Presentation by Andreas Schleicher Tackling the School Absenteeism Crisis 30 ...
Takht, Taj Aur Waqt Kisi Kay Sagay Nahain
1. Takht, Taj Aur Waqt Kisi Kay
Sagay Nahain
Maqsood Hasni
Abuzar Barqi Kutab'khana
July 2016
2. Takht, Taj Aur Waqt Kisi Kay Sagay
Nahain
Riyasat apna nazam-e-hakomat chalanay
aur apni afradi qovat ki ista'ad-e-kar
main mukhtalif hawaloun aur tariqoun
say azafay, skilled karnay,
shaour-o-aaghi say behra'mand karnay,
moashi, siyasi aur samaji insaf mayassar
karnay, oon ki zindagi ko aasan aur
asuda bananay aur onhain sehat'mand
rakhnay kay liay mukhtalif qisam kay
3. aeni tariqa say tax nafaz karti hai.
Riyasat shakhas ki haisiat waghera ko bhi
is zimun main mad-e-nazar rakhti hai
aur la'yaeni aur gher'mota'alaq tax aed
nahain karti. Ta'kah baichaini parishani
aur haisiat ki kamzori waqo main na
aa'ay. Jaez aur monasab hasal kiay ga'ay
tax say riyasat aeni aur riyasti adaroon
ko mazboot karti hai ta'kah wo behtar
tariqa say riyast kay logoun ki khidmat
anjam day sakain.
Jis riyasat main moamla is kay bar'akas
ho jata hai wahan kharabi kay
4. bai'shumaar rastay khul jatay hain.
maslan:
a. 1. logoun ka maal jo tax kay zariay say
hasal kiya giya hota hai, Houses ki tamer
tazein-o-araesh par kharch honay lagta
hai.
2. houses ka kichan zarorat say ziyada
farakh ho jata hai.
3. houses kay logoun kay paiat bhi
qabal-e-mazamat haad tak bhar jatay
hain. Is tara Is maqolay ko amli shakl mil
jati hai:
"kama'ay gi dunyaan khaein gay hum"
5. b. la'yaeni doroun par bai'daraigh ropay
lota'ay jatay hain aur os ka return qoum
ko sifar ki surat main milta hai. haan
vadairoun kay saiar sapatay zarour ho
jatay hain.
c. houses ki haisiat logoun kay liay
gher'mowassar aur bai'kar ho kar reh jati
hai. logoun ko wahaan say kuch hasal
nahain ho pata.
d. shashas to shakhas, adaray tak
khadam nahain makhdoon ho jatay hain
aur wo siraf aur siraf in houses kay liay
kaam kartay hain. logoun ko wahan say
dhakay, dabao, daraway, dhamkiaan aur
6. jirkiaan milti hain.
e. rishvat ki taraf janay walay rastay
ziyada ho jatay hain. log jis rastay par
bhi chaltay hain os ka ikhtatam rishvat
kay darwazay par hota hai.
f. bai'tahasha tax ki vasoli kay ba'vajoud
puri nahain parti lihaza baroni qaraz
main nijaat samjhi jati hai. is tara
dosroun kay samnay sharmindgi othana
parti hai
halakah damun kay motabaq khud
riyasat kay andar mojood hota aur rehta
hai.
g. Molak kay sar'barah qimati libas main
7. malbous ho kar bheek mangnay jatay
hain aur tazheek ka nishana bantay hain.
h. jab houses kay log jinhain misali samjha
jana chahiay, ghalt ho jatay hain to khud
logoon kay ghalt honay main dair nahain
lagti.
i. fard zaat kay khoul say nahain nikal
pata aur her tariqa say apnay faeday kay
liay tag-o-doo karta hai chahay is say
kisi aur ka ya riyasat ka kitna hi noqsan
kayoun na ho raha ho.
j. insaaf mazaaq aur bakaou maal ho kar
reh jata hai.
k. aaghi kay rastoon par kharch honay
8. wali raqam ko fazoul aur gher paidawari
samjha janay lagta hai.
aaghi say motala'aq adaray tamatar aur
aalu ki haisiat ikhtayar kar laitay hain
aur onhain maal'dhur logoun kay hath
baich diya jata hai. is tara:
1- in adaroun ka miyaar gir jata hai.
