drewa.by

Назва ідэі:
drewa.by (працоўная назва)
Мэта:
Правядзенне комплекса мер па мабілізацыі
гараджанаў для вывучэння і захавання драўляных
будынкаў Гомеля ХІХ – пачатку ХХ стст.

Сутнасць:
У Гомелі штогод знішчаюцца гістарычныя драўляныя будынкі. Таму сёння
варта стварыць дакументальную фота базу для вывучэння, аднаўлення,
рэканструкцыі ці рэстаўрацыі драўляных дамоў у будучыні. Такой базай
стане сайт drewa.by.

Таксама будзе праведзена шэраг мерапрыемстваў для маніторынгу
і захавання існуючых узораў драўляных дамоў Гомеля ХІХ – пачатку
ХХ стст. (наладжванне сталага механізма ўзаемадзеяння з прад-
стаўнікамі гарадскога адміністратыўнага апарата і гаспадарамі
гістарычных дамоў).

Ён будзе працаваць па прынцыпу вядомага сайта radzima.org. То бок,
кожны ахвочы зможа яго папаўняць. Таксама сайт будзе мець іншыя
функцыі. Спачатку сайт будзе папаўняцца матэрыяламі з Гомеля, але
ў будучыні ён будзе працаваць для ўсіх рэгіёнаў Беларусі.

Каму і чаму гэта неабходна:
Грамадскаактыўным аматарам гісторыі і архітэктуры
Гомеля, а таксама ўсім тым гараджанам, якія зацікаўленыя
ў паляпшэнні горадабудаўнічай сітуацыі і ў стварэнні
якаснага і эстэтычнага асяроддзя ў цэнтры Гомеля:
1. Актыўная моладзь Гомеля.
2. Прадстаўнікі гомельскай інтэлігенцыі.

Ідэя мусіць быць рэалізаваная да красавіка 2018 год у Гомелі.
Рэсурсы, якія маем:
- Каманду аднадумцаў (актыў) – як мінімум 10 чалавек;
- Маем фотаархівы і дакументальныя крыніцы, якія будуць прыдатныя
для стварэння сайта.
Шукаем рэсурсы:
- Для стварэння і функцыянавання сайта;
- Для працы ў беларускіх і замежных архівах.