Thesis in Filipino Sample

1. PANANAW AT SALOOBIN NG MGA PILING MAG-AARAL NA NASA IKALAWANG
TAON SA KURSONG MALAYANG SINING NG UNIBERSIDAD NG
JOSE RIZAL HINGGIL SA IMPLEMENTASYON
NG PROGRAMANG K-12
nina
Ron Eli Otil R. Bodota
Louise Gabrielle J. Garcia
John Alfred P. Lodronio
Joyce C. Malabanan
Ronald V. Ramos
John Rey T. Sobrevilla
Marvin John U. Villaruel
(Pangkat 4)

2. KABANATA I
Ang Suliranin at Kaligiran Nito

3. Introduksyon
Mabilis ang pagbabagong nagaganap sa bawat pag-ikot
ng ating mundo. Kabi-kabila ang mga pag-unlad sa ekonomiya at
sa larangan ng edukasyon ng ibang karatig- bansa, taliwas sa
nangyayari sa estado ng ating ekonomiya at sa sistema ng ating
edukasyon dito sa ating Inang bayan. Kaya naman nilagdaan na ni
Pangulong Benigno Aquino III para maging isang ganap na batas
ang Enhanced Basic Education Act of 2013.Ang Repulic Act No.
10533 o mas kilala sa tawag na K-12 Law ay pormal nang pinairal
sa bansa.Nakapaloob sa K-12 program ang universal
kindergarten, at dagdag na dalawang taon sa high school.

4. Introduksyon
Ang pananaliksik na ito ay naglalayong malaman ang
pananaw at saloobin ng mga piling mag-aaral na nasa ikalawang
taon sa kursong Malayang Sining ng Unibersidad ng Jose Rizal
hinggil sa implementasyon ng programang K-12. Malaki ang
bahaging gagampanan ng mga guro ukol sa usaping ito kaya
mahalagang malaman ang saloobin ng mga piling mag-aaral ng
Malayang Sining na maaaring maging guro rin sa hinaharap. Sa
pananaliksik na ito, malalaman, masasagutan at matutugunan ang
mga katanungang lingid pa sa kaalaman ng karamihan. Dito
maisisiwalat ang mabuti at di-mabuting epekto nito sa edukasyon
sda kasalukuyan at sa hinaharap. Nais ng mga mananaliksik na
maipahayag ang mga datos na kanilang nakalap sa pananaliksik
na ito.

5. Layunin ng Pag-aaral
Ang pag-aaral na ito ay isang pagtatangka upang
malaman ang pananaw at saloobin ng mga piling mag-aaral na
nasa ikalawang taon sa kursong Malayang Sining ng Unibersidad
ng Jose Rizal hinggil sa implementasyon ng programang K-12.
Layunin nitong sagutin ang mga tiyak na katanungan:
1. Ano ang pananaw ng mga respondente hinggil sa programang
K-12?
2. Ano ang kanilang damdamin sa bagong programang ito?
3. May epekto ba ito sa mga respondente at sa kurikulum na
kasalukuyang ipinatutupad?
4. Anu-ano ang mga suliraning kinakaharap ng mga mag-aaral lalo
na sa kursong Malayang Sining?

6. Kahalagahan ng Pag-aaral
Naniniwala ang mga mananaliksik na napakasignipikant
ng pag-aaral na ito sapagkat maaari itong makatulong sa mga
sumusunod:
Guro - Makakatulong ang pananaliksik na ito sa mga guro na
madagdagan ang abilidad nila sa pagtuturo. Mapapataas ang
kalidad ng edukasyon at mahahasa sila sa paraan ng knilang
pagtuturo.
Mag-aaral - Malaki ang maiaambag ng pag-aaral na ito sa mga
mag-aaral dahil madaragdagan ang kanilang kaalaman,
mapagsisikapan pa nila ang kanilang pag-aaral. Mapagtitibay din
ang relasyon ng guro at mag-aaral.

7. Kahalagahan ng Pag-aaral
Pamahalaan - Malaki ang maiaambag ng resulta ng pag-aaral na
ito sa pamahalaan dahil malalaman nila kung ano ang magiging
bunga ng paksang ito. Bukod ditto, mapag-aaralan din nila ang
pamamalakad ng Edukasyon at dapat isaalang-alang sa bawat
desisyon na kanilang gagawin at higit sa lahat lalo nilang mapapa-
unlad at mapagtitibay ang kalidad ng edukasyon.

8. Saklaw at Limitasyon ng Pag-aaral
Ang pag-aaral na ito ay nakatuon sa Pananaw at
Saloobin ng mga piling mag-aaral na nasa Ikalawang taon sa
kursong Malayang Sining ng Unibersidad ng Jose Rizal hinggil sa
implementasyon ng programang K-12. Nililimitahan nito ang pag-
aaral sa isang kolehiyong Unibersidad ng Jose Rizal. Saklaw ng
pag-aaral na ito ang pagkuha ng mga baryabol tulad ng
preperensya, saloobin, pananaw at iba pang may kaugnayan sa
paksa. Nililimitahan ang pag-aaral na ito sa Unibersidad ng Jose
Rizal. Mas lalo pang nililimitahan sa pamamagitan ng pagkuha ng
mga respondent mula sa mga piling mag-aaral ng kursong
Malayang Sining na nasa ikalawang taon.