2- aam admi ki ponch say dour ho
jatay hain. natija-e-kar:
a. oon tak aam logoun ki mali hawala say
rasaee dam toor daiti.
b. bipari aur taleem say gher motalaq
bal'kah kitab'dushmun aaghi kay bai'taj
9. badshah ban jatay hain.
c. whaan say milnay wali aaghi, aaghi kay
naam par gandgi ki tikka hoti hai.
d. qarz farahum karnay wali qovatoun
kay talimi adaroon ko miyari aur
boland'paya samjha janay lagta hai aur
oon kay qadmoun par chalnay ki koshesh
ki jati hai halankah wo oon kay kalchar
kay motabaq bana'ay gay hotay hain. oon
ka nisaab bhi oon kay mazaj aur zarorat
kay motabaq
tarkeeb-o-tasheel kiya giya hota hai.
e. auroun kay dabao main aa kar riyasti
10. zaroratoun asoloun aur nazriyati chizoon
ko hazaf kar diya jata hai.
f. qaraz'dahinda qovat ki zoban ko
bala'tar samjha jata hai aur ossi main,
ossi kay zair-e-assar aur ossi qoum kay
mafadaat kay hawala say taleem di janay
lagti hai.
k. shakhas her lamha baiyaqini kay tanoor
main jalta aur sulgata rehta hai.
l. "choor ochakay chudri aur ghundi run
pardhan"ban jati hai.
m. gher'aeni taxes ki bhar'maar ho jati
hai.
11. n. foj ko apnay mokhalif logoun/fariqoun
ya qaraz'dahinda kay mokhalif
logoun/fariqoun kay liay istamal kya jata
hai.
o. zakar ki tawanaee aur kamil
sehat'mandi kay liay sarkari khazanay
lota'ay jatay hain.
Yah to siraf chand eak batain hain jin ka
mein nay opar zikr kya hai.
Baishumaar qorbaniaan day kar hasal
kiya giya Pakistan in qabahatoun ka
shakaar ho giya hai. Log sochnay par
majboor ho gay hain kah agar yahhi
12. surat-e-haal aur chalan rehna tha to
issay hasal karnay ki aakhir zarorat kya
thi.
Aaj Bharat aur gher muslim molkoun
main musalman aabad hain aur apnay
apnay zouq, zarorat, hunar aur halaat
kay motabaq zindgi kar rahay hain. Apna
damun bachanay kay liay manfi asraat
kamoun ka kabhi kabhi rola dala jata hai
kah ji woh mar gay khap ga'ay halankah
aisi koee baat hoti hi nahain aur na hi
wahan ki foj apnoun par goliaan barsa
rahi hoti hai. pols chitatar maar rahi hoti
13. hai ya pols moqblay main mokhalfoun ko
mara ja raha hota hai.
Hamaray haan maghrab ki tara kay 16
sala BA ka rola dala ja raha hai jab'kah
hamara pehlay hi 17 sala BA hota hai.
pehli tak aatay aatay 3 saal laga diay
jatay hain. es tara abtada mazboot
karnay ki koshesh ki jati hai.
Pehli tak aatay aatay jo 3 saal lag jatay
hain kya wo instarakshan (instruction) ka
amal/hissa nahain hain?!
14. kya yah yahaan kay taleem'yafta yang
shehri say amli zindgi kay 2 saal chein
lainay ki danista sazesh nahain?!
Shaed yah sazesh is liay ki ja rahi hai kah
17 saal parh kar taleem'yafta yang shehri
nokri mangay ga lihaza ossay mazeed
instarakshan kay amal main olja dou.
Jab yahaan adaray mazboot hoon gay
kaam karnay kay midan khulay aur
wasee hoon gay to phir kisi ko bahar ja
15. kar goroon kay kotoon ko nehlanay ki
bhala kya zarorat ho gi. yah bilkul ghalt
aur baibonyad baat hai kah maghrab kay
log yahaan kay logoon say bhar'kar hain.
hamaray log:
1. maghrab waloon say kahein ziyada
zahein-o-fatein hain. mairi is baat ka
wazay aur zinda saboot yah kah koee bhi
faran made cheez aati hai to os ki eak
nahain kaee naqool market main aa jati
hain aur baz asal say bhi kar'gozari main
behtar aur bhar'kar hoti hain. in naqool
kay tiyar karnay walay shakago return
nahain hotay baz to sakool bhi nahain gay
16. hotay onhoon nay edher odher say kuch
na'kuch sikha hota hai.
2. sabr aur bardast ki ziyada qovat
rakhtay hain.
3. bai'haad mehnati hain.
4. ziyada waqt kaam kar saktay hain aur
kartay hain.
5. kaam ko ziyada waqt day saktay hain
aur bohat kam moavzay main daitay bhi
hain.
