Recommandé
Contenu connexe
Tendances
Tendances (20)
En vedette
En vedette (18)
Similaire à NDEBELE POEMS - Inkondlo zikasibeko
Similaire à NDEBELE POEMS - Inkondlo zikasibeko (20)
Dernier
Dernier (20)
NDEBELE POEMS - Inkondlo zikasibeko
- 1. EZIKAMAZIYAMCOLO NGIZOMA LAPHAKADE Lintonga yami ngizoyisebenisa Linkemba yami ngizohlaba ngayo Lindaba yami ngizoyiqhubela phambili Ngisizeni bo ngime lanini! Bazile ngobusuku Bangithuka, ngabaleka kwehl’ izithuku Batsho bengidlel’ amandla sankukhu Badl’ elam’ ifa ngabayisithutha Ngisizeni bakwethu ngingaweli kulowaya mkhukhu Ngizolwa mihla yonke Ngizosebenza laphakade Ngemfundo zizovuleka ingqondo Ngokuzimisela ngizokweq’ imigoqo Ngempela ngizoma laphakade Lithe litshisa bhe elikaMlimu Batsho sebethelekile abanganakimlamu Bangidonsa ngenwele
- 2. Phela ngomile Ngingela mandla, ngifelwe Bathath’ impahla yami bayabelana Baqeda bafulathela, kwangathi angisiyemuntu Ngisizeni bo nginqobe lez’ izitha zami Njengoba ngithi ngizoma laphakade Angazi ngoma ngaziph’ inyawo Bhek’ umhlab’ usungigec’ okuyimdozwana kwami Ngizothetha ngaziph’ indebe Nanko phela senginqondwa ngamatshe Ngisizeni bo nang’ omunye sengithathela okuvimb’ indlal’ ekhaya Balitheth’ ilifa lami Bebethi liphelil’ ithemba lami Kanti qha, akunjalo Ngokholo ngiyazi uMdali umi lami Ngaye ngiyazi ukuthi ngempela Ngizoma laphakade. NGOMLOMO Ngomlomo wami, ngingakwenza konke Ngingawakha amadolobho –ngomlomo Ngingazidiliz’ izintaba –ngomlomo
- 3. Ngingakudala okuhle kulomuntu –ngomlomo Ngingaxabana labantu –ngomlomo Ngingathandana labantu –ngomlomo Awu bakithi ngiyinkosi –ngalomlomo! Ngithe ngiding’uthando bengithemb’umlomo Kude le, ngalufumana –ngomlomo Bengilamba ensukwini ezedlule Namhla ngisuth’ okonanana –ngenxa yalomlomo Bengibala, ngifunda kodwa ngisemnyameni Namhla sekuthe dlwe engqondweni –ngenxa yomlomo Awu bakithi ngizengakuthola lokukhulu kahulu, okungelamkhulu Okwezwe elihle kakhulu, lona elibuswa nguNkululunkulu Yebo! Insindiso ngayithola ngowami lo, umlomo Ngempela ngiqinisile, olomlomo ulakonke Olomlomo akalahleki Olomlomo akahlupheki Olomlomo akalambi –uyasutha Olomlomo ulabantu Ngitsh’ izitha konke labangane Olomlomo ulenoth’ emhlabeni Phel’ umlomo ungagcwalelw’mfula Yebo! Umlomo ulamandl’ impela
- 4. Um’ usetshenziswa kuhle, kuphela Ngalomlomo ngiyinkosi Ngob’ umlomo wakh’ ababusi Ubuye ubalahl’ abanye phansi Umlomo uyasivez’ isimilo somuntu Ngob’ odl’ esulela phansi sankukhu Uvele athiwe kabongi Ngob’ ekwenza ngomlomo Konke lokhu kwenziwa yiNkosi Layo eyathemb’ umlomo kusukel’ endulo Phela nank’ umhlab’ ungaka Konke kukhona ngenxa yomlomo Oh! Bakithi ngalomlomo! HLEKA PHELA Sengiyakuzame, kawuzameki Sengiyakusize, kawusizeki Kanti unjani vele wena Kuthab’ uzulu Wena kawutshwaphuluki, Uhlezi, uthule uthe zwi. Asazi mhlawumbe uyisimungulu
