(Rica Alcano) Kompilasyon ng mga Akademikong Sulatin sa Piling Larang
1.
2.
3. Ang abstrak ay isang maikling buod ng
artikulo, ulat at pag-aaral na inilalagay
bago ang introduksiyon. Ito ang siksik na
bersiyon ng mismong papel.
4.
5. Ang artikulong ito ay tungkol sa mga
negatibong epekto ng Social Media tungo sa mga
kabataang nahuhumaling dito. Tinatalakay din sa
artikulong ito ang isang Filipino Independent Film na
pinamagatang “UNFRIEND” na itinampok sa
Berlinare International Film Festival sa Germany ang
iba pang epekto na dulot ng pagkalulong ng mga
kabataan sa Internet at Social Media.
6. Ayon sa panayam ng isang dalagita, ibinahagi
niya na ang kaniyang atensyon ay nakatuon lamang sa
social media sa loob ng walong taon simula noong
siya ay nasa ika-limang baitang pa lamang. Naging
mundo niya ito at sa tuwing pagkain at pagtulog ay
palaging nasa kanyang tabi ang Internet. Nang dahil
dito nararanasan ng mga kabataan ang depresyon,
pagbaba ng self-esteem, pangungutya, at pagbibigay-
banta.
7. Sa isang pangyayari, binaril ng binatilyo ang
kaniyang kasintahan dahil sa isyu sa Facebook.
Ipinahayag ng sikolohistang si Professor Gerald Abersos
na ang pagkalulong sa social world o social media ay
nagdudulot lamang ng pagliit ng mundo ng bata na
nahahantong sa depresyon o mas malala pa ay ang
pagkamatay nito. Nagpapatunay lamang na mas
mahalaga pa rin ang tunay na mundo kaysa sa mundo ng
Internet.
8.
9. Ito ay isang impormatibong talata na nagpapaalam sa mga
mambabasa kung sino ka o ano-ano ang mga nagawa mo bilang
propesyunal.
Inilalahad din dito ang iba pang impormasyon tungkol sa'yo na
may kaugnayan sa paksang tinalakay sa papel.
Naglalahad ng mga kwalipikasyon ng isang indibidwal at ng
kaniyang kredibilidad bilang propesyunal.
10.
11. Si ROLANDO A. BERNALES ay nagtapos ng BSE-
Filipino bilang cum laude at nakakamit ng graduate certificate
(katumbas ng Master of Arts in Teaching) sa Linggwistikong
Filipino sa Philippine Normal University. Nakapagtapos din siya
ng Ed.D. sa Educational Management sa University of Makati.
Limang taon siyang nanilbihan bilang Puno ng Departamento ng
Filipino; at isang taon bilang Puno ng Departamento ng
Lenggwahe at Literatura sa University of Makati. Kasalukuyan
siyang Professor II. At siya ay naging executive director ng
Center for Innovative Education and Sciences.
12. Siya rin ay isang awtor, ko-awtor-editor, at/o consultant ng
hindi kukulangin sa 70 na mga aklat sa wika, pagbasa at
panitikan sa antas na preschool, elementarya, at sekundarya
bilang isang malikhaing manunulat ng tula, kwento, at
sanaysay. Siya ay naparangalan ng Ten Outstanding Students of
the Philippines (1989); Award for Exemplary Performance as a
Public Servant (2000) mula sa Pamahalaang Lungsod ng
Makati at siya rin ay isa sa mga Palanca Awardee. Siya ay
panghabambuhay na kasapi ng Pambansang Samahan ng
Linggwistika at Literaturang Filipino, at siya rin ay miyembro
ng KAGURO, SANGFIL, at APNIEVE.
13.
14. Ang talumpati ay isang sining ng pagpapahayag ng kaisipan
o opinyon ng isang tao tungkol sa isang paksa na ipinababatid sa
pamamagitan ng pagsasalita sa entablado. Mananalumpati ang
tawag sa taong gumagawa at nagtatalumpati sa harap ng publiko
o grupo ng mga tao. Layon nitong magbigay ng kaalaman o
impormasyon, tumugon, humikayat, mangtawiran, at maglahad
ng isang paniniwala.
15.
16.
17. Ayon kay Pangulong Rodrigo Roa Duterte na “Sa Pilipinas, ito ay talagang mata sa mata, ngipin sa
ngipin, kinuha mo ang buhay ng ibang tao dapat mo rin itong bayaran ng buhay.”
Sa mga nakaraang siglo, ang parusang kamatayan ay isang di-katanggap-tanggap na parte sa komunidad
at ang sistema nito, na itinuturing na isang pangangailangan ng bansa upang mapuksa ang mga krimen at mapalaya
ang komunidad mula sa mga kriminal. Subalit, sabi ng karamihan na ang parusang ito ay isang krimen laban sa
makataong pagpapahalaga. Kaya hanggang ngayon ay umuusbong pa rin ang mga debate sa mga bansa, na
nagresulta ng malawak na pagkakaiba ng mga batas patungkol sa isyung ito. Ang mga bansa sa kasalukuyan na
nagpreserba ng parusang ito ay ang China, United States, Iran, Belarus at mga bansa sa Europe. Ang Canada,
Australia, New Zealand kabilang na ang Pilipinas ay ang mga bansang nagbasura sa parusang ito. Ang Pilipinas
ang unang bansa sa Asya na bumuwag ng parusang kamatayan taong 1987, ngunit ibinalik ng administrasyong
Ramos taong 1993 bilang tugon sa diumano‟y pagdaragdag ng bilang ng krimen. Ito ay muling nabasura sa ilalim
ng pangangasiwa ni Pangulong Gloria Macapagal-Arroyo taong 2006.
18. Kung ating makikita, kabi-kabila na ang mga krimeng nangyayari sa Pilipinas, segu-segundo, minu-
minuto, oras-oras at araw-araw na nagaganap sa mga lansangan, tahanan at kung saan-saan. Ang mga
pangyayaring ito ang nag-udyok sa administrasyong Duterte na ibalik ang parusang kamatayan. Ang panig ko
tungkol sa pagpapanumbalik ng pangulo sa nasabing parusa ay hindi ko lalabanan sa isang kondisyon, at ito ay
kung mababago niya ang sistemang panghukuman sa ating bansa. Narito ang dalawang argumento kung bakit
hindi ako laban sa muling pagtatag ng parusang kamatayan.
