5. Titulli: Libër mësuesi - Kimia 10
Autore: Irena Kotobelli
Eglantina Metaj
Aishe Karaj
Drejtuese botimi: Anila Bisha
Redaktore: Nisela Meçi
Dizajni: Mirela Ndrita
Kopertina: Arben Hamzallari
Shtëpia Botuese Mediaprint
ISBN 978-9928-08-265-7
Botimi i parë, 2016
Shtypi: Shtypshkronja Mediaprint
6. Libër mësuesi Kimia 10 3
Hyrje
Libri i mësuesit Kimia 10 vjen në mbështetje të Librit të nxënësit Kimia 10 dhe Librit
të ushtrimeve Kimia 10. Libri i mësuesit Kimia 10 u jep mësuesve modele mësimesh të
mbështetura në metoda bashkëkohore, në përputhje të plotë me kurrikulën e re dhe të
realizueshme gjatë procesit mësimor.
Ky tekst synon të jetë sa më pranë mësuesve:
për të kuptuar dhe zbatuar më mirë metodologjinë e planifikimit vjetor të programit lëndor;
për t’u mundësuar standarde për të menaxhuar me fleksibilitet planin sipas nevojave;
për të arritur një mësimdhënie dhe mësimnxënie të suksesshme bashkëkohore;
për të arritur rezultate sa më të vlefshme në fushën e shkencës së kimisë, duke
realizuar lidhjen midis kompetencave kyçe dhe kompetencave të fushës me anë të
situatave të të nxënit;
Libri i mësuesit Kimia 10 përmban:
Plan vjetor;
Plane tremujore;
Plan‐ditarë për tema të caktuara;
Mënyra e zhvillimit të punëve praktike.
I. Hartimi i planit vjetor dhe planeve tremujore është moment shumë i rëndësishëm
në punën e çdo mësuesi. Zbatimi i kurrikulës së re me bazë kompetencat është një tjetër sfidë
e radhës për ju. Studimi dhe zbërthimi i programit është hapi i parë që do t’ju orientojë për të
siguruar rezultate maksimale të të nxënit gjatë gjithë procesit mësimor.
Për t’ju ndihmuar sado pak në punën tuaj fisnike, në këtë tekst do gjeni një zbërthim
të detajuar të programit për lëndën Kimia 10, shoqëruar me hartimin e detajuar të planit
vjetor dhe planeve tremujore, ku janë organizuar temat mësimore në periudha tremujore,
duke respektuar të gjitha formatet e dhëna nga institucionet përkatëse për kurrikulën.
Rubrika më e veçantë në këto formate është ‘’Situata e të nxënit’’. Hartimi i saj kërkon kohë,
imagjinatë, përkushtim, dhe njohje shumë të mirë: të rezultateve të të nxënit që mësuesi
synon të arrijë në orën mësimore, të nxënësve dhe aftësive të tyre, të materialeve burimore
që do të jenë në funksion të realizimit të njohurive etj.
Sa më sipër, mund të themi se dëshira, pasioni, hulumtimi, vlerësimi nga ana e
mësuesit do çojë në hartimin e një situate të nxëni sa më efektive në favor të të nxënit. Për
planin e parë tremujor ato janë të përgatitur për ju.
Ju mund të vëzhgoni me kujdes gjithçka të paraqitur dhe të vlerësoni se sa janë të
përshtatshme për ju këto situata.
II. Në pjesën e tretë të këtij teksti mësimor do të gjeni 20 modele ditarësh që janë
hartuar për tremujorin e parë mësimor. Çdo model ditari është në përputhje të plotë me
formatet e përcaktuara. Hartimi i çdo modeli është mbështetur në të nxënit me situata.
Të nxënit me situata përfshin pjesëmarrjen e nxënësve në detyra që janë të ngjashme
me zbatimet në jetën reale1. Nëse e vendosim nxënësin në një situatë të jetës reale ku
të ndërveprojë me individë të tjerë, atëherë ai nxë.
1 Të nxënit me situata, kompetenca dhe situata e të nxënit ( IZHA)
7. Libër mësuesi Kimia 10 4
Përmes situatave të të nxënit, nxënësit janë në gjendje të zhvillojnë aftësitë dhe t’i
përdorin ato saktësisht.
Përmes situatave të të nxënit, nxënësit fitojnë përvoja që i zbatojnë gjatë gjithë jetës.
Të nxënit me situata përfshin përdorimin në shkallë të lartë të teknologjisë, pasi ajo
krijon mundësitë e zëvendësimit të demonstrimeve praktike.
Një moment tjetër i rëndësishëm në hartimin e ditarëve model është përcaktimi i
rezultateve të nxënit sipas kompetencave kyçe dhe kompetencave të fushës
Rezultatet e të nxënit për çdo kompetencë kyçe janë trajtuar në pjesën e parë të këtij
teksti (si të hartojmë planin vjetor), si dhe në fillim të çdo plani tremujor, kështu që nuk është
parë e arsyeshme që të paraqiten në çdo plan‐ditar.
Rezultatet e të nxënit për çdo kompetencë të fushës janë paraqitur në planet tremujore dhe
më e rëndësishmja është paraqitja e tyre në plan‐ditar duke respektuar programin mësimor.
Jo më pak i rëndësishëm për hartimin e një plan‐ditari është edhe përcaktimi i
koncepteve kyçe dhe burimeve të domosdoshme për një orë mësimore. Hartimi i tyre është i
domosdoshëm për të synuar rezultate sa më të larta të nxëni.
Metodologjia e përdorur në këto modele ditarësh është e pasur me teknika dhe
metoda që nxitin veprimtaritë me në qendër nxënësin. Metodologjia e përdorur është në
funksion të situatës së të nxënit. Kjo është arsyeja pse është shumë e rëndësishme zgjedhja e
teknikës së duhur në fillim të situatës dhe në vazhdim të saj. Duhet të theksohet fakti që nuk
ka një strukturë fikse; situata e të nxënit synohet të shtrihet gjatë gjithë orës mësimore, po
ashtu edhe metodologjia. Duke pasuar parasysh këtë fakt, është menduar që trajtimi
metodologjik të organizohet në përgjithësi sipas këtyre hapave:
Veprimet në situatë;
Trajtimi i mëtejshëm i situatës;
Përfundimi i situatës.
Siç u përmend më sipër, meqë situata e të nxënit shtrihet gjatë gjithë orës mësimore,
sikurse edhe metodologjia, çdo hap pune është i shoqëruar me një teknikë të caktuar
mësimdhënie, si për shembull:
Veprimet në situatë / Përmbledhje e strukturuar
Trajtimi i mëtejshëm i situatës / Veprimtari mendim i drejtuar
Përfundimi i situatës / Hartë koncepti
Këto ditarë përfshijnë dhe rubrikën “Vlerësimi i situatës” që mund të realizohet nga
mësuesi ose nga vetë nxënësit në formën e vetëvlerësimit. Në përfundim synohet të
përcaktohet se sa e kuptojnë dhe e realizojnë nxënësit situatën e të nxënit, cilat janë llojet e
kompetencave kyçe apo të fushës që ata kanë përfituar, çfarë qëndrimesh dhe vlerash
personale fiton nxënësi për jetën, sipërmarrjen dhe mjedisin, çfarë qëndrimesh dhe vlerash
fiton në fushën e komunikimit për jetën, shkencën, përdorimin e teknologjisë etj.
Në përfundim të ditarëve gjendet rubrika “Punë e pavarur dhe detyrë shtëpie”.
