Стварэнне інтэрнэт-рэсурса для
актывізацыі грамадзянскай актыўнасці
жыхароў г. Смалявічы
Яўген Пугач, Грамадская ініцыятыва “За
Новыя Смалявічы”, +375291179833

Сутнасць ідэі ч.1
На базе сайта Smaliavichy.by/Smali.by (зараз неактыўны) запускаем платформу для
развіцця грамадзянская актыўнасці жыхароў Смалявічаў. Пры наяўнасці сродкаў
зможам адразу стварыць мабільныя прылады (Android, IOS). Платформа дазваляе
кожнаму жадаючаму зарэгістравацца і публікаваць “праблемныя” месцы сваёй вуліцы,
двара і г.д.
Гэта азначае, што я магу сфатаграфаваць і апублікаваць дрэнны стан свайго двара,
адсутнасць тратуара, пустыр і г.д. Але ня проста апублікаваць, а прапанаваць шляхі
вырашэння.
Напрыклад, па дарозе ў дзіцячы садок адсутнічае тратуар і бацькі вымушаны з
дзецьмі ісці па праезджай частцы. Зарэгістраваны ўдзельнік публікуе фота з рэальным
станам рэчаў, месца,дзе гэта адбываецца, абірае (з прапанаваных платформай) на яго
думку адказную арганізацыю (-цыі) і шляхі вырашэння праблемы: афіцыйны зварот,
калектыўны зварот, петыцыя бацькоў у адказную арганізацыю з просьбай зрабіць
тратуар, і г.д. Калі адказ загадзя «зразумелы» - недахоп сродкаў, можна прапанаваць
абмежаваць аўтамабільны рух на гэтым участку ў вызначаныя гадзіны, усталяваць
дадатковыя дарожныя знакі, паставіць ліхтары, слупы (штучная агароджа) пешаходнай
зоны.
Іншы прыклад, жыхар можа пазначыць пусты кавалак зямлі ў межах горада, побач з
домам, дваром і прапанаваць, што на яго месцы можа паўстаць, хто зацікаўлены ў
гэтым, колькі можа каштаваць, дзе браць грошы, адказная арганізацыя, магчымы
дызайн.

Сутнасць ідэі ч.2
У сваю чаргу адміністратар рэсурса і каардынатар праекта пры дапамозе экспертаў
(юрысты, эканамісты, СМІ, інш.) дадаюць “праблемны” аб’ект вытрымкамі з афіцыйных
нормаў і стандартаў (напрыклад, яма у асфальце не можа быць глыбей 3см – інакш
патрабуецца тэрміновы рамонт), рыхтуюць шаблоны афіцыйнага зварота, петыцыі ў
адказныя арганізацыі.
Інфармуем пра адукацыйныя магчымасці для актывістаў: навучанне вядзення
грамадзкіх кампаній, адкрытыя конкурсы грантаў, рэспубліканскія конкурсы на
рэалізацыію ідэй і г.д.
Плануем на сустрэчы запрашаць прадстаўнікоў Фонда імя Льва Сапегі, якія
распавядуць пра магчымасці ўдзелу жыхароў у мясцовым самакіраванні, то бок у
прыняцці рашэнняў, юрыстаў і праваабаронцаў, экспертаў і кансультантаў, якія дэталёва
распавядуць пра ўмовы конкурсаў грантаў, правядуць навучанне напісанню праектных
заявак.
Пад час сустрэчаў удзельнікі будуць знаёміцца, дзяліцца досьведам, адукоўвацца –
такім чынам будзе фармавацца супольнасць актыўных жыхароў.
Пасля завяршэння праекта прадугледжана прэзентацыя для СМІ, актывістаў з іншых
гарадоў, чыноўнікаў Мінаблвыканкама. На прэзентацыі мы падзелімся стаўноўчым
досьведам рэалізацыі праекта, актывізацыі грамадзян, удзел чыноўнікаў і
дзяржслужачых.

Мэты
Дзякуючы гэтаму рэсурсу:
• збіраем актуальныя праблемы нашага горада
• фармуем супольнасць актыўных жыхароў г. Смалявічы
• актывізуем грамадзянскую актыўнасць жыхароў Смалявічаў
• вучым жыхароў ня толькі “паказаць” праблему, але і прапанаваць шляхі яе вырашэнне.
• прыцягваем увагу чыноўнікаў да лакальных праблем з мэтаю іх далейшага вырашэння

На каго скіраваны рэсурс
• Удзельнікамі праекта выступаюць актыўныя і неабыякавыя жыхары горада. Пераважна
людзі ва ўзросце 18-50 год, хто ў паўсядзённым жыцці карыстаецца інтэрнэтам і
мабільнымі прыстасаваннямі,
• Чыноўнікі і дзяржслужачыя горада, + чыноўнікі Мінаблвыканкама.
• Лакальныя і абласныя СМІ
• Праект можа быць пілотным і пасля рэалізаваны ў іншых гарадах Беларусі.
• У выніку можа быць створана мабільная прылада (Android, IOS), дазваляючая працавць
у любым горадзе Беларусі.

Час рэалізацыі
Студзень-верасень 2018.
Праект будзе рэалізаваны на працягу дзевяці месяцаў 2018 года і завершыцца перад
штогадовым святкаваннем Дня горада (верасень 2018).
Упэўнены, што дзякуючы афіцыйнаму Святу чыноўнікі будуць вымушаны вырашыць шэраг
лакальных праблем.
Жыхары ўбачыць вынікі сваёй працы, а гэта ў сваю чаргу надасць дадатковы стымул
актывізавацца.

Рэсурсы, якія ёсць і якія шукаем
Зараз маем:
• Анлайн рэсурс Smaliavichy.by/Smali.by (зараз неактыўны, але дамен, хостынг аплочаны)
• Каманда аднадумцаў (каардынатар праекта, праграміст, адміністратар рэсурса)
Шукаем фінансавую падтрымку:
- на запуск платформы на базе smaliavichy.by
- адміністраванне платформы: публікацыя дадатковых матэрыялаў, кансультацыі экспертаў
- арганізацыю 2-х анлайн сустрэч для 30 чалавек кожная
- выступы экспертаў пад час афлайн-сустрэч
- арганізацыю фінальнай прэзентацыі вынікаў праэкта
Стварэнне інтэрнэт-рэсурса
для актывізацыі грамадзянскай актыўнасці
жыхароў г. Смалявічы