Ang unang argumento ko ay ang parusang kamatayan ay ang tunay na babala para sa mga kriminal na
ganito ang kanilang kahahantungan kapag gumawa sila ng mga kasuklam-suklam na krimen. Ang muling
pagtatag ng parusang ito ay ang magiging dahilan na iiwas na sila sa paggawa ng krimen dahil ang lahat ng ito ay
may kabayaran.
19. Ang pangalawang argumento, ito ay isang opsiyon sa pagpataw sa kriminal. Sa unang panukala
nakalista ang 21 na uri ng krimen na maaaring parusahan ng kamatayan, ngunit pinababa ito sa 4, kabilang
dito ang pandarambong o plunder, pagtataksil o treason, panggagahasa at mga mabigat na kasong may
kaugnayan sa droga. Dahil isa sa mga dahilan na ang mga kriminal ay nakakagawa ng mga krimen ay dahil
hindi sila natatakot na makaharap ang mga kahihinatnan. Para sa kanila, nakakalaya pa rin sila pagkatapos ng
ilang taong pagkakabilanggo. Kaya kung sakali mang nakagawa sila ng krimen na kabilang sa apat na
nabanggit ay kamatayan ang kanilang kahihinatnan.
20. Sa isang pangyayari sa Cebu kung saan ang 16-anyos na si Christine Lee Silawan ay natagpuan sa
Lapu-Lapu City, Cebu. Siya ay iniulat na nagahasa at binalatan hanggang bungo. Ang dalagita ay nakilala
bilang isang estudyante ng Maribago High School. Siya ay unang iniulat na nawawala sa pamamagitan ng
kanyang ina matapos siyang hindi umuwi sa bahay mula sa paninilbihan bilang kolektor sa simbahan sa
Linggo. Huwebes ng hapon matapos siyang pumanaw, ang #YesToDeathPenalty ay ang paksang nangunguna
sa Pilipinas sa Twitter na kung saan ang mga mamamayan ay nananawagan para sa pagkamatay ng mga
suspek. Ang mga krimeng kaugnay nito ang nagtulak sa pangulo na isulong ang muling pagbangon ng
parusang kamatayan habang nagpapatupad siya ng kaniyang “War on Drugs” at “Anti-crime”.
21. Ang pagpapatupad ng parusang ito ay sinasalungat ng mga relihiyosong tao. Ang mga kinatawan ng
iba‟t ibang grupo ng relihiyon ay nagsasabi na ang Diyos lamang ang makakakuha ng buhay ng tao at ang
mga tao ay hindi pinapahintulutan na patayin ang isa‟t isa. Ika nga sa bagong teksto, “itinuturo ng simbahan,
sa liwanag ng Ebanghelyo, na ang parusang kamatayan ay hindi maaari sapagkat ito ay isang pag-atake at
di-pagkakasalungatan sa dignidad ng tao.”
Kaya nga matagal nang sinalungat ni Pope Francis ang parusang kamatayan, na nagsasabing ang
pagpataw sa isang tao ng kamatayan ay labag sa mga turo ni Kristo dahil ito ay nangangahulugang ibinukod
nito ang posibilidad ng pagtubos.
22. Sa tingin ko na ang muling pagpapanumbalik ng parusang kamatayan ay gagawin upang maayos ang
lahat ng ito, ngunit hindi ko mawari at marahil ito ay isang mahusay na unang hakbang dahil ito ay hahantong
sa isang mahusay at matapang na pagtingin sa sistema ng katarungan at ayusin ang dapat o kailangang maayos.
Ang mga hakbang na ito ay hahawakan kung ang parusang kamatayan ay bumalik na sa halo.
23.
24. Isa itong detalyadong ulat ng polisiyang karaniwang nagpapaliwanag, nagmamatuwid o
nagmumungkahi ng isang partikular na kurso ng pagkilos. Ang posisyong papel ay isang sanaysay na
naglalahad ng opinyon hinggil sa isang usapin, karaniwan ng awtor o ng isang partidong politikal.Ang
mga posisyong papel ay inilalathala sa akademya, sa politikal, sa batas at iba pang domeyn. Ang mga
ito‟y may iba‟t ibang anyo, mula sa pinakapayak na anyo ng liham sa patnugot/editor hanggang sa
pinakakomplikadong anyo ng akademikong posisyong papel. Ginagamit din ang mga posisyong papel
ng malalaking organisasyon upang isapubliko ang mga opisyal na paniniwala at mga rekomendasyon
ng pangkat.
25.
26.
27. On this day, I give to you, in the presence of God, my vow to stay by your side, in sickness and
in health, in joy and in sorrow, as well as through the good times and in bad times. I promise
to love you and encourage you to achieve all of your goals, laugh with you, and honor you for
as long as we both shall live. This ring is a symbol of my vow.
28. Ang pag-aasawa ay sagrado. Sa oras na ang mag-asawa ay humarap sa altar upang
hingin ang basbas ng pari, nakikita ng Panginoon kung paano kayo nangako sa isa‟t isa.
Ang kasal ay ang proseso kung saan ang dalawang tao ay inaaprobahan ang kanilang
relasyon sa publiko, opisyal at simbahan. Ito ay ang pag-iisang dibdib ng dalawang tao at
sila ay mamamalagi hanggang sa kamatayan, ngunit sa paglipas ng panahon ay napuputol
sa pamamagitan ng paghihiwalay, at dito na nanghihimasok ang mga proseso upang
ipawalang bisa ang kasal. Isa sa mga prosesong ito ay ang diborsiyo. Ano ba ang
diborsiyo?
29. Ang diborsiyo ay isang legal na pagkilos sa pagitan ng mga mag-asawa na wakasan
o ipawalang-bisa ang kasal.
Ako ay laban o tutol sa diborsiyo sa tatlong kadahilanan. Una, hindi ito ang nais ng
Diyos. Pangalawa, hindi ito ang sagot sa lumalaking bilang ng karahasan laban sa mga
kababaihan at mga bata. Pangatlo, magbibigay ito ng mas malawak na landas para sa
imoralidad at pagtataksil sa pag-aasawa.
30. Hindi ito ang nais ng Panginoon. Wala sa Bibliya na magsasabi sa atin na ang Diyos
ay pabor sa diborsiyo. Ito ay pinahihintulutan lamang dahil sa matigas na ulo ng mga tao.
Hindi ginawa ng Diyos ang lalaki at babae na nagkakaisa at pagkatapos ay pinaghihiwalay
kung makasalamuha ang ilang mga problema. Ang mga problemang ito ay dapat harapin ng
mag-asawa sa lahat ng kanilang makakaya. Ang pagdidiborsiyo ay hindi solusyon sa mga
problemang ito. Kung natatakot ka sa Panginoon at sa kanyang mga utos, walang paraan na
sasang-ayon ka sa diborsiyo. Hindi ito ang nais ng Diyos, tao lamang ang may gusto nito.