Modelet e ditarit përmbajnë trajtimin e temave të reja mësimore, trajtimin e disa
veprimtarive praktike, si dhe orë ushtrimesh ose përsëritje. Orët e tjera të veprimtarive
praktike që nuk janë paraqitur si orë mësimore, mund të jepen nga mësuesi si punë të
pavarura për detyrë shtëpie. Të gjitha veprimtaritë praktike janë të përmbledhura në pjesën
e fundit të këtij teksti mësimor.
8. Libër mësuesi Kimia 10 5
Hartimi i planit vjetor
Plani vjetor lëndor hartohet në përputhje me dokumentet kurrikulare.
Plani vjetor lëndor hartohet dhe zbatohet duke marrë parasysh fleksibilitetin e kurrikulës.
Plani vjetor lëndor hartohet duke u mbështetur në formate orientuese.
Që të hartosh planin vjetor dhe ato tremujore në lëndën e KIMISË X, një mbështetje absolute
për mësuesin është programi mësimor i miratuar nga MASH dhe të gjitha dokumentet
kurrikulare që shoqërojnë këtë program.
Në kurrikulën e re me bazë kompetencat, kurrikula e shkencës ndihmon në zhvillimin e
kompetencave që u shërbejnë individëve në aspektin personal, social, ekonomik dhe që
lidhen me çështje lokale, kombëtare dhe globale. Kompetencat që zhvillon fusha e shkencave
të natyrës, kontribuojnë në të gjitha shkallët në arritjen e kompetencave kyçe në funksion të
të nxënit gjatë gjithë jetës.
Përmbajtja lëndore konceptohet si mjet për realizimin e kompetencave kyçe dhe atyre të
fushës nëpërmjet formësimit të situatave të të nxënit.
Situatat e të nxënit janë situata që lidhen me kontekstin e të nxënit.
Ato mund të jenë situata në mjedise të mbyllura ose të hapura, brenda shkollës ose jashtë saj.
Roli i mësuesit në mësimdhënien përmes situatave është ai i udhëheqësit e i lehtësuesit gjatë
nxënies aktive të nxënësit.
Fusha e shkencave natyrore integron:
njohuri,
shkathtësi,
qëndrime e vlera (nëpërmjet lëndëve fizikë, kimi, biologji.)
Zbatimi i programit bëhet duke respektuar parimet e gjithëpërfshirjes në aspektin gjinor,
etnik, kulturor, racor, fetar, të paaftësive dhe nevojave të veçanta të nxënësve.
I. Qëllimet e fushës:
zhvillojnë njohuritë dhe konceptet bazë për formimin shkencor në fushën e shkencave
të natyrës;
zbulojnë lidhjet e varësisë ndërmjet botës së gjallë dhe mjedisit;
zbulojnë lidhjet e varësisë ndërmjet botës së gjallë, jo të gjallë dhe mjedisit;
zhvillojnë aftësitë shkencore, mendimin kritik dhe krijues;
zbatojnë njohuritë dhe aftësitë shkencore në mënyrë analitike, kritike dhe krijuese në
problemet që kërkojnë zgjidhje dhe marrje vendimesh;
vlerësojnë kontributin e shkencës dhe teknologjisë për mirëqenien e njeriut dhe shoqërisë;
ndërgjegjësohen për të bashkëvepruar me mjedisin në mënyrë të përgjegjshme dhe
konsensuale;
përshkruajnë proceset natyrore në kohë dhe hapësirë;
9. Libër mësuesi Kimia 10 6
përshkruajnë burimet energjetike;
përdorin teknologjinë e informacionit dhe të komunikimit si mjet për sigurimin dhe
komunikimin e informacionit;
shpjegojnë rolin e shkencës në zhvillimin e qëndrueshëm si dhe në ruajtjen dhe mbrojtjen e
mjedisit;
shpjegojnë rolin e shkencës në zhvillimin e qëndrueshëm si dhe në ruajtjen dhe
mbrojtjen e mjedisit.
II. Lidhja e kompetencave kyçe me kompetencat e fushës :
KOMPETENCAT KYÇE KOMPETENCAT E FUSHËS
III. Kompetencat zhvillohen përmes tematikave të përbashkëta të fushës
Tematikat e përbashkëta të fushës janë elemente të rëndësishme të programit të fushës
së shkencave natyrore, sipas të cilave strukturohet përmbajtja lëndore dhe integrimi
konceptual i secilës prej lëndëve brenda fushës, në funksion të zhvillimit të
kompetencave.
Tematikat e përbashkëta në fushën e shkencave të natyrës për shkallën e pestë janë:
KOMPETENCA I
Kompetenca e komunikimit
dhe e të shprehurit
KOMPETENCA II
Kompetenca e të menduarit
KOMPETENCA III
Kompetenca e të nxënit
KOMPETENCA IV
Kompetenca për jetën,
sipërmarrjen dhe mjedisin
KOMPETENCA V
Kompetenca personale
KOMPETENCA VI
Kompetenca qytetare
KOMPETENCA VII
Kompetenca digjitale
Kompetenca 1 : Identifikimi i problemeve
dhe zgjidhja e tyre
a) Përcakton problemin
b) Zhvillon një plan veprimi
c) Analizon rezultatet
d) Zbaton planin e veprimit
Kompetenca 2: Përdorimi i mjeteve,
objekteve dhe procedurave shkencore
a) Vendos çështjet shkencore në
kontekstin e duhur
b) Kupton parimet shkencore mbi të cilat
ngrihet çështja
c) Vendos lidhjen mes shkencës dhe
teknologjisë
d) Formon një opinion për çështjen
Kompetenca 3: Komunikimi me gjuhën dhe
terminologjinë e shkencës
a) Shkëmben informacionin shkencor dhe
teknologjik
b) Interpreton mesazhet shkencore dhe
teknologjike
c) Krijon dhe ndan mesazhe shkencore
dhe teknologjike
Rezultatet e
të nxënit
11. Libër mësuesi Kimia 10 8
krahason të paktën tri burime të ndryshme të informimit për trajtimin e temës së
njëjtë, argumenton saktësinë, rrethanat, gjen ngjashmëritë dhe dallimet, duke u
bazuar në kriteret e përcaktuara më parë;
harton një detyrë me tekst, apo krijon një situatë logjike nga jeta e përditshme, e cila
përmban një mesazh që kërkon zgjidhje matematikore apo një problem shkencor,
duke u bazuar në njohuritë paraprake dhe prezanton mënyrën/procedurën e
zgjidhjes së problemit para të tjerëve;
modelon zgjidhjen e një problemi të dhënë (në klasë, apo jashtë saj) për një temë të
caktuar nga një fushë mësimore;
gjykon vërtetësinë e një rezultati të dhënë (p.sh.: rezultatin e një detyre nga
matematika, shkencat, shoqëria, mjedisi etj.) i cili mund të jetë gjetur me zbatimin e
formulave të njohura ose me përdorimin e procedurave të caktuara dhe nxjerr
përfundime për vërtetësinë e gjykimit të dhënë;
prezanton me sukses rezultatet e punës së një detyre eksperimentale për një temë të caktuar;
krijon një vepër artistike me pamje dy dhe tredimensionale me mesazhe nga një fushë
mësimore dhe shpjegon para moshatarëve hapat e ndjekur për krijimin e veprës;
simulon një situatë për marrjen e një vendimi për jetën e vet ose zgjidhjen e një
problemi me interes shoqëror, lidh vendimin me pasojat në mënyrë të përgjegjshme
dhe e prezanton gjatë një debati me moshatarë në një kohëzgjatje të caktuar.
