIDADE 13: PRESENTACIÓN DO PROXECTO
OS CONTADORES DE MITOS (LIBRO E EXPOSICIÓN)
Posto que é un traballo para a biblioteca do centro, coa idea de fomentar hábito
lector e escritor, nada mellor que acabar creando un libro colaborativo para deixar na
biblioteca do colexio. Cada un escribiu o seu mito, traballado na actividade 8.
Acompañámolo dun fundo ilustrado sobre o que pegamos a foto de cada neno/a
disfrazado do seu personaxe. Cada neno/a colaborou para levar a cabo os 4 mitos do
seu equipo. Este libro escaneado foi incluído no glosario que cada neno/a levou para
casa.
A segunda parte do producto presentado no PDI do centro foi unha exposición
onde cada neno/a disfrazado do seu personaxe conta en directo ao resto do cole o seu
mito, traballado na actividade 8, pero en lugar da gravación, fixérono en directo.
EPB2.3.1. Leva a cabo proxectos en grupo respectando as ideas das demais persoas
e colaborando coas tarefas que lle foran encomendadas.
LGB2.7.3. Participa en actividades literarias do centro.
LGB2.9.1. Amosa interese pola lectura como fonte de aprendizaxe e medio de
comunicación e de lecer.
 Os mesmos das linguas que na actividade 8, coa diferenza de que teremos en
conta os nervios do directo.
ACTIVIDADE 14: AVALIACIÓN DO PROXECTO
CANTO APRENDEMOS!
Nunha sesión na aula de informática realizaremos unha avaliación sobre o
aprendido. Empregamos a ferramenta web kahoot. Creamos unha serie de preguntas

con catro posibles respostas a escoller e o alumnado terá que respondela. Tratamos
de crear preguntas graciosas e enxeñosas para que despois de todo o que traballaron
sobre a mitoloxía non se vexan presionados e vexan este xogo como un exame. O
que interesa é que vexan todo o que aprenderon sen necesidade de estudar nin
memorizar algo que non son capaces de explicar. Se no xogo hai moitos erros
significará que fracasei co que pretendía conseguir cando expuxen a actividade.
Terminaremos xogando a un LIM de mitoloxía elaborado por tres ex alumnas
cando estaban comigo en 6º.
https://getkahoot.com/
http://orecunchodepaula.blogspot.com.es/2015/04/percy-jackson.html
 Esta actividade servirá como avaliación docente. Do éxito nas respostas
depende o éxito do proxecto. Se hai moitos fallos quere dicir que non
conseguín que aprenderan mitos traballando lingua e lengua, especialmente.
 Interésame avaliar a comprensión dos mitos durante todo o proceso. Isto é un
gran indicador da comprensión, memoria, atención, traballada a maiores que
os contidos curriculares anteriormente expostos.
ACTIVIDADE 15: GLOSARIO FINAL
ÁNFORAS GREGAS
Á CAZA DOS MITOS
Rematamos elaborando un glosario para levar a casa con todo o material
funxible elaborado. Relatos, debuxos, memory, alfabetos, ... Todo encadernado a
modo de libro mitolóxico.
Finalizamos as actividades plásticas co debuxo dunha ánfora grega onde cada
neno e nena plasmou de xeito plástico algún momento importante do seu mito.
Como colofón final elaboramos un libro colaborativo onde fomos recollendo
fotografías de elementos do noso contorno onde aparecen imaxes, nomes, debuxos,
típicos da mitoloxía grega. Por exemplo a estatua do rapto de Europa, a discoteca

Olimpo, a tenda de mobles Atenea, a xoiería a Caixa de Pandora,...
EPB1.4.2. Procura información sobre artistas plásticos/as da cultura propia e de
outras, e sobre a súa obra
 Realiza a ánfora seguindo as instrucións dadas para que sexa representativa da
arte gregas (cores laranxa e negro).
 Coidado do material elaborado durante o curso.
 Presentación do mesmo.

Ficha tarefa Canicópolis

Recommandé

Recommandé

Contenu connexe

Similaire à Ficha tarefa Canicópolis

Similaire à Ficha tarefa Canicópolis (20)

Plus de PaulaReySilva

Plus de PaulaReySilva (20)

Dernier

Dernier (11)

Ficha tarefa Canicópolis