31. Hindi ito ang sagot sa lumalaking bilang ng karahasan laban sa mga kababaihan at
mga bata. Ang mga tao ay binigyan ng tinatawag na pagpipilian at pagkakataon na magbago
ngunit ang katotohanan ay, ang tinatawag na “karapatan” ay inaabuso. Ito ay kung saan
maraming mga tao ang ginagamit ang kanilang karapatan at inaabuso ito para sa isang
makasariling paghahanap ng kaligayahan na hahantong lamang sa mga mahihirap na
sitwasyon. Iyon ang mga dahilan kung bakit makikita natin na ang mga tao na diborsiyado
hindi lang isang beses, o dalalawang beses, ngunit maraming beses. Ang diborsiyo ay
parang isang gamot…gamot na hindi inirerekomenda. At ang tanong, ang mga istatistika ba
ng karahasan laban sa kababaihan at mga bata ay bumaba sa pamamagitan ng diborsiyo?
32. Nagbibigay ito ng mas malawak na landas para sa imoralidad. Maituturing na ito ay
imoral dahil kung takot ka sa Diyos at nauunawaan natin kung ano ang ibig sabihin ng
moralidad at alam natin ang tunay na sagot sa lumalaking problema na may kaugnayan sa
karahasan laban sa kababaihan at mga bata. Ang diborsiyo ay hindi solusyon sa lahat ng ito.
Ang problema sa pagitan ng mag-asawa ay mga pagsubok lamang na binigay ng Panginoon
upang subukan ang katatagan ng dalawa o kung totoo ba ang kanilang sinasabi sa isa‟t isa sa
araw ng kanilang kasal.
33. Ang diborsiyo ay talagang hindi isang tunay o isang solusyon sa lumalaking
problema sa tahanan. Ito ay tulad ng mga illegal na droga na maaaring magkaroon ng
kaunting pakinabang sa pagpapagaan ng sakit ng pasyente, ngunit karamihan ng mga kaso,
ito ay isang nakakahumaling na gamot na maaaring pumatay at sumira ng buhay at mga
relasyon.
34. Hindi totoo na ikaw ay magiging masaya sa ikalawang pagkakataon. Hindi totoo na
makukuha mo ang iyong kaligayahan kapag nabigo ang iyong kasal at ang diborsiyo ay ang
solusyon. Ang tanging solusyon para sa mga problema sa kasal ay ang sundin kung ano ang
mga salita ng Diyos. “Wives, submit to your husbands. Husbands, love your wife as you
love yourselves” (Ephesians 5:22-23)
35.
36. Ang sintesis o buod ay ang pinakamahalagang kaisipan ng
anumang teksto. It ay isang bersyon ng pinaikling teksto o
babasahin. Ito ay ang paglalahad ng anumang kaisipan at
natutunang impormasyong nakuha mula sa tekstong binasa na nasa
yamang pagkakasunud-sunod ng mga pangyayari. Marapat lamang
na maging malinaw sa pagpapahayag. Kailangang panatilihin ang
mga binanggit na katotohanan o mga puntong binibigyang diin ng
may akda.
37.
38.
39. Pamagat: Inflation Rate
Uri: Background Synthesis
Anyo: Explanatory Synthesis
Pamamaraan: Paghahalimbawa, Komparison at Kontrast,
Kosesyon
Layunin: Layunin ng sintesis na ito na malaman ang katotohanan
ng implasyon
Thesis Statement: Ang inflation rate ay nagdudulot ng
malakihang epekto sa mga tao
40. Paghahalimbawa
Ayon kay Ethel Deborjo na ang halimbawa ng implayon ay
ang mataas na presyo ng langis sa pandaigdigang merkado. Ang mga
bansang walang sapat na imbak ng langis, gaya ng Pilipina, ay
kailangan mag-angkat nito, kung kaya, depende sa presyuhan sa
pandaigdigang merkado, apektado ang ekonomiya ng Pilipinas. Sa
isang pag-aaral noong 2016, napag-alamang 94% ng ating
pangangailangan sa langis ay ating inaangkat. Isa ring halimbawa ay
ang mababang halaga ng piso. Nagiging mas mahal ang imported
items. At ang isa pang halimbawa ay krisis sa bigas. Ang mataas na
inflation rate ay dahil sa kaunting suplay ng mga agricultural
products.
41. Komparison at Kontrast
Ayon sa Modern Economics na ang implasyon ay
nakakasama sa isang bansa, lalong-lalo na kapag tumaas
ang suplay ng salapi at tumaas din ang kita at demand kaysa
sa produksiyon, kapag tumaas ang palitan ng piso sa dolyar.
Ang pagtaas ng halaga ng produkto at serbisyo na inangkat
o imported mula sa ibang bansa. Subalit ayon naman kay JC
Punongbayan na malaki ang tulong ng implasyon sa isang
bansa dahil ito ang magiging dahilan ng paglago ng
ekonomiya ng bansa.
42. Konsesyon
Masalimuot talaga ang implasyon, subalit ang pinakapunto
dito ay hindi maganda ang labis at mabilis na pagtaas ng presyo ng
mga bilihin sapagkat nakasisira ito sa kabuuang ekonomiya.
Pinapatay nito ang interes ng mga tao upang mag-impok. Bakit ka ng
naman mag-iipon ng pera sa bangko kung ang isang libo mo ngayon
ay magiging walong daan na lamang ang tunay na halaga sa loob
lamang ng ilang linggo dahil sa pagtaas ng mga presyo ng bilihin. Sa
modernong ekonomiya ng mga lipunan, ang pamahalaan talaga ang
nasa posisyon upang makialam at subukang makontrol ito.
43. Sa kalaunan, ang mga tamang patakaran para gawing tunay na
produktibo ang ekonomiya lalo na sa ating bansa, sa agrikultura at
pabahay ay ang magbabalanse sa paglago ng ekonomiya upang hindi
maging masakit para sa mamamayan ang anumang pagtaas ng
implasyon na kung tutuusin ay isang likas na bagay sa isang aktibong
ekonomiya.
Sanggunian:
https://www.google.com/amp/s/usapangecon.com/2018/09/17/ano-ang-katotohanan-
sa-inflation/amp/
44.