KOMPETENCA III :
Kompetenca e të nxënit (Nxënësi mëson për të nxënë)
Nxënësi:
demonstron shkathtësi funksionale në lexim, në shkrim, në matematikë, në jetën e
përditshme, në përmbushjen e kërkesave të ndryshme për kryerjen e një detyre apo
aktiviteti;
shfrytëzon në mënyrë efektive përvojat paraprake gjatë zgjidhjes së situatave të
ndryshme në jetën e përditshme apo gjatë kryerjes së ndonjë detyre, aktiviteti, në
ndonjë fushë të caktuar mësimore;
parashtron pyetje dhe shfaq mendime të strukturuara për zgjidhjen e një problemi
apo detyre të një teme të caktuar;
zgjidh një problem të caktuar mësimor ose një situatë nga jeta e përditshme;
përgatit me sukses një përmbledhje të dosjes personale (portofolit), me jo më pak se 900
fjalë, me qëllim të vetëvlerësimit të përparimit të vet në një fushë mësimore të caktuar;
shfrytëzon në mënyrë të pavarur dhe efektive, teknologjinë informative dhe burime të tjera
të informimit për të mbledhur materiale për zgjidhjen e një problemi apo detyre të caktuar;
paraqet idetë personale para të tjerëve për mënyrën e zhvillimit të një aktiviteti të
caktuar, duke dhënë mendime të argumentuara për rezultatet e pritura (në formë
skice, grafiku, vizatimi, shkrimi, vepre artistike etj.);
shfrytëzon në mënyrë të pavarur udhëzimet e dhëna nga ndonjë burim informacioni
për të kryer një veprim, aktivitet, detyrë, ose për të zgjidhur një problem që kërkohet
12. Libër mësuesi Kimia 10 9
prej tij. Vlerëson vetë performancën dhe rezultatin e arritur, duke iu referuar
qëllimeve fillestare (p.sh. burime të informacionit në libër, revistë, enciklopedi,
internet, hartë, grafik, skicë, partiturë muzikore etj.
KOMPETENCA IV :
Kompetenca për jetën, sipërmarrjen dhe mjedisin (Nxënësi kontribuon në mënyrë produktive)
Nxënësi:
përgatit, prezanton, drejton dhe merr pjesë në një fushatë të informimit të qytetarëve
për një fushë apo temë të caktuar, duke u mbështetur në ide të reja;
demonstron shprehi organizative në punët individuale dhe në ekip përmes situatave
reale, duke menaxhuar potencialin individual dhe atë të grupit;
harton një projekt me faza të menaxhuara mirë (individualisht ose në grup) duke
shkëmbyer, konsultuar dhe informuar të tjerët si dhe duke identifikuar dhe vlerësuar
burimet njerëzore, materiale dhe monetare në përputhje me rezultatet e pritshme.
KOMPETENCA V :
Kompetenca personale (Nxënësi bën jetë të shëndetshme)
Nxënësi:
analizon përparësitë dhe dobësitë personale;
merr pjesë ose udhëheq një grup pune që bashkëpunon me përfaqësues të
komunitetit për të ndihmuar moshatarët dhe anëtarët e tjerë të komunitetit të cilët
kanë probleme shëndetësore, sociale, ekonomike etj. Më pas, raporton me gojë ose me
shkrim për përvojat personale.
bën zgjidhje të bazuara në informacione dhe në përvoja të drejta për të mbrojtur
shëndetin dhe mirëqenien nga rreziqet e ndryshme në jetën e përditshme.
KOMPETENCA VI
Kompetenca qytetare (Nxënësi përkushtohet ndaj të mirës së përbashkët)
Nxënësi:
paraqet në forma të ndryshme të të shprehurit mënyrën e funksionimit të mjedisit të
vet shoqëror në nivel lokal dhe me gjerë;
demonstron shembuj konkret të mbrojtjes së mjedisit natyror dhe atij të krijuar nga njeriu
në aktivitete të jetës së përditshme në shtëpi, në klasë, në shkollë dhe në komunitet;
propozon alternativa se si të gjithë qytetarët mund të kontribuojnë në mënyra të
ndryshme për këtë proces;
diskuton me të tjerët apo në një formë tjetër të të shprehurit paraqet interesin personal
për çështje publike, shoqërore, historike, natyrore etj., dhe jep propozime për
zgjidhjen e ndonjë problemi në komunitet e më gjerë në një fushë të caktuar.
KOMPETENCA VII :
Kompetenca digjitale (Nxënësi përdor teknologjinë për të nxitur inovacionin)
përdor mjetet digjitale dhe mjediset informative;
13. Libër mësuesi Kimia 10 10
përdor mjetet digjitale për të përpunuar, krijuar, realizuar dhe demonstruar tema
mësimore nëpërmjet vizualizimeve të filmuara apo të animuara;
gjen, organizon, analizon, përpunon dhe përdor informacionin nga një shumëllojshmëri
burimesh;
zhvillon aftësitë krijuese, duke zbatuar njohuritë e marra në shkencën kompjuterike
dhe mediat digjitale;
diskuton për përparësitë dhe kufizimet që vijnë nga përdorimi i teknologjive në jetën e
individit, shoqërisë apo komunitetit; tregohet më i pavarur në procesin e mësimdhënies.
V. TABELA PËRMBLEDHËSE E PROGRAMIT (SHKALLA 5, KIMI X –XI )
TEMATIKAT KIMI
Diversiteti
Natyra e lëndës
Struktura e atomit
Struktura dhe vetitë e lëndës
Lidhjet kimike
Shkalla e grimcimit dhe vetitë e lëndës
Sistemi periodik
Nxjerrja e metaleve
Identifikimi i joneve dhe gazeve
Struktura dhe lidhjet e karbonit
Kimi organike
‐ Seritë homologe, përfshirë alkanet, alkenet, alkoolet dhe
acidet karboksilike
Industria kimike
Shkenca e tokës dhe atmosferës
Ndërveprimet
Simbolet kimike, formulat dhe barazimet kimike
Stekiometria
Përqendrimi i tretësirave
Acidet, bazat dhe kripërat
Reaksionet redoks
Elektroliza e përbërjeve jonike në gjendje të shkrirë dhe
tretësirë ujore
Termokimia
Radha e aktivitetit të metaleve
Kinetika kimike
Ekuilibri kimik
Prodhimi bujqësor dhe përdorimi i azotit, fosforit dhe
kaliumit në plehrat kimike
Rendimentit atomik dhe rendimenti i reaksionit kimik
Reaksionet e thjeshta të alkaneve, alkeneve dhe alkooleve
Komponimet e karbonit si lëndë djegëse dhe lëndë e parë
Polimeret
22. Libër mësuesi Kimia 10 19
Rezultatet e të nxënit për tremujorin e parë: SHTATOR –DHJETOR
Njohuritë dhe konceptet
TEMATIKA / DIVERSITETI
Natyra e lëndës
Gjendjet e lëndës
Ndryshimet e gjendjes së lëndës
Pastërtia e substancave dhe ndarja e tyre nga përzierjet
Proceset e filtrimit, kristalizimit,distilimit të thjeshtë dhe distilimit të thyesuar
Kromatografia
Teknika për përftimin e substancave të pastra
Aftësitë dhe proceset
Nxënësi:
përshkruan vetitë dhe strukturën dalluese të të ngurtave, lëngjeve dhe gazeve duke u
bazuar në ndarjen e grimcave, strukturën e tyre dhe llojet e lëvizjes;
përshkruan ndryshimet e gjendjes bazuar në dukuritë e shkrirjes, vlimit, avullimit,
ngrirjes, kondensimit dhe sublimimit;
përshkruan trysninë dhe temperaturën e një gazi sipas lëvizjes së grimcave të tij;
shpjegon ndryshimet e gjendjes bazuar në teorinë kinetike;
tregon kuptimin e lëvizjes së çrregullt të grimcave (atome, molekula apo jone në një pezulli të
njohur si lëvizje brovniane, si provë për modelin kinetik grimcor të lëndës;
përshkruan dhe shpjegon difuzionin dhe varësinë e shpejtësisë së difuzionit nga masa
molekulare;
shpjegon kuptimin e konceptit substancë e pastër, dallimet ndërmjet përdorimit të
përditshëm dhe atij shkencor të termit “pastërti”;
shpjegon që shumë materiale të dobishme formohen nga përzierjet;
përshkruan, shpjegon dhe jep shembuj për proceset e filtrimit, kristalizimit, distilimit të
thjeshtë dhe distilimit të thyesuar;
tregon se kromatografia përfshin një fazë të palëvizshme dhe një fazë të lëvizshme dhe
se ndarja varet nga shpërndarja ndërmjet dy fazave;
interpreton kromatografinë, sugjeron metodat kromatografike për të dalluar substancat
e pastra nga substancat e papastra;
sugjeron teknika të përshtatshme të pastrimit të substancave të caktuara;
përdor të dhëna të pikës së vlimit për të dalluar substancat e pastra nga ato të papastra.
