2. IÑAKI ZUBELDIA
Ikaztegietan jaio zen
1945ean.
Magisterio eta Pedagogian Lizentziatua da.
Hamabost bat urtez ikastola munduan lan
egin zuen.
Hizkuntza liburu ugariren sortzaile eta
egile da, hala nola: Zipriztin eta
Hizkuntza, Sirimiri, Txor txor, Euskara eta
literatura... Elkar eta Ibaizabal
argitaletxeetan lan egin du, testu-liburuak
prestatzen eta Haur eta Gazte Literaturan
kolaboratzen. Gaur egun jubilatuta dago,
baina idazle lanetan jarraitzen du.
Testu-liburuez gain, narratiba eta ipuin
mundua landu ditu Haur eta Gazte
Literaturan.
3. HAUR ETA GAZTE LITERATURA
2. mailako ikasle-irakasleek IRAKURRITAKO LIBURUAK
“Ni herri honetara etorri berria naiz eta
Olentzerok ez nau ezagutuko. Agian,
gaur gauean, ez dit oparirik utziko”,
pentsatu du Salima marokoarrak. Baina
Olentzero ume guztien laguna da.
Oparirik utziko ote dio Salimari?
Idazlea: Iñaki Zubeldia
ISBN: 978-84-8394-214-7
EAN: 9788483942147
Argitaletxea: IBAIZABAL
Hizkuntza: Euskara
Edizio urtea: 2008
4. HAUR ETA GAZTE LITERATURA
Xirripin Begoñaren
etxean bizi den
fantasmatxoa da.
Neskaren laguna da,
baina gaiztakeria
txikiak ere egiten
dizkio. Bien artean
arazoak izanagatik,
ondo konpontzen
dira.
Idazlea: Iñaki Zubeldia
Marrazkilaria: Estibalitz Jalon
SBN: 978-84-8394-077-8
EAN: 9788483940778
Argitaletxea: IBAIZABAL
Hizkuntza: Euskara
Edizio urtea: 2007
6. EUSKALDUN BAT MARTEN
Lendabizi, haurrak izutu egin ziren baina, ondo
begiratu ondoren, ovni eder bat ikusi zuten
Santa Barbara gainean.
OPARIRIK EDERRENA
Mikel, zortzi urteko mutikoa, herri txiki
batean bizi da eta animaliak asko maite
ditu. Laster Olentzero eguna izango da eta
pilekin ibiltzen den tren horietako bat
eskatu dio amari. Zoritxarrez, gurasoak
pobreak dira eta ez dute trena erosteko
dirurik…
Adina: 8 urtetik aurrera
7. IPUIN EROA
Ipuin hau guztiz eroa da, horretaz seguru
egon zaitez. Honelako ipuin batean edozer
gauza gerta daiteke. Irudimenak ez du
mugarik. Zailtasun guztiak erraz
gainditzen dira. Baina ipuin hau idatzi
duena gustura geratuko da, liburuxka
honek irakurlearengan irribarre batzuk eta
barre algara luzeren bat sortzen baditu.
PAKO BELEA
Pako beleak hizketan ikasi du. Gaiztakeria
asko egingo ditu herrian, baina umeen
lagun ere egingo da eta hauek benetan
maiteko dute. Ezagutzen baduzu, zeu ere
bere lagun egingo zara.
Adina: 8 urtetik aurrera
8. MIRARI HEGALARI
Mirarik, hamar urteko neskatila
jatorrak, makina bat iseka eta
mesprezu pairatu behar izan du
txikia delako. Ikaskideek
nahigabearen eta tristuraren pozoina
sartu diote bihotzean. Egoera
horretatik ateratzeko ideia bat
handitzen eta puzten joan zaio
barruan…
TXERRIKUMEN ABENTURAK
Txerrama eta txerrikumeak epaitegira eraman dituzte
eragin zuten istripuan izandako kalte-ordainengatik
epaitzera, baina modu harrigarrian ihes egingo dute
epaitegitik eta, funikularra hartuz, Igeldoko Atrakzio
Parkera igoko dira. Han bizimodu berria hasiko dute.
Ospetsu bihurtuko dira eta jendea erakarriko dute,
Igeldo modako atseden-toki eta dibertsio-leku
bihurtuz…
Adina: 10 urtetik aurrera
9. IÑAKI ZUBELDIAK OPARITUTAKO LIBURUA
ESKOLA SORGINDUA
Astrabuduako eskolan Estibalitz izeneko
neska bat lo geratu da komunean. Denak
etxera joan dira eta eskolatik kea ateratzen
da. Sutan ote dago? Eta neskatila? Eskolara
deituta ahots metaliko batek erantzuten
du. Suhiltzaileak eta ertzainak joango dira
erreskatera eta sorginkeriak hasiko dira.
Itxita dagoen eskola batean zer pintatzen
dute loro batek, orkatz kume batek, katugizonak eta honen katu miaukariak...?
Egilea: Iñaki Zubeldia.
Marrazkilaria: Estibaliz
Jalon.
Orrialdeak: 64.
Adina: 8 urtetik aurrera.