45. Pamagat: Inflation Rate
Uri: Thesis-driven Synthesis
Anyo: Argumentative Synthesis
Pamamaraan: Paghahalimbawa, Komparison at Kontrast, Kosesyon
Layunin: Layunin nito na mapatunayan na masama sa isang bansa ang
inflation
Thesis Statement: Ang implasyon ay nakakasama sa isang bansa na
nagdudulot lamang ng patong-patong na problema lalong-lalo na sa mga tao
46. Paghahalimbawa
Kapag magkakaroon ng implasyon, tataas ang bilihin at maraming tao
ang mag-uunahan sa pagbili ng mga produktong mura pa. Magdudulot naman
ito sa matinding kahirapan at gutom na maaaring ikamatay ng maraming tao.
Nagdaragdag lamang ito sa problema ng ekonomiya ng bansa. At ang lahat ng
ito ay hahantong sa pagtaas ng krimen sa bansa at pagkalugmok sa mga utang.
47. Komparison at Kontrast
Ang implasyon ay katuwang sa paglago ng ekonomiya. Kung mapapansin, ang
mga maunlad na bansa tulad ng US o Japan ay mataas rin ang cost of living. Ito‟y dahil sa
mahabang panahon, habang yumayaman ang mga Amerikano at Hapon, ay lumalaki rin
ang kanilang paggastos sa mga produkto at serbisyo. Alam natin mula sa basic economics
na ang mataas na demand ay nagdudulot ng mas mataas na presyo. Isa pang dahilan kung
bakit maituturing na maganda ang inflation ay dahil may masamang dulot din ang
deflation, o ang pagbaba ng mga presyo ng bilihin. Bukod sa maaari itong senyales ng
pagbagal ng isang ekonomiya, lumalaki rin ang totoong halaga ng mga utang tuwing may
deflation. Ngunit ayon sa isang pag-aaral na ang implasyon ay bunsod ng mga kaganapan
sa labas ng ekonomiya, at hindi maganda sa isang bansa ang implasyon.
48. Konsesyon
Bagamat apektado tayo ng presyo ng krudo sa pandaigdigang merkado, nasa
kontrol ng gobyerno ang Train Law na magpapataw ng karagdagang buwis sa diesel,
gasolina at kerosene. Samantala maaari lang tayong maapektuhan ng trade war ng US
at Tsina kung tayo mismo ay sasali sa trade war at magpapataw ng mga buwis sa
inaangkat na produkto mula sa dalawang bansang iyon. Pero „di naman iyon ginawa
ng administrasyong Duterte.
50. Ito ay isang sanaysay na kung saan
ang ideyang ito ay pinanggalingan mula
sa mga pinuntahan o nilakbayang mga
lugar. Kabilang rin dito ang kultura,
tradisyon, pamumuhay, uri ng mga tao,
eksperensya mula sa awtor at lahat ng
aspetong naalaman ng isang
manlalakbay.
51.
52.
53. Hindi na nakakapagtataka kung bakit sa kabila ng pagiging
maliit ng ating bansa ay dinarayo ng mga turista. Hindi mabilang
ang mga magagandang lugar na nasa mismong bansang Pilipinas,
na kung makikita ng mga tao ay talaga namang nanghahatak
pabalik. Kahit saang sulok man ng ating bansa ay naroon ang mga
makapigil-hiningang mga tanawin na masarap lakbayin, at
paglipasan ng oras. Gawin nating makatotohanan ang mga lugar na
sa litrato lang natin kadalasang nakikita, kaya‟t tara na at ating
simulan sa ating lokalidad, kagaya ko. Aking sisimulan ang
paglalakbay sa Valencia, Negros Oriental.
54. Ang Valencia ay orihinal na pinangalanang Ermita, na
nangangahulugang “isang liblib na lugar”, dahil sa pagiging
isang kanlungan mula sa pagwasak ng mga piratang muslim.
Noong 1856 pinalitan ito ng pangalang Nueva Valencia ng mga
espanyol, bilang paggalang sa pari ng parokya nitong si Fr.
Matias Villamayor na taga Valencia, Spain.
55. Noong 1920 pinangalanan itong Luzuriaga bilang
karangalan kay Don Carlos Luzuriaga, isang delegado mula sa isla
ng Negros patungo sa Lehislatura ng Pilipinas na nangako sa mga
opisyal ng bayan na magsisikap siyang tumulong upang mapabuti
ang bayan. Ang bayan ay pinalitan ng pangalan na Valencia noong
1998, alinsunod sa Republic Act No. 252.
56. Ako ay nagmula sa munispalidad ng Zamboanguita at kung
pupunta ka sa Valencia, Negros Oriental ay kailangan mong
sumakay ng jeep, bus, o di kaya‟y motorsiklo at lalakbay ng
humigit kumulang isang oras. Mula sa paanan ng Valencia
hanggang sa kabuuan nito ay napakaganda. Makikita sa daan ang
mga nagtataasang mga puno na dahilan kung bakit malamig ang
lugar sa Valencia. Madadaanan din ang Tejeros resort na kung
saan bubungad sa‟yo ang malaparaisong lugar. Dagdag pa dito ay
ang iba‟t ibang aktibidad na maaaring gawin sa nasabing resort.
57. Sa pagpapatuloy ng paglalakbay, makikita sa Valencia ang
mga naglalakihang mga bahay. Makikita rin sa daan ang mga tao na
nagbebenta na iba‟t ibang prutas na kanilang tanim mismo.
Nagpapatunay na ang ekonomiya ng Valencia ay nakabatay sa
agrikultura. Kasama sa mga pangunahing produkto ang abaca,
copra, mais, bulaklak, gulay, at mga prutas na lansones at
rambutan.
Ang munisipalidad ay mayroon ding geothermal power
station na pinamamahalaan ng Energy Development Corporation.
Gumagawa ito ng kuryente na nagbibigay ng mga pangangailangan
ng Negros, Panay at bahagi ng Cebu.
58. Para sa mga nature lover na walang hanggan ang galak
pagdating sa mga ganitong klaseng paglalakbay, naghihintay sa
inyo ang malamig na simoy ng hangin samahan pa ng tunog ng
mga ibon na kay sarap dinggin. Magtampisaw sa kapana-panabik
na Casaroro Falls na matatagpuan din sa Valencia, Negros
Oriental na kung saan bubungad sa‟yo ang magagandang tunog
ng bawat bagsak ng tubig. Ang iba‟t ibang resort na makikita sa
Valencia, Negros Oriental ay bukas sa mga turista tulad ng
Casaroro Falls, Tejeros, Mount Talinis at marami pang iba na
maaaring maghiking at magpicnic.