Qëndrimet dhe vlerat
Nxënësi:
tregon interes të mbledhë të dhëna mbi lëvizjen brovniane bazuar në goditjet e
rastësishme midis molekulave;
është i përgjegjshëm gjatë zbatimit në kushte laboratorike të proceseve të filtrimit,
kristalizimit dhe distilimit për përftimin e substancave të pastra;
tregon interes për të mbledhur informacione për rëndësinë praktike jo vetëm të
kromatografisë për të dalluar substancat e pastra nga ato të papastra, por edhe të
teknikave të tjera.
23. Libër mësuesi Kimia 10 20
Njohuritë dhe konceptet
TEMATIKA / DIVERSITETI
Struktura e atomit
Modeli i atomit
Masa atomike relative
Mbështjella elektronike
Izotopet
Aftësitë dhe proceset
Nxënësi:
përshkruan atomin si një grimcë me bërthamën e ngarkuar pozitivisht e rrethuar nga
elektronet e ngarkuara negativisht, me rreze bërthamore shumë më të vogël se ajo e
atomit dhe me shumicën e masës në bërthamë;
tregon përmasat tipike të atomeve dhe molekulave të vogla;
përshkruan zhvillimin e modelit të atomit në kohë të ndryshme;
përcakton ngarkesën relative dhe masën relative të protoneve, neutroneve dhe elektroneve;
njehson numrin e protoneve, neutroneve dhe elektroneve në atomet dhe jonet, kur
jepet numri atomik dhe numri i masës së izotopeve;
dallon atomin dhe jonin e një elementi, duke bërë bilancin e protoneve dhe elektroneve;
tregon se izotopet e atomeve të të njëjtit element kanë të njëjtë numrin e protoneve, por
të ndryshëm numrin e masës;
kupton se izotopet kanë veti të njëjta sepse kanë të njëjtin numrin e elektroneve në
shtresën e jashtme të tyre.
Qëndrimet dhe vlerat
Nxënësi:
tregon interes të mbledhë të dhëna mbi modelet e ndryshme atomike;
tregon dhe vlerëson qëndrimet shkencore siç janë kreativiteti dhe mendja e hapur në
krijimin e modeleve për të shpjeguar natyrën themelore të gjërave dhe gatishmërinë
për të rishqyrtuar modelet ekzistuese;
tregon interes të mbledhë të dhëna mbi përdorimin mjekësor dhe industrial të
izotopeve radioaktive si p.sh. përdorimet e karbonit‐14 në arkeologji.
përshkruan tabelën periodike si një sistem për të klasifikuar elementet dhe për të
parashikuar përdorimin dhe vetitë e tyre;
shpjegon se vendndodhja e një elementi në tabelën periodike përcaktohet nga
shpërndarja e elektroneve në atomet e tij dhe nga numri i tij atomik;
shpjegon sipas izotopeve si ndryshon rregulli i propozuar nga Mendelejevi;
përdor emrat dhe simbolet e 20 elementeve të para, grupet IA, VIIA dhe VIIIA, si dhe
disa elemente të tjera të zakonshme nga Tabela Periodike për shkrimin e formulave
dhe balancimin e barazimeve kimike;
shpjegon se reaktiviteti i elementeve është i lidhur me shpërndarjen e elektroneve në
atomet e tyre dhe numrin atomik përkatës;
analizon mbi bazën e strukturës atomike, periodat dhe grupet A dhe B në tabelën periodike;
komenton grafikë të ndryshimit të rrezes atomike, potencialit të jonizimit, afrisë për
elektronin dhe elektronegativitetin.
24. Libër mësuesi Kimia 10 21
Njohuritë dhe konceptet
TEMATIKA/ DIVERSITETI
Sistemi periodik
Metalet dhe jometalet
Grupi I A
Grupi VIIA
Grupi VIIIA
Metalet kalimtare
Aftësitë dhe proceset
Nxënësi:
përshkruan tabelën periodike si një sistem klasifikimi dhe parashikimi i vetive të
elementeve;
përshkruan metalet dhe jometalet dhe shpjegon dallimet midis tyre në bazë të vetive të
tyre;
përshkruan vetitë kimike të metaleve si p.sh. bashkëveprimin e tyre me acidet e
holluara dhe me oksigjenin;
shpjegon se pozicioni i metaleve dhe jometaleve në tabelën periodike përcakton
strukturën elektronike të atomeve të tyre dhe numrin atomik;
parashikon vetitë e elementeve të grupeve IA, VII A, VIII A;
përshkruan gazet e plogëta si elemente të grupit VIIIA, gaze monoatomike jo reaktive
dhe e shpjegon këtë në bazë të strukturës së tyre elektronike;
shpjegon se si vetitë e elementeve të grupeve IA, VII A, VIII A përcaktohen nga shtresa
e jashtme elektronike e atomeve të tyre dhe parashikon si ndryshojnë vetitë e
elementeve brenda grupeve nga lart poshtë;
parashikon reaksionet e mundshme dhe reaktivitetin e mundshëm të elementeve nga
pozicioni i tyre në tabelën periodike;
përshkruan vetitë e përgjithshme të metaleve kalimtare pikën e shkrirjes,dendësinë,
reaktivitetin, formimin e joneve me ngarkesa të ndryshme dhe përdorimin si
katalizatorë dhe ilustron me shembuj duke iu referuar disa prej përfaqësuesve të
metaleve kalimtare.
Njohuritë dhe konceptet
TEMATIKA /DIVERSITETI
Lidhjet kimike
Lidhja jonike
Lidhja kovalente
Lidhja metalike
25. Libër mësuesi Kimia 10 22
Aftësitë dhe proceset
Nxënësi:
përshkruan dhe krahason natyrën dhe formimin e lidhjeve kimike në: komponimet jonike,
molekula të thjeshta, struktura kovalente me përmasa të mëdha, polimeret dhe metalet;
shpjegon lidhjet kimike bazuar në forcat elektrostatike dhe formimin e çifteve të
përbashkëta elektronike;
përshkruan formimin e lidhjes jonike midis metaleve dhe jometaleve;
përshkruan strukturën kristalore të përbërjeve jonike si një vendosje të rregullt të
alternimit të joneve pozitive dhe negative;
ndërton diagrame të substancave të thjeshta me lidhje jonike dhe me lidhje kovalente;
përshkruan kufizimet e modeleve grafike të lidhjeve kimike;
shpjegon se vetitë e një numri të madh të lëndëve kimike përcaktohen nga lloji i lidhjes
kimike që ato përmbajnë; fortësia e lidhjeve të tyre nga forcat ndërmolekulare dhe
mënyra e formimit të lidhjeve kimike duke identifikuar që vetë atomet nuk shfaqin
këto veti;
përshkruan lidhjen metalike si një rrjetë kristalore të joneve pozitive në një ʺdet
elektroneshʺ dhe përdorin këtë për të përshkruar përcjellshmërinë elektrike dhe
petëzimin e metaleve;
shpjegon dallimet në pikën e shkrirjes dhe pikën e vlimit në përbërjet jonike dhe
kovalente bazuar në forcat tërheqëse.