- 5. Esikufisayo yikulibon’ ezakh’ insini Ngikuthengel’ impahl’ entsha Qha ukubonga Ngikugadis’ indizamshina Qha ukuvez’ isikhewu Ngikwenzele lokhu lalokhuya Qha ukubobotheka Oh! Bakithi, pho ngumuntu bani lo? Hlekelela mfokababa! Vez’ izinyo lawe, uyek’ ukubaba Mhlawumbe ungezwa ngcono Mhlawumbe bengahleka abakwenu Hlekelela phela! Ngitsho lalosane lwakho solukhathazekile Ngitsho lesithandwa sakho sithithibele Yek’ ukuba duma Ngithemba mhla wovez’izinyo lezulu lizaduma! Pho ufunani mzala wami? Uthandani mtshana wami? Wamthatha umaDube –wehlukeka Njengekhasi lebhanana, wamphosa le
- 6. Weza lowakoGumede Watsho laye elandela okwephetshana lesinkwa Ngitsho levithikazi lakoNcube Obekade ezothile, ethokozisa, wehlulekile Pho uhlezwi yini? Ulani mntaka baba? Ake ujabula lathi bo! Wenziwa yini kambe?. Ngitshela. Umlomo usuze wahloba Amehlo ahlez’ ebomvu gebhu Kungaba zimbanje na, phela bakuthi uyis’ bhevu? Ngitsho amazinyo lithanga Aloqweqwe olwembes’ iphunga Lokudla kufik’ emphinjeni sokukhuntile Siz’ ungazise,bheka ngikhathazekile Wenziwa ngumhawu na? Wenziwa yimimoya na? Ngitsho lanxa owangwakho enqobile Ukhala ngokuthi yin indaba wehlulekile Awu! Mntaka mama – zinuk’ amakhwapha! Uvuke sokusile Sebenza nzima uzaz’ unqobe Thina sifun’ uthabe
- 7. Sizolindela ukulibon’ elakh’ elomhlathi! LEZONSUKU Kanje lamuhla ngolunye usuku Lakusasa ngolunye usuku Kodw’ olwayizolo belulukhulu Yikho nje ngisithi Ngiyazikhumbula lezonsuku Ngihlezi phansi Ngaphansi komthunz’ omganu Ngithule nje ngiyanakana Lezonsuku sisathand’ ukulala Sisahlala ndawonye singafana Kulawaya maxhiba, angemakhulu okuyizindlwana nje Ezosivus’emathathakus’ umadala Esibhul’ okonanana Ngobukhwele zivele sikhalakhale Asitshel’ ukuthi umntwan’ ukhula ngokukhala Beq’abanye beyedlala lamanzi Thin’ esaxabana lengwenya Sihlikihl’ ubuso lenyawo Siqond’ emkulwini Sibeludwende sifun’ ipoyoyo
- 8. Sisuke lapho siye esikolo Ikhale njalo eyohololo Siqonde kulowaya mkulu njalo Senz’ oluny’ udwendwe Sesifuna amadombolo Sixokozele siding’ ukuphind’ umphehlo Phel’ imtha ngokuphindwa Nxa sezithe khamfu Sibuyel’ emaklasini njalo Abuy’ umbalisi lenombolo Ziphele lazo kukhal’enye njalo Efana leyayizolo Sifike eDani, likhuleke iporo Sisaginy’ esilendumba, Sizwe esemphind’ uAmeni, ukoporo Manje sekwaphela konke lokho Sikhula njalo nje sikhal’ umkhosi munye: Awu! Bakithi sezayaphi lezonsuku! FUNDNINI IZINDABA Fundani we bafundi Lilob’ indaba bafundi Libalisise, libuzisise lez’ izindaba
- 9. Lingabi ngomamgobhoz’ abatheth’ izindaba Lihambe liyefunda khonale eZulukandaba Limthand’ umbalis’ uNdaba Ongakhathaliyo ohlal’ ePhelandaba Kulokuthi lithand’ ezabant’ indaba Zon’ ezizalisa emthethwandaba Lapho elizamfic’ edwadlil’ umfokaNdaba Ololuny’ okukaZwangendaba Kungabakuhle bathethi, lizilobe lezondaba Lizinik’ intathel’indaba Ezizazisa kumaphephandaba Lapho ezizabalwa ngabathand’ izindaba Fundanini indaba lezi mahlabezulu Phela limnandi liyahlabusa iphepha likazulu Livez’ iqiniso yikho lilenteng’ephezulu Lasemakhaya bayalithand’ amahlabezulu Ikakhulu abalimisi ngoba liyatsho langezulu Labebhola bayalazi ngoba liez’ indaba yeAmazulu Awu! Bakithi laze langilibazis’ elikazulu Yilo leli eselithengwa ngamaZulu Ngikhuluma nje othathel’ izindaba ngumfokaZulu, UMgomezulu Ngakho-ke fundanini lezindaba bantu bakazulu!