59. Kung nais mo ng tahimik at masayng bakasyon, ang
Valencia ang magandang lugar na puntahan. Makikita sa daan ng
Valencia ang magagandang 14 Stations of the Cross na
nagpapatunay lamang na binibigyang halaga ng mga tao doon
ang kanilang pananampalataya. Malaking patunay sa Valencia
ang naggagandahang mga likas na yaman na maituturing nating
isang tahimik na paraiso. Isang paraiso at kayamanan na
kailanman ay hindi sa atin maaagaw ninuman.
61. Isang masining na pagsulat na may
kaugnayan sa pansariling pananaw at
damdamin sa isang partikular na pangyayari.
Bagkus ipinarating ang pansariling
karanasan at natuklasang resulta sa
espisipikong paksa. Naglalayon din ito na
maipabatid ang mga nakalap na impormasyon
at mailahad ang mga pilosopiya at karanasan.
62.
63. Natatanong ko sa aking sarili kung hinuhulma ba talaga ng mga
pagsubok ang aking buhay , at sa tingin ko ay hinuhulma nito ang
aking buhay dahil ang mga pagsubok na ito ang sumusukat sa
kapasidad ko o kaya kong gawin upang masolusyunan ang
problema. Ang mga problemang ito ay ang magsisilbing gabay sa
akin at ang magtuturo sa akin kung ano ang dapat gawin sa mga
pagsubok na dumarating.
64. Hindi ko mawari na bakit may mga gawain na madali at mayroon
ding mga gawain na mahirap. Kapag dumarating sa buhay ko ang
mga mabibigat na problema o gawain at nahihirapan ako, minsan
natatanong ko na bakit kailangan pa ng ganito, hindi ba pwedeng
hindi ganito kahirap? Ngunit minsan ay sinasabi ko sa sarili ko na
binigay ng panginoon ang ganito kahirap na gawain dahil alam
niya na makakaya ko ang lahat ng ito. Alam ng Panginoon na
malalampasan ko ito dahil alam niya ang kapasidad ko.
65. Para sa akin, dapat kung mahirap ang mga proyektong ibibigay,
dapat ibigay ito sa lalong mas maagang panahon upang
mapaglaanan ng panahon (mahabang oras) upang mas maganda
ang kalalabasan ng proyekto.
66. Naiisip ko minsan na madadala ko nga ba talaga ang lahat
ng paghihirap ko ngayon sa buhay ko pag nagkolehiyo na ako.
Lahat ba nang natutunan ko ay talaga bang nakakatulong sa
aking sa kolehiyo.
67. Nang dahil sa mga proyektong ito ay hindi maiiwasang maistress
ang estudyante. Talaga nga bang inilalapit ako ng mga paghihirap
na ito sa matagumpay na buhay? Malamang hindi at malamang oo.
68. Nakikita ko ang lahat ng mga kaklase ko ay nagsisikap upang
makakuha ng magandang marka ngunit may ibang estudyante na
sa halip na tulungan ang isa’t isa ay hinihila nila pababa ang iba
lalo na kung sila rin mismo ay bumababa ang marka.
Nakakalungkot isipin na mayroong ganitong pangyayari sa loob ng
paaralan.
69. Naiinis ako na makita ang mga matatalinong estudyante na walang
ginawa upang turuan ang iba na nahihirapan sa larangan. Dapat
ang lahat ay nagtutulungan kung ang nais ng lahat o karamihan ay
ang makakuha ng magandang marka.
70.
71. Ang pagkakaroon ng isang mataas at matibay na edukasyon ay isang sadigan upang
mabago ang takbo ng isang lipunan tungo sa pagkakaroon ng isang masaganang ekonomiya.
Mataas na edukasyon na hindi lamang binubuhay ng mga aklat o mga bagay na natutuhan
sa ating mga unibersidad at paaralan. Bagaman, kasama ito sa mga pangunahing elemento
upang magkaroon ng sapat na edukasyon, ang praktikal na edukasyon na nakabase sa ating
araw-araw na pamumuhay ang siya pa ring dapat na piliting maabot. Matibay ang isang
edukasyon kung ito ay pinagsamang katalinuhan bunga ng mga pormal na pag-aaral tungkol
sa Mathematics, Science, English at mga bagay na tungkol naman sa buhay at kung paano
mabuhay nang maayos.
72. Sa buhay ng isang mag-aaral, marami tayong mga karanasan na makukuha, may
malulungkot at mayroon din namang masasaya. May mga oras na matutuwa at mawiwili ka
sa mga itinuturo ng iyong guro, minsan naman ay makakatulog ka na lang sa sobrang
nakakainip na aralin dahil kahit anong gawin mo hindi mo masusolusyunan ang mga
problema lalo na sa Matematika.
Isang karanasan na mahirap bilang estudyante ay ang paggawa ng mga proyekto, at
pag-aaral sa mga leksyon. Nang dahil sa mga proyektong mahihirap o 'di kaya'y mga
gawain na halos sabay-sabay ang oras ng pag-sumite, hindi maiwasang maranasan ko ang
tinatawag nating "stress" na minsan ay hindi na ako nakakatulog o may kaunting oras na
tulog lamang.
73. Nararanasan ko rin ang pagkain nang kaunti dahil may oras na hinahabol o 'di
kaya'y nagmamadali upang hindi mahuli sa paaralan. Kung iisipin ko lahat ng ito ay
matatanong ko sa aking sarili na talaga bang hinuhulma nito ang aking buhay o kailangan
bang napakahirap mg mga gawain para maging matagumpay sa buhay? Naiisip ko na
malamang oo dahil base sa aking nakikita sa mga estudyante noon na nahihirapan ay
mukhang napakadali ma sa kanila na matutuhan o iangkop ang kanilang sarili ayon sa mga
gawain dahil hindi na bago sa kanila ang mga paghihirap dahil hinuhulma o naranasan na
nila ito sa kanilang "junior high" o "senior high".
74. Dahil sa mga napakahirap na mga gawain minsan hihilingin ko na lang sa
Panginoon na " Panginoon 'wag mo namang madaliin ang oras, hayaan mo muna akong
matapos ang mga gawain ko ngayon." Minsan naiisip ko na bakit ganito ang nangyari sa
akin. Lalo na kung minmadali ang oras ng pag-sumite. Natatanong ko sa aking sarili na,
ano bang nagawa kong mali at ginaganito ako. Lahat naman ginawa ko o ginawa ko ang
lahat ng makakaya ko upang i-sumite sa tamang oras ng proyekto.