6. hamaray haan aksiriat aisay logoon ki
hai jo kabhi ba'qaeda instarakshan kay
amal say gozray hi nahain hotay laikin
17. kaam ala parhay likhay logoon say
bhar'kar, kar jatay hain.
zara balal ganj kay kisi unparh kharadiay
say mil kar to daikhain aur ossay wo
kaam soonmp dain jo maghrab kay kisi
professor/saens'dan nay kiya hota hai.
woh kahein behtar aur kahein paedar kar
day ga. mein apni is baat ki sanad kay
liay "naam'dav"* aur ayub abbasi"** ko
hawala bananay main koee aar nahain
samjhta.
7. hamari jawan parhi likhi nasal bari
la'jawab aur mehnati hai. wo behtar aur
kam'waqt main acha aur pae'dar kaam
18. karnay ki ehliat rakhti hai. baad'qismati
say ossay mowaqay hasal nahain ho
patat.
khuda kay liay:
* is qoom par reham karain aur is kay
wasael ayashi aur baad'mashi main na
oraein.
** jawanoon say kaam aur amli zindgi
kay 2 saal na chinay jaein.
*** taleem ko biparioun kay hath na
baichain.
**** adaroon ko awaam ka khadam
banaya ja'ay aur onhain awaam kay liay
19. kaam karnay par majboor kiya ja'ay.
***** oudhaar ki dokandari band karain.
Bawar rahay takht taj aur waqt kisi ka
sagay nahain. Waqt kay liay opar say
nichay aur nichay say opar lana aur lay
jana mushkal ya na'mokin nahain.
Pehloun kay hashr say ibrat lain warna
Allah ki lathi bai'aawaz hai aur os kay
ghar dair hai, andhair nahain. Mein in
satoor kay zariay ba'ikhtayar tabqoun ko
chitavni daita houn kah oon ka hashr
bohat hi bora ho ga yahhi nahain wo kal
ko Allah kay hazoor koon'sa monh lay kar
jaein gay?!
20. ------------------------
* khaka, Chand Humasar az Dr. Molvi
Abdul Haq Sahib
** Khaka, Hum'nafsan-e-rafta az Prof.
Raseed Ahmad Sadiqi Sahib
_________________
Sat Mar 03, 2012 11:18 pm
I K QAZI
Moderator
Germany
21. Dunya Mey Wo Qoamein Taraqi Karthi
Hain Jo sab sey pehlay Apni Tarjeehaat
Ka Tahaiyun karthi Hain.Jiney Apnay
Nizaam aur Sood O Ziyaan Ka Ahsaas
Ho.Hum ney Tou Ba hesiat e Qaom Abhi
Tak Teh hi Nahih Kiya K Koansa Tarz e
Hakoomat Ya Nizaam Humari Zameeni
Haqaiq Ki Sahih Tarjumani Kar K Unn Ka
Hamali Hal Humey Fraham Kartha
hai.Waisey Nizaam ya Tarz e hakoomat
Ba Zaat e Khud Koi Bhi Acha Burra
Nahih hota.Balkay Iss Ko Chalanay Waley
Ki Khaloos e Niat,Salahiyat aur Uss Ka
22. Kirdaar Iss Mey Numaya Kaam sar
Anjaam Dehta HaiHum Loag Maghrabi
Jamooriaya Ki Bhondi,Be Ja Taqleed
Balkay Iss Ka Raag Tou Allaptay Rehtay
Hain Lehkin Hum Ney Kabhi Bhi Iss Ka
Na Tou Beejh Boaja Hai.Nahi Humney Iss
K Liye Zameen Humwaar Ki Hai Aur
Nahi Humaray Paas Iss Maghrabi
Jamooriat K Kamyaabi K Lawaazmaat
Mojood Hain.Har Aik Hawa Mey Muhalik
Jamooriat Ka Tazkara kartha hai.Uss Ki
Khoobiyan Bayan Kartha Hai.Lehkin Iss K
Liye Jin Aqdaar ko apnaney Ki Zaroorat
Hoti hai.Wo iss sey Mubaraa Hota Hai.Tou
Aisey Mey Ye Muhaliq Nizaam Kaisey
23. Phalay/Phoolay Ga.Kis Tarah Hum Iss K
Meetay Samaraat sey Hum Mustafeed Ya
Lutaf andoz ho Sakengain.Jab 64 saal
Guzarnay K baad Bhi Hum Mey Wo