Njohuritë dhe konceptet
TEMATIKA /NDËRVEPRIMET
Simbolet, formulat dhe barazimet kimike
Simbolet kimike
Formulat kimike
Barazimet kimike
Aftësitë dhe proceset
Nxënësi:
përdor simbolet kimike për të shkruar formulat e elementeve dhe komponimeve të
thjeshta jonike dhe kovalente;
nxjerr formulën empirike të një komponimi nga numrat relative të atomeve të
pranishme, ose nga një model ose diagram dhe anasjelltas;
përdor emrat dhe simbolet e elementeve dhe komponimeve të thjeshta, si dhe parimin
e ruajtjes së masës për shkrimin e formulave dhe barazimin e reaksioneve dhe
gjysmëreaksioneve kimike;
përdor formulat e joneve të thjeshta për të nxjerrë formulën e një komponimi dhe
barazon reaksionet.
Qëndrimet dhe vlerat
Nxënësi:
demonstron bashkëpunim dhe qëndrim etik gjatë punës në grup dhe diskutimeve.
29. Libër mësuesi Kimia 10 26
Rezultatet e të nxënit për tremujorin e dytë: JANAR – MARS
Njohuritë dhe konceptet
TEMATIKA / NDËRVEPRIMET
Reaksionet redoks
Numri i oksidimit
Reaksionet e oksido/reduktimit
Aftësitë dhe proceset
Nxënësi :
përkufizon oksidimin dhe reduktimin bazuar në dhënien ose marrjen e oksigjenit,
identifikon substancën që oksidohet dhe atë që reduktohet;
përcakton oksidimin dhe reduktimin bazuar në dhënien ose marrjen e elektroneve;
identifikon agjentët oksidues dhe reduktues në një reaksion redoks;
Qëndrimet dhe vlerat
Nxënësi:
tregon interes për të mbledhur informacione mbi agjentët oksidues si p.sh. përdorimi
i bikromatit të kaliumit për të provuar sasinë e alkoolit te shoferët etj.
Njohuritë dhe konceptet
TEMATIKA /NDËRVEPRIMET
Elektroliza e përbërjeve jonike në gjendje të shkrirë dhe tretësirë ujore
Aftësitë dhe proceset
Nxënësi :
shpjegon elektrolizën si ndarje të një përbërjeje jonike, të shkrirë ose tretësirë ujore
gjatë kalimit të rrymës elektrike;
përshkruan elektrolizën me anë të joneve të pranishme në tretësirat ujore dhe
reaksioneve në elektroda;
tregon që metalet ose hidrogjeni formohen në katodë dhe jometalet formohen në
anodë gjatë elektrolizës duke përdorur elektroda inerte;
përcakton produktet e elektrolizës në përbërjet dyjare jonike në gjendje të shkrirë;
Përshkruan rregullat e shkarkimit të joneve të ngjashme në elektroda në elektrolizën e
tretësirave ujore, përshkruan veshjen e metaleve dhe përdorimet veshjes elektrolitike;
Qëndrimet dhe vlerat
Nxënësi:
demonstron bashkëpunim dhe qëndrim etik gjatë punës në grup dhe diskutimeve.
30. Libër mësuesi Kimia 10 27
Njohuritë dhe konceptet
TEMATIKA /NDËRVEPRIMET
Acidet, bazat dhe kripërat
Aftësitë dhe proceset
Nxënësi :
shpjegon se acidet veprojnë me disa metale dhe me karbonatet dhe parashikon
produktet e barazimeve kimike duke u nisur reaktantët e dhënë;
identifikon se acidet formojnë jonet hidrogjen kur ata treten në ujë dhe tretësirat e
bazave përmbajnë jone hidroksid;
tregon që pH përdoret për të matur aciditetin dhe alkalinitetin relativ;
përshkruan asnjanësimin si bashkëveprim të acideve me baza për të formuar kripë
dhe ujë;
argumenton se asnjanësimi mund të përgjithësohet si bashkëveprim i joneve
hidrogjen me jonet hidroksid për të formuar ujin;
përdor dhe shpjegon termat “i holluar” dhe “i përqendruar” që kanë të bëjnë me sasi
të substancave, si dhe “i dobët” dhe” i fortë” që kanë të bëjnë me shkallën e jonizimit
të acideve;
tregon se përqendrimi i joneve hidrogjen rritet 10 herë, vlera e pH në një tretësirë ulet
1 herë , përshkruan neutralitetin, aciditetin dhe alkalinitetin si pasojë e përqendrimit
të joneve hidrogjen në vlerën numerike të pH;
Qëndrimet dhe vlerat
Nxënësi:
tregon interes për të mbledhur informacione për mbi ndikimin e ndryshimeve të pH
në shëndetin e njeriut si:
o ndryshimi i pH në gjak, në lëngjet e stomakut etj.,
o rëndësinë e kontrollit të aciditetit në tokë.
34. Libër mësuesi Kimia 10 31
Rezultatet e të nxënit për tremujorin e tretë: PRILL – QERSHOR
Njohuritë dhe konceptet
TEMATIKA /NDËRVEPRIMET
Stekiometria
Ligji i ruajtjes së masës dhe interpretimi sasior i barazimeve kimike
Moli. Vëllimi molar i gazeve
Njehsime stekiometrike në lidhje me molin, masën, reaktantin kufizues, vëllimin e
gazeve.
Aftësitë dhe proceset
Nxënësi:
tregon dhe përdor ligjin e ruajtjes së masës;
shpjegon shembuj të ndryshimeve të vëzhguara në masë në sisteme të hapura gjatë
një reaksioni kimik dhe i sqaron ato duke përdorur modelin e grimcave;
llogarit masat e substancave të veçanta mbështetur në barazimet e reaksioneve kimike;
tregon dhe përdor numrin e Avogadros dhe përkufizimin e molit;
shpjegon si masa e një substance të dhënë është e lidhur me numrin e moleve të saj
dhe e anasjella;
argumenton stekiometrinë e një barazimi lidhur me masat e reaktantëve dhe të
produkteve dhe shpjegon ndikimin e reaktantit kufizues të reaksionit;
përdor barazimet kimike për të llogaritur masat e reaktantëve dhe të produkteve;
shpjegon si masa e substancës së tretur dhe vëllimi i tretësit janë të lidhura me
përqendrimin e tretësirës;
përshkruan lidhjen midis masës molare të gazeve dhe vëllimit të tyre dhe anasjelltas,
si dhe njehson vëllimet e gazeve që marrin pjesë në reaksione, duke përdorur
vëllimin molar të gazit në kushte normale temperature dhe trysnie (22.4 litër/mol);
Qëndrimet dhe vlerat
Nxënësi:
demonstron bashkëpunim dhe qëndrim etik gjatë punës në grup dhe diskutimeve
Njohuritë dhe konceptet
TEMATIKA /NDËRVEPRIMET
Përqendrimi i tretësirave
Aftësitë dhe proceset
Nxënësi:
përshkruan si përqendrimi i një tretësire në mol/litër është i lidhur me masën e
substancës së tretur dhe vëllimin e tretësirës;
përshkruan lidhjen ndërmjet vëllimit të tretësirës së një substance me përqendrim të
njohur dhe vëllimit të tretësirës së një substance tjetër që bashkëveprojnë plotësisht me
njëra‐tjetrën;
35. Libër mësuesi Kimia 10 32
Qëndrimet dhe vlerat
Nxënësi:
demonstron bashkëpunim dhe qëndrim etik gjatë punës në grup dhe diskutimeve.