75. Lahat ng mga hinanakit kong ito ay inaasa ko na lang sa Panginoon. Sa tuwing
nahihirapan ako sinasabi ko na lang sa sarili ko na mayroong Panginoon na palaging
gumagabay sa lahat ng gagawin ko. Alam ko na ang lahat ng pangyayari ngayon ay "God's
plan". Lahat ng pangyayari ngayon ay ang ginusto ng Panginoon dahil may plano siya
para sa akin.
Sa buhay ng mag-aaral, hindi talaga maiiwasan ang mga masasamang bagay na
nangyari, ngunit sa kabila nito, may mga aral kang matututuhan. Ang lahat ng bagay ay
may tagumpay at kabiguan. Dapat lang na gawin ang ating pinaka 'best' sa buhay upang
wala tayong pagsisisihan.
77. Ang Photo Essay ay isang koleksiyon ng mga
imahe na inilalagay sa isang partikular na
pagkakasunod-sunod upang ipahayag ang mga
pangyayari, mga damdamin, at mga konsepto sa
pinakapayak na paraan.
78.
79. v Ang buhay ay may katapusan. Hindi mo
namamalayan na unti-unti nang lumulubog 'yong
araw at binabalot ka na ng dilim.
80. v Ang kapaligiran ay may taglay na kagandahan na
kay sarap tuklasan at puntahan.
81. v Ang lahat ng nilalang at bagay ay may kanya-
kanyang taglay na kagandahan na palaging
tumitingkad sa lahat.
82. v Maging masaya kahit ikaw ay mag-isa o masama,
o pinapaligiran ng kasamaan o 'di kaya'y
kabutihan, dahil ang buhay ay maganda nandyan
o wala man sila
83. v Ang manlilikha at ang unang nilikha. Pintor na
nagbibigay ng pagmamahal sa lahat ng
makasalanan.
84.
85.
86.
87.
88.
89.
90.
91.
92.
93.
94. Ito ay isang mahalagang dokumento sa isang
pagpupulong. Isinusulat dito ang tinatalakat sa pagpupulong ng
bahagi ng adyenda. Nakasulat din kung sino-sino ang dumalo,
anong oras nagsimula at nagwakas ang pagpupulong gayundin
ang lugar na pinagganapan nito. Ito ang nagsisilbing tala ng
isang malaking organisasyon upang maging batayan at
sanggunian ng mga bagay na tinatalakay.
95.
96. Katitikanng Pulongng mgaOpisyalesat Coordinatorng Scienceand Math
Club, SupremeStudent Government,at mga presidenteng bawatklase ng
ZamboanguitaScienceHighSchool.
Ika-9ng Setyembre2019
Ika-8:40ng umaga
Sa silid-aralanng Grade-12Generososa ZamboanguitaScienceHighSchool
97. Dumalo:
Coordinator ng Departamento ng Matematika at Siyensya
Opisyales ng Mathematics at Science club
Opisyales ng Supreme Student Government
Mga presidente ng bawat klase
Di Dumalo:
Julia Baretto -miyembrong MathandScienceclub
Gerald Anderson -sekretaryang SupremeStudentGovernment
PanukalangAgenda
*Ang paghahanda para sa selebrasyon ng Buwan ng Matematika at Siyensya
98. I.Pagsisimula ng Pulong
Ang pagpupulong ay sinimulan sa pamamagitan ng isang panalangin na
pinangunahan ni Fredelin Parallon. Sinundan naman agad ng roll-call sa
mga dapat dumalo na isinagawa ni Robeth Yap Banua.
II.Pagbasa ng Nakaraang Pagpupulong
Kasunod naman nito ay unang bahagi ng agenda at ito ang pagbasa ng
nakaraang katitikan ng pulong ni Kathryn Bernardo ang Secretary ng
Math and Science club na kung saan tinalakay niya ang mga nakaraang
napag-usapan sa pagpupulong noong Agosto 20,2019.
99. III. Pagpapatibay ng Panukalang Agenda
Ang ikalawang bahagi ng pagpupulong ay ang listahan ng aktibidad at iskedyul ng
mga aktibidad na tinalakay ni Daniel Padilla, ang bise-presidente ng Science and
Math club. Tinalakay niya na magkakaroon ng dalawang pinakapangunahing
programa sa buwan at ito, ang pambungad o Opening Program at ang Kulminasyon
o Culmination Program. Hiningi niya ang mga suhestiyon ng mga dumalo kung
kailan at kung saan magaganap ang programa. Nagbigay ng suhestiyon si Rosebelle
Banua na ang magiging petsa at oras ng aktibidad na Opening program ay ika-1 ng
Setyembre 2019 alas 8 ng umaga na agad namang sinang-ayunan ng lahat. Ang mga
nominado para sa lugar kung saan gaganapin ang aktibidad ay ang PAGCOR
building at ang Stage. Dalawampu‟t walo ang sumang-ayon na gaganapin ang
naturang programa sa Stage ng Zamboanguita Scince High School. Patungkol
naman sa Culmination Program, ang napagkasunduang petsa at oras ay ika-30 ng
Setyembre 2019 alas 8 ng umaga. Ang talakayan ay natapos sa loob ng humigit
kumulang pitong minuto.
100. Sumunod naman agad ang presidente ng Science and Mathematics club na
si Robeth Yap Banua upang talakayin ang ikatlong bahagi ng agenda, at ito
ay ang pagtatalaga ng mga Program Committee. Ang mga tinalakay niya
ang kung sino ang mga taong magiging komite sa Opening Ceremonies,
Contest o mga paligsahan, Judge, at ang Awards Committee.
Ang una ay ang magiging komite sa Opening Program na magiging
responsibilidad sa pagpili kung sino ang mangunguna sa Opening Prayer,
Pambansang Awit, Welcome Address, at Masters or Ladies of the
Ceremony. Ang napagkasunduang mga komite ay sina Kaila Enolpe,
Allyssa Jay Enolpe, Aya Madhel Cafino, Fredelin Parallon, at Andren Rose
Credo.
101. Sa Contest Committee naman ang mga taong naatasan sa gawain ay sina
Arnold Rabor Jr., Rhena Mae Rodriguez, Mary Grace Piala, Gerome
Adapon, at Rhea Mae Luyao na kung saan sila ang mga taong mamamahala
sa maayos na daloy ng mga paligsahan.