9. Depinisyon ng mga Terminolohiya
Upang maging madali at ganap ang pagkakaintindi ng
mga mambabasa, minarapat naming bigyan ng depinisyon ang
mga sumusunod na terminolohiya batay sa kung paano ginamit
ang bawat isa sa pamanahong-papel na ito:
Ang K-12 Education Program ay karagdagang taon sa pag-aaral
ng elementarya at hayskul.
Ang kindergarten ay isang pamamaraan ng pagtuturo sa
preschool (o bago ang eskuwelahan) na tradisyunal na nakabatay
sa paglaro, pag-awit at mga praktikal na gawain tulad ng pagguhit
at pakikipag-ugnayan bilang bahagi ng paghahanda sa
pagbabago mula tahanan patungong paaralan.

10. Depinisyon ng mga Terminolohiya
Ang basic education ay tumutukoy sa buong hanay ng mga
pang-edukasyon na gawain na nagaganap sa iba't-ibang mga
setting (pormal, hindi pormal at impormal), na naglalayong
matugunan ang pangunahing pangangailangan sa pag-aaral.
Ang edukasyon ay kinabibilangan ng pagtuturo at pag-aaral ng
isang kasanayan, at saka ilang bagay na hindi masyadong
nadadama ngunit higit na malalim: ang pagbahagi ng kaalaman,
mabuting paghusga at karunungan. Isa sa mga pangunahing
layunin ng edukasyon ang ipahayag ang kultura sa mga susunod
na salinlahi.

11. Depinisyon ng mga Terminolohiya
Ang internet ay ang mga magkakabit na mga computer network
na maaaring gamitin ng mga tao sa buong mundo. Naipapadala
ang mga datos sa pamamagitan ng packet switching na gamit ang
inayunang pamantayan na Internet Protocol (IP). Binubuo ito ng
milyon-milyong pampribado, pampubliko, pampaaralan at
pampamahalaan ng mga network na may lokal hanggang
malawakang saklaw at pinagka-kaugnay sa pamamagitan ng mga
kawad na tanso, kawad na fiber-optic, wireless na kuneksyon at
iba pang teknolohiya. Dinadala nito ang mga iba't ibang
impormasyon at serbisyo, katulad ng electronic mail, online chat,
at magka-kaugnay na mga pahina ng web ng World Wide Web.
Ang mandatory ay tinatawag din na may kagustuhan ng mga
botante sa isang tao o estado na may hawak ng utos.

12. KABANATA II
Mga Kaugnay na Pag-aaral at Literatura

13. Mga Kaugnay na Pag-aaral at Literatura
Ano ang Kasaysayan ng Sistema ng K-12 na Edukasyon?
Pamilyar na ang karamihan sa ngayon sa sistema ng
edukasyon na tinatawag na K-12. Binubuo ito ng labing tatlong
grado, kindergarten hanggang ika-12 grado. Ang K-12 na sistema
ng edukasyon ay tumutukoy sa mga pampublikong sistema ng
paaralan sa Estados Unidos, Canada, UK, at ilang mga bahagi
ng Europa.
Mahirap tukuyin ang pinagmulan ng edukasyon dahil
noon pa man ay may kinamulatan nang edukasyon ang ating mga
katutubo. Para sa mga layunin ng artikulong ito, talakayin natin
ang sistemang k-12. Alam naman natin na ito ay napapanahon at
naaangkop lalo na sa Estados Unidos.

14. Mga Kaugnay na Pag-aaral at Literatura
Ayon sa pag-aaral ni Daisy B. Bornilla noong 2011 ukol
sa Kahandaan ng mga Guro ng Filipino sa Implementasyon ng
Kurikulum ng Edukasyong Pansekundarya, natuklasan na hindi pa
handa ang mga guro sa implementasyon ng Kurikulum ng
Edukasyong Pangsekondarya at katamtaman lamang ang antas
ng kanilang kaalaman ukol sa kurikulum na ito. Napag-alaman ring
mas handa ang mga guro sa malalaking paaralan kaysa sa maliliit
na paaralan sa implementasyon nito. Maaari ring maging suliranin
ng mga guro ang kakulangan sa mga kagamitang pangturo at
multimedia na maaring gamitin sa pagtuturo ng mga aralin.

15. Mga Kaugnay na Pag-aaral at Literatura
Ayon sa isa pang pag-aaral na isinagawa ni Jane
Matibag noong 2014 hinggil sa Reaksyon ng mga Mag-aaral sa
Mataas na Paaralan ng Balete, natuklasang naging maayos ang
pagkalap ng impormasyon tungkol sa bagong kurikulum na K-12.
Karamihan ng mga mag-aaral sa mataas na paaralan ng Balete ay
sumasang-ayon sa bagong kurikulum na K-12 at may kaalaman
ukol sa nasabing kurikulum. Binibigyang diin din ng mga mag-
aaral na magiging epektibo ang makabagong sistema na
ipinatupad ng Departamento ng Edukasyon.