Njohuritë dhe konceptet
TEMATIKA / DIVERSITETI
Shkenca e tokës dhe atmosferës
Përbërja dhe evoluimi i atmosferës që nga formimi i saj
Dioksidi i karbonit dhe metani‐ gazet që shkaktojnë efektin serë
Ndotësit atmosferik të zakonshëm dhe burimet e tyre
Burimet ujore në tokë dhe përfitimi i ujit të pijshëm
Aftësitë dhe proceset
Nxënësi:
interpreton dhe përshkruan të dhënat që tregojnë si është krijuar atmosfera e pasur me
oksigjen;
përshkruan efektin serë si pasojë e bashkëveprimit të rrezatimit me lëndën;
vlerëson të dhënat për ndryshimet klimatike si pasojë e veprimtarisë njerëzore, duke
përfshirë rritjen e përqendrimit të dioksidit të karbonit në atmosferë si pasojë e djegies
së hidrokarbureve;
përshkruan ndikimet e mundshme të rritjes së nivelit të dioksidit të karbonit dhe
metanit në ndryshimet klimatike dhe si këto ndikime mund të shmangen;
përshkruan burimet kryesore të monoksidit të karbonit,dioksidit të squfurit, oksideve
të azotit në atmosferë dhe shpjegon pasojat që shkaktohen nga rritja e sasisë së këtyre
substancave;
përshkruan metodat bazë për rritjen e përftimit të ujit të pijshëm duke zbatuar teknika
të pastrimit të tij, përfshirë trajtimin e mbetjeve, të ujërave nëntokësore dhe ujërave të
kripura.
Qëndrimet dhe vlerat
Nxënësi:
tregon interes për të mbledhur informacione
o mbi rëndësinë e atmosferës,
o shtresës së ozonit në tokë;
argumenton teknika të përshtatshme të trajtimit të ujit të pijshëm.
36. Libër mësuesi Kimia 10 33
MODEL DITARI Nr. 1
FUSHA: Shkencat e natyrës LËNDA: Kimi Shkalla: 5 Klasa: X
TEMA MËSIMORE: Gjendjet e lëndës dhe ndryshimet fizike që pësojnë ato
SITUATA E TË NXËNIT
“Bota jonë”
Në video‐projektor prezantohet një material filmik mbi planetin Tokë, malet, fushat
dhe lumenjtë që e përbëjnë atë, si janë të ndërtuar ato, si kanë ndryshuar ato në vite e
shekuj.
https://sites.google.com/site/meesimeinteraktivengakimia/home/1‐gjendjet e lëndës
REZULTATET E TË NXËNIT TË KOMPETENCAVE TË FUSHËS
SIPAS TEMËS MËSIMORE:
Dallon tri gjendjet e lëndës në objekte të ndryshme.
Jep të dhëna mbi shumëllojshmërinë e tyre.
Përshkruan vetitë dhe strukturën dalluese të lëndëve në gjendje
të ngurtë, të lëngët dhe të gaztë.
Përcakton kushtet në të cilat një lëndë shndërrohet nga njëra
formë në tjetrën.
Përshkruan ndryshimet e gjendjes bazuar në dukuritë e shkrirjes,
vlimit, avullimit, ngrirjes, kondensimit dhe sublimimit.
Ndërton dhe regjistron të dhënat në një diagram.
Fiton aftësi për të grupuar dhe shndërruar lëndë të ndryshme
në kushte të zakonshme ose laboratorike.
FJALËT KYÇE
Lëndë
Gjendje e ngurtë
Gjendje e lëngët
Gjendje e gaztë
Ndryshim fizik
Shkrirja, ngrirja,
vlimi, avullimi
kondensimi dhe
sublimimi
BURIMET :
teksti i kimisë, klasa X;
foto të ndryshme të lëndëve në gjendje të
ndryshme;
informacion nga interneti, dokumentar;
video –projektor, CD;
fletë formati.
Lidhja me fushat e tjera ose me temat
ndërkurrikulare:
fizikën,
gjeografinë,
mjedisin,
gjuhën dhe komunikimin,
TIK‐un.
METODOLOGJIA DHE VEPRIMTARITË E NXËNËSVE
Veprimet në situatë:
I) Përmbledhje e strukturuar
Mësuesi:
Prezanton rezultatet e të nxënit dhe propozon situatën e të nxënit, në përmbushje të
interesave të nxënësit.
Siguron burimet e domosdoshme për fillimin e orës së mësimit.
Verifikon përzgjedhjen dhe kuptimin nga nxënësit të situatës dhe të rezultateve të të nxënit.
38. Libër mësuesi Kimia 10 35
A e ndryshon gjendjen fizike lënda?
Cilat janë këto ndryshime?
Cilat janë kushtet në të cilat ndodhin këto ndryshime?
Ç’përfaqëson pika e shkrirjes, e ngrirjes, e vlimit , e kondensimit ?
Fleta nr. 3 i jep përgjigje këtyre pyetjeve :
Ndryshimet në gjendjen fizike të substancave
Ndryshojnë vëllimin dhe gjendjen e lëndës
shkriria & ngrirja sublimimi vlimi
avullimi &
kondensimi
‐ p.sh: temperatura në të cilën
një substancë kalon nga
gjendja e ngurtë në të lëngët
‐ p.ng. temperatura në të cilën
një substancë kalon nga
gjendja e lëngët në të ngurtë
‐ p.sh. dhe p.ng. është në vlerë
të njëjtë për të njëjtën
substancë dhe e matur në
trysni konstante
‐ Kalimi i një
substance nga
gjendja e ngurtë
drejt e në gjendjen
e gaztë ose në të
kundërt nga
gjendja e gaztë
drejt e në të
ngurtën.
‐ p.v: temperatura në
të cilën një substancë
kalon nga gjendja e
lëngët në të gaztë
‐ Sa më e ulët të
jetë pika e vlimit
të një substance aq
më volatile është
ajo.
‐ ndodhin në
mjedise të hapura
‐ ndodhin në
interval
temperaturash
‐ varen nga
sipërfaqja e
kontaktit
Vlerësimi i situatës
Situata quhet e realizuar kur nxënësit arrijnë të zgjedhin formën dhe gjuhën e
përshtatshme për të përcjellë informacionin, idetë në lidhje me lëndën , gjendjen dhe
shndërrimet e saj.
Detyrat dhe puna e pavarur: Në varësi të klasës dhe nxënësve, mësuesi vendos për pyetje
dhe detyra në shtëpi.
Ato mund të jenë:
pyetje dhe detyra mbas temës së mësimit ose në fund të kapitullit;
pyetje dhe detyra të hartuara nga vetë mësuesi ;
realizimi i veprimtarive praktike të ndryshme që nuk janë trajtuar si tema mësimore
etj.