Ang Judge Committee ay ang mga taong mamamahala sa kaayusan ng mga
hurado na kinabibilangan nina James Deloria, Rica Mae Alcano, Rosebelle
Banua, Joshua Tubil, at Jerome Rey Generoso.
102. At ang panghuling tinalakay na komite ay ang Awards Committee na
kinabibilangan nina Mark Nataniel Canosa, Gelmie Anne Paculanang,
Ren Joseph Ayangco, Abegail Bagaan, at Alec Martin Dayot na kung
saan sila ang mamamahala sa mga gantimpala para sa mga kalahok na
mananalo. Ang iba‟t ibang suhestiyon na isiniwalat ng mga dumalo ay
agad namang sinang-ayunan ng lahat na nagpapabilis sa talakayan.
103. Ang pang-apat na bahagi ng agenda ay ang pagpili ng mga paligsahan sa
kulminasyon sa Matematika na tinalakay ni Mrs. Jayne Gale E. Verances
ang Math coordinator. Ang mga napagdesiyunan niyang mga paligsahan
ay ang Mathematical Investigation, Tower of Hanoi contest, Soduko
challenge, Math Sayaw, at Math Jingle. Bukod pa dito ay hiningi niya o
tinanong niya ang iba pang dumalo kung ano pang mga patimpalak ang
maaaring idagdag. Agad namang dinagdag ng mga miyembro ang
Modulo Art ang suhestiyon ni Allyssa Jay Enolpe at ang Kakuro na
suhestiyon ni Fredelin Parallon. Ang mga patimpalak na nabanggit ay
binotohan ng mga dumalo at ang nangungunang limang paligsahan ayon
sa boto ay ang Mathematical Investigation, Tower of Hanoi challenge,
Math Jingle, Modulo Art, at ang panghuli ay ang Math Sayaw.
104. Sa panglimang bahagi ng agenda ay tinalakay naman ang pagpili ng
mga posibleng paligsahan sa kulminasyon sa Agham na pinangunahan ni
Gng Marlene Elloren, ang Science coordinator. At ang mga
napagkasunduang mga patimpalak ay ang Science Oral & Written Quiz,
Physics Exhibition, Science, Science Investigatory Project, Science
Jingle, at ang Science Sayaw.
105. Ang kasunod na tinalakay ay ang iskedyul at time frame ng paligsahan na
tinalakay ni Hope Elizabeth Soberano, ang P.I.O ng club. Ang mga
paligsahang ito ay mangyayari sa araw ng kulminasyon sa darating na
ika-30 ng Setyembre 2019. Napag-usapan nila na ang Mathematical
Investigation, Tower of Hanoi, Modulo Art, Science Oral & Written Quiz,
Physics Exhibition, at ang Science Investigatory Project ay magaganap sa
umaga ng sabay-sabay ngunit hindi pa natalakay kung saang partikular na
lugar sa Zamboanguita Science High School mangyayari ang mga
paligsahang ito. Habang ang Math Sayaw, Math Jingle, Science Sayaw, at
Science Jingle ay gaganapin naman sa hapon ayon sa napagkasunduan ng
lahat.
106. Ang ika-pitong bahagi ng agenda na tinalakay ni Robeth Yap Banua, ito
ay ang pagpili ng mga hurado sa bawat paligsahan. Ang mga napiling
hurado para sa Physics Exhibition ay sina Mrs. Nemie Gallardo, Ms.
Rhea Fe Sinajon, at Mrs. Marlene Elloren. Ang mga hurado para sa
Science Investigatory Project ay sina Mrs. Ruth Eltanal, Mrs. Luzviminda
Abejero, at Mrs. Jennie M. Abejero. Ang mga hurado naman para sa
Mathematical Investigation ay sina Mr. Che Isidore Partosa, Mrs. Jayne
Gale Verances, at Ms. Rhea Fe Sinajon. Ang mga hurado naman para sa
Science Sayaw at Math Sayaw ay kinabibilangan nina Mr. Jimmy Ramos,
Mr. Charles Deloria, at Mr. Che Isidore Partosa. Para naman sa Science
Jingle at Math Jingle, ang mga hurado ay sina Mr. Che Isidore Partosa,
Mrs. Nemie Gallardo, at Mr. Ericson Elnar. Ang pagpili ng mga hurado ay
base sa mga suhestiyon ng mga dumalo sa pagpupulong na agad namang
sinang-ayunan ng nakararami.
107. Ang Ika-walong bahagi ng agenda ay patungkol sa mga gantimpala na igagawad sa
mga mananalo na tinalakay nina Enrique Gil ang Treasurer ng Science and Math
club, at si James Reid, ang Auditor ng nasabing club. Tinalakay nila kung saan
manggagaling ang perang gagamitin at ang mga gatimpalang matatanggap ng mga
kalahok. Ang napagkasunduan kung saan manggagaling ang pera ay ang mga
funds ng bawat clubs na kung saan ay 25% ay manggagaling sa SSG at 75% ay
manggagaling sa Science and Math club. Tinalakay din nila ang mga sumusunod:
Mga Gatimpala: Halaga
Medalya at mga tropeyo Php 5,000.00
Certificates Php 1,000.00
School Supplies Php 5,000.00
Php 11,000.00
108. IV. Iba pang pinag-usapan
Ang Food Committee para sa mga hurado na magkakaroon ng budget na
Php 2,000.00
V. Iskedyul ng Susunod na Pulong
Ika-17 ng Setyembre 2019, 8:40 ng umaga
VI. Pagtatapos ng Pulong
Nagtapos ang pagpupulong sa ganap na 9:40 ng umaga.
109. Inihanda ni: Inaprubahan ni:
RICA MAE ALCANO GNG. MELISSA LERO
Sekretarya ng Science and Math club Punong-guro
Nagpatotoo:
ROBETH YAP BANUA
Presidente ng Science and Math club
111. Ano ba ang Memorandum
Uri ng komunikasyon na sinusulat at
ginagamit upang maghatid ng mga
mensahe o kalatas sa mga taong kasama
ng sumusulat ng tanggapan.Naaayon ito
sa internal o panloob at inter-
branch.Pinakaaktibong anyo ng
korespondensya.
112.