Shahoor Ujagar Nahih Huwa Jo k humey
Iss Qabil Bana saka Ho K Hum Achay
Burray,Kalay Aur Safaid Mey Farq Kar
saken.Sahih Numaindon Ka Intikhab Kar
saken.Aur Jin Loagon Ko Hum Muntakhib
Kar Lehtay Hain Tou Unn sey Kis Tarah
Jawab Talab kar saken.ya wo Kis tarah
Humey Jawab talab Hon.Ajj Tak Hum
Loag Janwaron K Raiwarr Ki Tarah Har
Murli/Baasari Bajanay Waley K Peechay
Andhi Taqleed Mey Chal Parrthay
24. Hain.Aik Aur Wazeha Farq Jo Maghrib
Aur Hum Mey Wazeha Hai K Wo Loag Dil
O Jaan Sey Apni Siasat Mey Bila wasta
Ya Phir Bil Wasta Shareeq Hotay Hain.Wo
Apney Numaindon Ka Intikhab Qaomi
Mufaad Mey Kartay Hain.Jin K Samaraat
Phir Un Tak Bhi Poanchtay Hain.Jab K
Hum Loag Pehlay Tou Apni Pait Ki
Soachtay Hain.Apney Zaati Mufadaat Ka
Aur Phir Zaat/Biradari,Siasi
Wabastagion,Be Ja shaksiayat
Parasti,Zaati Pasand/Na Pasand
Waghaira Ki Buniyaad Par Siasi
Jamahaton Ya Numaindo ko Muntakhib
Kartay Hain.Intikhab K Baad Is Raij
25. Farsooda Nizaam Mey Na Tou Humara
Hisa hota Hai Nahi Dilchaspi Barqaraar
Rehti Hai.Jab Tak Hum Shaoori Taor Sey
Baidaar Nahih Hongain.Apni Tarjeehaat
Ka Taahaiyun Nahih Karengain Tou
Humari iss dagargoon Halat Mey Koi
Numaya Tabdeeli aanay Ka Koi Imkaan
Nahih.Tha aankay Hum Loag Aik
muntashir Rewarron Ki Bajay Aik Zinda
qaom Honay Ka Saboot Hamli Taor sey
Fraham Karen.Yani Humey Apni Zaati
Mufadaat,Zaat/Biradari,Shaksiyat
parasti,Andhi Taqleed,Siasi wabastagion
waghaira K Khoalon(Shells) Sey Nikar Kar
Qaom Ki Ijtemai Mufaad mey Faislay aur
26. Iqdaam nahih Karengain.Ye ab Humaray
Soachnay ki aur Samajhnay Ki Baat Bhi
Hai Aur humaray Liye Lamha e Firiya
Bhi.
_________________
Mon Mar 05, 2012 5:08 pm
Dr Maqsood Hasni
punjab
aap ne tovajo farmaee es ke liay
ehsan'mand houn.
aap ne darust farmaya hai.
27. _________________
Thu Mar 08, 2012 2:36 pm
I K QAZI
Moderator
Germany
Bhai!! Hum Loag Khud Apnay Dushman
Hain.Is Liye K Hum Ney Islam ki Sahih
Rooh aur Taleemat Sey Roogardaani K
Murtakib Huway Hain.Isi Liye Humey
Apnay Kiye Ki Saza Mil Rahi Hai.Hum
Par Na Ehl,Bad Unwaan aur Ghair Mulki
28. Agent Ba Taor Hukmaraan Musalat Kar
Diye Gaye Hain.Humar Mulk Aur
Mohashra Andar sey Khoakla Ho Kar
Toot Poot Ka Shikaar hai.Jis Ki Waja Sey
Bahir Ki Dushman Qouwaton ko Dakhal
Andaazi Ka Mohqa Milta Hai.
Kis Da Dosh si Kis Da Nahi Si
Aey Galaan Hun Karan Diyan Nahi
Veley Lang Gaey Tauba Waley
Jo Hoya ey Hona ee Si
29. Te Honi Rokyan Rukdi Nahi
Gal Fir Eiven Mukdi Nahi
Kuj Unj Vi Rahvaan Okhiyan San
Kuj Gal Vich Gham Da Tauk Vi Si
Kuj Sheher De Lok Vi Zaalim San
Kuj Saanu Maran Da Shok Vi Si
_________________
Thu Mar 08, 2012 8:45 pm
Dr Maqsood Hasni
30. punjab
aap darust farmatay hain baat issi tara
se hai
_________________
Read more:
http://www.forumpakistan.com/pakistan-dushmun-apna
y-ya-gher-hain-t85953.html#ixzz4FhUID56C
31. Takht, Taj Aur Waqt Kisi Kay
Sagay Nahain
Maqsood Hasni
Abuzar Barqi Kutab'khana
July 2016