T (temperatura)
P (trysnia )
39. Libër mësuesi Kimia 10 36
MODEL DITARI Nr. 2
FUSHA: Shkencat e natyrës LËNDA: Kimi Shkalla: 4 Klasa: X
TEMA MËSIMORE: Substancat e pastra dhe përzierjet
SITUATA E TË NXËNIT
“Bota jonë”
Para nxënësve paraqiten foto të substancave të ndryshme që tregojnë substanca në
gjendje të pastër ose përzierje. Duke shfrytëzuar dijet dhe burimet e ndryshme të
informacionit nxënësi duhet të veçojë se cila substancë është e pastër dhe cila përzierje
dhe të japë arsyet përkatëse pse realizon këtë ndarje.
REZULTATET E TË NXËNIT TË KOMPETENCAVE TË FUSHËS
SIPAS TEMËS MËSIMORE:
Koncepton drejt shprehjet substancë e pastër dhe përzierje.
Përshkruan lloje të ndryshme substancash të pastra dhe
përzierjesh.
Tregon ndikimin e papastërtive në një substance të pastër.
Ndërton lakoren e ftohjes dhe të ngrohjes për një substance të
pastër dhe të papastër.
Bën dallimin midis aliazheve dhe tretësirave.
Diskuton mbi rolin e substancave të pastra dhe përzierjeve në
jetën e përditshme.
FJALËT KYÇE
Substancë e pastër
Përzierje
Lakore e ngrohjes
Lakore e ftohjes
Tretësirat
Aliazhe
BURIMET :
teksti i kimisë
foto të substancave të ndryshme
postera, diagrame të lakoreve të ftohjes dhe
ngrohjes
fleta formati A4
lapustina me ngjyra
ngjitëse
Lidhja me fushat e tjera ose me temat
ndërkurrikulare:
fizikën,
mjedisin,
gjuhën dhe komunikimin,
TIK‐un.
METODOLOGJIA DHE VEPRIMTARITË E NXËNËSVE
Veprimet në situatë:
I) Mendo/shkëmbe mendim / puno në dyshe
Mësuesi:
Prezanton rezultatet e të nxënit dhe propozon situatën e të nxënit në përmbushje të
interesave të nxënësit.
Kërkon vëmendje gjatë paraqitjes së situatës së të nxënit.
Kërkon që nxënësit të organizohen në dyshe.
Çdo grup pajiset me fotot e përgatitura më parë.
41. Libër mësuesi Kimia 10 38
o zvogëlon pikën e ngrirjes dhe shkrirjes
o rrit pikën e vlimit (p.sh. uji i detit )
o shkrirja, ngrirja apo vlimi ndodhin në interval temperaturash.
Për substancat e pastra mund të ndërtojmë lakoret e ngrohjes apo
ftohjes.
Lakoret tregojnë se kur shkrin një substancë e ngurtë apo vlon një
lëng, temperatura qëndron e pandryshuar derisa mbaron i gjithë
procesi.
Shembuj substancash të pastra :
bakër , hekur, ujë i distiluar, alkool, amoniak, kripëra, acide, baza,
okside...
Fleta nr. 2
Koncepti Komenti
Përzierje Ka më shumë se një përbërës (ngurtë, lëngët, gaztë).
Kanë papastërti.
S’kanë pikë shkrirje apo vlimi të përcaktuar.
Për përzierjet mund të ndërtojmë lakoret e ngrohjes apo ftohjes
gjithashtu.
Lakoret tregojnë se kur shkrin një përzierje p.sh. dylli, procesi
nuk realizohet në një vlerë të vetme temperature.
Përzierjet mund të jenë:
homogjene / një fazë / nuk dallohet me sy të lirë.
o tretësirat: tretës + substancë e tretur
o aliazhet : bashkimi i metaleve në gjendje të shkrirë
heterogjene / faza të veçuara/dallohen me sy të lirë.
Shembuj përzierjesh :
kripë me ujë, alkool me ujë, sheqer me kafe, oriz me misër, rërë me
zhavorr, benzina me ujë, naftë me benzen etj.
III) Organizues grafik
Ç’përfaqëson për ju lënda dhe në sa forma e gjejmë atë?
A e ndryshon gjendjen fizike lënda, cilat janë këto ndryshime?
Ç’janë substancat e pastra, po përzierjet ?
Si lidhen këto koncepte me njëra tjetrën ?
Lihet koha e domosdoshme që nxënësit në grupe të mbledhin të tëra konceptet në
një skemë grafike që mund të jetë e tillë:
44. Libër mësuesi Kimia 10 41
Nëse janë bërë përpjekje dhe patën pjesërisht sukses. 1 notë
Nëse nuk u tentua të ndërtohej grafiku ose nuk u arrit. 0 notë
Pikat e kontrollit Nota
Ndërton grafikun me vizore dhe përdor tërë gjerësinë e lartësinë
e letrës milimetrike për ndërtimin e boshteve x dhe y.
Përdor shkallën e duhur për boshtet x dhe y.
Emërton të dy boshtet dhe vendos njësitë në mënyrë korrekte.
Vendos në grafik çdo pikë eksperimentale me precizon dhe me
korrektësi
Për çdo pikë eksperimentale përdor një kryq ose një rreth të
vogël.
Ndërton një vijë të qartë, të vetme, duke kaluar sa më pranë
pikave.
Mënjanon pikat që duken se janë jo normale kur ndërtohet vija.
Shuma e
pikëve
12‐14 Shkëlqyeshëm!
10‐11 Mirë!
7‐9 Fillim i mirë por keni nevojë të përmirësoheni pak.
5‐6 Mjaftueshëm. Provoni të ndërtoni të njëjtin grafik duke përdorur një fletë te re
milimetrike.
1‐4 Mjaft keq! Lexoni përsëri kriteret dhe provoni të ndërtoni të njëjtin grafik.
MODEL DITARI Nr. 4
FUSHA: Shkencat e natyrës LËNDA: Kimi Shkalla: 4 Klasa: X
TEMA MËSIMORE: Ndarja dhe pastrimi i substancave
SITUATA E TË NXËNIT
’’Një pasdite çaji ’’
Rajna ka ftuar shoqen e vet Yllkën për të pirë një çaj së bashku në shtëpinë e saj. Pasi
flasin dhe diskutojnë me njëra tjetrën, Rajna merr çajnikun dhe i servir asaj çajin duke
e kaluar përmes një kulluese ngjyrë ari. Në bisedë e sipër nuk vënë re që Hana dhe
Emilia, dy vajzat e tyre kanë përzier gjithçka në dollapin e ushqimeve, miellin me
orizin, ujin me vajin, ujin me uthullën etj. A do mundet Rajna të veçojë këta përbërës
nga njëri tjetri në përzierje? Si?
46. Libër mësuesi Kimia 10 43
Kripë dhe ujë
Vaj me naftë dhe alkool
Rërë me alkool
Duke shfrytëzuar mjetet laboratorike mbi tavolinat e punës si dhe tekstin mësimor
ata përpiqen të veçojnë përbërësit në këto përzierje.
Pas disa përpjekjeve ata do të mund të gjejnë disa metoda praktike për ndarjen e
substancave.
Të gjitha të dhënat që merren nga eksperimenti hidhen në tabelën përkatëse.
Kripë dhe
rërë
Vaj me ujë
Pluhur hekuri
dhe tallash
druri
Pluhur
hekuri me
ujë
Kripë dhe
ujë
Vaj me
naftë dhe
alkool
Rërë me
alkool
Shtojmë
ujë.
Filtrojmë
Lihet
përzierja në
qetësi
Përdorim një
elektromagnet
Filtrim
Avullim.
