Presentación TIC

1. SISTEMA INFORMÁTICO
Software: É o conxunto de compoñentes lóxicos do
ordenador. Son os programas que utiliza o ordenador para
tratar a información. Isto inclúe dende os programas de
control e o Sistema Operativo ata os programas de
aplicacións máis sofisticadas, como xogos, procesadores
de texto, programas de cálculo, programas de tratamento
de imaxes, etc.
Hardware: É o conxunto de
compoñentes físicas do ordenador
(informalmente trátase de todas as
partes do ordenador que poden ser
tocadas coas mans: procesador,
memoria, periféricos, placas, buses,
circuítos, etc).
Usuario: Un sistema informático
necesita da nosa intervención para a
organización e planificación das
tarefas. Polo tanto nos tamén somos
unha compoñente dos sistemas
informáticos.

2. HARDWARE
O hardware é a parte física do ordenador.
Clasificaremos os elementos que compoñen o
hardware en catro categorías
● Procesador
● Memoria
● Buses, portos e ranuras de expansión
● Periféricos

3. PROCESADOR
Tamén chamado Unidade Central de Procesos ou
CPU. É o corazón do ordenador. No procesador
realízanse todas e cada unha das tarefas que os
programas ordenan cumprir.

4. MEMORIA
Memoria principal: trátase dunha memoria interna.
●
Memoria RAM: (Random Acces Memory) ou memoria de acceso aleatorio.
Contén os programas que o usuario estea executando no ordenador así como
os datos necesarios para que estes programas funcionen.
●
Memoria ROM: (Read Only Memory) ou memoria de so lectura. Contén os
programas necesarios para que o ordenador poida arrancar e detectar os
dispositivos imprescindibles para o seu funcionamento.
Memorias secundarias: trátase de dispositivos externos (aínda
que algúns poidan estar incluídos dentro da torre do
ordenador ). A súa misión é almacenar de xeito permanente
programas e datos en soportes de gran capacidade.
●
Soportes magnéticos: cintas magnéticas, discos flexibles
(antigos disquetes ou floppies), discos duros e unidades zip.
●
Soportes ópticos: CD-ROM, DVD e BluRay.
●
Soportes flash: Memorias USB, tarxetas SD ou microSD.
É outro dos elementos esenciais dun ordenador. A misión da memoria é almacenar as
instrucións do programa que vai executar o procesador, os datos que necesita dito
programa e os resultados que obteña o programa.

5. BUSES, PORTOS E RANURAS
DE EXPANSIÓN
Portos: Son conexións que enlazan a
placa principal con distintos tipos de
periféricos.
●
Portos serie ou portos COM:
tradicionalmente serven para conectar
teclados, ratos, modems, etc. Están
actualmente en desuso.
● Portos paralelo: Usados para a
conexión de impresoras e scaners.
Está sendo substituído polo USB.
● Portos PS2: usados para a conexión
de ratos e teclados nos ordenadores,
antes de que se fixera xeneralizado o
uso do USB.
● Portos USB: Tradicionais nos
ordenadores Apple, o seu uso foise
estendendo nos PC, hoxe en día a
gran maioría dos periféricos usan este
tipo de portos.
Buses: As canles de comunicación entre o procesador
e a memoria constitúen o bus principal e as canles de
comunicación entre os elementos e o resto dos
dispositivos constitúen os buses secundarios.
Ranuras de expansión: Permiten conectar á placa principal dispositivos
periféricos que se situarán dentro da caixa do ordenador. Os dispositivos
habituais que se conectan por este procedemento son tarxetas gráficas,
tarxetas de son, tarxetas de vídeo e TV, modems internos, tarxetas de rede, etc.
Nestes casos, cada tarxeta que se conecte a unha ranura de expansión sole
incorporar os seus propios portos, que poden ser moi variados en función da
misión que teñan que cumprir.

6. PERIFÉRICOS
É todo dispositivo que se poida utilizar para
introducir información, obter información ou
ámbalas dúas cousas dun ordenador.
Segundo isto os periféricos podenclasificarse en:
● Dispositivos de entrada
● Dispositivos de saída
● Dispositivos de entrada/saída.

7. Dispositivos de entrada
Permiten introducir información no ordenador.
Os mais importantes son:
● Teclado: Serve para introducir información de carácter alfanumérico,
teclado numérico, teclado de edición e teclado de función.
● Rato: Serve para introducir información de forma gráfica,
seleccionando obxectos que se representan na pantalla ou en
resposta a botóns ou enlaces.
● Escáner: Serve para introducir información gráfica no ordenador.
Dependendo do software do que se dispoña tamén pode servir para
introducir texto.
● Micrófono: Permite a introdución de información sonora ó ordenador,
para o seu almacenamento ou edición.
● WebCam: usualmente utilizada para a videoconferencia, a súa
misión é a de introducir imaxes de vídeo na computadora.

8. Dispositivos de saída
Serven para que o usuario reciba a información
elaborada polo ordenador.
● Monitor: Pantalla a través da cal se visualiza a información.
● Tarxeta gráfica: Nos ordenadores actuais o monitor non se
conecta directamente a ningún porto da placa principal,
senón que se conecta a un dispositivo intermedio
denominado tarxeta gráfica.
● Impresora: Este dispositivo permite obter información
alfanumérica e información gráfica en soporte de papel.
● Altofalantes: Conectados á tarxeta de son do PC permiten
recibir a información acústica xerada polas aplicacións
executadas.

9. Dispositivos de entrada/saída
Estes dispositivos cumpren as dúas funcións
especificadas nos apartados anteriores.
●
Tarxetas de son: permiten reproducir sons a través de altofalantes ou auriculares.
Tamén permiten introducir sons no ordenador (a través de micrófonos ou equipos de
son externos) para tratalos como información.
●
Tarxetas de vídeo e TV: similares as anteriores pero permitindo manipular imaxes en
movemento. A tarxeta de TV habitualmente dispón dunha antena para recibir o sinal
de TV.
●
Tarxetas de rede: permiten establecer comunicacións entre ordenadores.
●
Modems e tarxetas de comunicacións: permiten establecer comunicacións entre
persoas e ordenadores a través dos distintos tipos de liñas telefónicas.
●
Unidades de almacenamento externo: tamén poden ser considerados dispositivos de
entrada e saída de datos: discos duros, CD regravable, memorias USB, etc.

10. Dispositivos de entrada/saída
Estes dispositivos cumpren as dúas funcións
especificadas nos apartados anteriores.
●
Tarxetas de son: permiten reproducir sons a través de altofalantes ou auriculares.
Tamén permiten introducir sons no ordenador (a través de micrófonos ou equipos de
son externos) para tratalos como información.
●
Tarxetas de vídeo e TV: similares as anteriores pero permitindo manipular imaxes en
movemento. A tarxeta de TV habitualmente dispón dunha antena para recibir o sinal
de TV.
●
Tarxetas de rede: permiten establecer comunicacións entre ordenadores.
●
Modems e tarxetas de comunicacións: permiten establecer comunicacións entre
persoas e ordenadores a través dos distintos tipos de liñas telefónicas.
●
Unidades de almacenamento externo: tamén poden ser considerados dispositivos de
entrada e saída de datos: discos duros, CD regravable, memorias USB, etc.