Exercio para traballar os privilexios de sexo, xénero, orientacion sexual, cis, de clase, de raza, de capacidade ou procedencia

1. Hai un elefante rosa no salón

2. Podo ter a confianza de que ninguén
pensará que conseguín un traballo polo
meu sexo.

3. Podo estar segura de que sempre que viaxe
vou atopar produtos para o meu cabelo ou
cosméticos da miña cor de pel.

4. Podo demostrar afecto pola miña parella
sentimental, estea onde estea, sen medo
a ser incomodada ou a vivir un episodio
de violencia.

5. Sei con seguridade que se non promociono
ou ascendo nun traballo, non será nunca
por nada relacionado co meu xénero.

6. Nunca vivín unha situación na que se
burlaran ou ridiculizaran o meu acento.

7. Nunca fun a única persoa da miña raza ou
orientación sexual nun traballo ou nunha
clase.

8. Teño nacionalidade española.

9. Onde vivo os días festivos son os da miña
relixión.

10. Non precisei nunca de bolsa de estudos.

11. Nunca se atribuíron os meus erros a algo
que non tivera que ver coa miña
habilidade ou aptitudes individuais.

12. A miña nai ou o meu pai non traballaban
noites nin fins de semana.

13. Se decido non ter descendencia a miña
identidade de xénero non será posta en
dúbida.

14. Se teño crianzas e lles proporciono os
coidados básicos, recibirei afagos se son
lixeiramente competente.

15. As posibilidades de que as miñas
representantes electas sexan coma min
son moi altas. Canto máis alto e
prestixioso sexa o posto, máis certo será.

16. De crianza nunca tiven que buscar
referentes positivos, activos e non
estereotipados con quen identificarme
alén das canles convencionais.

17. Podo ter a confianza de que, na grande
maioria dos casos, se pido ver «á persoa
responsable» será alguén con quen me
identifico.

18. Non se espera que estea constantemente
defendendo as miñas decisións médicas.

19. A seguridade social non me exclúe
específicamente de recibir determinados
tratamentos ou beneficios a causa da
miña identidade de xénero ou orientación
sexual.

20. Se teño un mal día ninguén me vai
preguntar polo estado do meu ciclo
hormonal.

21. Non teño que preocuparme sobre se
poderei atopar un baño ou vestiario
seguro e accesible.

22. A miña identidade de sexo, xénero ou
orientación sexual nunca foi considerada
unha enfermidade mental.

23. Non se espera que estea constantemente
defendendo as miñas decisións médicas.

24. Se teño que mudarme, podo estar segura
de que poderei alugar ou mercar unha
vivenda nunha zona na que poida
permitirme vivir e desexe vivir.

25. A validez da miña identidade non se basea
en canto me operei.

26. Persoas que non coñezo non asumen que
poidan preguntarme cómo son os meus
xenitais nin cómo manteño relacións
sexuais.

27. Se teño descoidos na miña condución non
será atribuído ao meu sexo.

28. Se non entro nun canon normativo de
beleza, as desvantaxes serán pequenas e
facilmente ignorables.

29. Podo berrar sen que ninguén me califique
de histérica.

30. A decisión de contratarme nunca estará
baseada en suposicións sobre a miña
decisión de ter ou non descendencia.

31. Cando comparto as tarefas domésticas
cunha persoa do sexo contrario ao meu é
posible que a outra faga a maior parte do
traballo, en particular as tarefas máis
repetitivas e desagradecidas.

32. Non recibo constantes mensaxes sociais
para que adelgace.

33. Se manteño relacións con moita xente, non
serei cuestionada nin ninguén se burlará
de min.

34. Podo conectar a televisión ou botar un
vistazo aos xornais e ver a xente do meu
sexo sobrerrepresentada.

35. E ti, que privilexios tes??