Ito ay isang handout o learner's module na katatagpuan ng aralin o paksa tungkol sa Nasyonalismo sa Indonesia. Dito din matatagpuan ang mga iba't-ibang konsepto at dahilan sa Nasyonalismo sa Indonesia.
1. Lesson 31-B: Nasyonalismo sa Indonesia
• May iba’t-ibang Salik na nakaapekto sa damdaming Nasyonalismo ng Indonesia: Urbanisasyon,
Komunismo, Relihiyong Islam, Edukasyon at ang Mass Entertainment. Isa din Salik ay ang
pagmamalabis at pang-aabuso ng mga Dutch sa mga Indonesian kaya umusbong sa kanilang isipan ang
pagnanais na makalaya sa mga kamay ng mga Dutch.
• Budi Otomo – Ito ay tinatawag sa Ingles bilang “The Prime Philosophy”. Ito ay ang kauna-unahang lokal
na grupo na naglalayon na makalaya ang Indonesia sa kamay ng mga Dutch. Ito ay naitatag noong
Mayo 20, 1908. Ang mga miyembro nito ay ang mga nakakataas na uri sa lipunan, opisyal ng gobyerno
at mga intelektwal na tao. Ito ay nalusaw noong taong 1935.
• Sarekat Islam – Ito ay tinatawag sa Ingles bilang “Islamic Association”. Ito ay unang partido nasyonalista
na nakatanggap ng malaking suporta sa masa. Ito ay naitatag noong 1912 ng mga Muslim merchants sa
Java. Ang ideyolohiya ng Sarekat Islam ay nakabatay sa mga aral ng relihiyong Islam sa tradisyong
moderno.
• Communist Party of Indonesia – Ito ay ang pinakamalaking non-ruling communist party sa buong
mundo. Ang ideyolohiya na ginagamit nila ay ang Communism-Marxism-Leninism. Ito ay dating
tinatawag na Indies Social Democratic Association noong 1914. Ang unang henerasyon ng mga
komunistang Indonesian ay sinira ng mga Dutch Colonial authorities noong 1927. Idineklara na illegal
ang Communist Party of Indonesia noong 1927.
• Achmed Sukarno – Siya ay ang unang pangulo ng Indonesia, na nanungkulan mula Agosto 18, 1945
hanggang Marso 12, 1967. Siya ang pinuno ng grupong na naglalayon na makalaya sa kamay ng mga
Dutch. Siya ang nagtatag ng Indonesian Nationalist Party noong Hulyo 4, 1927, at siya ang nahalal
bilang unang pinuno ng organisasyong ito.