Kristalizim
Nuk
mundën
Filtrim
Kripa tretet
në ujë
Kanë
dendësi të
ndryshme
Hekuri ka veti
magnetike
Hekuri nuk
tretet në ujë
Kripa tretet
në ujë
Lëngjet
kanë pika
vlimi të
ndryshme
Rëra nuk
tretet në
alkool
Konkluzion ! Për të zgjedhur metodën e duhur për ndarjen e një përzierjeje duhet të dimë:
Llojin e përzierjes.
Substancën për të cilën ne jemi të interesuar në përzierje.
III ) Hartë koncepti
Nxënësit në punë në grup shfrytëzojnë të gjitha informacionet e marra deri në këtë
moment.
Synimi i tyre është të japin informacionin e duhur për ndarjen e përzierjeve.
Analizojnë të dhënat që morën nga eksperimentet e bëra më parë.
Përshkruajnë kë përzierje mundën të ndanin dhe kë jo.
Të gjitha të dhënat e marra i hedhin në letër në formën e një ‘harte koncepti’
Synojnë që në këtë tabelë të hedhin llojin e përzierjeve dhe mënyrat e ndarjes së tyre.
Në fund të punës tabela mund të ketë një pamje të tillë:
Përzierje Metoda e ndarjes
1. sub. e ngurtë + sub. e ngurtë
kripë dhe rërë
pluhur hekuri dhe
tallash druri
rërë me ar
jod me brom
Bazohen në vetitë fizike të substancave
Tretja në ujë
Vetitë magnetike
Densiteti
Sublimimi
47. Libër mësuesi Kimia 10 44
2. sub e ngurtë + lëng
Pezulli
Bazohen në faktin që sub. e ngurtë është e patretshme
Dekantimi
Filtrimi
Centrifugimi
3. lëng + lëng Bazohen në faktin që janë të patretshme te njëra‐tjetra.
Dekantim
Hinkë ndarëse
4. sub e ngurtë e tretshme në
lëng
Bazohen në faktin që janë të tretshme te njëra‐tjetra.
Avullimi veçohet sub. e ngurtë
Kristalizimi
Distilimi ‐ veçohet lëngu sepse ka pikë vlimi
më të ulët se sub. e ngurtë
5. dy (ose më shumë) lëngje të
përzier bashkë.
Bazohen në vlerat e ndryshme të pikave të vlimit të
lëngjeve. Lëngu me pikë vlimi më të ulët (më volatil),
distilon i pari
Distilimi i fraksionuar
6. tretësirë e dy (ose më
shumë) sub. të ngurta në lëng
Bazohen në faktin që janë të patretshme te njëra‐tjetra.
Kromatografia
Tregon praninë e substancave të ngurta në
lëng (ndotja)
Vlerësimi i situatës Situata quhet e realizuar kur:
nxënësit punojnë sipas detyrave në grup
arrijnë të përdorin saktë mjetet laboratorike
i japin përgjigje të gjitha pyetjeve që u shfaqën në situatën fillestare
Detyrat dhe puna e pavarur
Në varësi të klasës dhe nxënësve që mësuesi ka, vendos për pyetje dhe detyra në shtëpi:
Ato mund të jenë:
pyetje dhe detyra pas temës së mësimit ose në fund të kapitullit;
pyetje dhe detyra të hartuara nga vetë mësuesi;
realizimi i veprimtarive praktike të ndryshme që nuk janë trajtuar si tema
mësimore etj.
48. Libër mësuesi Kimia 10 45
MODEL DITARI Nr. 5
FUSHA: Shkencat e natyrës LËNDA: Kimi Shkalla: 4 Klasa: X
TEMA MËSIMORE: Veprimtari praktike : Distilimi i përzierjeve
SITUATA E TË NXËNIT
’’Në laborator’’
Në videoprojektor jepet një material filmik që tregon se si disa studentë po punojnë me
distilimin e përzierjeve të ndryshme
REZULTATET E TË NXËNIT TË KOMPETENCAVE TË FUSHËS
SIPAS TEMËS MËSIMORE:
Tregon aftësi në përdorimin e teknikave, aparateve dhe
materialeve.
Realizon me shumë kujdes të gjitha veprimtaritë.
Vrojton me kujdes të gjithë ecurinë e eksperimentit.
Analizon dhe arrin në konkluzione.
Siguria
Pajisja e
nxënësve me
syze gjatë
eksperimentit.
BURIMET :
mbajtëse dhe pjatë me shumë gropëza
llambë me alkool
kokë distilimi termometër
enë reaksioni dhe ngrohëse përzierje bojë/ujë
tub distilimi dhe sfera të vogla qelqi
vaj silikon
gotë kimike për mbledhjen e distilatit
lëndë djegëse, etanol
granula që hidhen në fundin e enës vluese
Lidhja me fushat e tjera ose me temat
ndërkurrikulare:
Gjuhën dhe komunikimin
TIK‐un
Matematikën
Fizikën
METODOLOGJIA DHE VEPRIMTARITË E NXËNËSVE
Veprimet në situatë:
I )Parashikimi nga termat paraprakë
Mësuesi:
Synon që në këtë fazë të ngacmojë imagjinatën e nxënësve dhe të fillojnë sa më
këndshëm veprimtarinë praktike.
I jep nxënësve disa fjalë dhe kërkon prej tyre që të hedhin në letër një tregim,
paragraf, ide ku të përdorin këto shprehje.
I jep nxënësve kohën e duhur për të paraqitur shkrimin e tyre
Fjalët e dhëna nga mësuesi mund të jenë:
Përzierje
Laborant i ri
Incident
50. Libër mësuesi Kimia 10 47
MODEL DITARI Nr. 6
FUSHA: Shkencat e natyrës LËNDA: Kimi Shkalla: 4 Klasa: X
TEMA MËSIMORE: Kromatografia
SITUATA E TË NXËNIT
‘’Kromatografia – dokumentar ’’
https://sites.google.com/site/meesimeinteraktivengakimia/home/1‐kromatografia
REZULTATET E TË NXËNIT TË KOMPETENCAVE TË FUSHËS
SIPAS TEMËS MËSIMORE:
Interpreton kromatografinë.
Tregon se kromatografia përfshin një fazë (substancë) të
palëvizshme dhe një fazë (substancë) të lëvizshme.
Përshkruan se ndarja e substancave varet nga shpërndarja
ndërmjet dy fazave.
Sugjeron metodat kromatografike për të dalluar substancat e
pastra nga substancat e papastra.
Tregon interes për të mbledhur informacione për rëndësinë
praktike jo vetëm të kromatografisë por edhe të teknikave të
tjera.
FJALËT KYÇE
Kromatografi
Faktor i mbajtjes
BURIMET :
teksti i kimisë
përzierje të dy ose më shumë substancave të
ngurta në lëng
mjete të ndryshme laboratorike
video –projektor
CD
Lidhja me fushat e tjera ose me temat
ndërkurrikulare:
Gjuhën dhe komunikimin
TIK‐un
Matematikën
Fizikën
METODOLOGJIA DHE VEPRIMTARITË E NXËNËSVE
Veprimet në situatë:
I) Përvijimi i të menduarit ( harta e mendjes )
Mësuesi
Paraqet para tyre një dokumentar filmik që jep të dhëna për ’’Kromatografinë ’’.
Synon që nxënësit të ngacmojnë sa më shumë imagjinatën e tyre.
Kërkon një vëmendje absolute gjatë shikimit të dokumentarit.
Kërkon nga nxënësit që të munden të regjistrojnë sa më shumë informacion në
memorien e tyre.
Materiali jepet disa herë në mënyrë që nxënësit ta përpunojnë më mirë atë.
Nxënësit në këtë moment:
mund të hartojnë pyetje drejt mësuesit