16. Mga Kaugnay na Pag-aaral at Literatura
Ayon sa pag-aaral ni Jane Matibag noong 2014 ukol sa
Damdamin at Saloobin ng mga Piling Mag-aaral na nasa Ikapitong
Baitang sa Mataas na Paaralan ng San Isidro hinggil sa Bagong
Kurikulum na K-12,napag-alamangmarami ang naniniwala na sa
tulong ng K-12 kurikulum ay nagkakaroon ng malaking pagbabago
sa ekonomiya ng bansa dahil sa tulong ng mga guro sa
pagkakaroon ng iba’t-ibang stratehiya at sa tulong na rin ng
pamahalaan. Ayon rin ditto, malaki ang maitutulong ng K-12
kurikulum sa mga guro sapagkat maraming oportunidad na
darating sa kanila dahil sa karagdagang taon, higit na
kinakailangan ng Departamento ng Edukasyon ang karagdagang
guro dahil sa pagdadagdag ng taon at higit na makabubuti ang
ginawa ng pamahalaan upang maipa-alam sa mga mamamayan
ang epekto ng pagsasabatas ng K-12 Kurikulum.

17. KABANATA III
Disenyo at Paraan ng Pananaliksik

18. Disenyo ng Pananaliksik
Ang pag-aaral na ito ay isinagawa sa disenyo ng
pamaraang deskriptib-analitik na pananaliksik. Tinangkang
ilarawan at suriin sa pag-aaral na ito ang pananaw at saloobin ng
mga piling mag-aaral na nasa ikalawang taon sa kursong
Malayang Sining ng Unibersidad ng Jose Rizal hinggil sa
implementasyon ng programang K-12. Inalam din dito ang mga
personal at pangkaligirang baryabol ng mga respondent at sinuri
at pinaghambing ang pagkaka-ugnay ng baryasyon ng mga iyon
sa antas ng kahandaan at iba’t-ibang damdamin sa pananaliksik
ng mga respondent.

19. Mga Respondente
Ang napiling respondent sa pag-aaral na ito ay mga piling
mag-aaral na nasa ikalawang taon sa kursong Malayang Sining ng
Unibersidad ng Jose Rizal sa ikalawang semester ng taong 2015-
2016.

20. Instrumentong Pampananaliksik
Ang pag-aaral na ito ay isinasagawa sa pamamagitan
ng pagsasarbey . Ang mananaliksik ay naghanda ng isang
talatanungan na naglalayong makapangalap ng mga datos
upang masuri ang kahandaan at damdamin ng mga
respondente sa pananaliksik at korelasyon niyon sa ilang
mga piling personal at pangkaligirang baryabol.
Nagsagawa rin ng pangangalap ng mga
impormasyon ang mananaliksik sa hanguan ng aklatan ,
katulad ng aklat, tisis, at maging sa internet.

21. Tritment ng mga Datos
Dahil sa pamanahong papel na ito ay pasimulang
pag-aaral pa lamang at hindi naman isang pangangailangan
sa pagtatamo ng isang digri kung kayat ginamit lamang ang
porsyento o bilang o dami lamang ng mga pumili sa bawat
aytem sa talatanungan ang inalam ng mananaliksik, nagging
madali para sa mananaliksik ang pagkuha ng porsyento dahil
bawat dami ng bilang ay awtomatikong katumbas sa
porsyento niyon.
Kung saan:
P=f/n x 100
P=porsyento
F= dalas ng paggamit
N= bilang ng respondente

22. Sanggunian
•http://www.untvweb.com/news/k-12-bill-ganap-nang-isang-batas/
•http://translate.google.com.ph/translate?hl=tl&sl=en&u=http://www.wisegeek.com/wh
at-is-the-history-of-the-k-12-
educationsystem.htm&ei=HWkoTavqEofnrAeE4fiaDA&sa=X&oi=translate&ct=result&r
esnum=2&ved=0CCkQ7gEwAQ&prev=/search%3Fq%3Dk%2B12%2Beducation%2B
system%26hl%3Dtl%26biw%3D1024%26bih%3D546%26prmd%3Divns
•Pananaliksik ni Daisy B. Bornilla (2011)
Kahandaan ng mga Guro ng Filipino sa Implementasyon ng Kurikulum ng
Edukasyong Pangsekondarya
•Pananaliksik ni Jane Matibag (2014)
Damdamin at Saloobin ng mga Mag-aaral na nasa Ikapitong Baitang sa Mataas na
Paaralan ng San Isidro hinggil sa Bagong Kurikulum na K-12
•Pananaliksik ni Jane Matibag (2014)
Reaksyon ng mga Mag-aaral sa Mataas na Paaralan ng Balete

23. Maraming Salamat Po!