1. Dende a biblioteca “Avelaiona
Luíña” dámosvos a benvida a
este novo curso, que como
sempre chega cargado de
actividades divertidas, a pesar
das circunstancias nas que nos
atopamos.
Desta volta imos afondar no
proxecto do curso pasado, pero
dende unha visión nova,
relacionándoo co COVID-19 e a
cantidade de desperdicios que implica: luvas de plástico, máscaras quirúrxicas, botes de hidroxel…
Dende que comezamos co problema do COVID estamos vendo que a contaminación está aumentando,
pois por todas partes vemos lixo tirado: no mar, nos ríos, no monte… e polo chan de cidades, vilas e
aldeas. E dado que o curso pasado non puidemos indagar no tema do coidado do medio ambiente tanto
como nos gustaría, Luíña volve a propoñernos un ano máis, investigar sobre esta problemática
buscando información, observando a nosa contorna, propoñendo ideas creativas e innovadoras, etc.
Luíña cree que os nenos e as nenas podedes ensinarlle aos maiores a coidar o planeta para poder ter
un mundo mellor no que vivir, máis san, máis limpo e máis ecolóxico. Anímadesvos a axudarlle a Luíña
nesta gran aventura?