113. Republic of the Philippines
Department of Education
Region VII, Central, Visayas
SCHOOLS DIVISION OF NEGROS ORIENTAL
Zamboanguita District
Zamboanguita Science High School
Del Pilar St., Zamboanguita, Negros Oriental
_____________________________________________________________________
Ika-8 ng Oktubre, 2019
MEMORANDUM PAMPAARALAN
Blg. 30, s. 2019
114. ART SOCIETY EVENT
Para sa: *Tagamasid Pampurok
*Punong Guro/ Namumunong Guro ng Paaralang
Elementarya at Sekondarya
*Pinuno ng mga Pampubliko at Pribadong Paaralan
Paksa: Selebrasyon o ang Pagsasagawa sa taunang Art Society
Event
__________________________________________________________
115. 1. Ang Art Society Group ang mangunguna sa pagdiriwang ng taunang Art Society
Event tuwing Disyembre 1-31 alinsunod sa itinakdang Pampangulong
Proklamasyon Blg. 20, s. 1981. Ang tema ng pagdiriwang sa taong ito ay “ART
does not reproduce what we see, it MAKES us see.”
2. Ang layunin ng pagdiriwang ay ang sumusunod:
a. mahikayat ang iba‟t ibang ahensiyang pampamahalaan at
pampribado na makiisa sa mga programang tulad nito na nagpapataas ng
kamalayan sa pagiging malikhain; at
b. maganyak ang mamamayang Filipino na pahalagahan ang mga talent sa
paguhit o iba pa sa pamamagitan ng aktibong pakikilahok sa mga gawain
kaugnay ng Art Society Event.
116. 3.Hinati sa mga sumusunod na diwa ang pangkalahatang tema ng
pagdiriwang:
Petsa Paksa/Gawain
Disyembre 1-5 Tema: Creativity is just connecting things
*Pormal na pagbubukas ng pagdiriwang ng
Gawain Art Society Event sa mga paaralan
*Banal na Misa
* Pagpapakilala sa mga gagawing patimpalak
117. Disyembre 6-28 Tema: Art is the retelling of certain themes in a new
light, making them accessible to the public of the
moment
Gawain *Mga gawain at mga patnubay sa mga gagawing
patimpalak
*Paghahanda para sa mga ibibigay na gantimpala sa
mga mananalong kalahok sa mga paligsahan
Disyembre 29-31 Tema: Every artist was first an amateur
Gawain *Pagdaraos ng Pampaaralang Palatuntunan o
Kulminasyon sa Art Society Event
118. 4. Mangyaring bigyan ng gawad parangal/sertipiko ng pagkilala ang
mga nanalo sa pagdaraos ng Art Society Event.
5. Isusumite ang ulat ng nagawang pagdiriwang sa loob ng isang buwan
at ito ay ngayong darating na Enero 6, 2020.
6. Hinihiling ang maaga at dagliang pagpapalaganap ng Memorandumm
na ito.
Rica Mae S. Alcano
School of Art and Culture Coordinator
119.
120. Ang resume ay isang legal na dokumento na naglalaman
ng detalye tungkol sa kasanayan ng isang aplikante.
Naglalaman rin ito ng basic na impormasyon kagaya ng
estado sa buhay, tirahan, pangalan at iba pa. Dito
nakikta kung kwalipikado ang isang aplikante sa ina-
aplayan niyang trabaho o posisyon.
121.
122. RICA MAE S. ALCANO
Brgy. Calango, Zamboanguita, Negros Oriental
09651728275
ricaalcano.marktuan.9344@gmail.com
__________________________________________________________
Layunin: Makapagtrabaho sa isang kompanyan na naayon sa aking
napag-aralan at kompanyang naglalayong mahubog at
palawaking pa ang kakayanan ng mga nagtatrabaho.
123. Edukasyong Natamo:
Master of Fine Arts
Korea National University of Arts, 2010
Bachelor of Fine Arts-cum laude
Chung-ang University, 2009
Dance Director
Hamilton Academy of Performing Arts, 2008
124. Kasanayan:
Marunong makipagkapwa tao
Marunong mamahala sa produksiyon ng mga sayaw at iba pa.
May kakayahang pumili ng magaling na mananayaw
May kakayahang hubugin ang isang tao upang maging mahusay na
idolo
Marunong mamuno
125. Gawaing Kasanayan:
Dance Director sa Daegu University ng 2 taon
Puno ng Departamento sa Larangan ng Pagkanta at Pagsayaw ng 3
taon
Naging manager sa SM Entertainment, JYP Entertainment, at Source
Music
126. Personal na Sanggunian:
Jane Gomez
Creative Producer
Namyangju, corner il-sik lot 56, Seoul Korea
013763278839
Kim Namjoon
Executive Producer
Daegu, Seoul Korea
013872373890
128. Ang liham aplikasyon ay isa
sa mga uri ng pormal na liham.
Ang uri ng liham na ito ay
isinusulat upang ilahad ang
kaguatuhan ng isang tao sa
isang trabaho o posisyon sa
isang kompanya.
129.
130. Ika-1 ng Oktubre, 2019
BANG SI-HYUK
Chief Executive Officer
Big Hit Entertainment
Seoul Gangnam-gu,5,30-gil, Hakdong-ro
Floor Yangjin Plaza 5F South Korea
Mahal na G. Bang Si-hyuk:
131. Isang pagbati!
Ang liham aplikasyon na ito ay naglalayong ipahayag ang aking interes
sa posisyon ng Assistant manager ng iyong kompanya. Nakita at nabasa
ko sa Big Hit Entertainment website na nangangailangan kayon ng isang
Assistant maanager para sa bagong grupo ng mga babae na dumating
galing sa Source Music Entertainment.
132. Ang deskripsiyon ng trabaho na iyong ibinigay para sa posisyon na ito
ay nakahanay sa aking mga kakayahan. Naniniwala po akong taglay ko
ang mga hinahanap ninyo para sa nasabing trabaho. Marunong po akong
mamahala at humasa ng mga tao upang mailabas pa nila ang kanilang
kakayahan. Taglay ko ang katangian na maunawaan ang mga uso na
nauugnay sa mga artista ng Big Hit, ang industriya ng libangan at mga
tagahanga sa pamamagitan ng pandaigdigang bagong media. Kaya kong
pag-aralan ang mga panganib na may kaugnay sa mga artista sa mga
pananaw ng mga pandaigdigang tagahanga.
133. Kalakip ng liham na ito ang resumé kung saan makikita doon ang mga
detalyadong impormasyon. Handa po akong magtungo sa inyong tanggapan para
sa isang panayam, sa oras at petsang nanaisin ninyo.
Maaari niyo rin po akong maabot sa numerong 09651728275, at sa email na
ricaalcano.marktuan.9344@gmail.com. Marang salamat po nawa‟y pagpalain
kayo at ang iyong kompanya.
Lubos na gumagalang,
________________
Rica Mae S. Alcano