CEIP de Celeiro

1. En colaboración con Radio Foz, Tá en artes vai a celebrar o dia internacional da Arte o 16 de abril luns, ás 19 horas
dende as instalacións do CENIMA nun programa en direto, e ca intención de tomarlle o pulso ó ambiente artístico
da Comarca. Queremos realizar un amplo debate, no que se poñan enriba da mesa os pensamentos e iniciativas
neste tema, dende o mundo da Arte, polo que invitaremos a todos e todas artistas da Mariña, o mundo da política
comarcal, cos alcaldes que gobernan e os partidos políticos da Comarca, presidente da Mancomunidade, Técnicos
culturais dos concellos, Medios de Comunicación, e entidades que regularmente desenvolven esta labor de
promoción da Arte dende o ámbito privado.
Queremos ante todo, como Asociación cultural centrada no mundo da creación artística plástica saber que
implicación real existe na Mariña con respecto a esta actividade.
Queremos saber si existe a necesidade dun ambiente artístico tanto particular das vilas como en xeral da Comarca, e
si este pode ser canalizado dende a particularidade de cada concello cara un centro común como podería ser o
CENIMA de Foz como escaparate tanto cara ó exterior da Comarca, como recoller a proposta exterior para ser
mostrada na comarca.
Queremos saber tamén si o mundo artístico é capaz de vertebrar un tecido produtivo, entendendo o termino
dende a educación, como na propia proposta cara ó reclamo exterior.
Queremos saber si a Mariña ten capacidade para dar unha resposta seria ó mundo da arte, dende y para a Mariña.
Queremos pulsar a opinión dos medios de comunicación para saber o volume de información que se transmite nese
campo. Así mesmo como articulan os Concellos a súa oferta artística.
Queremos que o programa sexa dinámico e poda intervir aquel que o desexe, partindo de tempos curtas, e
exposicións claras .
A intervención de introdución á problemática, farase dende a propia asociación Tá en artes, un representante dos/as
artistas, o presidente da Mancomunidade e o alcalde de Foz, un representante dos medios de comunicacións, nun
principio, para pasar a palabra a o resto dos/as asistentes e intentar establecer un coloquio para esclarecer as
dúbidas que podan ir xurdindo.
Tamén convidamos á poboación en xeneral, que teña algo que dicir.
En Viveiro 11/4/2018.